நீங்கள் தேடியது "mehbooba"

ஸ்ரீநகர்:

ஜம்மு-காஷ்மீர் மாநிலத்தில் மெகபூபா முப்தி தலைமையில் நடைபெற்றுவந்த மக்கள் ஜனநாயக கட்சி - பா.ஜ.க. கூட்டணி ஆட்சி கவிழ்க்கப்பட்டு அங்கு தற்போது கவர்னர் ஆட்சி நடைபெற்று வருகிறது.

இந்நிலையில், ஸ்ரீநகரில் இன்று செய்தியாளர்களுக்கு பேட்டியளித்த முன்னாள் முதல் மந்திரி மெகபூபா முப்தி எங்கள் கட்சியை பிளவுப்படுத்த முயற்சிப்பவர்கள் யாராக இருந்தாலும் ஆபத்தான எதிர்வினைகளை சந்திக்க நேரிடும் என குறிப்பிட்டுள்ளார்.

1987-ம் ஆண்டு சட்டசபை தேர்தலுக்கு பின்னர் எங்கள் கட்சியை பிளவுப்படுத்த நினைத்த முயற்சியால்தான் சையத் சலாவுதீன் (தற்போது பாகிஸ்தானில் வாழும் ஹிஜ்புல் முஜாஹிதீன் பயங்கரவாத இயக்கத்தின் தலைவன்) முஹம்மது யாசின் மாலிக் போன்ற பிரிவினைவாதிகள் உருவானார்கள்.

இதேபோல், இப்போதும் எங்கள் கட்சியை உடைக்க டெல்லியில் முயற்சிகள் நடைபெற்று வருகிறது.

எல்லா குடும்பங்களில் உள்ளதுபோல் எங்கள் கட்சிக்குள்ளும் சில கருத்து வேறுபாடுகள் உண்டு. அது பேசி தீர்க்கப்படும். டெல்லியின் தலையீடு இல்லாமல் எந்த பிளவும் இங்கு ஏற்பட முடியாது. அப்படி பிளவுப்படுத்துவதன் மூலம் மேலும் ஒரு பயங்கரவாதியை உருவாக்க முடியாது.

காஷ்மீர் வாக்காளர்களின் ஓட்டுகளை கவர்வதற்காக டெல்லியால் உருவாக்கப்படும் ஒரு கட்சியின் அழிவுக்காக இங்குள்ள மக்கள் ஒருபோதும் கவலைப்பட மாட்டார்கள் எனவும் அவர் தெரிவித்தார்.

என் கட்சி பலமாக  உள்ளது. எங்களுக்குள் இருக்கும் வேற்றுமைகளை நாங்களே தீர்த்து கொள்வோம். 1987-ம் ஆண்டு ஐக்கிய முஸ்லிம் முன்னணியை ஒடுக்க நினைத்ததுபோல் எந்த முயற்சி நடந்தாலும் அதன் எதிர்வினைகள் மிகவும் ஆபத்தானதாக அமையும் எனவும் மெகபூபா எச்சரித்தார். #Mehbooba #PDP  

ஸ்ரீநகர்:

மெகபூபா முப்தி தலைமையிலான அரசு கலைக்கப்பட்டு கவர்னர் ஆட்சி அமல்படுத்தப்பட்ட பின்னர் பா.ஜ.க. தேசிய தலைவர் அமித் ஷா முதன்முறையாக நேற்று ஜம்மு-காஷ்மீர் மாநிலத்திற்கு சென்று தொண்டர்களிடையே பேசினார்.

அப்போது பேசிய அவர், லடாக் ஜம்மு இடையே எவ்வித வளர்ச்சியும் இல்லாததால் தான் நாங்கள் கூட்டணியை முறித்துக்கொண்டதாக தெரிவித்திருந்தார்.

இந்நிலையில், அமித் ஷாவின் குற்றச்சாட்டுகளுக்கு தனது ட்விட்டர் பக்கத்தில் பதிலளித்துள்ள முன்னாள் முதல்மந்திரி மெகபூபா முப்தி அவர் மீது பொய்க்குற்றச்சாட்டுகளை பா.ஜ.க தலைவர் அமித் ஷா வைத்துள்ளதாக குறிப்பிட்டுள்ளார்.


இதையடுத்து, சர்ச்சைக்குரியா கதுவா பாலியல் வன்கொடுமை வழக்கினை சி.பி.ஐ வசம் ஒப்படைக்காமல், அதே சமயம், இரு சமூகத்தாருக்கு இடையே எவ்வித பிரச்சனைகளும் ஏற்படாத அளவுக்கு அந்த பிரச்சனைகளை முதல்மந்திரியாக தாம் கையாண்டதாக மெகபூபா முப்தி கூறியுள்ளார்.

மேலும், பத்திரிகையாளர் சுஜாத் புகாரியை மிரட்டிய புகாரில் பாஜகவைச் சேர்ந்த முன்னாள் அமைச்சரை அந்த கட்சியின் தலைமை என்ன செய்யப்போகிறது? என்றும், கடந்த 3 ஆண்டுகளாக பா.ஜ.க.வின் அமைச்சர்களின் செயல்பாடுகள் என்ன? என்பது குறித்து மெகபூபா முப்தி கேள்வி எழுப்பியுள்ளார். #MehboobaMufti #AmitShah

புதுடெல்லி:

ஜம்மு காஷ்மீர் மாநிலத்தில் பா.ஜ.க. மற்றும் மக்கள் ஜனநாயக கட்சியின் கூட்டணி ஆட்சி நடைபெற்று வருகிறது. இந்நிலையில் மக்கள் ஜனநாயக கட்சியின் தலைவரும், ஜம்மு காஷ்மீர் முதல்வருமான மெகபூபா முப்தி இன்று பிறந்தநாள் கொண்டாடுகிறார்.



இதையொட்டி அவருக்கு பிரதமர் மோடி பிறந்தநாள் வாழ்த்து தெரிவித்துள்ளார். இதுகுறித்து தனது டுவிட்டர் பக்கத்தில் ‘ஜம்மு காஷ்மீரின் முதல்வர் மெகபூபா முப்திக்கு பிறந்தநாள் வாழ்த்துக்கள், அவர் உடல் நலத்துடன், நீண்ட ஆயுளுடன் வாழ நான் இறைவனை வேண்டுகிறேன்’ என மோடி பதிவிட்டுள்ளார். #modiwishes #MehboobaMufti