டி.ஒ. கிரியேடிவ் லேப்ஸ், பரிதாபங்கள் புரொடக்ஷன்ஸ் மற்றும் ஸ்கேலர் நிறுவனங்கள் இணைந்து வழங்கும் புதிய இணைய தொடரை இயக்குநர் ஷாகித் ஆனந்த் இயக்குகிறார். இதில் பரிதாபங்கள் கோபி சுதாகர் முதன்மை பாத்திரங்களில் நடித்துள்ளனர்.
ஸ்டார்ட் அப் துறையின் பின்னணியில் உருவாகியிருக்கும் காமெடி டிராமா சீரிஸ் 'கோடியில் இருவர்'. வரும் பிப்ரவரி 25 முதல் பரிதாபங்கள் யூடியூப் சேனலில் இந்த சீரிஸ் ஒளிபரப்பாகவுள்ளது. கோடியில் இருவர் சீரிசின் டிரையிலர் வெளியாகி பெரும் வரவேற்பை பெற்றது. இணையம் முழுக்க வைரலாக பரவி வரும் இந்த டிரைலர் யூடியூப் தளத்தில், டிரெண்டாகி வருகிறது.
ஐடி ஊழியர்கள், ஸ்டார்ட் அப் துவங்க ஆசைப்படும் இளைஞர்கள் என இன்றைய தலைமுறையினர் தங்கள் வாழ்வோடு எளிதில் தொடர்பு படுத்திக்கொள்ளும் வகையிலான திரைக்கதையுடன், நகைச்சுவை கலந்து, அனைவருக்கும் பிடிக்கும் வண்ணம், கலக்கலான சீரிசாக இந்த சீரிஸ் உருவாகியுள்ளது.
இந்த சீரிசில் கோபி, சுதாகர் முதன்மைப் பாத்திரத்தில் நடிக்க அஜய் ரத்தினம், டிராவிட் செல்வம், செல்லா, விவேக், நித்யஸ்ரீ, ராம்குமார் அண்ணாச்சி, ஆல்பர்ட் அஜய், அஸ்வத் போபோ, அர்ஜுன் மனோகர் (ஓர்ஜுன்), வெட்டி பையன் வெங்கட் மற்றும் நிறைமதி ஆகியோர் முக்கிய பாத்திரங்களில் நடித்துள்ளனர்.
