கன்னியாகுமரி :
இரணியல் அருகே உள்ள ஆளூர் பகுதியை அடுத்த தோப்புவிளையை சேர்ந்தவர் ஜெயபாஸ்கர். இவரது மகள் அஸ்வினி (வயது25).
இவர் கொடுப்பைக்குழி யில் உள்ள ஒரு வலை கம்பெனியில் வேலை பார்த்து வருகிறார். நேற்று முன்தினம் வீட்டில் இருந்து கம்பெனிக்கு சென்று வருவதாக கூறி புறப்பட்டுச் சென்றார். அதன்பிறகு மாலையில் அஸ்வினி வீடு திரும்ப வில்லை.
உறவினர்கள் வீடு உட்பட பல இடங்களில் தேடியும் அவரை கண்டுபிடிக்க முடியவில்லை.இது குறித்து அவரது தந்தை ஜெயபாஸ்கர், இரணியல் போலீசில் புகார் செய்தார். புகாரின்பேரில் போலீசார் வழக்குப்பதிவு செய்து மாயமான அஸ்வினியை தேடி வருகின்றனர்.
இரணியல் அருகே உள்ள ஆலங்கோடு பகுதியைச் சேர்ந்தவர் ஜோஸ் (37), கட்டிட தொழிலாளி. இவரது மனைவி மேழ்சி (35). இவர்களது மகள் ஜாஸ்மின் லியா (5). நேற்று முன்தினம் ஜோஸ் வேலைக்கு சென்று விட்டார்.
பின்னர் மதியம் வந்து பார்த்த போது மனைவியையும் குழந்தையையும் காணாது அதிர்ச்சி அடைந்தார். மேலும் வீட்டில் இருந்த 40 பவுன் நகைகளும் மாயமாகி இருந்தது. அதனை மேழ்சி எடுத்துச் சென்றிருக்கலாம் என தெரிகிறது.
இதுகுறித்து ஜோஸ், இரணியல் போலீஸ் நிலை யத்தில் புகார் அளித்தார். அதன் பேரில் சப்-இன்ஸ் பெக்டர் தனிஸ்லாஸ் வழக்குப்பதிவு செய்து விசா ரணை நடத்தி வருகிறார்.
