கன்னியாகுமரி :
தமிழக பா.ஜ.க. தலைவர் அண்ணாமலை நாளை மறுநாள் (21-ந்தேதி) காலை 9 மணிக்கு கன்னியாகுமரி வருகிறார். அவர் கன்னியாகுமரி விவேகானந்தபுரத்தில் உள்ள விவேகானந்தா கேந்திர வளாகத்தில் புதிதாக கட்டப்பட உள்ள சுதந்திர போராட்ட வீரர்களின் தியாக சுவருக்கு அடிக்கல் நாட்டி கட்டுமான பணியை தொடங்கி வைக்கிறார். கன்னியாகுமரி வரும் தமிழக பா.ஜ.க. தலைவர் அண்ணாமலைக்கு சிறப்பான வரவேற்பு அளிப்பதற்கான ஏற்பாடுகளை குமரி மாவட்ட பா.ஜ.க. நிர்வாகிகள் செய்து வருகிறார்கள்.
