நீங்கள் தேடியது "சிவா"

நடிகர் சூர்யா மற்றும் இயக்குநர் சிவா கூட்டணியில் உருவான கங்குவா திரைப்படம் நவம்பர் 14 அன்று வெளியானது.

பெரும் எதிர்பார்ப்புக்கு மத்தியில் உருவான இத்திரைப்படம் மக்களிடையே எதிர்பார்த்த வரவேற்பை பெறவில்லை.

இதனிடையே இத்திரைப்படம் உலகம் முழுவதும் முதல் 2 நாட்களில் ரூ. 89.32 கோடி வசூல் செய்துள்ளது என்று படக்குழு தெரிவித்துள்ளது.

இந்நிலையில், கங்குவா படத்திற்கு எதிராக திட்டமிட்டு அவதூறு பரப்பப்படுவதாக நடிகை ஜோதிகா தனது இன்ஸ்டாகிராம் பக்கத்தில் காட்டமாக பதிவிட்டுள்ளார்.

அவரது பதிவில், "கங்குவா மிகச்சிறந்த படம். நான் இதை சூர்யாவின் மனைவியாக கூறவில்லை. சினிமா ரசிகையாக சொல்கிறேன். ஒரு நடிகராக சினிமாவை முன்னுக்கு கொண்டு வர வேண்டும் என நினைக்கும் உங்களை நினைத்து பெருமைப்படுகிறேன் சூர்யா. இந்திய சினிமாக்களில் தவறுகள் என்பது ஒரு பகுதிதான். 3 மணி நேர படத்தில் அரை மணி நேரம் மட்டுமே குறை உள்ளது. இப்படத்தின் சத்தம் இரைச்சலாக உள்ளது என்பதை நான் ஒத்துக்கொள்கிறேன். ஆனால் முழுமையான சினிமா அனுபவத்தை கொடுக்கும் படம் இது.

 பெண்களை பின்தொடர்வது, இரட்டை அர்த்த வசனங்கள் என அறிவுக்கு மாறாக எடுக்கப்பட்ட பெரிய பட்ஜெட் படங்களுக்கு இந்த அளவிற்கு விமர்சனங்கள் வரவில்லை.

ஊடகங்களில் வெளியான எதிர்மறையான விமர்சனங்கள் எனக்கு ஆச்சரியமாக இருக்கிறது. இப்படம் சிறந்த ஆக்ஷன் காட்சிகளைக் கொண்டுள்ளது. கங்குவா படத்தின் 2ம் பாதியில் பெண்களின் ஆக்ஷன் காட்சியையும், கங்குவாவுக்கும் சிறுவனுக்கும் இடையிலான அன்பு, துரோகம் போன்ற நல்ல காட்சிகள் உள்ளது. படத்தை ரிவ்யூ செய்வதில் அவர்கள் நல்ல விஷயங்களை சொல்ல மறந்துவிட்டனர்.

இப்படத்தை 3டியில் உருவாக்க படக்குழு எடுத்த முயற்சிக்கு பாராட்டு கிடைக்க வேண்டிய நிலையில், படத்தின் முதல் ஷோ முடிவதற்கு முன்பே கங்குவா படத்திற்கு இவ்வளவு எதிர்மறை விமர்சனங்கள் வந்தது வருத்தமளிக்கிறது.

கங்குவா படக்குழு பெருமையாக இருங்கள். இப்படத்திற்கு எதிர்மறையாக கருத்து தெரிவிப்பவர்கள் சினிமாவை அடுத்த கட்டத்திற்கு கொண்டு செல்ல வேறு எதுவும் செய்யவில்லை" என்று பதிவிட்டுள்ளார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

நடிகர் சூர்யா மற்றும் இயக்குநர் சிவா கூட்டணியில் உருவாகி நேற்று (நவம்பர் 14) வெளியான படம் கங்குவா. பெரும் எதிர்பார்ப்புக்கு மத்தியில் உலகம் முழுக்க 38 மொழிகளில் அதிக திரைகளில் இந்தப் படம் வெளியானது. முன்னதாக கங்குவா படம் குறித்து படக்குழு பல்வேறு தகவல்களை தெரிவித்த நிலையில், இந்த படத்திற்கான எதிர்பார்ப்பு பல மடங்கு எகிறியது.

இந்த நிலையில், கங்குவா திரைப்படம் எதிர்பார்த்த வரவேற்பை பெறவில்லை. இந்தப் படத்தை பார்த்தவர்களில் பலர் படக்குழு எதிர்பார்த்த விமர்சனத்தை கொடுக்கவில்லை. ஒருசிலர் இந்தப் படத்தை பாராட்டி வருகின்றனர். இந்த நிலையில், கங்குவா படத்தின் முதல் நாள் வசூல் விவரங்களை பட தயாரிப்பு நிறுவனம் வெளியிட்டுள்ளது.

இது குறித்து ஸ்டூடியோ கிரீன் நிறுவனம் வெளியிட்டுள்ள எக்ஸ் தள பதிவில், "உலகம் முழுக்க பாக்ஸ் ஆஃபிசில் கங்குவா திரைப்படம் ரூ. 58.62 கோடியை வசூல் செய்துள்ளது. அன்பான ரசிகர்கள், சினிமா ரசிகர்கள் மற்றும் பொது மக்கள் இதை நடத்தி காட்டியதற்கு நன்றிகள்," என தெரிவித்துள்ளது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

நடிகர் சூர்யா மற்றும் இயக்குநர் சிவா கூட்டணியில் உருவாகி இருக்கும் திரைப்படம் 'கங்குவா.' நாளை (நவம்பர் 14) வெளியாக இருக்கும் கங்குவா படத்தை விளம்பரப்படுத்தும் பணிகளில் படக்குழு மும்முரமாக ஈடுபட்டு வருகிறது.

அந்த வகையில், நேற்று நடைபெற்ற கங்குவா திரைப்படம் தொடர்பான நிகழ்ச்சியில் நடிகர் சூர்யா தாமதமாக வந்துள்ளார். பட நிகழ்ச்சிக்கு தாமதமாக வந்ததால் கோபமுற்ற செய்தியாளர் ஒருவர், நடிகர் சூர்யாவிடம் எவ்வளவு நேரம் காத்திருப்பது என்ற தொனியில் கேள்விகளை அடுக்கினார். செய்தியாளரின் இந்த செயல் அங்கு சலசலப்பை ஏற்படுத்தியது.

தாமதமாக வந்ததை அடுத்து கேள்வியாளர் எழுப்பிய கேள்விகளுக்கு நடிகர் சூர்யா மிகவும் பொறுமயாக பதில் அளித்தார். அதன்பிறகு மேடையில் பேசத் தொடங்கிய நடிகர் சூர்யா தாமதமாக வந்ததற்கு மன்னிப்பு கோரினார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

நடிகர் சூர்யா மற்றும் இயக்குநர் சிவா இயக்கத்தில் உருவாகி இருக்கும் திரைப்படம் கங்குவா. அடுத்த மாதம் ரிலீசாக இருக்கும் கங்குவா படத்தின் பாடல்கள் ஏற்கனவே வெளியாகி பெரும் வரவேற்பை பெற்றுள்ளன. தமிழ் திரையுலகின் அதிகம் எதிர்பார்க்கப்படும் படங்களில் ஒன்றாக கங்குவா இருக்கிறது.

இந்த நிலையில், கங்குவா படத்தின் படத்தொகுப்பாளர் நிஷாத் யூசுப் உயிரிழந்த சம்பவம் படக்குழு மற்றும் ரசிகர்களை அதிர்ச்சியில் ஆழ்த்தியுள்ளது. கேரளா மாநிலம் கொச்சியை அடுத்த பனம்பில்லி நகரில் உள்ள அடுக்குமாடி குடியிருப்பில் வசித்து வந்துள்ளார். இவர் இன்று (அக்டோபர் 30) அதிகாலை 2 மணி அளவில் உயிரிழந்ததாக தெரிகிறது.

இவர் உயிரிழந்ததற்கான காரணம் பற்றி இதுவரை எந்த தகவலும் இல்லை. இவருக்கு வயது 43. இவர் படத்தொகுப்பாளராக பணியாற்றி இருக்கும் கங்குவா திரைப்படம் அடுத்த மாதம் 14 ஆம் தேதி வெளியாக இருக்கிறது. பிரமாண்ட பொருட்செலவில் உருவாகி இருக்கும் படம் விரைவில் வெளியாக உள்ள நிலையில், படத்தொகுப்பாளர் உயிரிழந்தது சோகத்தை ஏற்படுத்தி இருக்கிறது.

நடிகர் சூர்யா, இயக்குநர் சிறுத்தை சிவா கூட்டணியில் உருவாகி இருக்கும் புதிய படம் 'கங்குவா'. அடுத்த மாதம் ரிலீசாக இருக்கும் இந்த படத்தை நடிகர், சூர்யா பல்வேறு மாநிலங்களுக்கு சுற்றுப் பயணம் மேற்கொண்டு விளம்பரப்படுத்தும் பணிகளில் மும்முரம் காட்டி வருகிறார்.

அந்த வகையில், ஆந்திர மாநிலத்தில் விளம்பரப்படுத்தும் விதமாக நடிகர் சூர்யா அல்லு சிரிஷ்க்கு அளித்த பேட்டியில் கங்குவா படம் குறித்த பல்வேறு கேள்விகளுக்கு பதில் அளித்தார்.

படம் குறித்து பேசும் போது, "கிளைமாக்ஸ் காட்சியில் பாபி தியோலுடன் மிகப் பெரிய சண்டை காட்சி படமாக்கப்பட்டு இருக்கிறது. சண்டை காட்சியின் இறுதியில் நான் சட்டையின்றி சண்டையிடும் காட்சி எடுக்கப்பட்டது."

"கிளைமாக்ஸ் காட்சியில் நடிப்பதற்காக 100 நாட்கள் திட்டமிட்டு, விசேஷ உணவு முறையை (டயட்) பின்பற்றி இயற்கை முறையில் சிக்ஸ் பேக் வைத்தேன். பத்து ஆண்டுகளுக்கு பிறகு ரசிகர்களுக்காக சிக்ஸ் பேக் வைத்து நடித்துள்ளேன். நான் மிகப் பெரிய ஃபுடீ (Foodie) என்பதால் உணவு முறையை பின்பற்றுவது சவாலாக இருந்தது," என்று தெரிவித்தார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

சூர்யா தற்பொழுது சிவா இயக்கத்தில் கங்குவா திரைப்படத்தில் நடித்துள்ளார். இத்திரைப்படம் வரும் நவம்பர் 14 ஆம் தேதி வெளியாகவுள்ளது.

இப்படத்தில் சூர்யா இரு கதாபாத்திரத்தில் நடித்துள்ளார். மேலும் இத்திரைப்படத்தில் திஷா பதானி, பாபி தியோல் மற்றும் பலர் நடித்துள்ளனர்.

கங்குவா படத்தின் ப்ரோமோஷன் பணிகளில் படக்குழு தீவிரமாக ஈடுபட்டு வருகிறது. திரைப்படத்தின் இரண்டாம் பாடலான யோலோ பாடல் வெளியாகி மக்களிடையே நல்ல வரவேற்பை பெற்றது.

திரைப்படத்தின் இசை வெளியீட்டு விழா சென்னையில் மிக பிரம்மாண்டமாக நடைப்பெற்றது. இந்நிலையில் மதன் கார்க்கி எழுதியுள்ள கங்குவா படத்தின் 'தலைவனே' பாடல் தற்போது வெளியாகியுள்ளது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

இயக்குநர் சிவா மற்றும் சூர்யா கூட்டணியில் உருவாகி இருக்கும் திரைப்படம் "கங்குவா." ஸ்டூடியோ கிரீன் நிறுவனம் தயாரித்து இருக்கும் கங்குவா திரைப்படத்திற்கு தேவி ஸ்ரீ பிரசாத் இசையமைத்துள்ளார். இந்தப் படத்தின் பணிகள் முழுமை பெற்று அடுத்த மாதம் ரிலீசாக இருக்கிறது.

இந்த நிலையில், கங்குவா படம் தொடர்பான தகவல்கள் தொடர்ந்து படக்குழு மூலம் வெளியாகி படத்திற்கான எதிர்பார்ப்பை அதிகப்படுத்தி இருக்கிறது. அந்த வரிசையில் பாடலாசிரியர் மதன் கார்க்கி கங்குவா படம் குறித்து தனது எக்ஸ் தளத்தில் பதிவிட்டுள்ளார்.

அதில், "கங்குவா திரைப்படத்தை முழுமையாக பார்த்தேன். டப்பிங் செய்யும் போது நூற்றுக்கும் அதிக முறை பார்த்த விட்டேன், இருந்தும் திரைப்படத்தின் தாக்கம் ஒவ்வொரு முறை பார்க்கும் போதும் அதிகரிக்கிறது. காட்சிகளில் பிரமாண்டம், மிக நுனுக்கமான கலை, ஆழமான கதை மற்றும் இசையின் அற்புதம் இவற்றுடன் சூர்யாவின் நடிப்பு, இதுவரை உருவாக்கியதில் மிக சிறப்பான படைப்பாக மாற்றுகிறது."

"இயக்குநர் சிறுத்தை சிவா உருவாக்கி இருக்கும் மிரட்டலான அனுபவத்திற்கு மனமார்ந்த நன்றிகள். இவரின் கனவுகளை நனவாக்கிய ஸ்டூடியோ கிரீன் நிறுவனத்திற்கும் நன்றிகளை தெரிவித்துக் கொள்கிறேன்," என்று குறிப்பிட்டுள்ளார்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

இயக்குநர் ஹோசிமின் இயக்கத்தில் சுமோ என்கிற திரைப்படத்தில் நாயகனாக சிவா நடித்துள்ளார். இப்படத்தில் பிரியா ஆனந்த் நாயகியாகவும் நடித்துள்ளனர்.

இப்படத்தில் யோகிபாபு, வி.டி.வி. கணேஷ் ஆகியோரும் முக்கிய கதாபாத்திரங்களில் நடித்துள்ளனர்.

மல்யுத்த வீரர்களின் வாழ்க்கையை மையமாக வைத்து தயாராகி உள்ள இப்படத்தில், மல்யுத்த வீரர் யோஷினோரி தாஷிரோவும் முக்கிய கதாபாத்திரத்தில் நடித்துள்ளார்.

2021 ஆம் ஆண்டே வெளியாக வேண்டிய இத்திரைப்படம் கொரோனா உள்ளிட்ட பல காரணங்களால் தள்ளிப்போனது.

இந்நிலையில், 'சுமோ' திரைப்படம் இந்தாண்டு அக்டோபர் மாதம் வெளியாகவுள்ளதாக படக்குழு அதிகாரப்பூர்வமாக அறிவித்துள்ளது. அக்டோபர் 18 ஆம் தேதி இத்திரைப்படம் திரைக்கு வரும் என்று சொல்லப்படுகிறது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

சிறுத்தை சிவா இயக்கத்தில் சூர்யா நடிப்பில் உருவாகி உள்ள படம் 'கங்குவா' . 38 மொழிகளில் 3டி மற்றும் ஐமேக்ஸ் தொழில்நுட்பத்தில் பிரம்மாண்ட பான் இந்தியா படமாக இந்த படத்தை ஸ்டூடியோ கிரீன் நிறுவனம் வெளியிட உள்ளது. வருகிற அக்டோபர் 10 ஆம் தேதி வெளியாகவுள்ளது.

சமீபத்தில் வெளியான படத்தின் டிரைலர் ரசிகர்களிடையே மிகப்பெரிய வரவேற்பை பெற்றது. டிரைலரின் காட்சிகள் மிகவும் வைரலாகியது. இதே அக்டோபர் 10 ஆம் தேதி ரஜினிகாந்த் நடிப்பில் டி.ஜே ஞானவேல் இயக்கத்தில் வெளிவர இருக்கும் திரைப்படம் வேட்டையன்.

வேட்டையன் திரைப்படத்தின் இயக்குனர் இதற்கு முன் சூர்யா நடிப்பில் ஜெய் பீம் திரைப்படத்தை இயக்கியது குறிப்பிடத்தக்கது.

தற்பொழுது கங்குவா திரைப்படத்தின் ரிலீஸ் தேதி ஒத்திவைக்க வாய்ப்புள்ளதாக தகவல் வெளியாகியுள்ளது. திரைப்படம் தீபாவளிக்கு வெளியிட படக்குழு திட்டமிடுகின்றனர் என கூறுகின்றனர். இதுக்குறித்து அதிகாரப்பூர்வ தகவல் விரைவில் வெளியாகும் என எதிர்பார்க்கப்படுகிறது.

தாமதத்திற்கு படத்தின் போஸ்ட் ப்ரொடக்ஷன் பணிகள் முடிக்காமல் இருப்பது தான் காரணம் என கூறப்படுகிறது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

தமிழில் அன்பு, காதல் கிசுகிசு, கலிங்கா, வீரம் , தம்பி, அண்ணாத்த படங்களில் நடித்தவர் நடிகர் பாலா. இவர் மலையாளத்தில் 50 க்கும் மேற்பட்ட படங்களில் மம்முட்டி, மோகன் லால், பிருத்திவிராஜ் உட்பட பல முன்னணி நடிகர்களுடன் நடித்துள்ளார். மலையாளத்தில் கதாநாயகனாகவும் வில்லனாகவும் படங்களில் நடித்து வெற்றி பெற்றுள்ளவர்.

சில நாட்களாகச் சந்தித்து வந்த,தன் உடல் நிலை பிரச்சினைகளில் இருந்து முற்றிலும் விடுபட்டு மீண்டு விட்டார். அவர்மீது அன்பு கொண்ட ரசிகர்களின் வேண்டுதல்கள் அந்த இறைவனுக்கே கேட்டு விட்டது போலும். ஓராண்டு காலத்திற்குப் பிறகு தற்போது உடல் நிலையில் நல்ல முன்னேற்றம் ஏற்பட்டு இயல்பு நிலைக்குத் திரும்பி விட்டார்.மீண்டும் படங்களில் நடிப்பதற்காகக் கதை கேட்கத் தொடங்கி விட்டார்.அப்படிக் கேட்டதில் ஒரு நல்ல கதை அமைந்து இருக்கிறது.விரைவில் நடிக்கவும் இருக்கிறார்.அதற்காக எடுத்த புகைப்படம் தான் இது.

தமிழில் புகழ்பெற்ற இயக்குநர் சிறுத்தை சிவாவின் தம்பி இவர் என்பதால் தமிழிலும் பட வாய்ப்புகள் வரும் என்று தெரிகிறது..அடுத்து நடிக்க இருக்கும் மலையாளம் மற்றும் தமிழ்ப் பட விவரங்கள் விரைவில் வெளியாகும் .

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

சிறுத்தை சிவா தமிழ் சினிமாவில் முன்னணி இயக்குனர்களில் ஒருவராக வலம் வருபவர். இவர் கடைசியாக ரஜினி நடிப்பில் அண்ணாத்த திரைப்படத்தை இயக்கியிருந்தார். அதை தொடர்ந்து சூர்யா நடிப்பில் கங்குவா திரைப்படத்தை இயக்கியுள்ளார்.

இவர் பீரியாடிக் திரைப்படமாக இந்த படத்தை இயக்கியுள்ளார். தேவி ஸ்ரீ பிரசாத் இதற்கு இசையமைக்கிறார். திரைப்படம் வரும் அக்டோபர் 10 ஆம் தேதி வெளியாகவுள்ளது. இப்படத்தை ஞானவேல்ராஜாவின் ஸ்டூடியோ கிரீன் நிறுவனம் தயாரித்துள்ளது.

இத்திரைப்படம் 38 மொழிகளில் 3டி மற்றும் ஐமேக்ஸ் தொழில்நுட்பத்தில் ஒரு பிரம்மாண்ட பான் இந்தியா படமாக வெளியாகவுள்ளது.

சூர்யாவின் பிறந்தநாளை முன்னிட்டு கங்குவாவின் முதல் பாடல் வரும் ஜூலை 23 ஆம் தேதி வெளியாகவுள்ளதாக படக்குழுவினர் அறிவித்துள்ளனர். இப்பாடலிற்கு ஃபயர் சாங் என தலைப்பிடப்பட்டுள்ளது. இதனால் ரசிகர்கள் மிகவும் உற்சாகத்தில் உள்ளனர்.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.

சிறுத்தை சிவா தமிழ் சினிமாவில் முன்னணி இயக்குனர்களில் ஒருவராக வலம் வருபவர். இவர் கடைசியாக ரஜினி நடிப்பில் அண்ணாத்த திரைப்படத்தை இயக்கியிருந்தார். அதை தொடர்ந்து சூர்யா நடிப்பில் கங்குவா திரைப்படத்தை இயக்கியுள்ளார்.

இவர் பீரியாடிக் திரைப்படமாக இந்த படத்தை இயக்கியுள்ளார். 3D தொழில் நுட்பத்தில் மிக பிரம்மாண்டமாக உருவாகி வரும் இந்த படத்தை ஸ்டூடியோ கிரீன் நிறுவனம் தயாரிக்கிறது. தேவி ஸ்ரீ பிரசாத் இதற்கு இசையமைக்கிறார். ஏற்கனவே இந்த படத்தின் படப்பிடிப்புகள் கொடைக்கானல், ராஜமுந்திரி ஆகிய பகுதிகளில் அடர்ந்த காட்டுப்பகுதியில் நடத்தப்பட்டது. சூர்யாவின் கெரியரில் மிகவும் முக்கியமான படமாக உருவாகும் இந்த கங்குவா படமானது பத்துக்கும் அதிகமான மொழிகளில் வெளியாக இருக்கிறது. அதன்படி சமீபத்தில் இந்த படமானது 2024 அக்டோபர் 10ஆம் தேதி வெளியாகும் என்று பட குழுவினர் அதிகாரப்பூர்வமாக அறிவித்திருந்தனர்.

இதற்கிடையில் இந்த படத்தின் முன்னோட்ட வீடியோவும் டீசரும் வெளியாகி படத்தின் மீதான எதிர்பார்ப்பை அதிகப்படுத்தியது. இந்நிலையில் வருகின்ற ஜூலை 23 சூர்யாவின் பிறந்த நாளை முன்னிட்டு கங்குவா படத்தின் டிரைலர் வெளியாகும் என்று சமூக வலைதளங்களில் செய்திகள் பரவி வருகிறது. அதற்காக ட்ரைலர் வேலைகளையும் படக்குழு ஆரம்பித்துள்ளது. இது தொடர்பான புகைப்படம் ஒன்று இணையத்தில் வைரலாகி வருகிறது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.