நாகர். கலெக்டர் அலுவலகத்தில் தீக்குளிக்க முயன்ற டிரைவர் மீது வழக்கு

நாகர்கோவில் :

நாகர்கோவில் அருகே சுங்கான் கடை பரசேரி பகுதியைச் சேர்ந்தவர் அஜித்குமார் (வயது 49). இவர் அரசு போக்குவரத்து கழகத்தில் டிரைவராக வேலை பார்த்து வருகிறார். இவருக்கு பணி வழங்காததை கண்டித்து தொடர் போராட்டத்தில் ஈடுபட்டு வருகிறார். நேற்று கலெக்டர் அலுவலகத்தில் உடலில் மண்ணெண்ணையை ஊற்றி தீக்குளிக்க முயன்றார்.

இதையடுத்து போலீசார் அவரை பிடித்தனர்.பிடிபட்ட அவர் சிகிச்சைக்காக ஆசாரிப்பள்ளம் அரசு ஆஸ்பத்திரியில் அனுமதிக்கப்பட்டுள்ளார். அஜித்குமார் மீது தற்கொலைக்கு முயன்றதாக நேசமணி நகர் போலீசார் வழக்கு பதிவு செய்துள்ளனர்.