நீங்கள் தேடியது "new cabinet"

மக்களவைத் தேர்தலில் பாஜக தலைமையிலான என்.டி.ஏ கூட்டணி 292 இடங்களைக் கைப்பற்றிய நிலையில் கூட்டணிக் கட்சிகள் ஆதரவுடன் பாஜக ஆட்சியை தக்கவைத்துள்ளது. என்.டி.ஏ புதிய எம்.பி.க்கள் கூட்டத்தில் அக்கூட்டணியின் பாராளுமன்ற தலைவராக மோடி தேர்ந்தெடுக்கப்பட்டார். இதனை தொடர்ந்து நேற்று (ஜூன் 9) இரவு 7.15 மணியளவில் பிரதமராக மோடி 3-வது முறையாகப் பதவியேற்றுள்ளார். அவருடன் 72 அமைச்சர்களும் பதவியேற்றுக்கொண்டனர்.

கூட்டணி கட்சிகளின் தயவில் பாஜக மீண்டும் ஆட்சியமைத்துள்ளதால் புதிய அமைச்சரவை குறித்த எதிர்பார்ப்புகள் ஆரம்பம் முதலே உச்சத்தில் இருந்தது. அதிகபட்சமாக 78 முதல் 82 அமைச்சர்கள் வரை ஒரு அமைச்சரவையில் இடம்பெறலாம் என்று இருக்கும் சூழலில் தற்போது அமைத்துள்ள அமைச்சரவையில் 72 பேர் மட்டுமே இடம்பெற்றுள்ளனர்.

இதில் கவனிக்கத்தக்க வகையில் 13 அமைச்சர்கள் தென் மாநிலங்களைச் சேர்ந்தவர்கள் ஆவர். குறிப்பாக அந்த13 பேரில் 5 பேர் கர்நாடகாவைச் சேர்ந்தவர்கள். கர்நாடகாவில் பாஜக - குமாரசாமியின் ஜனதா தளம் கூட்டணி 28 இல் 19 இடங்களைப் பிடித்தது. இதற்கிடையில் குமாரசாமிக்கு மத்திய அமைச்சர் பதவி வழங்கப்பட்டுள்ளது. மேலும் கர்நாடகாவைச் சேர்ந்த நிர்மலா சீதாராமன், பிரஹலாத் ஜோஷி, ஷோபனா கரண்த்லாஜே ஆகியோரும் அமைச்சர் மற்றும் இணை அமைச்சர் பதவிகள் வழங்கப்பட்டுள்ளன.

பாஜக ஆட்சியமைக்க முக்கிய காரணமாக இருந்த சந்திர பாபு நாயுடுவின் தெலுங்கு தேசம் 16 சீட்களும், பவன் கல்யாணின் ஜன சேனா 5 சீட்களும் வைத்துள்ளதால் ஆந்திரப் பிரதேசத்தில் இருந்து இக்கட்சிகளை சேர்ந்த மொத்தம் 3 பேருக்கு மத்திய அமைச்சரவையில் இடம் வழங்கப்பட்டுள்ளது.

மேலும் தெலங்கானா, கேரளா ஆகிய மாநிலங்களில் இருந்து முறையே தலா 2 அமைச்சர்கள் தேர்வாகியுள்ளனர். தமிழ்நாட்டிலிருந்து எல்.முருகன் மீண்டும் இணை அமைச்சர் ஆனார். அதிகபட்சமாக இந்த முறை பாஜக சறுக்கிய உத்தரபிரதேசத்தில் இருந்து 9 அமைச்சர்களும், அதனைத்தொடர்ந்து பீகாரில் இருந்து 8 அமைச்சர்களும் புதிய அமைச்சரவையில் இடம்பெற்றுள்ளனர். மொத்தமாக கூட்டணி கட்சிகளுக்கு 11 அமைச்சர் பதவிகள் வழங்கப்பட்டுள்ளது. மேலும் மத்திய அமைச்சராக பதவியேற்றவர்களுள் 7 பேர் பெண்கள் ஆவர். 

மொத்தம் உள்ள 72 அமைச்சர்களில் 30 கேபினட் அமைச்சர்கள், 36 இணை அமைச்சர்கள், 5 தனிப் பொறுப்பு பதவி உடையோர் இடம்பெற்றுள்ளனர். இதில் 61 அமைச்சர்கள் பாஜகவைச் சேர்ந்தவர்கள். 11 பேர் கூட்டணிக் கட்சிகளை சேர்த்தவர்கள் . மேலும் புதிய அமைச்சர்களில் 7 பேர் முன்னாள் முதலமைச்சர்கள் ஆவர். ஓபிசி வகுப்பு அமைச்சர் 27 பேரும், எஸ்.சி சமூக அமைச்சர்கள் 10 பேரும், எஸ்.டி சமூக அமைச்சர்கள் 7 பேரும் ஆவர்.

 நடந்து முடிந்த மக்களவைத் தேர்தலில் பாஜக தலைமையிலான என்.டி.ஏ கூட்டணி 292 இடங்களில் வெற்றி பெற்றது. நேற்று நடைபெற்ற என்.டி.ஏ புதிய எம்.பி.க்கள் கூட்டத்தில் அக்கூட்டணியின் பாராளுமன்ற தலைவராக மோடி தேர்ந்தெடுக்கப்பட்டார். இதனைத் தொடர்ந்து நாளை இரவு 7.15 மணிக்கு 3-வது முறையாக பிரதமராக பதவி ஏற்க உள்ளார்.

பிரதமர் உடன் கேபினட் அமைச்சர்கள் பதவி ஏற்க வாய்ப்புள்ளது. இன்று நடைபெறவுள்ள என்.டி.ஏ கூட்டத்தில் இதுகுறித்து முடிவு செய்யப்படும் என்று தெரிகிறது. கூட்டணி கட்சிகளுடன் பாஜக பேச்சுவார்த்தை நடத்துகிறது.

அமையவுள்ள புதிய அமைச்சரவையில் யார் யார் இடம்பெறுவார்கள் என்ற எதிர்பார்ப்புகளும் யூகங்களும் எழத் தொடங்கியுள்ளன. இந்த முறை பாஜக ஆட்சியமைக்க 12 சீட் வைத்துள்ள நிதிஷ் குமாரின் ஆர்.ஜே.டி கட்சியும், 16 சீட் வைத்துள்ள சந்திரபாபு நாயுடுவின் தெலுங்கு தேசம் கட்சியும் முக்கிய காரணமாக உள்ளதால் அமைச்சரவையில் முக்கிய இலாகாக்கங்களுக்கு இந்த இரண்டு கட்சிகளும் அடிபோடுவதாக தெரிகிறது.

அவர்கள் மட்டுமின்றி சிவா சேனாவை உடைத்து பாஜகவுடன் கூட்டணி வைத்து ஆட்சியில் அமர்ந்த மகாராஷ்டிரா முதல்வர் ஏக்நாத் ஷிண்டே அணி 7 சீட்களும், சிராஜ் பவானின் எல்.ஜே.பி கட்சி 5 சீட்களும் வைத்துள்ளதால் இவையும் அமைச்சரவையில் முக்கிய இலாக்காக்களை வழங்குமாறு கேட்பதாக தகவல் கசிந்துள்ளது.

ஆனால் முக்கிய இலாக்காக்களான உள்துறை, நிதி, பாதுகாப்பு ஆகிய துறைகளை பாஜக விட்டுக்கொடுப்பதாக தெரியவில்லை. தற்போது வெளியாகியுள்ள யூகங்களின்படி, விவசாயம், பழங்குடியின நலன், சிறுபான்மையினர் நலன், கல்வி, சிறு குறு தொழித்துறை ஆகியவை தெலுங்கு தேசம் கட்சிக்கு ஒதுக்கப்பட வாய்ப்புள்ளது. பெண்கள் மற்றும் குழந்தைகள் நலன் எல்.பி.ஜெவுக்கும், ஜவுளித் துறை, கனிம வளம் மற்றும் சுரங்கத் துறை ஜே.டி.யுவுக்கும், திறன் மேம்பாட்டுத் துறை ஏக்நாத் ஷிண்டே அணிக்கும் ஒதுக்கப்பட வாய்ப்புள்ளது.

ஒதுக்கப்பட்ட இலாக்காக்களில் தெலுங்குதேசம் கட்சியை சேர்ந்த ராம் மோகன், மதசார்பற்ற ஜனதா தளம் கட்சியை சேர்ந்த குமாரசாமி, உத்தர பிரதேச மாநிலம் அப்னா தளம் கட்சியை சேர்ந்த அனுபிரியா பட்டேல், ராஷ்டிரிய லோக் தளம் கட்சி தலைவர் ஜெய்ந்த சவுத்ரி, பீகார் மாநிலம் ஐக்கிய ஜனதா தளம் கட்சியின் லாலன் சிங், லொக் ஜனசக்தி கட்சி தலைவர் சிராக் பஸ்வான், ஜித்தமன் ராம் மஞ்சி, சிவசேனாவின் பிரதாப்ராவ் ஜாதவ், ஷிராங் பர்னே ஆகியோர் கேபினட் மந்திரிகளாக பதவி ஏற்க வாய்ப்புள்ளது.

புதுடெல்லி:

உலகின் மிகப்பெரிய ஜனநாயக நாடான இந்தியாவில் 17-வது பாராளுமன்ற மக்களவைக்கான தேர்தல் நடந்து முடிந்து நேற்று வாக்குகள் எண்ணப்பட்டு முடிவுகள் பரபரப்பாக வெளியிடப்பட்டன.

பிரதமர் மோடி தலைமையிலான தேசிய ஜனநாயக கூட்டணி இந்திய தேர்தல் வரலாற்றில் இதுவரை இல்லாத அளவுக்கு இமாலய வெற்றி பெற்று மீண்டும் ஆட்சியை கைப்பற்றி உள்ளது. இந்த வெற்றி மோடியின் அலை என்பதை கடந்து “மோடி சுனாமி” என்று வர்ணிக்கப்படுகிறது.

பாராளுமன்றத்தில் மொத்தம் உள்ள 543 இடங்களில் தேர்தல் நடை பெற்ற 542 தொகுதிகளில் பா.ஜனதா தலைமையிலான தேசிய ஜனநாயக கூட்டணி 357 இடங்களில் வெற்றி பெற்று உள்ளது. பாரதிய ஜனதா கட்சி தனிப்பட்ட முறையில் 303 இடங்களை பெற்று தனிப்பெரும் கட்சியாக திகழ்கிறது.

மத்தியில் ஆட்சி அமைக்க 272 இடங்களே போதும் என்ற நிலையில் பாரதிய ஜனதா கட்சி 300-க்கும் மேற்பட்ட தொகுதிகளில் வெற்றி பெற்று எட்ட முடியாத இடத்துக்கு சென்றுள்ளது. பாரதிய ஜனதாவுக்கு கடும் சவாலாக இருக்கும் என்று எதிர்பார்க்கப்பட்ட காங்கிரஸ் கட்சி இந்த தடவையும் மிக பரிதாபமான தோல்வியை சந்தித்துள்ளது.

தேர்தலில் வெற்றி பெற்றதை தொடர்ந்து மத்தியில் புதிய ஆட்சி அமைக்கும் நடவடிக்கைகளில் பா.ஜனதா மூத்த தலைவர்கள் ஈடுபட்டுள்ளனர். பா.ஜனதா சார்பில் வெற்றி பெற்ற புதிய எம்.பி.க்கள் அனைவரும் இன்று தங்கள் தொகுதி அதிகாரிகளிடம் அதற்கான கடிதங்களை பெறுகிறார்கள். அதன் பிறகு டெல்லிக்கு புறப்பட்டு செல்கிறார்கள்.

பா.ஜனதா எம்.பி.க்கள் அனைவரையும் நாளை (சனிக்கிழமை)க்குள் டெல்லிக்கு வருமாறு மேலிட தலைவர்கள் அழைத்துள்ளனர். பா.ஜனதா எம்.பி.க்கள் அனைவரும் டெல்லி வந்ததும் முதலில் எம்.பி.க்கள் கூட்டம் நடைபெறும். அந்த கூட்டத்தில் மோடி மீண்டும் பிரதமராக ஏகமனதாக தேர்வு செய்யப்படுவார்.

இதைத் தொடர்ந்து மோடி ஜனாதிபதி ராம்நாத் கோவிந்தை சந்தித்து தனக்கு பெரும்பான்மை பலம் இருப்பதை உறுதிப்படுத்தும் வகையிலான எம்.பி.க்களின் கையெழுத்து கடிதத்தை வழங்குவார். அதை ஏற்று ஜனாதிபதி புதிய அமைச்சரவை அமைக்க மோடிக்கு அழைப்பு விடுப்பார்.

அதன்படி புதிய அமைச்சரவை பதவி ஏற்பு விழா பாராளுமன்ற மைய மண்டபத்தில் நடைபெறும். மோடி தலைமையிலான அமைச்சரவையில் இந்த தடவை மிகப்பெரிய மாற்றங்கள் இருக்கும் என்று எதிர்பார்க்கப்படுகிறது.

கடந்த ஆட்சியில் மத்திய மந்திரிகளாக இருந்த பா.ஜனதா மூத்த தலைவர்கள் சுஷ்மாசுவராஜ், அருண் ஜெட்லி மீண்டும் இடம் பெற வாய்ப்பு இல்லை என்று தெரிகிறது. ஆனால் அவர்கள் விரும்பினால் மத்திய மந்திரி பதவியில் தொடரலாம் என்று மோடி கேட்டு கொண்டுள்ளார்.

அத்தகைய நிலை ஏற்பட்டால் சுஷ்மாசுவராஜ் வெளியுறவு துறை மந்திரியாக நீடிக்க வாய்ப்பு உள்ளது. ஆனால் அருண்ஜெட்லிக்கு இலாகா மாறலாம்.

அருண்ஜெட்லி கடந்த முறை நிதி மந்திரியாக இருந்து வந்தார். அவர் சிகிச்சைக்காக ஆஸ்பத்திரியில் அனுமதிக்கப்பட்டு இருந்தபோது ரெயில்வே மந்திரி பியூஸ் கோயல் இடைக்கால பட்ஜெட்டை தாக்கல் செய்தார். எனவே பியூஸ்கோயல் நிதி மந்திரியாக மாற வாய்ப்பு இருப்பதாக கூறப்படுகிறது.

பா.ஜனதா தேசிய தலைவர் அமித்ஷாவும் இந்த தடவை மத்திய மந்திரி சபையில் இடம் பிடிப்பார் என்று தெரிகிறது. மத்திய மந்திரிசபையில் இடம் பெற வேண்டும் என்பதற்காகவே காந்திநகர் தொகுதியில் போட்டியிட்டு அவர் பாராளுமன்றத்துக்குள் வந்திருப்பதாக கூறப்படுகிறது.

மத்திய அமைச்சரவையில் உள்துறை அமைச்சரகம் முக்கியத்துவம் வாய்ந்தது. பிரதமருக்கு அடுத்தப்படியாக இந்த இலாகா 2-வது இடத்தை பெற்றுள்ளது. முக்கியத்துவம் வாய்ந்த அந்த இலாகாவை கடந்த முறை பா.ஜனதா மூத்த தலைவர் ராஜ்நாத்சிங் வகித்து வந்தார். இந்த தடவை உள்துறை இலாகாவை அமித்ஷா பெறுவார் என்று எதிர்பார்க்கப்படுகிறது.

ஆனால் உள்துறை இலாகாவை ராஜ்நாத்சிங் விட்டு கொடுக்க விரும்பமாட்டார் என்று கூறப்படுகிறது. 2-வது இடத்தை தொடர்ந்து தக்க வைத்து கொள்ள அவர் விரும்புவார். அத்தகைய சூழ்நிலையில் அமித்ஷா நிதி மந்திரியாக்கப்படுவார் என்று டெல்லி வட்டார தகவல்கள் தெரிவிக்கின்றன.

அருண்ஜெட்லிக்கு உடல் நலம் சரியில்லாததால் அவரது இலாகாவான நிதி அமைச்சகத்துக்குதான் அமித்ஷா வருவார் என்று கூறப்படுகிறது. இதையடுத்து பா.ஜனதா புதிய தலைவராக வேறு யாராவது தேர்வு செய்யப்படுவார்களா என்ற கேள்வி குறி எழுந்துள்ளது.

ஆனால் பா.ஜனதா தேசிய தலைவர் பதவியையும் தக்க வைத்துக் கொள்ள அமித்ஷா விருப்பம் தெரிவித்துள்ளதாக கூறப்படுகிறது. பா.ஜனதாவில் ஒருவருக்கு ஒரு பதவிதான் என்ற கொள்கை கடைபிடிக்கப்பட்டு வருகிறது. எனவே அமித்ஷா வி‌ஷயத்தில் அடுத்தக்கட்டமாக எத்தகை முடிவு எடுக்கப்படும் என்ற எதிர்பார்ப்பு எழுந்துள்ளது.

அமித்ஷா உள்துறை மந்திரியாகும் பட்சத்தில் ராஜ்நாத்சிங்கை பாதுகாப்பு துறைக்கு மாற்றலாம் என்று தெரிகிறது. தற்போது பாதுகாப்பு துறை மந்திரியாக இருக்கும் நிர்மலா சீதாராமன் சுஷ்மாசுவராஜ் வகித்த வெளியுறவுத்துறைக்கு இடம் பெயரக்கூடும்.

காங்கிரஸ் தலைவர் ராகுல்காந்தியை தோற்கடித்த ஸ்மிரிதிஇராணி மத்திய மனிதவள மேம்பாட்டு மந்திரியாக இருந்து வருகிறார். அவருக்கு முக்கியத்துவம் வாய்ந்த பதவி கிடைக்கும் என்று கூறப்படுகிறது.

சத்ருகன்சின்காவை வீழ்த்திய ரவிசங்கர் பிரசாத் இந்த தடவை பாராளுமன்ற விவகார மந்திரியாவார் என்று தகவல் வெளியாகி உள்ளது. நிதின்கட்காரிக்கு இந்த தடவையும் கூடுதல் இலாகாக்கள் கிடைக்க வாய்ப்புள்ளது.

சிறுபான்மை நலத்துறை மந்திரியாக இருக்கும் முக்தார் அப்பாஸ் நக்விக்கு இந்த தடவை காபினெட் அந்தஸ்து கிடைக்க வாய்ப்புள்ளது. இது தவிர நிறைய இளைஞர்களும், பெண்களும் மத்திய அமைச்சரவையில் இடம் பெற வாய்ப்புள்ளது.

பாரதிய ஜனதா கட்சிக்கு 16 மாநிலங்களில் அமோக வெற்றி கிடைத்துள்ளது. சில பெரிய மாநிலங்களில் பாரதிய ஜனதா 100 சதவீத வெற்றியை ருசித்துள்ளது. அந்த மாநிலங்களுக்கு மத்திய மந்திரிசபையில் அதிக பிரதிநிதித்துவம் கொடுப்பதற்கு மூத்த தலைவர்களுடன் மோடி ஆலோசனை நடத்தி வருகிறார்.

எனவே மத்திய மந்திரி சபையில் இந்த தடவை அதிகளவில் புதுமுகங்கள் இடம் பெற வாய்ப்பு உள்ளது. கூட்டணி கட்சிகளுக்கும் முக் கிய இலாகாக்களை வழங்க மோடி முடிவு செய்துள்ளார்.