நீங்கள் தேடியது "எம்ஜி மோட்டார்ஸ்"

எம்ஜி மோட்டார்ஸ் நிறுவனம் இந்திய சந்தையில் தனது வின்ட்சர் EV மாடலை அறிமுகம் செய்தது. ரூ. 9.99 லட்சம், எக்ஸ்-ஷோரூம் விலையில் அறிமுகம் செய்யப்பட்டுள்ள எம்ஜி வின்ட்சர் EV மூன்று வேரியண்ட்கள், நான்குவித நிறங்களில் கிடைக்கிறது. இந்திய சந்தையில் கொமெட் மற்றும் ZS EV மாடல்கள் வரிசையில், அந்நிறுவனத்தின் மூன்றாவது எலெக்ட்ரிக் கார் மாடலாக புதிய வின்ட்சர் அறிமுகம் செய்யப்பட்டுள்ளது.

புதிய வின்ட்சர் மாடலின் வெளிப்புறம் எம்ஜி சிக்னேச்சர் ஹெட்லேம்ப்கள், பக்கவாட்டில் 18 இன்ச் அளவில் க்ரோம் ஃபினிஷ் செய்யப்பட்ட அலாய் வீல்கள், ஃபுளோட்டிங் ரூஃப்லைன், பாப்-அவுட் டோர் ஹேண்டில்கள் வழங்கப்படுகிறது. பின்புறம் கனெக்டெட் டெயில் லேம்ப்கள், க்ரோம் கார்னிஷ் செய்யப்பட்டுள்ளது.

உள்புறம் பிளாக் மற்றும் பெய்க் ஃபினிஷ் செய்யப்பட்ட இன்டீரியர், 15.6 இன்ச் இன்ஃபோடெயின்மென்ட் சிஸ்டம் வழங்கப்பட்டுள்ளது. கொமெட் மாடலில் உள்ள ஓஎஸ் புதிய வின்ட்சர் மாடலிலும் வழங்கப்பட்டு இருக்கிறது. இத்துடன் யுஎஸ்பி சார்ஜிங் போர்ட்கள், பின்புற இருக்கைகளில் ஏசி வென்ட்கள், மத்தியில் ஆர்ம்ரெஸ்ட் வழங்கப்படுகிறது.

புதிய வின்ட்சர் மாடலில் வயர்லெஸ் போன் மிரரிங், வயர்லெஸ் சார்ஜிங் வசதி, 360 டிகிரி கேமரா, கிளைமேட் கண்ட்ரோல், கனெக்டெட் கார் தொழில்நுட்பம், பின்புறம் ரிக்லைனிங் இருக்கை, பானரோமிக் சன்ரூஃப், வாய்ஸ் கண்ட்ரோல் போன்ற வசதிகள் உள்ளன.

எம்ஜி வின்ட்சர் மாடலில் 38 கிலோவாட் ஹவர் பேட்டரி பேக் வழங்கப்பட்டு இருக்கிறது. இந்த கார் முழு சார்ஜ் செய்தால் 331 கிலோமீட்டர்கள் வரையிலான ரேஞ்ச் வழங்குகிறது. இதில் உள்ள எலெக்ட்ரிக் மோட்டார்கள் 134 ஹெச்பி பவர், 200 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளன.

எம்ஜி மோட்டார்ஸ் நிறுவனம் சர்வதேச சந்தையில் தனது புதிய ZS மாடலை அதிகாரப்பூர்வமாக வெளியிட்டுள்ளது. புதிய 2025 எம்ஜி ZS மாடல் வெளிப்புறம் மற்றும் உட்புறத்தில் பல மாற்றங்களைக் கொண்டுள்ளது.

உலகளவில், புதிய ZS மாடல் ஹைப்ரிட்+ வடிவில் வழங்கப்படுகிறது. இருப்பினும், இந்தியாவில், இந்த கார் ஐசி எஞ்சின் மற்றும் எலெக்ட்ரிக் என இருவிதங்களில் விற்பனை செய்யப்பட உள்ளது. இதன் எலெக்ட்ரிக் மாடல் ZS EV என்றும் ஐசி எஞ்சின் கொண்ட மாடல் ஆஸ்டர் என்ற பெயரிலும் விற்பனைக்கு வரும்.

வெளிப்புறத்தில், புதிய ZS மாடல் மறுவடிவமைப்பு செய்யப்பட்ட பெரிய கிரில், அகலமான மற்றும் செங்குத்தாக வடிவமைக்கப்பட்ட ஏர் டேம்ப்கள், ஹெட்லேம்ப் கிளஸ்டரை இணைக்கும் அளவுக்கு அகல லைட் பார் மற்றும் மெல்லிய எல்இடி டிஆர்எல்-கள் வழங்கப்படுகின்றன. இந்த காரில் எம்ஜி லோகோ பொனெட்டில் பொருத்தப்பட்டு இருக்கிறது.

பக்கவாட்டில் இந்த கார் அதன் முந்தைய வெர்ஷனை போன்றே காட்சியளிக்கிறது. இத்துடன் சற்றே மாற்றம் செய்யப்பட்ட அலாய் வீல் டிசைன் கொண்டுள்ளது. பின்புறத்தில், முற்றிலும் புதிய ZS மாடல் அதிக மாற்றங்களை கொண்டுள்ளது. இதன் பம்ப்பர் டிசைன் மாற்றப்பட்டு, டெயில் லேம்ப்களும் புதுவித டிசைன் கொண்டிருக்கின்றன.

உட்புறத்தில், 12.3-இன்ச் இன்ஃபோடெயின்மென்ட் ஸ்கிரீன், மறுவடிவமைப்பு கொண்ட ஏசி வென்ட்கள், புதிய ஸ்டீரிங், 7 இன்ச் டிஜிட்டல் இன்ஸ்ட்ரூமென்ட் பேனல், ரீடிசைன் செய்யப்பட்ட சென்டர் கன்சோல் மற்றும் புதிய கியர் லீவர் கொண்டுள்ளது. அம்சங்களைப் பொறுத்தவரை, புதிய ZS ஹைப்ரிட்+ வயர்லெஸ் ஸ்மார்ட்போன் கனெக்டிவிட்டி, ADAS சூட், டைப்-சி சார்ஜிங் போர்ட், ஆட்டோ ஹோல்டு, எலெக்ட்ரானிக் பார்க்கிங் பிரேக், தானியங்கி காலநிலை கட்டுப்பாடு, 360 டிகிரி கேமரா மற்றும் வயர்லெஸ் சார்ஜர் ஆகியவை வழங்கப்பட்டு இருக்கிறது.

புதிய எம்ஜி ZS ஹைப்ரிட்+ 1.5-லிட்டர் நான்கு சிலிண்டர் பெட்ரோல் எஞ்சினை கொண்டிருக்கிறது. இத்துடன் எலெக்ட்ரிக் மோட்டார் இணைக்கப்பட்டு இருக்கிறது. இவை இரண்டும் இணைந்து 192 ஹெச்பி பவர் வெளிப்படுத்துகிறது. இந்த கார் மணிக்கு 100 கிலோமீட்டர்கள் வேகத்தை 8.7 நொடிகளில் எட்டிவிடும்.

எம்ஜி மோட்டார் நிறுவனத்தின் இந்திய விற்பனையாளர்கள் பல கார் மாடல்களுக்கு அசத்தல் சலுகை மற்றும் பலன்களை வழங்குகிறது. இதில் எம்ஜி குளோஸ்டர், ஹெக்டர், ஆஸ்டர், ZS EV மற்றும் கொமெட் EV மாடல்களுக்கு அதிக சலுகைகள் வழங்கப்படுகிறது.

அதன்படி எம்ஜி குளோஸ்டர் மாடலுக்கு ரூ. 6 லட்சம் வரையிலான பலன்கள் வழங்கப்படுகிறது. தற்போது இந்த மாடலின் விலை ரூ. 38 லட்சத்து 80 ஆயிரத்தில் துவங்கி ரூ. 43 லட்சத்து 87 ஆயிரம் என நிர்ணயம் செய்யப்பட்டு உள்ளது. இந்த கார் இந்திய சந்தையில் டொயோட்டா பார்ச்சூனர், ஸ்கோடா கோடியக், ஜீப் மெரிடியன் மற்றும் நிசான் எக்ஸ்-டிரெயில் போன்ற மாடல்களுக்கு போட்டியாக உள்ளது.

எம்ஜி ஹெக்டார் மாடலுக்கு ரூ. 3 லட்சம் வரையிலான பலன்கள் வழங்கப்படுகிறது. இந்திய சந்தையில் இதன் விலை ரூ. 13 லட்சத்து 99 ஆயிரம் என துவங்குகிறது. இந்த கார் ஹூண்டாய் அல்கசார் மற்றும் மஹிந்திரா XUV700 மாடல்களுக்கு போட்டியாக அமைகிறது. இந்த கார் 2.0 லிட்டர் டீசல் மற்றும் 1.5 லிட்டர் டர்போ பெட்ரோல் எஞ்சின் ஆப்ஷன்களில் கிடைக்கிறது.

எம்ஜி ஆஸ்டர் மாடலை வாங்கும் போது ரூ. 2 லட்சம் வரையிலான பலன்கள் வழங்கப்படுகிறது. இதன் விலை ரூ. 9 லட்சத்து 98 ஆயிரம் என நிர்ணயம் செய்யப்பட்டு உள்ளது. இது இந்திய சந்தையில் கிடைக்கும் குறைந்த விலை மிட்-சைஸ் எஸ்யுவி மாடல்களில் ஒன்றாகும். இந்த கார் 1.5 லிட்டர் NA பெட்ரோல் மற்றும் 1.3 லிட்டர் டர்போ பெட்ரோல் எஞ்சின் ஆப்ஷன்களில் கிடைக்கிறது.

எம்ஜி ZS EV மற்றும் கொமெட் EV மாடல்களை வாங்கும் போது முறையே ரூ. 2.2 லட்சம் மற்றும் ரூ. 90 ஆயிரம் வரையிலான பலன்கள் வழங்கப்படுகிறது. 

எம்.ஜி. மோட்டார்ஸ் நிறுவனம் இந்திய சந்தையில் பயன்படுத்துவதற்காக புதிய பெயரை டிரேட்மார்க் செய்துள்ளது. இந்த பெயரில் தான் எம்.ஜி. நிறுவனத்தின் மூன்றாவது எலெக்ட்ரிக் கார் மாடல் இந்தியாவில் அறிமுகம் செய்யப்படுகிறது.

புதிய எலெக்ட்ரிக் கார் மாடல் எக்செல்லார் என்ற பெயரில் விற்பனை செய்யப்பட உள்ளது. சர்வதேச சந்தையில் எம்.ஜி. நிறுவனம் எந்த மாடலுக்கும் எக்செல்லார் பெயரை பயன்படுத்துவதில்லை. அந்த வகையில், இந்த வாகனம் பற்றிய தகவல்கள் அனைத்தும் ரகசியமாகவே உள்ளது.

இந்த எலெக்ட்ரிக் கார் கொமெட் மற்றும் ZS EV மாடல்களுக்கு மத்தியில் நிலை நிறுத்தப்படும் என்று தெரிகிறது. புதிய எலெக்ட்ரிக் கார் டாடா நெக்சான் EV மாடலுக்கு போட்டியாக அமையும். மார்ச் 20-ம் தேதி மிக முக்கிய அறிவிப்பை வெளியிட எம்.ஜி. மோட்டார்ஸ் திட்டமிட்டு வருகிறது.

அந்த வகையில், புதிய எக்செல்லார் எலெக்ட்ரிக் கார் பற்றிய விவரங்கள் வெளியிடப்படும் என்று தெரிகிறது. புதிய எலெக்ட்ரிக் கார் மட்டுமின்றி எம்.ஜி.மோட்டார்ஸ் நிறுவனம் தனது குளோஸ்டர் ஃபேஸ்லிஃப்ட் மாடலை டெஸ்டிங் செய்து வருகிறது. வரும் மாதங்களில் இந்த மாடல் அறிமுகம் செய்யப்படலாம்.

எம்.ஜி. மோட்டார் நிறுவனம் இந்திய சந்தையில் எலெக்ட்ரிக் வாகனங்களை விரிவுப்படுத்தும் பணிகளில் ஈடுபட்டு வருகிறது. அந்த வரிசையில், புதிய எலெக்ட்ரிக் எஸ்.யு.வி. மாடலை எம்.ஜி. மோட்டார் நிறுவனம் இந்திய சந்தையில் அறிமுகம் செய்ய இருக்கிறது.

ஏற்கனவே எம்.ஜி. ZS EV மற்றும் கொமெட் EV என இரண்டு எலெக்ட்ரிக் கார்களை எம்.ஜி. நிறுவனம் இந்திய சந்தையில் விற்பனை செய்து வருகிறது. அந்த வரிசையில், எம்.ஜி.-யின் மூன்றாவது எலெக்ட்ரிக் கார் இந்த ஆண்டு இறுதிக்குள் அறிமுகம் செய்யப்படும் என தெரிகிறது.

இந்த மாடல் 2024 பண்டிகை காலக்கட்டத்தில் அறிமுகம் செய்யப்படலாம் என தகவல் வெளியாகி உள்ளது. வளர்ந்து வரும் இந்திய பொருளாதாரம் மற்றும் வாடிக்கையாளர்கள் மத்தியில் எலெக்ட்ரிக் வாகனங்களுக்கு கிடைக்கும் வரவேற்பை பயன்படுத்திக் கொள்ள எம்.ஜி. நிறுவனம் திட்டமிடுவதாக தெரிகிறது.

எம்.ஜி. நிறுவனத்தின் புதிய எலெக்ட்ரிக் கார் எஸ்.யு.வி. மாடலாக இருக்கும் என்றும் இது இந்திய ஆட்டோமொபைல் சந்தையில் எம்.ஜி.-யின் நிலையை வலுப்படுத்தும் வகையில் இருக்கும் என்றும் கூறப்படுகிறது.

இந்த கார் அந்நிறுவனத்தின் பௌஜூன் எலெக்ட்ரிக் எஸ்.யு.வி.-யாக இருக்கும் என கூறப்படுகிறது. இதன் விலை ரூ. 10 லட்சம் பட்ஜெட்டிற்குள் நிலை நிறுத்தப்படலாம் என்றும் தகவல் வெளியாகி உள்ளது. 

எம்.ஜி. மோட்டார் நிறுவனம் தனது ஹெக்டார் மற்றும் குளோஸ்டர் எஸ்.யு.வி. மாடல்கள் விலையை குறைத்து இருக்கிறது. இத்துடன் கொமெட் எலெக்ட்ரிக் கார் விலையும் குறைக்கப்பட்டுள்ளது. முன்னதாக எம்.ஜி. நிறுவனம் தனது ZS EV காரின் புதிய குறைந்த விலை எடிஷனை அறிமுகம் செய்திருந்தது. இது அந்த சீரிசில் என்ட்ரி லெவல் மாடலாகவும் அமைந்தது.

விலை குறைப்பை பொருத்தவரை எம்.ஜி. ஹெக்டார் பெட்ரோல் மாடலின் விலை தற்போது ரூ. 14 லட்சத்து 94 ஆயிரம் என துவங்குகிறது. இதன் டீசல் வேரியன்ட்களின் விலை ரூ. 17 லட்சத்து 50 ஆயிரம் என துவங்குகிறது. ஹெக்டார் பெட்ரோல் மற்றும் டீசல் வேரியன்ட்களின் விலை முறையே ரூ. 6 ஆயிரம் மற்றும் ரூ. 79 ஆயிரம் வரை குறைக்கப்பட்டு இருக்கிறது.

இந்திய சந்தையில் எம்.ஜி. ஹெக்டார் மாடல் டாடா ஹேரியர் மற்றும் மஹிந்திரா XUV700 மாடல்களுக்கு போட்டியாக அமைகிறது. இவற்றின் விலை முறையே ரூ. 15 லட்சத்து 49 ஆயிரம் மற்றும் ரூ. 14 லட்சத்து 03 ஆயிரம் என துவங்குகிறது.

எம்.ஜி. குளோஸ்டர் மாடலின் விலை ரூ. 1 லட்சத்து 31 ஆயிரம் வரை குறைக்கப்பட்டு இருக்கிறது. அதன்படி இந்த காரின் விலை தற்போது ரூ. 37 லட்சத்து 49 ஆயிரம் என துவங்குகிறது. இந்திய சந்தையில் இந்த கார் டொயோட்டா ஃபார்ச்சூனருக்கு போட்டியாக அமைகிறது. இதன் விலை ரூ. 35 லட்சத்து 93 ஆயிரம் என துவங்குகிறது.

எம்.ஜி. கொமெட் எலெக்ட்ரிக் கார் விலை தற்போது ரூ. 99 ஆயிரம் குறைக்கப்பட்டு இருக்கிறது. இதன் விலை ரூ. 6 லட்சத்து 99 ஆயிரம் என துவங்குகிறது. இந்திய சந்தையில் கொமெட் மாடலுக்கு போட்டியாக வேறு எந்த காரும் விற்பனை செய்யப்படவில்லை.

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. 

எம்.ஜி. மோட்டார்ஸ் நிறுவனம் தனது என்ட்ரி லெவல் எஸ்.யு.வி. மாடல் - ஆஸ்டர்-ஐ அப்டேட் செய்துள்ளது. புதிய 2024 எம்.ஜி. ஆஸ்டர் மாடலின் விலை ரூ. 9 லட்சத்து 98 ஆயிரம், எக்ஸ்-ஷோரூம் என்று துவங்குகிறது. இந்த கார் ஸ்ப்ரின்ட், ஷைன், செலக்ட், ஷார்ப் ப்ரோ மற்றும் சேவி ப்ரோ என ஐந்து வேரியண்ட்களில் கிடைக்கிறது.

அம்சங்களை பொருத்தவரை புதிய எம்.ஜி. ஆஸ்டர் மாடலில் ஐ-ஸ்மார்ட் 2.0 வழங்கப்பட்டு இருக்கிறது. இதில் 80-க்கும் அதிக கனெக்டெட் அம்சங்கள், ஜியோ வழங்கும் குரல் அங்கீகார வசதி (voice recognition system), ஆன்டி தெஃப்ட் வசதி கொண்ட டிஜிட்டல் கீ உள்ளிட்டவை வழங்கப்பட்டு இருக்கிறது.

இத்துடன் வென்டிலேட் செய்யப்பட்ட முன்புற இருக்கைகள், வயர்லெஸ் சார்ஜர், ஆட்டோ டிம்மிங் IRVM, வயர்லெஸ் ஆன்ட்ராய்டு ஆட்டோ, ஆப்பிள் கார் பிளே கனெக்டிவிட்டி, பானரோமிக் சன்ரூஃப், 360 டிகிரி சரவுன்ட் கேமரா, லெவல் 2 ADAS போன்ற வசதிகள் வழங்கப்பட்டு இருக்கிறது.

புதிய ஆஸ்டர் மாடலில் மெக்கானிக்கல் ரீதியில் எந்த மாற்றும் மேற்கொள்ளப்படவில்லை. அந்த வகையில், இந்த காரிலும் 1.5 லிட்டர் NA பெட்ரோல் என்ஜின் மற்றும் 1.3 லிட்டர் டர்போ பெட்ரோல் மோட்டார் வழங்கப்பட்டு இருக்கிறது. டிரான்ஸ்மிஷனை பொருத்தவரை 5 ஸ்பீடு மேனுவல், CVT மற்றும் 6 ஸ்பீடு டார்க் கன்வெர்ட்டர் யூனிட் வழங்கப்படுகிறது.

எம்.ஜி. நிறுவனத்தின் சைபர்ஸ்டர் எலெக்ட்ரிக் ஸ்போர்ட்ஸ் கார் சீன சந்தையில் அறிமுகம் செய்யப்பட்டு இருக்கிறது. முன்னதாக குட்வுட் ஃபெஸ்டிவல் ஆஃப் ஸ்பீடு நிகழ்வில் அறிமுகம் செய்யப்பட்ட எம்.ஜி. சைபர்ஸ்டர் தற்போது சீனாவில் அறிமுகமாகி இருக்கிறது. புதிய எலெக்ட்ரிக் ஸ்போர்ட்ஸ் கார் மாடல் கிளாமர் எடிஷன், ஸ்டைல் எடிஷன் மற்றும் பயோனிர் எடிஷன் என மூன்று வேரியண்ட்களில் கிடைக்கிறது.

இந்த மூன்று வேரியண்ட்களும் RWD 501, RWD 580 மற்றும் AWD 520 என மூன்று வித பவர்டிரெயின் ஆப்ஷன்களில் கிடைக்கிறது. எம்.ஜி. சைபர்ஸ்டர் மாடல் ஆடம்பர எலெக்ட்ரிக் ஸ்போர்ட்ஸ் கார் ஆகும். இதில் 77 கிலோவாட் ஹவர் பேட்டரி வழங்கப்பட்டு இருக்கிறது. இத்துடன் 536 ஹெச்.பி. பவர், 725 நியூட்டன் மீட்டர் டார்க் இழுவிசையை வெளிப்படுத்தும் டூயல் மோட்டார் செட்டப் வழங்கப்பட்டு இருக்கிறது.

இந்த வேரியண்ட் முழு சார்ஜ் செய்தால் 520 கிலோமீட்டர்கள் வரையிலான ரேன்ஜ் வழங்குகிறது. எம்.ஜி. சைபர்ஸ்டர் மாடலில் உள்ள கன்வெர்டிபில் சாஃப்ட் டாப்-ஐ (மேற்கூரை) மின்திறன் மூலம் இயக்கும் வசதி வழங்கப்பட்டு உள்ளது. இத்துடன் லம்போர்கினி கார்களில் உள்ளதை போன்ற சிசர் ரக கதவுகள் வழங்கப்பட்டு உள்ளன. இந்த கார் மணிக்கு 100 கிலோமீட்டர் வேகத்தை 3.2 நொடிகளில் எட்டிவிடும்.

விலையை பொருத்தவரை எம்.ஜி. சைபர்ஸ்டர் மாடல் CNY 3,19,800 இந்திய மதிப்பில் ரூ. 37 லட்சம் என்று துவங்குகிறது. இதன் டாப் எண்ட் மாடல் விலை CNY 3,55,800 இந்திய மதிப்பில் ரூ. 41 லட்சம் என்று நிர்ணயம் செய்யப்பட்டு உள்ளது. 

எம்.ஜி. மோட்டார்ஸ் நிறுவனம் தனது ZS EV எலெக்ட்ரிக் எஸ்.யு.வி. மாடலின் விலையை மாற்றியமைத்து இருக்கிறது. புதிய விலை மாற்றத்தின் படி எம்.ஜி. ZS EV மாடலின் விலை தற்போது குறைந்துள்ளது. இதனால் எம்.ஜி. ZS EV மாடல் விலை ரூ. 22 லட்சத்து 88 ஆயிரம், எக்ஸ்-ஷோரூம் என்று துவங்குகிறது.

எம்.ஜி. ZS EV மாடல்: எக்சைட், எக்ஸ்க்லுசிவ் மற்றும் எக்ஸ்க்லுசிவ் ப்ரோ மூன்று வேரியண்ட்களில் கிடைக்கிறது. இவற்றில் எக்சைட் வேரியண்ட் விலை ரூ. 50 ஆயிரமும், எக்ஸ்க்லுசிவ் மற்றும் எக்ஸ்க்லுசிவ் ப்ரோ வேரியண்ட்களின் விலை முறையே ரூ. 2 லட்சத்து 30 ஆயிரம் மற்றும் ரூ. 2 லட்சம் வரை குறைக்கப்பட்டு இருக்கிறது.

முழுமையான எலெக்ட்ரிக் எஸ்.யு.வி. என்ற அடிப்படையில், எம்.ஜி. ZS EV மாடலில் 50.3 கிலோவாட் ஹவர் பேட்டரி பேக், சிங்கில் மோட்டார் செட்டப் வழங்கப்பட்டு இருக்கிறது. இந்த மோட்டார் 174 ஹெச்.பி. பவர், 280 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த கார் முழு சார்ஜ் செய்தால் 419 கிலோமீட்டர்கள் வரையிலான ரேன்ஜ் வழங்குகிறது.

புதிய விலை விவரங்கள்:

எக்சைட் ரூ. 22 லட்சத்து 88 ஆயிரம்

எக்ஸ்க்லுசிவ் ரூ. 24 லட்சத்து 99 ஆயிரத்து 800

எக்ஸ்க்லுசிவ் ஐகானிக் ஐவரி ரூ. 25 லட்சத்து 09 ஆயிரத்து 800

எக்ஸ்க்லுசிவ் ப்ரோ ரூ. 25 லட்சத்து 89 ஆயிரத்து 800

எக்ஸ்க்லூசிவ் ப்ரோ ஐகானிக் ஐவரி ரூ. 25 லட்சத்து 99 ஆயிரத்து 800

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

எம்ஜி மோட்டார்ஸ் நிறுவனம் இந்திய சந்தையில் தனது கொமெட் கேமர் எடிஷன் மாடலை அறிமுகம் செய்தது. புதிய கேமர் எடிஷன் விலை அதன் ஸ்டாடன்டர்டு எடிஷனை விட ரூ. 65 ஆயிரம் வரை அதிகம் ஆகும். இந்தியாவின் முன்னணி கேமர் நமன் மதுர் என்ற மார்டல் உடனான கூட்டணியில் புதிய கேமர் எடிஷன் மாடல் உருவாக்கப்பட்டு இருக்கிறது.

புதிய எம்ஜி கொமெட் கேமர் எடிஷன் மாடலின் வீல், டோர் உள்ளிட்டவைகளில் ஸ்பெஷல் அக்சென்ட்களும், பி பில்லரில் ஸ்டிக்கர்களும் வழங்கப்படுகிறது. உள்புறம் நியான் லைட்கள், வித்தியாச டெக்ஸ்ச்சர் கொண்ட பொருட்கள் வழங்கப்படுகின்றன. இந்திய சந்தையில் எம்ஜி கொமெட் மாடல் மே 4-ம் தேதி அறிமுகம் செய்யப்பட்டது.

எம்ஜி கொமெட் எலெக்ட்ரிக் மாடல் விலை ரூ. 7 லட்சத்து 98 ஆயிரம், எக்ஸ்-ஷோரூம் என்று நிர்ணயம் செய்யப்பட்டது. இந்த எலெக்ட்ரிக் கார் பேஸ், பிளே மற்றும் புஷ் என மூன்று வேரியன்ட்களில் கிடைக்கிறது. இதன் டாப் என்ட் மாடல்களில் டச் ஸ்கிரீன் வசதி கொண்ட இன்போடெயின்மென்ட், ஆப்பிள் கார்பிளே, ஆண்ட்ராய்டு ஆட்டோ, பவர் மிரர் மற்றும் வின்டோக்கள் வழங்கப்படுகின்றன.

இந்திய சந்தையில் எம்ஜி கொமெட் மாடல் 17.3 கிலோவாட் ஹவர் பேட்டரி பேக் கொண்டிருக்கிறது. இத்துடன் எலெக்ட்ரிக் மோட்டார் வழங்கப்பட்டு இருக்கிறது. இந்த மோட்டார் 41 ஹெச்பி பவர், 76 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த எலெக்ட்ரிக் கார் முழு சார்ஜ் செய்தால் 230 கிலோமீட்டர்கள் வரையிலான ரேன்ஜ் வழங்கும் என்று தெரிவிக்கப்பட்டு இருக்கிறது.

எம்ஜி மோட்டார்ஸ் நிறுவனம் இந்திய சந்தையில் அறிமுகம் செய்வதற்கு முற்றிலும் புதிய எலெக்ட்ரிக் கார் மாடலை உருவாக்கி வருவதாக தகவல் வெளியாகி உள்ளது. சமீபத்தில் எம்ஜி நிறுவனம் அறிமுகம் செய்த கொமெட் EV மாடல் நல்ல வரவேற்பை பெற்ற நிலையில், தற்போது மைக்ரோ EV மாடல்கள் பிரிவில் அதிக கவனம் செலுத்த எம்ஜி மோட்டார்ஸ் திட்டமிட்டுள்ளதாக கூறப்படுகிறது.

கடந்த ஜூன் மாத விற்பனையின் படி எம்ஜி கொமெட் EV மாடல் இந்திய சந்தையில் எம்ஜி நிறுவனத்தின் அதிகம் விற்பனையான கார் மாடல்கள் பட்டியலில் இரண்டாவது மாடலாக உருவெடுத்தது. இந்த பிரிவில் எம்ஜி கொமெட் நல்ல வரவேற்பை பெற்ற காரணத்தால், இதே பிரிவில் பயனர்களுக்கு அதிக ஆப்ஷன்களை வழங்க எம்ஜி நிறுவனம் திட்டமிட்டு வருகிறது.

இதனை உறுதிப்படுத்தும் வகையில், எம்ஜி மோட்டார்ஸ் நிறுவனம் அளவில் சிறிய EV மாடலுக்கான காப்புரிமையை பெற விண்ணப்பித்து இருக்கிறது. இந்த மாடல் சீன சந்தையில் விற்பனை செய்யப்பட்டு வரும் போஜூன் யெப் எலெக்ட்ரிக் மினி எஸ்யுவி மாடலை போன்றே காட்சியளிக்கும் என தெரியவந்துள்ளது.

எம்ஜி கொமெட் EV மாடலுடன் ஒப்பிடும் போது, புதிதாக உருவாகி வரும் சிறிய EV மாடல் ரக்கட் ப்ரோபைல் கொண்டிருக்கிறது. அளவீடுகளை பொருத்தவரை போஜூன் யெப் மாடல் 3381mm நீளம், 1685mm அகலம், 1721mm உயரமாக இருக்கிறது. இதன் வீல்பேஸ் 2110mm அளவில் உள்ளது.

புதிய போஜூன் யெப் மாடலில் பாக்சி டிசைன், செவ்வக வடிவம் கொண்ட முன்புற கிரில், சதுரங்க வடிவம் கொண்ட எல்இடி ஹெட்லைட்கள், ரக்கட் பம்ப்பர் மற்றும் பிலாட் பொனெட் வழங்கப்படுகிறது.

புதிய எம்ஜி EV மாடலில் 28.1 கிலோவாட் ஹவர் பேட்டரி மற்றும் ஒற்றை எலெக்ட்ரிக் மோட்டார் வழங்கப்படுகிறது. இது 67 ஹெச்பி பவர், 140 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் முழு சார்ஜ் செய்தால் 303 கிலோமீட்டர்கள் வரையிலான ரேன்ஜ் வழங்கும் என்று தெரிகிறது.

எம்ஜி மோட்டார் இந்தியா நிறுவனம் தனது குளோஸ்டர் எஸ்யுவி-யின் பிளாக்ஸ்டார்ம் எடிஷன் மாடலை இந்திய சந்தையில் அறிமுகம் செய்தது. புதிய எம்ஜி குளோஸ்டர் பிளாக்ஸ்டார்ம் எடிஷன் விலை ரூ. 40 லட்சத்து 30 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இந்த மாடல் 2WD மற்றும் 4WD என இருவித ஆப்ஷன்களில் கிடைக்கிறது.

இத்துடன் 6 மற்றும் 7 சீட்டர் வடிவில் விற்பனை செய்யப்படுகிறது. புதிய ஸ்பெஷல் எடிஷன் மாடலின் வெளிப்புறம் மற்றும் உள்புறங்களில் காஸ்மடிக் மாற்றங்கள் செய்யப்பட்டு உள்ளன. அதன்படி வெளிப்புறம் மெட்டல் பிளாக் பெயின்ட் மற்றும் ரெட் அக்செண்ட்கள் செய்யப்பட்டுள்ளன. முன்புறம் மற்றும் பின்புற ஸ்கிட் பிலேட்கள், ORVM-கள், டோர் பேனல்கள், ஹெட்லைட் கிலஸ்டர் உள்ளிட்டவைகளில் ரெட் கார்னிஷ் செய்யப்பட்டு உள்ளது.

இத்துடன் முன்புற ஃபெண்டரில் 'பிளாக்ஸ்டார்ம் பேட்ஜிங்' பின்புறம் டெயில்கேட்டில் 'குளோஸ்டர்' லெட்டரிங் இடம்பெற்று இருக்கிறது. டெயில்கேட் பிளாக் ஃபினிஷ் செய்யப்பட்டு இருக்கிறது. இத்துடன் பிளாக்டு-அவுட் கிரில், ஹெக்சகோனல் மெஷ் பேட்டன் உள்ளது. இவைதவிர புதிய ஸ்பெஷல் எடிஷன் மாடலில் அலாய் வீல்கள், ரூஃப் ரெயில்கள், ஸ்மோக்டு டெயில்கேட்கள், விண்டோ மற்றும் ஃபாக் லேம்ப் சரவுண்ட்கள் வழங்கப்படுகிறது.

உள்புறத்தில் டேஷ்போர்டு மற்றும் இருக்கை மேற்கவர்கள் பிளாக் ஃபினிஷ் மற்றும் ரெட் அக்செண்ட்கள் செய்யப்பட்டு உள்ளன. இத்துடன் டேஷ்போர்டு மற்றும் செண்டர் கன்சோல் பட்டன்கள், ஸ்டீரிங் வீல், மேட், டோர் பேட் உள்ளிட்டவைகளில் ரெட் பிராகாசமாக காட்சியளிக்கிறது.

புதிய எம்ஜி குளோஸ்டர் பிளாக்ஸ்டார்ம் எடிஷன் பிஎஸ் 6 2 விதிகளுக்கு ஏற்ற 2.0 லிட்டர் டீசல் எஞ்சின், டர்போ மற்றும் டுவின் டர்போ ஆப்ஷன்களில் வழங்கப்பட்டு இருக்கிறது. இரண்டு எஞ்சின்களும் 8 ஸ்பீடு ஆட்டோமேடிக் டிரான்ஸ்மிஷன் ஆப்ஷன் கொண்டுள்ளன. இந்திய சந்தையில் இதன் டாப் எண்ட் மாடல் விலை ரூ. 43 லட்சத்து 08 ஆயிரம் என்று நிர்ணயம் செய்யப்பட்டு உள்ளது.