ஏஐ (ஆர்டிபிசியல் இன்டலிஜன்ஸ்) எனப்படும் செயற்கை நுண்ணறிவு தொழில்நுட்பம் எல்லா துறைகளிலும் தடம் பதிக்க தொடங்கி விட்டது. இதை அடிப்படையாக கொண்டு உருவாக்கப்பட்ட சாட்ஜிபிடி வழங்கிய உடற்பயிற்சி ஆலோசனையை பின்பற்றி அமெரிக்காவை சேர்ந்த கிரெக் முசன் என்பவர் 3 மாதங்களில் 11 கிலோ எடையை குறைத்துள்ளார்.
இதுதொடர்பாக அவர் தனது வலைதள பக்கத்தில், எனது உடல் எடையை எப்படி குறைக்கலாம் என சாட்ஜிபிடியிடம் கேட்ட போது, அது எனக்கு பல்வேறு எளிய ஆலோசனைகளை வழங்கியது. அதில் எனக்கு பிடித்தது எது என்றால், தூங்குவதற்கு முன்பாக நான் உடற்பயிற்சி செய்ய பயன்படுத்தும் காலணிகளை கதவுக்கு முன்னால் வைத்துவிட்டு உறங்க செல்ல வேண்டும் என்பது தான். ஏனென்றால் உடல் எடை குறைப்பில் முக்கியமானது, காலையில் ஜாக்கிங் செல்வதுதான். தூங்கி எழுந்ததும் கதவுக்கு முன்னால் காலணிகளை பார்க்கும் போது ஜாக்கிங் செல்ல வேண்டும் என எண்ணம் வரும். மேலும் நாம் உடற்பயிற்சி செய்தால் பசி அதிகரிக்கும். இதனால் நம்மையும் அறியாமல் அதிக உணவு எடுத்து கொள்வோம். எனவே சுலபமான உடற்பயிற்சி செய்ய வேண்டும் என சாட் ஜிபிடி அறிவுறுத்தியது. அதை பின்பற்றி 3 மாதத்தில் 11 கிலோ எடை குறைத்துள்ளேன் என கூறி உள்ளார்.
