நீங்கள் தேடியது "சில்ஸ் ஸ்மிதா"

அட்டகத்தி, மெட்ராஸ், கபாலி, காலா படங்களை இயக்கியவர் பா.ரஞ்சித். அடுத்து இந்தியில் படம் இயக்க பேச்சுவார்த்தை நடத்தி வருகிறார். சமீபகாலமாக தமிழ் சினிமா பிரபலங்கள் இணைய தொடர்களில் ஆர்வம் காட்டுகிறார்கள்.

அந்த வரிசையில் ரஞ்சித்தும் ஒரு இணைய தொடர் தயாரிக்க இருக்கிறார். இது மறைந்த கவர்ச்சி நடிகை சில்க் ஸ்மிதாவின் வாழ்க்கை வரலாறாக உருவாக இருக்கிறது. சில்க் ஸ்மிதாவின் வாழ்க்கை பல மர்மங்களை உள்ளடக்கியது.

அவரது வாழ்க்கையில் இருந்து மரணம் வரை பரபரப்பான சம்பவங்களின் தொகுப்பாக இது உருவாக இருக்கிறது. சில்க்கின் வாழ்க்கை ஏற்கனவே ‘டர்ட்டி பிக்சர்’ என்ற பெயரில் இந்தியில் படமானது. பிரபல நீலப்பட நடிகை சன்னி லியோனின் வாழ்க்கை இணைய தொடராக வருகிறது. அதை போல சில்க் ஸ்மிதாவின் வாழ்க்கை வரலாறும் உருவாக உள்ளது.