நீங்கள் தேடியது "Sidhu"

சென்னை:

தமிழர்கள் பற்றியும், தமிழர்களின் உணவு முறைகள் பற்றியும் இழிவாக பேசியதாக பஞ்சாப் மந்திரி சித்துவை கண்டித்து பா.ஜனதா கட்சி சார்பில் சென்னை கலெக்டர் அலுவலகம் அருகே இன்று ஆர்ப்பாட்டம் நடந்தது.

ஆர்ப்பாட்டத்துக்கு தமிழக பா.ஜனதா தலைவர் தமிழிசை சவுந்தரராஜன் தலைமை தாங்கினார். அப்போது அவர் பேசியதாவது:-

‘‘தமிழர்கள் பற்றியும், தமிழர்களின் உணவு முறை பற்றியும் பஞ்சாப் மந்திரி நவ்ஜோத் சிங் சித்து இழிவாக பேசியுள்ளார். தமிழ்நாட்டில் உள்ள தலைவர்கள் யாரும் இதை கண்டித்து அறிக்கைவிடவில்லை.

சித்து கூட்டணி கட்சியான காங்கிரசை சேர்ந்தவர் என்பதால் அவருக்கு எதிராக தி.மு.க. உள்ளிட்ட கட்சிகள் எதிர்ப்பு தெரிவிக்கவில்லை. ஆனால் தமிழ் உணர்வு மிக்க, தமிழர்கள் மீது மதிப்பு வைத்துள்ள பா.ஜனதா போராட்டம் நடத்துகிறது.

தமிழர்களை இழிவாக பேசிய சித்து மந்திரி பதவியில் இருந்து விலக வேண்டும். மேலும் மன்னிப்பு கேட்க வேண்டும். இலங்கையில் தமிழர் படுகொலைக்கு காங்கிரஸ் துணை போனது. இதனால் 1½ லட்சம் தமிழர்கள் கொன்று குவிக்கப்பட்டனர். எனவே தமிழர்கள் பற்றி பேச காங்கிரஸ் கட்சிக்கு அருகதை கிடையாது.

அதே நேரத்தில் இலங்கை தமிழர்களின் மறுவாழ்வுக்கு பா.ஜனதா கட்சி பாடுபட்டு வருகிறது. தமிழ் இனத்தை காக்க தொடர்ந்து பாடுபடு வோம்.

இவ்வாறு அவர் பேசினார்.

ஆர்ப்பாட்டத்தில் பா.ஜனதா கட்சியின் மத்திய சென்னை மாவட்ட தலைவர் தனஞ்செயன், மீனவர் அணி தலைவர் சதீஷ்குமார், நிர்வாகி காளிதாஸ் உள்பட பலர் கலந்து கொண்டனர்.

சபரிமலை விவகாரம் குறித்து தமிழிசை சவுந்தர ராஜன் கூறியதாவது:-

சபரிமலைக்கு செல்லும் பெரும்பாலான அய்யப் பக்தர்கள் சுப்ரீம் கோர்ட்டு தீர்ப்பை ஏற்கவில்லை. கேரளா மற்றும் தமிழ்நாட்டில் போராட்டங்கள் வலுத்து வருகின்றன. மக்களின் உணர்வுகளுக்கு செவிசாய்க்க வேண்டியதுதான் அரசாங் கத்தின் கடமை.

நாங்கள் சட்டத்துக்கு உட்பட்டவர்கள். சட்டத்தை மீறமாட்டோம் என்று கூறும் கேரள முதல் மந்திரியும், அவர் சார்ந்த கட்சியினரும் சட்டத்துக்கு எதிராக போராடியது இல்லையா? ஜல்லிக்கட்டு போராட்டம் சுப்ரீம் கோர்ட்டு தீர்ப்புக்கு எதிரானது தானே. அதை கம்யூனிஸ்டுகள் ஆதரிக்க தானே செய்தார்கள். எத்தனை தொழிற்சாலைகளில் கோர்ட்டுக்கு எதிராக போராட்டம் நடத்துகிறார் கள்.

இப்போது சபரிமலை விவகாரத்தில் மறுசீராய்வு மனுவை தாக்கல் செய்ய மாட்டோம் என்று பிடி வாதமாக இருப்பது அவர் களது இந்து விரோத உணர்வை வெளிப்படுத்தி உள்ளது. பக்தர்களின் உணர்வுக்கு செவிசாய்க்கா விட்டால் அதற்குரிய பலனை ஆட்சியாளர்கள் அனுபவித்தே தீர வேண்டும்.

இவ்வாறு அவர் கூறி னார்.

புதுடெல்லி:

இந்திய கிரிக்கெட் அணியின் முன்னாள் அதிரடி பேட்ஸ்மேன் நவ்ஜோத்சிங் சித்து.

ஓய்வுக்கு பிறகு டெலிவி‌ஷன் வர்ணனையாளராக இருந்த அவர் அரசியலுக்கு சென்றார். தற்போது காங்கிரசில் இருக்கும் சித்து பஞ்சாப் மாநில அரசில் கலாச்சார துறை மந்திரியாக இருக்கிறார்.

இந்த நிலையில் தமிழக கலாச்சாரத்தையும், பாகிஸ்தான் கலாச்சாரத்தையும் ஒப்பிட்டு சித்து பேசினார். இமாச்சல பிரதேச மாநிலம் கசோலியில் நடந்த இலக்கிய திருவிழாவில் அவர் பேசியதாவது:-

தமிழகத்தின் கலாச்சாரம் மொழி, உணவுகள் எனக்கு ஒத்து வராது. என்னால் தினமும் இட்லி சாப்பிட இயலாது. ஆனால் பஞ்சாப் கலாச்சாரமும், பாகிஸ்தான் கலாச்சாரமும் மொழியும், உணவு பழக்க வழக்கமும் ஒரே மாதிரியாக இருக்கிறது. இதனால் தென் இந்தியாவை விட பாகிஸ்தான் மக்களுடன் வாழ்வது எனக்கு எளிதானது.

இவ்வாறு சித்து பேசினார்.

சித்துவின் இந்த பேச்சுக்கு தமிழக அரசியல் கட்சிகள் கடும் கண்டனம் தெரிவித்துள்ளன.

இந்த நிலையில் பா.ஜனதா கட்சியின் செய்தி தொடர்பாளர் சம்பத் பத்ரா இது குறித்து டெல்லியில் நிருபர்களிடம் கூறியதாவது:-

பாகிஸ்தான் மீது மிகவும் பற்றுள்ளவராக சித்து இருப்பதால் பஞ்சாப் அமைச்சரவையில் இருந்து விலகி பாகிஸ்தான் பிரதமர் இம்ரான்கான் மந்திரி சபையில் சேர்ந்து கொள்ளலாம். அதுதான் அவருக்கு எங்களுடைய கனிவான அறிவுரையாகும்.

சித்து தனது பேச்சில் தென் இந்தியாவை விட பாகிஸ்தான் உயர்ந்தது எனது தெரிவித்துள்ளார். காங்கிரஸ் கட்சி பாகிஸ்தானுடன் இணைந்து சதி திட்டத்தில் ஈடுபட்டுள்ளது தெளிவாகிறது. நாட்டை தென் இந்தியா, வட இந்தியா என்று பிரிப்பதே காங்கிரசின் சதி திட்டமாகும்.

இவ்வாறு அவர் கூறினார்.

பா.ஜனதா தலைவர்களில் ஒருவரான ஜி.வி.எல். நரசிம்மராவ் இது தொடர்பாக கூறியதாவது:-

சித்துவின் இந்த பேச்சுக்கு காங்கிரஸ் தலைவர் ராகுல் காந்தி ஒவ்வொரு தென் இந்தியர்களிடமும் மன்னிப்பு கேட்க வேண்டும். சித்துவையும் மன்னிப்பு கேட்க வைக்க வேண்டும். மேலும் அவரை பதவி நீக்கம் செய்ய வேண்டும்.

இவ்வாறு அவர் கூறியுள்ளார்.

இம்ரான்கான் பதவியேற்பு விழாவில் பங்கேற்று அந்நாட்டு ராணுவ தளபதியை கட்டியணைத்து சித்து ஏற்கனவே சர்ச்சையில் சிக்கி இருந்தார். தற்போது அவர் மீண்டும் ஒரு சர்ச்சையில் சிக்கி இருக்கிறார். #BJP #PakistanCabinet

சண்டிகார்:

பாகிஸ்தான் தேர்தலில் முன்னாள் கிரிக்கெட் வீரர் இம்ரான்கானின் தெக்ரீக்- இ- இன்ஷாப் கட்சி அதிக இடங்களில் வெற்றி பெற்றது. சிறிய கட்சிகள், மற்றும் சுயேட்சைகள் ஆதரவுடன் அந்த கட்சி ஆட்சி அமைக்கிறது.

பாகிஸ்தான் பிரதமராக இம்ரான்கான் வருகிற 18-ந்தேதி பதவி ஏற்கிறார்.

இந்த பதவி ஏற்பு விழாவில் இந்திய அணியின் முன்னாள் வீரர்களும், தனது நெருங்கிய நண்பர்களுமான கபில்தேவ், கவாஸ்கர், நவ்ஜோத்சிங் சித்து ஆகியோருக்கு அவர் அழைப்பு விடுத்துள்ளார்.

இம்ரான்கானின் அழைப்பை ஏற்று கபில்தேவும், சித்துவும் பதவி ஏற்பு விழாவில் கலந்து கொள்ள சம்மதம் தெரிவித்துள்ளனர். மத்திய அரசின் ஒப்புதலுக்காக அவர்கள் காத்திருக்கின்றனர்.

இது தொடர்பாக பஞ்சாப் கேபினட் மந்திரியான நவ்ஜோத் சிங் சித்து கூறிதாவது:-

இம்ரான்கானின் பதவி ஏற்பு விழாவில் பங்கேற்க எனக்கு அழைப்பு வந்துள்ளது. அவரது கட்சியின் அலுவலகத்தில் இருந்து இந்த அழைப்பிதழ் வந்துள்ளது. இது தவிர இம்ரான்கான் தனிப்பட்ட முறையில் எனக்கு போன் செய்து அழைப்பு விடுத்தார். இதற்காக நான் அவருக்கு நன்றி தெரிவித்தேன்.

இம்ரான்கான் பதவி ஏற்பு விழாவில் நான் பங்கேற்கிறேன். இதுகுறித்து மத்திய உள்துறை அமைச்சகத்திடமும், பஞ்சாப் முதல்- மந்திரி அம்ரீந்தர்சிங் அலுவலகத்திடம் தகவல் தெரிவித்து விட்டேன்.

கபில்தேவிடமும் பேசினேன். அவருக்கு அழைப்பு வந்ததாக தெரிவித்தார். அவரும் விழாவில் பங்கேற்கிறார்.

இவ்வாறு சித்து கூறியுள்ளார்.

ஆனால் மற்றொரு முன்னாள் வீரரான கவாஸ்கர் பதவி ஏற்பு விழாவில் கலந்து கொள்ளவில்லை. இது தொடர்பாக அவர் கூறியதாவது:-

பதவி ஏற்பு விழாவில் பங்கேற்க முடியாததை இம்ரானிடம் போனில் தெரிவித்து விட்டேன். இந்தியா- இங்கிலாந்து டெஸ்ட் போட்டியில் வர்ணனை செய்ய ஒப்பந்தமாகி இருக்கிறேன். இதனால் இம்ரானின் பதவி ஏற்பு விழாவில் கலந்து கொள்ள முடியாது. அவருக்கு என் வாழ்த்துக்களை தெரிவித்து விட்டேன்.

இம்ரான்கான் எனக்கு பல ஆண்டு நண்பர் ஆவார். அவர் ஒரு நாட்டின் பிரதமராக பதவி ஏற்க உள்ளது மிகப் பெருமையான வி‌ஷயம். பல முறை இந்தியா வந்துள்ள அவர் எளிமையாக அனைவருடனும் பழகக் கூடியவர். இதனால் இந்தியா உடனான அவரது உறவு நன்றாக இருக்கும் என நம்புகிறேன்.

இவ்வாறு கவாஸ்கர் கூறினார். #ImranKhan #pakistanpm