நீங்கள் தேடியது "Kilpauk"

சென்னை:

சென்னையில் பறக்கும் படை சோதனை தீவிரப்படுத்தப்பட்டுள்ளது. தினமும் வாகன சோதனையில் ஈடுபட்டு வரும் போலீசாரும் அதிகாரிகளும் உரிய ஆவணங்கள் இன்றி கொண்டு செல்லப்படும் பணம்-நகைகளை பறிமுதல் செய்து வருகின்றனர்.

கீழ்ப்பாக்கத்தில் நடத்தப்பட்ட சோதனையில் ஜெகதீஸ் என்பவரிடம் 40 பவுன் நகை, 5 கிலோ வெள்ளி ஆகியவை பிடிபட்டது.

பூங்காநகரை சேர்ந்த மெய்லி என்பவரிடம் 15 பவுன் நகை, ரூ. 1½ லட்சம் பணம் பிடிபட்டது. இவற்றுக்கு உரிய ஆவணங்கள் இல்லாததால் அதிகாரிகள் விசாரணையை தீவிரப்படுத்தி உள்ளனர்.

சூளைமேட்டில் நடத்தப்பட்ட சோதனையில் ரூ. 1 கோடியே 32 லட்சம் பணம் பிடிபட்டது. விசாரனையில் அந்த பணம் ஏ.டி.எம். மையத்துக்கு கொண்டு செல்லப்பட்டது என தெரிய வந்தது.

இதுபற்றி வங்கி அதிகாரிகளுக்கு தகவல் தெரிவிக்கப்பட்டது. அவர்கள் உரிய ஆவணங்களை காட்டி யதை தொடர்ந்து ½ மணி நேரத்துக்கு பிறகு அந்த பணத்தை போலீசார் திருப்பி அளித்தனர்.

சென்னை:

கீழ்ப்பாக்கம் மில்லர்ஸ் ரோட்டில் வசித்து வருபவர் ராகுல் ஜெயின். ராஜஸ்தானை சேர்ந்த இவர் சென்னை அண்ணா சாலையில் ஆட்டோ மொபைல் கடை நடத்தி வருகிறார்.

ராகுல் ஜெயின் தனது தங்கை திருமணத்துக்காக 71 பவுன் தங்க நகை, 120 கிராம் வைர நகைகளை வாங்கினார். ரூ.25 லட்சம் மதிப்புள்ள அந்த நகைகளை ஒரு சூட்கேசில் வைத்திருந்தார்.

ராஜஸ்தானில் நடந்த தங்கை திருமணத்துக்காக நகைகள் வைக்கப்பட்டிருந்த சூட்கேசை எடுத்து சென்றார். அங்கு சூட்கேசை திறந்து பார்த்தபோது நகைகள் மாயமாகி இருந்தது.

இதனால் அதிர்ச்சி அடைந்த ராகுல் ஜெயின் சென்னை வந்து கீழ்ப்பாக்கம் போலீசில் புகார் செய்தார். அதில், “சூட்கேசில் நகைகளை வைத்தது வீட்டு வேலைக்காரர்களுக்கு தெரியும் என்றும், அவர்கள் மீது சந்தேகம் உள்ளது” என்றும் தெரிவித்து இருந்தார்.

இதுகுறித்து போலீசார் வழக்குப்பதிவு செய்து வீட்டு வேலைக்காரர்களிடம் விசாரணை நடத்தி வருகிறார்கள். மேலும் சி.சி.டி.வி. கண்காணிப்பு கேமராவில் பதிவான காட்சிகளை ஆய்வு செய்கிறார்கள்.