கல்பாக்கம் அணுமின் நிலையம் சார்பில் ரூ.63.25 லட்சம் செலவில் அரசு பள்ளிக்கு புதிய கட்டிடம்

மாமல்லபுரம்:

மாமல்லபுரம் அடுத்த காரணை ஊராட்சி ஒன்றிய துவக்கப் பள்ளியில் போதிய வகுப்பறை வசதி இல்லாமல் இருந்து வந்தது. இதை ஊராட்சி தலைவர் ராதாகிருஷ்ணன், கல்பாக்கம் அணுமின் நிலையத்தின், பெரு நிறுவன சமூக பொறுப்பு திட்டக்குழுவின் கவனத்திற்கு கொண்டு சென்றார்.

இதையடுத்து அணுமின் நிலையம் சார்பில் 63.25 லட்சம் ரூபாய் செலவில் இரண்டு வகுப்பறைகள் கொண்ட கட்டிடம் கட்டப்பட்டது. கட்டிட பணிகள் அனைத்து நிறைவடைந்த நிலையில், மாணவர்களின் பயன்பாட்டிற்கு நிலைய இயக்குனர் சுதிர் பி ஷெல்கே திறந்து வைத்தார்.

திறப்பு விழாவில் திருப்போரூர் எம்.எல்.ஏ எஸ்.எஸ்.பாலாஜி, திருப்போரூர் ஒன்றியக்குழு தலைவர் இதயவர்மன், ஒன்றிய கவுன்சிலர் வினோத், ஊராட்சி தலைவர் ராதாகிருஷ்ணன், துணைத்தலைவர் தமிழரசி, பெற்றோர் ஆசிரியர் கழக தலைவர் சிவக்குமார், தலைமை ஆசிரியை விஜயகுமாரி உள்ளிட்ட பலர் பங்கேற்றனர்.