நீங்கள் தேடியது "ஒன்பிளஸ்"

ஒன்பிளஸ் நிறுவனம் கடந்த ஆண்டு ஜூலை மாத வாக்கில் ஒன்பிளஸ் பட்ஸ் ப்ரோ ட்ரூ வயர்லெஸ் இயர்பட்ஸ் மாடலை அறிமுகம் செய்தது. இது ஒன்பிளஸ் நிறுவனத்தின் முதல் பிளாக்‌ஷிப் தர ட்ரூ வயர்லெஸ் இயர்பட்ஸ் ஆகும். தற்போது இந்த மாடலின் மேம்பட்ட வெர்ஷன் விரைவில் அறிமுகமாகும் என தகவல் வெளியாகி உள்ளது.

அடுத்த ஆண்டின் முதல் காலாண்டு வாக்கில் ஒன்பிளஸ் நிறுவனம் புதிய பட்ஸ் ப்ரோ 2 ட்ரூ வயர்லெஸ் இயர்பட்ஸ்-ஐ அறிமுகம் செய்யும் என எதிர்பார்க்கப்படுகிறது. மேலும் இந்த இயர்பட்ஸ் உற்பத்தி நிலையை எட்டிவிட்டதாகவும் கூறப்படுகிறது. எனினும், இதன் உற்பத்தி ஆசியா மற்றும் ஐரோப்பிய பகுதிகளில் மட்டுமே மேற்கொள்ளப்படுவதாக டிப்ஸ்டரான முகுல் ஷர்மா தெரிவித்து இருக்கிறார்.

புதிய ஒன்பிளஸ் பட்ஸ் ப்ரோ 2 மாடல் ஒன்பிளஸ் நிறுவனத்தின் அடுத்த தலைமுறை பிளாக்‌ஷிப் மாடல்- ஒன்பிளஸ் 11 உடன் அறிமுகம் செய்யப்படும் என்றும் முகுல் ஷர்மா தெரிவித்துள்ளார். ஒவ்வொரு ஆண்டின் துவக்க மாதங்களில் ஒன்பிளஸ் பிரீமியம் ஸ்மார்ட்போன் மாடலை அறிமுகம் செய்வதை வழக்கமாக கொண்டிருக்கிறது. அந்த வரிசையில், அடுத்த ஆண்டு இயர்பட்ஸ் மாடலும் அறிமுகமாகும் என கூறப்படுகிறது.

அம்சங்களை பொருத்தவரை ஒன்பிளஸ் பட்ஸ் ப்ரோ 2 ட்ரூ வயர்லெஸ் இயர்பட்ஸ் ஸ்டெம் வைத்த இன்-இயர் டிசைன் மற்றும் சிலிகாம் டிப்கள் வழங்கப்படும் என எதிர்பார்க்கலாம். மேலும் இதில் 11mm மற்றும் 6mm டூயல் ஆடியோ டிரைவர்கள், ஆக்டிவ் நாய்ஸ் கேன்சலேஷன் வழங்கப்படும் என கூறப்படுகிறது. இதில் வழங்கப்படும் ஆக்டிவ் நாய்ஸ் கேன்சலேஷன் (ANC) வசதி 45db வரை நாய்ஸ் ரிடக்‌ஷன் வசதியை வழங்கும்.

மற்ற டாப் எண்ட் ட்ரூ வயர்லெஸ் இயர்பட்ஸ் மாடல்களை போன்றே இதிலும் அடாப்டிவ் நாய்ஸ் கேன்சலேஷன் வசதி, ஆம்பியண்ட் மோட் போன்ற அம்சங்கள் வழங்கப்படலாம். ஏற்கனவே வெளியான தகவல்களில் ஒன்பிளஸ் பட்ஸ் ப்ரோ 2 மூன்று மைக்ரோபோன்களை கொண்டு காலிங் மற்றும் ANC வசதிகளை வழங்கும் என கூறப்பட்டது. மேலும் இதில் ஸ்பேஷியல் ஆடியோ சப்போர்ட் வழங்கப்படும் என்றும் கூறப்படுகிறது.

ஒன்பிளஸ் நிறுவனம் அடுத்த ஆண்டு ஆண்ட்ராய்டு டேப்லெட் மாடல்களுக்கு கடும் போட்டியை ஏற்படுத்த திட்டமிட்டு வருவதாக தெரிகிறது. ஒன்பிளஸ் பேட் மாடல் மீண்டும் உருவாக்கப்பட்டு வருவதாக ஒன்பிளஸ் டிப்ஸ்டரான மேக்ஸ் ஜேம்பர் தெரிவித்து இருக்கிறார். ஒன்பிளஸ் பேட் மூலம் அந்நிறுவனம் டேப்லெட் சந்தையில் களமிறங்க இருப்பதாக கூறப்படுகிறது.

இது ஒன்பிளஸ் நிறுவனத்தின் முதல் டேப்லெட் என்ற போதிலும், கடந்த ஒரு வருடமாக இந்த மாடல் உருவாக்கப்பட்டு வருகிறது. ஒன்பிளஸ் ஹார்டுவேர் வளர்ச்சி பிரிவும் ஒப்போ நிறுவன சாதனங்கள் வளர்ச்சி பிரிவு நெருங்கிய பரஸ்பரம் கொண்டிருக்கும் நிலையில், ஒப்போ பேட் மாடல் மேற்கத்திய பகுதிகளில் ஒன்பிளஸ் பேட் பெயரில் அறிமுகம் செய்யப்படலாம் என்றும் கூறப்பட்டது. "ஒன்பிளஸ் பேட்" பெயரை அந்நிறுவனம் டிரேட்மார்க் செய்து இருக்கிறது.

ஒன்பிளஸ் பேட் மாடல் தற்போது உருவாக்கப்பட்டு வருவதாகவும், இந்த மாடல் அடுத்த ஆண்டு அறிமுகம் செய்யப்படும் என்றும் மேக்ஸ் ஜேம்பர் தெரிவித்து இருக்கிறார். முன்னதாக வெளியான தகவல்களில் ஒன்பிளஸ் நிறுவனம் தனது முதல் டேப்லெட் மாடலை 2022 முதல் அரையாண்டு வாக்கில் அறிமுகம் செய்யலாம் என கூறப்பட்டது. ஒன்பிளஸ் தனது முதல் டேப்லெட் பற்றி இதுவரை எந்த தகவலையும் வழங்கவில்லை.

ஒப்போ நிறுவனம் இரண்டு டேப்லெட் மாடல்களை அறிமுகம் செய்து இருக்கிறது. ஒப்போ பேட் 11 இன்ச் 2.5K LCD 120Hz ரிப்ரெஷ் ரேட் கொண்ட ஸ்கிரீன், ஸ்னாப்டிராகன் 870 பிராசஸர் கொண்டிருக்கிறது. ஒப்போ பேட் ஏர் மாடல் 10.36 இன்ச் 2K LCD 60HZ ரிப்ரெஷ் ரேட் கொண்ட ஸ்கிரீன் மற்றும் ஸ்னாப்டிராகன் 680 பிராசஸர் கொண்டிருக்கிறது.

ஒன்பிளஸ் பேட் மாடல் ஒப்போ பேட் போன்று சக்திவாய்ந்த அம்சங்களை கொண்டிருக்கும் என்றும் இதில் ஆண்ட்ராய்டு 12L ஒஎஸ் வழங்கப்படும் என்றும் கூறப்படுகிறது. புதிய டேப்லெட் மாடலுக்கு ஒன்பிளஸ் நிறுவனம் கீபோர்டு டாக் மற்றும் ஸ்டைலஸ் வசதி உள்ளிட்டவைகளை வழங்கப்படும் என கூறப்படுகிறது.

ஒன்பிளஸ் நிறுவனத்தின் பிளாக்‌ஷிப் இயர்பட்ஸ் மாடல்களாக பட்ஸ் ப்ரோ சீரிஸ் இருக்கிறது. ஒன்பிளஸ் நிறுவனம் தனது பட்ஸ் ப்ரோ சீரிசின் மேம்பட்ட வெர்ஷனை உருவாக்கி வருவதாக தகவல்கள் வெளியாகி வருகின்றன. இந்த நிலையில், புதிய ஒன்பிளஸ் பட்ஸ் ப்ரோ 2 ரெண்டர்களை 91மொபைல்ஸ் வெளியிட்டு உள்ளது. இதில் புதிய ஒன்பிளஸ் ட்ரூ வயர்லெஸ் இயர்பட்ஸ் விவரங்கள் வெளியாகி உள்ளது.

ரெண்டர்களின் படி புதிய ஒன்பிளஸ் பட்ஸ் ப்ரோ 2 மாடல் அதன் முந்தைய வெர்ஷனை விட ட்வீக் செய்யப்பட்ட டிசைன் கொண்டிருக்கிறது. மேலும் இந்த இயர்பட்ஸ் ஒவல் வடிவம் கொண்டிருக்கிறது. தோற்றத்தில் புதிய ஒன்பிளஸ் பட்ஸ் ப்ரோ 2 ஆப்பிள் ஏர்பாட்ஸ் மாடலை நினைவூட்டும் வகையில் காட்சியளிக்கிறது. இதன் மேல்புறம் மேட் ஃபினிஷ், கீழ்புறம் கிளாஸி ஃபினிஷ் செய்யப்பட்டுள்ளது.

இந்த இயர்பட்ஸ் ஆலிவ் கிரீன் நிறம் கொண்டிருக்கிறது. இயர்பட்ஸ் கேசில் டைனாடியோ (Dynaudio) என்கிரேவிங் செய்யப்பட்டு உள்ளது. டைனாடியோ 1977 ஆண்டு துவங்கப்பட் டச்சு லவுட் ஸ்பீக்கர் பிராண்டு ஆகும். புதிய ஒன்பிளஸ் பட்ஸ் ப்ரோ 2 மாடலின் டிரைவர்களை டைனாடியோ உருவாக்கி இருக்கிறதா அல்லது டியூனிங் போன்ற அம்சங்களை மட்டும் செய்திருக்கிறதா என்பது கேள்விக்குறியாகவே உள்ளது.

தற்போது வெளியாகி இருக்கும் தகவல்களின் படி ஒன்பிளஸ் பட்ஸ் ப்ரோ 2 மாடலில் 11mm டூயல் டிரைவர்கள், அடாப்டிவ் நாய்ஸ் கேன்சலேஷன் (ANC) வசதி வழங்கப்படும் என தெரிகிறது. இந்த வசதி மூலம் சத்தத்தை 45 டெசிபெல்கள் வரை குறைக்க முடியும். மேம்பட்ட சவுண்ட் பிக்-அப் வழங்க இயர்பட்களில் மூன்று மைக்ரோபோன்கள் வழங்கப்படலாம். இத்துடன் LHDC 4.0 கோடெக் மற்றும் ஸ்பேஷியல் சரவுண்ட் சவுண்ட் அம்சம் வழங்கப்படலாம்.

புதிய ஒன்பிளஸ் பட்ஸ் ப்ரோ 2 மாடல் ANC ஆன் செய்யப்பட்ட நிலையில், முழு சார்ஜ் செய்தால் ஆறு மணி நேரத்திற்கான பேக்கப் வழங்கும் என கூறப்படுகிறது. ANC ஆஃப் செய்தால் அதிகபட்சம் ஒன்பது மணி நேரத்திற்கு பேக்கப் வழங்கும் என கூறப்படுகிறது. இதனுடன் வரும் சார்ஜிங் கேஸ் சேர்த்தால் அதிகபட்சம் 32 மணி நேரத்திற்கு பேக்கப் கிடைக்கும் என கூறப்படுகிறது.

Photo Courtesy: 91Mobiles

ஒன்பிளஸ் நிறுவனத்தின் ஒன்பிளஸ் 10 ப்ரோ ஃபிளாக்‌ஷிப் ஸ்மாரட்போன் விலை இந்தியாவில் ரூ. 5 ஆயிரம் குறைக்கப்பட்டு இருக்கிறது. இந்த ஆண்டு மார்ச் மாத வாக்கில் அறிமுகம் செய்யப்பட்ட நிலையில், ஒன்பிளஸ் 10 ப்ரோ ஸ்மார்ட்போன் இரண்டு ரேம் மற்றும் மெமரி ஆப்ஷன்களில் விற்பனை செய்யப்படுகிறது.

ஒன்பிளஸ் அதிகாரப்பூர்வ வலைதளத்தின் படி ஒன்பிளஸ் 10 ப்ரோ விலை ரூ. 5 ஆயிரம் குறைக்கப்பட்டு இருக்கிறது. இதே விலை அமேசான் மற்றும் ஒன்பிளஸ் சில்லறை விற்பனை மையங்களிலும் அமலுக்கு வந்துள்ளது. எனினும், இந்த விலை குறைப்பு நிரந்தரமானதா அல்லது குறுகிய காலத்திற்கு மட்டும் அறிவிக்கப்பட்டு இருக்கிறதா என்பது கேள்விக்குறியாகவே உள்ளது.

இந்திய சந்தையில் ஒன்பிளஸ் 10 ப்ரோ ஸ்மார்ட்போனின் 8 ஜிபி ரேம், 128 ஜிபி மெமரி மாடல் ரூ. 66 ஆயிரத்து 999 விலையில் வெளியிடப்பட்டது. இதன் 12 ஜிபி ரேம், 256 ஜிபி மெமரி மாடல் விலை ரூ. 71 ஆயிரத்து 999 என நிர்ணயம் செய்யப்பட்டு உள்ளது. தற்போது விலை குறைப்பின் படி இரு வேரியண்ட்களின் விலை முறையே ரூ. 61 ஆயிரத்து 999 மற்றும் ரூ. 66 ஆயிரத்து 999 என மாற்றப்பட்டு இருக்கிறது.

அமேசான் மற்றும் ஒன்பிளஸ் வலைதளத்தில் பழைய ஸ்மார்ட்போனை எக்சேன்ஜ் செய்யும் வாடிக்கையாளர்கள் ஒன்பிளஸ் 10 ப்ரோ விலையை மேலும் குறைக்க முடியும். கூடுதலாக ஒன்பிளஸ் பட்ஸ் Z2 மாடலை ரூ. 2 ஆயிரத்து 299 விலையில் வாங்கிட முடியும். ஒன்பிளஸ் அதிகாரப்பூர்வ வலைதளத்தில் ஒன்பிளஸ் பட்ஸ் Z2 உண்மையான விலை ரூ. 5 ஆயிரத்து 499 ஆகும்.

அம்சங்களை பொருத்தவரை ஒன்பிளஸ் 10 ப்ரோ மாடலில் 6.78 இன்ச் QHD+ வளைந்த AMOLED டிஸ்ப்ளே, LTPO 2.0 தொழில்நுட்பம், 120Hz ரிப்ரெஷ் ரேட், ஸ்னாப்டிராகன் 8 ஜென் 1 பிராசஸர், அதிகபட்சம் 12 ஜிபி ரேம், 256 ஜிபி மெமரி, 5000 எம்ஏஹெச் பேட்டரி, 80 வாட் வயர்டு, 50 வாட் வயர்லெஸ் சார்ஜிங் வசதி வழங்கப்பட்டு இருக்கிறது. புகைப்படங்களை எடுக்க 48MP பிரைமரி கேமரா 50MP அல்ட்ரா வைடு லென்ஸ், 8MP டெலிபோட்டோ லென்ஸ் வழங்கப்பட்டு இருக்கிறது.

ஒன்பிளஸ் நார்டு CE 3 ஸ்மார்ட்போனின் சிறப்பம்சங்களை தொடர்ந்து அதன் ரெண்டர்கள் தற்போது வெளியாகி உள்ளது. ரெண்டர்களின் படி புதிய நார்டு CE 3 மாடலின் மத்தியில் பன்ச் ஹோல் ஸ்கிரீன் வழங்கப்பட்டு இருக்கிறது. முந்தைய நார்டு CE 2 மாடலில் பன்ச் ஹோல் இடது புறத்தில் வழங்கப்பட்டு இருந்தது குறிப்பிடத்தக்கது.

மேலும் கேமரா பம்ப்-க்கு மாற்றாக பிரைமரி கேமராவுடன், இரண்டு ரிங்குகள் காணப்படுகின்றன. இந்த ஸ்மார்ட்போனில் உள்ள ஃபிளாட் சைடுகள் தோற்றத்தில் ஒன்பிளஸ் X போன்றே காட்சியளிக்கிறது. இத்துடன் இடது புறத்தில் வால்யூம் ராக்கர்கள், வலது புறத்தில் கைரேகை சென்சார் அடங்கிய பவர் பட்டன், கீழ்புறத்தில் 3.5mm ஆடியோ ஜாக் வழங்கப்பட்டு இருக்கிறது.

ஒன்பிளஸ் நார்டு CE 3 எதிர்பார்க்கப்படும் அம்சங்கள்:

6.7 இன்ச் FHD+ LCD ஸ்கிரீன், 120Hz ரிப்ரெஷ் ரேட்

ஆக்டா கோர் ஸ்னாப்டிராகன் 695 பிராசஸர்

அட்ரினோ 619L GPU

6 ஜிபி, 8 ஜிபி, 12 ஜிபி ரேம்

128 ஜிபி, 256 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13 மற்றும் ஆக்சிஜன் ஒஎஸ் 13

டூயல் சிம் ஸ்லாட்

108MP பிரைமரி கேமரா

2MP டெப்த் கேமரா

2MP மேக்ரோ கேமரா

16MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக், சூப்பர் லீனியர் ஸ்பீக்கர்

5ஜி, டூயல் 4ஜி வோல்ட்இ, வைபை 6, ப்ளூடூத் 5.2

யுஎஸ்பி டைப்-சி

5000 எம்ஏஹெச் பேட்டரி

67 வாட் சூப்பர்வூக் ஃபாஸ்ட் சார்ஜிங்

புதிய ஒன்பிளஸ் நார்டு CE 3 ஸ்மார்ட்போன் அடுத்த ஆண்டின் முதல் அல்லது இரண்டாவது காலாண்டு வாக்கில் அறிமுகம் செய்யப்படும் என எதிர்பார்க்கலாம்.

ஒன்பிளஸ் நிறுவனம் டிசம்பர் 12 ஆம் தேதி இரண்டு புது மாணிட்டர்களை அறிமுகம் செய்ய இருக்கிறது. புது மாணிட்டர் மூலம் ஒன்பிளஸ் நிறுவனம் தனது சாதனங்கள் பிரிவை நீட்டிக்க இருக்கிறது. புது மாணிட்டர்கள் X 27 மற்றும் E 24 என அழைக்கப்படுகின்றன. இவற்றில் முறையே 27 இன்ச் மற்றும் 24 இன்ச் ஸ்கிரீன் வழங்கப்பட்டு இருக்கிறது.

புது மாணிட்டர் மற்றும் அதன் அளவீடுகளை ஏற்கனவே உறுதிப்படுத்திய நிலையில், தற்போது இவற்றின் மிக முக்கிய அம்சம் பற்றிய தகவலை ஒன்பிளஸ் வெளியிட்டு இருக்கிறது. இந்த அம்சம் X27 மற்றும் E 24 என இரண்டு மாடல்களிலும் வழங்கப்படுமா என்பது கேள்விக்குறியாகவே உள்ளது. புதிய ஒன்பிளஸ் மாணிட்டர்களில் 165Hz ரிப்ரெஷ் ரேட் கொண்ட டிஸ்ப்ளே வழங்கப்படுகிறது. இது அனிமேஷன் காட்சிகளை சிறப்பாக கையாள்வதோடு, தலைசிறந்த வியூவிங் அனுபவத்தை வழங்கும்.

இந்த மாணிட்டர் 1ms ரெஸ்பான்ஸ் டைம் கொண்டிருப்பதால், கேம்பிளே மிகவும் சீராக இருக்கும். புதிய ஒன்பிளஸ் மாணிட்டர்களில் AMD-யின் Freesync பிரீமியம் தொழில்நுட்பம் வழங்கப்படுகிறது. இது கேம் மற்றும் வீடியோ பார்க்கும் போது அவை ஸ்டடர் அல்லடு ஸ்கிரீன் டியரிங் ஏற்படாமல் பார்த்துக் கொள்ளும்.

இரு மாணிட்டர்களில் ஒன்பிளஸ் X 27 மாணிட்டர் பிரமீயம் மாடல் என்றும் E 24 மாடல் மிட்-ரேன்ஜ் சாதனம் என்றும் ஒன்பிளஸ் ஏற்கனவே தெரிவித்துவிட்டது. இவற்றில் X 27 மாடல் தலைசிறந்த டிஸ்ப்ளே மற்றும் செயல்திறன் பணி மற்றும் கேமிங்கிற்கு ஏற்றவாரு இயங்கும். E 24 மாடல் அன்றாட பணிகளுக்கு ஏற்ற வகையில் உருவாக்கப்பட்டு இருக்கும் என்றும் இதன் விலை குறைவாக நிர்ணயம் செய்யப்படும் என தெரிகிறது.

ஒன்பிளஸ் X 27 மற்றும் E 24 மாணிட்டர்கள் பற்றிய கூடுதல் விவரங்கள் வரும் நாட்களில் ஒவ்வொன்றாக அறிவிக்கப்படும் என தெரிகிறது. மேலும் புது மாணிட்டர்களுடன் ஒன்பிளஸ் நிறுவனம் புதிய Y1S ப்ரோ 55 இன்ச் ஸ்மார்ட் டிவி மாடலையும் அறிமுகம் செய்ய இருக்கிறது.

ஒன்பிளஸ் நிறுவனம் இந்திய சந்தையில் ஒன்பிளஸ் டிவி 55 Y1S ப்ரோ 4K ஸ்மார்ட் டிவி மாடலை அறிமுகம் செய்து இருக்கிறது. இது அந்நிறுவனத்தின் புதிய Y1S ப்ரோ சீரிஸ் டிவி ஆகும். முன்னதாக Y1S ப்ரோ சீரிசில் 50 இன்ச் மாடல் ஜூலை மாத வாக்கில் அறிமுகம் செய்யப்பட்டது குறிப்பிடத்தக்கது.

புதிய ஒன்பிளஸ் டிவி பெசல்-லெஸ் டிசைன், HDR 10+, HDR 10, HLG, ALLM, காமா என்ஜின் போன்ற வசதிகளை வழங்குகிறது. இத்துடன் அதிக தெளிவான காட்சிகளை டைனமிக் காண்டிராஸ்ட் மற்றும் வைப்ரண்ட் நிறங்களை வழங்குகிறது. MEMC தொழில்நுட்பத்துடன் வேகமாக நகரும் சீன்கள் மேம்படுத்தப்படுவதாக ஒன்பிளஸ் தெரிவித்து இருக்கிறது. இந்த டிவி ஆண்ட்ராய்டு 10.0 பிளாட்ஃபார்ம் கொண்டிருக்கிறது.

இத்துடன் கூகுள் அசிஸ்டண்ட், ஸ்மார்ட் மேனேஜர், ஒன்பிளஸ் பட்ஸ், ஒன்பிளஸ் வாட்ச் உள்ளிட்டவைகளை ஒன்பிளஸ் கனெக்ட் 2.0 மூலம் கனெக்ட் செய்து கொள்ளலாம். ஆக்சிஜன்பிளே 2.0 230-க்கும் அதிக லைவ் சேனல்களை வழங்குகிறது.

ஒன்பிளஸ் Y1S ப்ரோ 55 இன்ச் அம்சங்கள்:

55-இன்ச் 3840x2160 பிக்சல் LED டிஸ்ப்ளே, HDR10+, HDR10, HLG, ALLM, MEMC

காமா என்ஜின்

64-பிட் மீடியாடெக் MT 9216 பிராசஸர்

2 ஜிபி ரேம்

8 ஜிபி மெமரி

ஆண்ட்ராய்டு டிவி 10 மற்றும் ஆக்ஜின்பிளே 2.0

கூகுள் அசிஸ்டண்ட் பில்ட்-இன்

வைபை, ப்ளூடூத், 2x USB, ஆப்டிக்கல், ஈத்தர்நெட்

24வாட் ஸ்பீக்கர், டால்பி ஆடியோ

விலை மற்றும் விற்பனை விவரங்கள்:

ஒன்பிளஸ் டிவி Y1S ப்ரோ 55 இன்ச் மாடலின் விலை இந்தியாவில் ரூ. 39 ஆயிரத்து 999 என நிர்ணயம் செய்யப்பட்டு உள்ளது. இதன் விற்பனை ஒன்பிளஸ், அமேசான், ப்ளிப்கார்ட் வலைதளங்கள், ஆஃப்லைன் விற்பனை மையங்களில் நடைபெற இருக்கிறது. விற்பனை டிசம்பர் 12 ஆம் தேதி மதியம் 12 மணிக்கு துவங்குகிறது.

புதிய ஒன்பிளஸ் டிவியை வாங்குவோர் தேர்வு செய்யப்பட்ட வங்கி கார்டுகளை பயன்படுத்து்ம போது ரூ. 3 ஆயிரம் வரையிலான உடனடி தள்ளுபடி பெறலாம். இந்த சலுகை டிசம்பர் 25 ஆம் தேதி வரை வழங்கப்படுகிறது. இத்துடன் முன்னணி வங்கி பரிவர்த்தனைகளில் அதிகபட்சம் ஒன்பது மாதங்களுக்கு வட்டியில்லா மாத தவணை முறை வசதியும் வழங்கப்படுகிறது.

ஒன்பிளஸ் நிறுவனம் இந்திய சந்தையில் ஒன்பிளஸ் மாணிட்டர் X 27 மற்றும் மாணிட்டர் E 24 மாடல்களை அறிமுகம் செய்து இருக்கிறது. புதிய ஒன்பிளஸ் மாணிட்டர் E 24 மாடலில் FHD 75Hz டிஸ்ப்ளே, மாணிட்டர் X 27 மாடலில் 2K 165Hz HDR டிஸ்ப்ளே, 1ms ரெஸ்பான்ஸ் டைம், AMD ஃபிரீசின்க் பிரீமியம், டிஸ்ப்ளே HDR 400 கலர் உள்ளது. இரு மாணிட்டர்களிலும் டைப் சி போர்ட், யுஎஸ்பி பிடி சப்போர்ட், 18 வாட் அவுட்புட் உள்ளது.

இரண்டு புது மாணிட்டர்களிலும் பில்ட்-இன் கேபில் மேனேஜ்மெண்ட் அம்சம் உள்ளது. இதனால் வயர் ஒருங்கிணைப்பது பற்றி பயனர்கள் எவ்வித சிரமும் எடுத்துக் கொள்ள வேண்டிய அவசியம் இல்லை. ஒன்பிளஸ் மாணிட்டர் X 27 மாடலில் உறுதியான மெட்டல் ஸ்டாண்ட், டெலிகேட் மெட்டல் ஃபினிஷ், அட்ஜஸ்ட் செய்யக்கூடிய டிசைன், சுழற்றக் கூடிய வியூவிங் ஆங்கில் வழங்கப்பட்டு இருக்கிறது. இதன் உயரத்தை 0 முதல் 130mm வரை அட்ஜஸ்ட் செய்ய முடியும்.

ஒன்பிளஸ் மாணிட்டர் X 27 அம்சங்கள்:

27 இன்ச் 2560x1440 பிக்சல் QHD IPS டிஸ்ப்ளே, 165Hz ரிப்ரெஷ் ரேட்

1ms ரெஸ்பான்ஸ் டைம், 350 நிட்ஸ் பிரைட்னஸ், 95% DCI-P3 கலர் கமுட்

178 டிகிரி வியூவிங் ஆங்கில், VESA டிஸ்ப்ளேHDR 400, TUV ரெயின்லாந்து சான்று

AMD ஃபிரீசின்க் பிரீமியம்

ஸ்டாண்டர்டு, மூவி, பிக்ச்சர், வெப், கேம் போன்ற பிக்ச்சர் மோட்கள்

ஸ்ப்லிட் ஸ்கிரீன் சப்போர்ட்

உயரத்தை அட்ஜஸ்ட் செய்யும் வசதி

1x யுஎஸ்பி சி (65 வாட் பவர் டெலிவரி), 1X HDMI v2.1, 1x DP v1.4

2x யுஎஸ்பி 3.0 (5வாட் சார்ஜிங் சப்போர்ட்), 1x ஹெட்போன் ஜாக்

ஒன்பிளஸ் மாணிட்டர் E 24 அம்சங்கள்

24 இனஅச் 1920x1080 பிக்சல் FHD IPS டிஸ்ப்ளே, 75Hz ரிப்ரெஷ் ரேட்

5ms ரெஸ்பான்ஸ் டைம், 250 நிட்ஸ் பிரைட்னஸ், 178 டிகிரி வியூவிங் ஆங்கில், அடாப்டிவ் சின்க்

TUV ரெயின்லாந்து சான்று

8mm ஸ்லிம் மூன்று பக்கம் பெசல் இல்லா டிசைன்

மெட்டல் ஸ்டாண்ட், ஆங்கில் அட்ஜஸ்ட் செய்யும் வசதி

1x யுஎஸ்பி சி (18 வாட் பவர் டெலிவரி), 1x HDMI v1.4, 1x VGA, 1x ஹெட்போன் ஜாக்

விலை மற்றும் விற்பனை விவரங்கள்:

ஒன்பிளஸ் மாணிட்டர் X 27 மாடலின் விலை ரூ. 27 ஆயிரத்து 999 என நிர்ணயம் செய்யப்பட்டு உள்ளது. விற்பனை அமேசான் தளத்தில் டிசம்பர் 15 ஆம் தேதி துவங்குகிறது. ஒன்பிளஸ் மாணிட்டர் E 24 விலை மற்றும் விற்பனை விவரங்கள் விரைவில் அறிவிக்கப்பட இருக்கிறது. புதிய ஒன்பிளஸ் மாணிட்டர் X27 வாங்குவோர் தேர்வு செய்யப்பட்ட வங்கி கார்டுகளை பயன்படுத்தும் போது ரூ. 1000 தள்ளுபடி பெறலாம். இத்துடன் ஆறு மாதங்களுக்கு வட்டியில்லா மாத தவணை முறை வசதி வழங்கப்பட்டு இருக்கிறது.

ஒன்பிளஸ் நிறுவனம் உருவாக்கி வரும் புதிய ஃபிளாக்‌ஷிப் ஸ்மார்ட்போன் ஒன்பிளஸ் 11 விவரங்கள் சீனாவின் கம்பல்சரி சர்டிஃபிகேஷன் ஆஃப் சைனா (3C) வலைதளத்தில் இடம்பெற்று இருக்கிறது. இந்த வலைதளத்தில் புது ஒன்பிளஸ் ஸ்மார்ட்போன் விவரங்களும் தெரியவந்துள்ளது. மேலும் புதிய ஒன்பிளஸ் 11 ஸ்மார்ட்போன் 100 வாட் ஃபாஸ்ட் சார்ஜிங் வசதி, இதன் சார்ஜர் 5V/2A மற்றும் 5-11V/9.1A அவுட்புட் கொண்டிருப்பதாக கூறப்படுகிறது.

இதுகுறித்து தனியார் செய்தி நிறுவனம் வெளியிட்டு இருக்கும் தகவல்களில், PHB110 எனும் மாடல் நம்பர் கொண்டிருக்கும் ஸ்மார்ட்போன் ஒன்பிளஸ் 11 எனும் பெயரில் அறிமுகமாகும் என கூறப்பட்டுள்ளது. மேலும் இந்த ஃபிளாக்‌ஷிப் ஸ்மார்ட்போன் விவரங்கள் சீனாவின் 3C வலைதளத்தில் வெளியாகி உள்ளது. வலைதளத்தில் ஸ்மார்ட்போனின் சார்ஜர் VCBAJACH எனும் மாடல் நம்பர் கொண்டிருக்கிறது.

புதிய ஃபிளாக்‌ஷிப் ஸ்மார்ட்போனில் குவால்காம் சமீபத்தில் அறிமுகம் செய்த ஸ்னாப்டிராகன் 8 ஜென் 2 பிராசஸர் கொண்டிருக்கும் என ஒன்பிளஸ் நிறுவனம் ஏற்கனவே அறிவித்து விட்டது. முந்தைய தகவல்களின் படி இந்த ஸ்மார்ட்போன் கிளாசி கிரீன் மற்றும் மேட் பிளாக் என இரண்டு விதமான நிறங்களில் கிடைக்கும் என கூறப்பட்டது. இத்துடன் பன்ச் ஹோல் கட்அவுட், 2K ரெசல்யூஷன், 16 ஜிபி ரேம் வழங்கப்படுகிறது.

மற்ற அம்சங்களை பொருத்தவரை 6.7 இன்ச் QHD+ AMOLED டிஸ்ப்ளே, 8 ஜிபி ரேம், 128 ஜிபி மெமரி, 16 ஜிபி ரேம், 256 ஜிபி மெமரி, 50MP பிரைமரி கேமரா, 48MP அல்ட்ரா வைடு ஆங்கில் கேமரா, 32MP சென்சார் மற்றும் 32MP செல்ஃபி கேமரா வழங்கப்படும் என கூறப்படுகிறது.

ஒன்பிளஸ் நிறுவனம் தனது 9 ஆவது ஆண்டு விழாவை கொண்டாடி வருகிறது. இதையொட்டி ஏராள சலுகைகளை வழங்கும் கம்யுனிட்டி சேல் அறிவிக்கப்பட்டு இருக்கிறது. இதில் ஒன்பிளஸ் நிறுவன ஸ்மார்ட்போன், ஸ்மார்ட் டிவி, ஆடியோ மற்றும் அணியக்கூடிய சாதனங்கள் உள்ளிட்டவைகளுக்கு ஏராளமான சலுகைகள் வழங்கப்படுகிறது. இதன் மூலம் வாடிக்கையாளர்கள் பல்வேறு பிரிவுகளில் சாதனங்களுக்கு சிறப்பு சலுகை மற்றும் தள்ளுபடி பெறலாம்.

சிறப்பு சலுகைகள் மட்டுமின்றி ஒன்பிளஸ் நிறுவனம் "நெவர் செட்டில்" எனும் திட்டத்தை அறிவித்து இருக்கிறது. இந்த திட்டம் ஒன்பிளஸ் வளர்ச்சிக்கு மிக முக்கிய காரணமாக பார்க்கப்படும், தொடர்ந்து வளர்ந்து வரும் கம்யுனிட்டிக்காக பிரத்யேகமாக அறிவிக்கப்பட்டு இருக்கிறது.

ஒன்பிளஸ் ஃபிளாக்‌ஷிப் மாடல்களுக்கான சலுகைகள்:

ஒன்பிளஸ் 10 ப்ரோ 5ஜி மாடலை ஒன்பிளஸ் வலைதளம், ஒன்பிளஸ் ஸ்டோர் ஆப், ஒன்பிளஸ் எக்ஸ்பீரியன்ஸ் ஸ்டோல், அமேசான் மற்றும் பார்ட்னர் ஸ்டோர்களில் வாங்கும் போது ரூ. 5 ஆயிரம் தள்ளுபடி பெறலாம்.

ஒன்பிளஸ் வலைதளம், ஒன்பிளஸ் ஸ்டோர் ஆப், ஒன்பிளஸ் எக்ஸ்பீரியன்ஸ் ஸ்டோல், அமேசான் மற்றும் பார்ட்னர் ஸ்டோர்களில் ஒன்பிளஸ் 10T 5ஜி ஸ்மார்ட்போனை வாங்கும் போது ரூ. 5 ஆயிரம் தள்ளுபடி, ஒன்பிளஸ் 10 ப்ரோ 5ஜி மாடலுக்கு ரூ. 6 ஆயிரம் தள்ளுபடி, ஒன்பிளஸ் 10R 5ஜி ஸ்மார்ட்போனிற்கு ரூ. 5 ஆயிரம் தள்ளுபடி பெறலாம். இதற்கு வாடிக்கையாளர்கள் ஐசிஐசிஐ கார்டுகளை பயன்படுத்த வேண்டும். இந்த சலுகை டிசம்பர் 25, 2022 வரை வழங்கப்படுகிறது.

ஒன்பிளஸ் 10 ப்ரோ 5ஜி மற்றும் ஒன்பிளஸ் 10T 5ஜி ஸ்மார்ட்போனை ஒன்பிளஸ் வலைதளம், ஒன்பிளஸ் ஸ்டோர் ஆப், ஒன்பிளஸ் எக்ஸ்பீரியன்ஸ் ஸ்டோர், அமேசான் மற்றும் பார்டனர் ஸ்டோர்களில் ஒன்பிளஸ் மற்றும் ஐஒஎஸ் பயனர்கள் தங்களின் பழைய ஸ்மார்ட்போன்களை எக்சேன்ஜ் செய்து கூடுதலாக ரூ. 10 ஆயிரம் தள்ளுபடி பெறலாம். இந்த சலுகை டிசம்பர் 20, 2022 வரை வழங்கப்படுகிறது.

ஒன்பிளஸ் நார்டு:

ஐசிஐசிஐ கார்டு மற்றும் மாத தவணை முறையை பயன்படுத்தும் வாடிக்கையாளர்கள் ஒன்பிளஸ் நார்டு 2T 5ஜி ஸ்மார்ட்போனினை வாங்கும் போது ரூ. 3 ஆயிரமும், நார்டு CE 2 லைட் 5ஜி மாடலுக்கு ரூ. 1500 வரையும் தள்ளுபடி வழங்கப்படுகிறது. இந்த சலுகை டிசம்பர் 18, 2022 வரை வழங்கப்படுகிறது. டிசம்பர் 19 முதல் 25, 2022 வரை ஒன்பிளஸ் நார்டு 2T 5ஜி ஸ்மார்ட்போன் வாங்குவோர் ஐசிஐசிஐ கார்டு மற்றும் மாத தவணை முறையை பயன்படுத்தும் போது ரூ. 2 ஆயிரம் உடனடி தள்ளுபடி வழங்கப்படுகிறது.

டிசம்பர் 19 முதல் டிசம்பர் 25 ஆம் தேதிக்குள் ஐசிஐசிஐ கார்டு பயன்படுத்துவோர் ஒன்பிளஸ் நார்டு 2T வாங்கும் போது ரூ. 700 தள்ளுபடி பெறலாம். இத்துடன் ஐசிஐசிஐ வங்கி கார்டு வைத்திருப்போர் மூன்று மாதங்களுக்கு வட்டியில்லா மாத தவணை முறை சலுகையை பெற முடியும். இந்த சலுகை டிசம்பர் 25, 2022 வரை வழங்கப்படும்.

இதே போன்று ஒன்பிளஸ் நிறுவனத்தின் ஆடியோ மற்றும் அணியக்கூடிய சாதனங்கள், அக்சஸரீக்கள், ஸ்மார்ட் டிவி மற்றும் புதிதாக அறிமுகம் செய்யப்பட்ட மாணிட்டர்களுக்கும் அசத்தல் சலுகைகள் வழங்கப்படுகிறது.

ஒன்பிளஸ் 10T மார்வல் எடிஷன் இந்திய வெளியீடு உறுதியாகி விட்டது. ஒன்பிளஸ் நிறுவனத்தின் புதிய ஸ்பெஷல் எடிஷன் ஸ்மார்ட்போன் ஒன்பிளஸ் ரெட் கேபிள் கிளப்-இல் டிசம்பர் 17 ஆம் தேதியில் இருந்து டிசம்பர் 19 ஆம் தேதி வரை பிரத்யேகமாக கிடைக்கும். ஸ்பெஷல் எடிஷன் ஸ்மார்ட்போனாக இருப்பது மட்டுமின்றி மார்வல் தீம் கொண்ட சாதனங்கள் கூடுதலாக வழங்கப்படுகிறது.

முன்னதாக இந்த ஆண்டு ஆகஸ்ட் மாத வாக்கில் ஒன்பிளஸ் 10T 5ஜி ஸ்மார்ட்போன் அறிமுகம் செய்யப்பட்டது. இதில் குவால்காம் ஸ்னாப்டிராகன் 8 பிளஸ் ஜென் 1 பிராசஸர் வழங்கப்பட்டு இருக்கிறது. தற்போது ஸ்பெஷல் எடிஷன் ஸ்மார்ட்போனிற்காக ஒன்பிளஸ் நிறுவனம் மார்வல் ஸ்டூடியோஸ் உடன் இணைந்துள்ளது. புதிய ஒன்பிளஸ் 10T மார்வல் எடிஷன் ஸ்மார்ட்போன் ShopDisney.in வலைதளத்தில் பட்டியலிடப்பட்டு இருக்கிறது.

அதன்படி புதிய ஒன்பிளஸ் 10T மார்வல் எடிஷன் 3 மார்வல் தீம் கொண்ட பிரத்யேக அக்சஸரீக்களை கொண்டிருக்கும் என தெரியவந்துள்ளது. இதில் ஒரு Iron Man-தீம் கொண்ட மொபைல் கேஸ், கேப்டன் அமெரிக்கா தீம் கொண்ட பாப்-சாகெட், பிளாக் பாந்தர் தீம் கொண்ட போன் ஸ்டாண்ட் வழங்கப்படுகிறது. ஒன்பிளஸ் 10T மார்வல் எடிஷன் விலை ரூ. 55 ஆயிரத்து 999 என நிர்ணயம் செய்யப்பட்டு உள்ளது. இது 16 ஜிபி ரேம், 256 ஜிபி மெமரி மாடலுக்கானது ஆகும்.

ஒன்பிளஸ் 10T அம்சங்கள்:

அம்சங்களை பொருத்தவரை ஒன்பிளஸ் 10T மாடலில் 6.7 இன்ச் AMOLED டிஸ்ப்ளே, 120Hz ரிப்ரெஷ் ரேட், FHD+ ரெசல்யூஷன், 950 நிட்ஸ் பீக் பிரைட்னஸ், HDR10+, கார்னிங் கொரில்லா கிளாஸ் 5 பாதுகாப்பு, ஆக்டா கோர் குவால்காம் ஸ்னாப்டிராகன் 8 பிளஸ் ஜென் 1 பிராசஸர், LPDDR5 ரேம், UFS 3.1 மெமரி, ஆண்ட்ராய்டு 12 சார்ந்த ஆக்சிஜன் ஒஎஸ் 12 வழங்கப்பட்டு இருக்கிறது.

புகைப்படங்களை எடுக்க 50MP பிரைமரி கேமரா, OIS வசதி, 8MP அல்ட்ரா வைடு கேமரா, 2MP மேக்ரோ லென்ஸ் மற்றும் 16MP செல்ஃபி கேமரா வழங்கப்பட்டு இருக்கிறது. 4800 எம்ஏஹெச் பேட்டரி மூலம் சக்தியூட்டப்படும் ஒன்பிளஸ் 10T ஸ்மார்ட்போன் 150 வாட் சூப்பர்வூக் ஃபாஸ்ட் சார்ஜிங் வசதி கொண்டுள்ளது. 

ஒன்பிளஸ் நிறுவனம் ஃபிளாக்‌ஷிப் ஒன்பிளஸ் 11 5ஜி ஸ்மார்ட்போனினை அடுத்த ஆண்டு பிப்ரவரி 7 ஆம் தேதி புது டெல்லியில் நடைபெற இருக்கும் "கிளவுட் 11" நிகழ்வில் அறிமுகம் செய்ய இருக்கிறது. இதே நிகழ்வில் ஒன்பிளஸ் பட்ஸ் ப்ரோ 2 மாடலையும் ஒன்பிளஸ் நிறுவனம் அறிமுகம் செய்ய இருக்கிறது. இது அந்நிறுவனம் ஏற்கனவே அறிமுகம் செய்த ஒன்பிளஸ் பட்ஸ் ப்ரோ மாடலின் மேம்பட்ட வெர்ஷன் ஆகும்.

ஃபிளாக்‌ஷிப் ஸ்மார்ட்போன், ட்ரூ வயர்லெஸ் இயர்பட்ஸ் மாடல்கள் மட்டுமின்றி ஒன்பிளஸ் நிறுவனம் மேலும் சில சாதனங்களை அறிமுகம் செய்யலாம் என கூறப்படுகிறது. தற்போதைய டீசர்களில் "விட்னஸ் தி ஷேப் ஆஃப் பவர்" எனும் வாசகம் இடம்பெற்று இருக்கிறது. அதன்படி புது ஸ்மார்ட்போனில் அலெர்ட் ஸ்லைடர் மீண்டும் கொண்டுவரப்படுவது அம்பலமாகி இருக்கிறது. இந்த அம்சம் ஒன்பிளஸ் 10T மாடலில் நீக்கப்பட்டு இருந்தது.

ஏற்கனவே எதிர்பார்க்கப்பட்டதை போன்றே புதய ஒன்பிளஸ் 11 5ஜி ஸ்மார்ட்போனில் ஹேசில்பிலாட் பிராண்டிங் கொண்ட கேமரா சென்சார்கள் வழங்கப்படுகிறது. ஒன்பிளஸ் பட்ஸ் ப்ரோ 2 டீசர் முந்தைய இயர்பட்ஸ் போன்ற டிசைன் கொண்டிருக்கும் என தெரியவந்துள்ளது. புது இயர்பட்ஸ் ஃபுல் பாடி, ஸ்டீரியோ தர ஆடியோ அனுபவம் வழங்கும் என தெரிவிக்கப்பட்டு இருக்கிறது. பயனர் கருத்துக்களின் அடிப்படையில் இந்த அம்சங்கள் வழங்கப்படுவதாக தெரிகிறது.

ஒன்பிளஸ் 11 ஸ்மார்ட்போனில் குவால்காம் நிறுவனத்தின் ஸ்னாப்டிராகன் 8 ஜென் 2 பிராசஸர் வழங்கப்படும் என அந்நிறுவனம் ஏற்கனவே அறிவித்து விட்டது. இதுவரை வெளியாகி இருக்கும் தகவல்களின் படி ஒன்பிளஸ் 11 5ஜி ஸ்மார்ட்போனில் 2K அல்லது குவாட் HD+ ஸ்கிரீன், இடது புறத்தில் பன்ச் ஹோல், UFS 4.0 ஸ்டோரேஜ், மெட்டல் ஃபிரேம், 50MP பிரைமரி கேமரா, 48MP அல்ட்ரா வைடு ஆங்கில் லென்ஸ், 32MP டெலிபோட்டோ சென்சார், 5000 எம்ஏஹெச் பேட்டரி, 100 வாட் சூப்பர்வூக் ஃபாஸ்ட் சார்ஜிங் வசதி வழங்கப்படும் என கூறப்படுகிறது.

ஒன்பிளஸ் பட்ஸ் ப்ரோ 2 மாடலில் 11mm மற்றும் 6mm டூயல் ஆடியோ டிரைவர்கள், 45db வரை அடாப்டிவ் ANC வசதி, ஒவ்வொரு இயர்பட்களிலும் மூன்று மைக்ரோபோன்கள், ப்ளூடூத் 5.2 மற்றும் LHDC 4.0 கோடெக் வழங்கப்படும் என தகவல் வெளியாகி உள்ளது. இந்த இயர்போன் ANC மோடில் ஆறு மணி நேரமும், ANC ஆஃப் செய்யப்பட்ட நிலையில் ஒன்பது மணி நேர பேட்டரி பேக்கப் வழங்கும் என தெரிகிறது.