நீங்கள் தேடியது "ஷ்ரத்தா ஸ்ரீநாத்"

மலையாள திரைப்படமான கொஹினூர் படத்தின் மூலம் கதாநாயகியாக அறிமுகமானார் நடிகை ஷ்ரத்தா ஸ்ரீநாத். அதை தொடர்ந்து யு டர்ன், விக்ரம் வேதா, ஜெர்சி, நேர்கொண்ட பார்வை , மாறா, இறுகப்பற்று போன்ற வெற்றி திரைப்படங்களில் நடித்து தனக்கென ஒரு இடத்தை திரையுலகில் பிடித்தார்.

இந்நிலையில் ஷ்ரத்தா ஸ்ரீநாத் அடுத்ததாக கலியுகம் திரைப்படத்தில் நடித்துள்ளார். இவருடன் கிஷோர் முக்கிய கதாப்பாத்திரத்தில் நடித்துள்ளார். இப்படம் ஒரு டிஸ்டோபியன் உலகத்தில் நடக்கும் கதைக்களமாக உருவாகியுள்ளது.

இவர்களுடன் இனியன், அஸ்மல், ஹரி மற்றும் மிதுன் முக்கிய கதாப்பாத்திரத்தில் நடித்துள்ளனர். கலியுகம் படத்தை அறிமுக இயக்குநரான ப்ரமோத் சுந்தர் இயக்கியுள்ளார்.

டான் வின்சண்ட் இசையை மேற்கொண்டுள்ளார். இப்படத்தை ஆர்கே இண்டர்நேஷனல் மற்றும் பிரைம் சினிமாஸ் நிறுவனம் இணைந்து தயாரித்துள்ளது. இந்நிலையில் படத்தின் ரிலீஸ் தேதியை படக்குழு வெளியிட்டுள்ளது. திரைப்படம் வரும் மே9 ஆம் தேதி வெளியாகிறது. 

விக்ரம் வேதா, ஜெர்சி, கே13, மாறா உள்ளிட்ட பல படங்களில் நடித்து தமிழ் திரையுலகின் பிரபல நடிகையாக வலம் வருபவர் ஷ்ரத்தா ஸ்ரீநாத். இவர் தமிழ், தெலுங்கு, மலையாளம், கன்னடம், இந்தி உள்ளிட்ட மொழி படங்களிலும் நடித்து பிரபலமடைந்தார். இவர் தற்போது அறிமுக இயக்குனர் தீபக் இயக்கியுள்ள "விட்னஸ்" படத்தில் நடித்துள்ளார். மேலும், அவரே ஒளிப்பதிவாளராகவும் பணியாற்றியிருக்கிறார்.

விட்னஸ்

இதில் ரோகிணி, அழகம்பெருமாள், சண்முகராஜா, ஜி.செல்வா, சுபத்ரா ராபர்ட், இராஜீவ் ஆனந்த் மற்றும் எம்.ஏ.கே.இராம் உள்ளிட்ட பலர் நடித்துள்ளனர். தூய்மைப் பணியாளர்களின் வாழ்க்கையை மையமாகக் கொண்டு உருவாகி இருக்கும் இப்படத்தை "தி பீப்பிள் மீடியா பேக்டரி" சார்பாக டி.ஜி.விஷ்வபிரசாத் தயாரிக்க, விவேக் குச்சிபோட்லா இணைந்து தயாரித்துள்ளார். இப்படத்திற்கான கதை மற்றும் திரைக்கதையை முத்துவேல் மற்றும் ஜே.பி.சாணக்யா ஆகியோர் இணைந்து எழுதியுள்ளனர். இப்படத்தின் இசையை ரமேஷ் தமிழ்மணி கவனிக்க, கபிலன் பாடல்களை எழுதியுள்ளார்.

விட்னஸ்

இப்படத்தின் டிரைலர் சமீபத்தில் வெளியாகி நல்ல வரவேற்பை பெற்ற நிலையில், வருகிற டிசம்பர் 9-ஆம் தேதி சோனி ஓடிடி தளத்தில் தமிழ், தெலுங்கு, மலையாளம், கன்னடம், இந்தி இப்படம் நேரடியாக வெளியாகவுள்ளது.