நீங்கள் தேடியது "fast bowling"

மெல்போர்ன்:

ஆஸ்திரேலிய முன்னாள் கேப்டன் இயான் சேப்பல் இணையதளம் ஒன்றுக்கு பேட்டி அளித்தார். அப்போது அவரிடம், ‘ஆஸ்திரேலியாவை தோற்கடித்த விராட் கோலி தலைமையிலான தற்போதைய இந்திய அணியை, எல்லா காலத்திலும் சிறந்த இந்திய அணியாக நினைக்கிறீர்களா?’ என்று கேட்கப்பட்டது.

அதற்கு சேப்பல் கூறுகையில், ‘நான் பார்த்தமட்டில், சிறந்த வேகப்பந்து வீச்சாளர்களை கொண்ட இந்திய அணி இது தான். பீல்டிங்கிலும் இதே போல் சொல்ல முடியும். ஆனால் பேட்டிங்கில் சிறந்தது என்று சொல்ல மாட்டேன். தற்போதைய அணியில் இருப்பதை விட மெச்சத்தகுந்த பேட்டிங்கை முந்தைய இந்திய அணிகளில் பார்த்து இருக்கிறேன்.

ஆஸ்திரேலிய தொடரில் இந்திய பந்து வீச்சாளர்கள் உண்மையிலேயே அபாரமாக செயல்பட்டனர். ஆஸ்திரேலிய பவுலர்களை விட அதிகமாக ‘ஸ்விங்’ செய்தனர்’ என்றார். #IanChappell #AUSvIND

புதுடெல்லி:

இந்திய கிரிக்கெட் ஜாம்பவான் சச்சின் தெண்டுல்கர் அளித்த ஒரு பேட்டியில், ‘எனது காலகட்டத்திலும் இல்லாத அளவுக்கு தற்போது இந்திய அணியின் வேகப்பந்து வீச்சு முழு நிறைவுடன் காணப்படுகிறது. சிறந்த வேகப்பந்து வீச்சு கூட்டணிகளில் ஒன்றாக இதனை நான் கணிக்கிறேன். எப்பொழுதும் இல்லாத வகையில் விதவிதமான வேகப்பந்து வீச்சாளர்கள் நமது அணியில் உள்ளனர். ஸ்விங் செய்வதில் கில்லாடியான புவனேஷ்வர்குமார், உயரமான பவுலரான இஷாந்த் ஷர்மா, வித்தியாசமாக பந்து வீசக்கூடிய பும்ரா, மிகவும் வேகமாக பந்து வீசக்கூடிய உமேஷ்யாதவ் என்று நல்ல கலவையில் வேகப்பந்து வீச்சாளர்கள் அமைந்துள்ளனர்.

இதில் புவனேஷ்வர்குமார் மற்றும் ஹர்திக் பாண்ட்யா ஆகியோர் பந்து வீச்சு மட்டுமின்றி பேட்டிங்கிலும் சிறப்பாக செயல்படக்கூடியவர்கள். இங்கிலாந்து டெஸ்ட் தொடருக்கான இந்திய லெவன் அணியில் எந்தெந்த பந்து வீச்சாளர் இடம் பெற வேண்டும் என்பதை என்னால் சொல்ல முடியாது. அதனை எதிரணியை பொறுத்து அணி நிர்வாகம் தான் முடிவு செய்ய வேண்டும்’ என்று தெரிவித்தார்.