நீங்கள் தேடியது "ரிபுன் போரா"

கவுகாத்தி:

அசாம் மாநில திரிணாமுல் காங்கிரஸ் கட்சியின் மாநில தலைவர் பதவியில் இருந்து ரிபுன் போரா திடீரென விலகி உள்ளார்.

இதுதொடர்பாக அக்கட்சியின் பொதுச் செயலாளர் அபிஷேக் பானர்ஜிக்கு பதவி விலகல் கடிதத்தை அனுப்பியுள்ளார்.

அந்தக் கடிதத்தில், அசாமில் திரிணாமுல் கட்சி பெரும் ஆற்றலைக் கொண்டுள்ளது. திரிணாமுல் கட்சியை மேற்கு வங்கத்தின் பிராந்தியக் கட்சியாகக் கருதுவது உள்பட தொடர்ச்சியான பல சிக்கல்கள் எங்கள் முன்னேற்றத்தைத் தடுக்கின்றன. இந்த கருத்தை எதிர்க்க நாங்கள் பல பரிந்துரைகளை வழங்கினோம்.

இந்தச் சிக்கல்களை நீக்க உங்களை மற்றும் முதல் மந்திரி மம்தா தீதி ஆகியோரை சந்திக்க கடந்த ஒன்றரை ஆண்டாக பலமுறை முயற்சித்த போதிலும் நான் வெற்றி பெறவில்லை என தெரிவித்துள்ளார்.

ரிபுன் போரா திரிணாமுல் காங்கிரசின் முன்னாள் மாநிலங்களவை உறுப்பினர் என்பது குறிப்பிடத்தக்கது.