நீங்கள் தேடியது "foot pilgrimage"

விருத்தாசலம்:

கடலூர் மாவட்டம் , விருத்தாசலம் எருமனூர் சாலையில் உள்ள ஜெகமுத்துமாரி அம்மன் கோவிலில் ஆண்டுதோறும் பக்தர்கள் தை மாதம் சமயபுரம் மாரியம்மனுக்கு மாலை அணிந்து யாத்திரை செல்வது வழக்கம்.

அந்த வகையில் இந்தாண்டு பக்தர்கள் யாத்திரை செல்வதை முன்னிட்டு திருமணம், குழந்தை வரம் உள்ளிட்ட வேண்டுதல்களுடன் மாலை அணிந்து விரதம் இருந்து வந்தனர்.

இதன் ஒரு பகுதியாக பக்தர்கள் மண்சோறு சாப்பிடும் நிகழ்வு நடந்தது. முன்னதாக கோவிலில் ஜெகமுத்துமாரி அம்மனுக்கு பால், தயிர், இளநீர், பன்னீர், தேன் உள்ளிட்ட பல்வேறு பொருட்களால் அபிஷேகம் நடந்தது.

தொடர்ந்து சிறப்பு மலர் அலங்காரத்தில் எழுந்தருளிய ஜெகமுத்துமாரி அம்மனை பக்தர்கள் ஜங்ஷன் சாலை, பாலக்கரை, கடை வீதி, தென் கோட்டை வீதி வழியாக விருத்தாசலம் விருத்தகிரீஸ்வரர் கோவிலிலுக்கு கொண்டு செல்லப்பட்டு, கோவிலில் அமைந்துள்ள கலையரங்க மேடையில் அம்மன் எழுந்தருள, பம்பை உடுக்கையுடன் தாலாட்டு பாடல் பாடப்பட்டது.

தொடர்ந்து 2000-க்கும் மேற்பட்ட பக்தர்கள் கோவில் வளாகத்தில் தரையில் அமர்ந்து மண்சோறு உண்டனர். சில நாட்களில் பக்தர்கள் இருமுடி கட்டி சமயபுரத்திற்கு பயணமாக செல்ல உள்ளனர்.

திருச்சி,

திருச்சி மாவட்ட காங்கிரஸ் வக்கீல்கள் பிரிவு கூட்டம் மாவட்ட தலைவர் செந்தில்நாதன் தலைமையில் திருச்சி மாவட்ட நீதிமன்றம் எதிரில் உள்ள காங்கிரஸ் வக்கீல்கள் அலுவலகத்தில் நடைபெற்றது.

இதில் சிறப்பு அழைப்பாளர்களாக மூத்த வக்கீல்கள் ராஜேந்திரன், லட்சுமணன், பார் கவுன்சில் உறுப்பினர் ராஜேந்திரகுமார், முருகையா, தமிழ்நாடு காங்கிரஸ் கமிட்டி மாநில பொதுசெயலாளர் வக்கீல் எம் .சரவணன், செயலாளர் இளங்கோ ஆகியோர் சிறப்புரையாற்றினர்.

கூட்டத்தில் நிறைவேற்றப்பட்ட தீர்மானங்கள் வருமாறு:-

வருகிற 7, 8, 9 ஆகிய தேதிகளில் கன்னியாகுமரியில் இருந்து காஷ்மீர் வரை 3,500 கிலோ மீட்டர் பாதயாத்திரை செல்லும் வருங்கால பிரதமர் ராகுல் காந்தியின் நடைபயணத்தில் திருச்சியில் இருந்து பத்து வேன்களில் வக்கீல்கள் கலந்து கொள்ள வேண்டும்.

தமிழ்நாட்டின் மையப்பகுதியான திருச்சியில் உச்ச நீதிமன்றத்தின் கிளையை அமைக்க வேண்டும் என தீர்மானம் நிறைவேற்றப்பட்டது.

இதில் சிக்கல் சண்முகம், ரமணன், சுந்தரவடிவு, ஆறுமுகம், அஸ்வின்குமார், அசோக்குமார், நாதனியல் தாஸ், ஜீஜிஷ், டேனியல், மோகன்ராமேஷ் பிரபு, சுப்பிரமணி, கோகுல் பூர்ணலிங்கம், திலீபன், விக்னேஷ், சுகன்யா, சிவகாமி, சுவெதா, பவித்ரா மற்றும் ஏராளமான காங்கிரஸ் வக்கீல்கள் கலந்து கொண்டனர்.

முடிவில் விக்னேஷ் நன்றி கூறினார்.