சிங்கை:
வி.கே.புரம் அருகே அகஸ்தியர்பட்டி கேம்பிரிட்ஜ் மெட்ரிக் மேல்நிலைப்பள்ளி பிளஸ்2 பொதுத்தேர்வில் 100 சதவீதம் தேர்ச்சி பெற்றுள்ளது. பள்ளி அளவில் 600-க்கு 592 மதிப்பெண்கள் பெற்று மாணவிகள் ஜனனி, தனா அருந்ததிராய் ஆகியோர் முதலிடம் பெற்றுள்ளனர்.
591 மதிப்பெண்கள் பெற்று சினேகா 2-ம் இடத்தையும், 587 மதிப்பெண்கள் பெற்று அனந்தவர்சினி 3-ம் இடத்தையும் பெற்றுள்ளனர். கணினி அறிவியலில் 3 பேரும் , உயிரியலில் 2 பேரும் , கணக்குப்பதிவியலில் 2 பேரும், கணிதம், வேதியியல், பொருளியல், வணிகவியல், வணிக கணிதம் ஆகிய பாடங்களில் தலா 100க்கு 100 மதிப்பெண்கள் பெற்று சாதனை படைத்துள்ளனர்.
தேர்வு எழுதிய 182 பேரில் 35 பேர் 550-க்கு மேல் மதிப்பெண்களும், 86 பேர் 500-க்கு மேல் மதிப்பெண்களும் பெற்றுள்ளனர். 10-ம் வகுப்பு அரசுப்பொதுத்தேர்வில் 500க்கு 490 மதிப்பெண்கள் பெற்று மாணவி ஸ்ரீஹரிணி முதலிடத்தையும், ஹர்சினி 488 மதிப்பெண்களுடன் 2-ம் இடத்தையும், அப்ரின் சபானா 487 மதிப்பெண்கள் பெற்று3-ம் இடத்தையும் பெற்றுள்ளனர்.
தேர்வு எழுதிய 163 பேரில் 26 பேர் 450-க்கு மேல் மதிப்பெண்களும், 64 பேர் 400-க்கு மேல் மதிப்பெண்களும் பெற்றுள்ளனர். கணிதம், அறிவியலில் 33 பேர் 100-க்கு 100 மதிப்பெண்களை பெற்று சாதனை படைத்துள்ளனர்.
வெற்றி பெற்ற மாணவர்களை பயிற்றுவித்த ஆசிரியர்கள், பள்ளி முதல்வர் பொன்மதி, துணை முதல்வர் லெட்சுமி ஆகியோரை தாளாளர் ராபர்ட் மற்றும் பள்ளி முதன்மை முதல்வர் ஆனி மெட்டில்டா ஆகியோர் பாராட்டினர்.
