தாரமங்கலம்:
சேலம் மாவட்டம் தாரமங்கலம் பண்டார இடும்பமுதலியார் தெருவை சேர்ந்தவர் செல்வகுமார் (வயது 58).
இவருடைய சகோதரி ராஜேஸ்வரி (60). கணவனை இழந்த ராஜேஷ்வரி கடந்த 17 வருடமாக தம்பி செல்வகுமாரின் வீட்டில் இருந்து வந்தார்.
இந்த நிலையில் கடந்த மாதம் 30-ந்தேதி கோவிலுக்கு செல்வதாக கூறிவிட்டு சென்றவர் பின்னர் வீடு திரும்பவில்லை. அக்கம்பக்கம் உறவினர் வீடுகளில் தேடியும் கிடைக்கவில்லை.
இதுகுறித்து செல்வகுமார் தாரமங்கலம் போலீசில் தனது சகோதரியை கண்டுபிடித்து தரக்கோரி புகார் அளித்தார். போலீசார் வழக்குப்பதிவு செய்து விசாரணை நடத்தி வருகின்றனர்.
