சார்பட்டா பரம்பரை படத்தில் நடித்து தமிழ் சினிமாவில் பிரபலமானவர் துஷாரா விஜயன். தொடர்ந்து அநீதி, தனுசுடன் ராயன், ரஜினியுடன் வேட்டையன், விக்ரமுடன் வீர தீர சூரன் போன்ற படங்களில் நடித்துள்ளார். முன்னணி கதாநாயகர்களுடன் இணைந்து நடித்த படங்கள் விரைவில் திரைக்கு வர இருக்கிறது.
இந்நிலையில் துஷாரா விஜயன் அளித்துள்ள பேட்டியில் கூறியதாவது:-
ராயன் படத்தில் நடித்ததை சாதனையாக உணர்கிறேன். இந்த உணர்வை விவரிக்க முடியாது.
தனுசுக்கு மிகப்பெரிய ரசிகைநான். அவருடன் இணைந்து நடிக்க வேண்டும் என்பது நீண்டநாள் ஆசை. இயக்குனர்களில் தனுஷ் வித்தியாசமானவர். அவர் இயக்குனராக பணியாற்றுவதை நேரில் பார்க்கும் வாய்ப்பு கிடைத்தது.
ஆக்ஷன் என அவர் சொல்லிவிட்டு கேமரா முன்பு ஓடி செல்லும் தருணம் வியக்க வைத்தது. வடசென்னையில் பிறந்து வளர்ந்து இறக்கும் பெண்ணாக நடித்துள்ளேன். எந்த படத்தில் நடிக்கும் போதும் என் கதாபாத்திரம் பிடிக்கவில்லை என்றால் நான் ஒப்புக்கொள்ள மாட்டேன். 35 வயதிற்குள் நான் நடிப்பை விட்டு விடுவேன் என நினைக்கிறேன்.
அதன்பிறகு உலகம் முழுவதும் பயணம் செய்ய நினைத்துள்ளேன். 35 வயதிற்கு மேல் நான் பயணம் செய்யாத நாடுகள் இருக்காது.
இவ்வாறு அவர் கூறினார்.
உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.
