நீங்கள் தேடியது "துடரும்"

1984 ஆம் ஆண்டு 'ஏப்ரல் 18' படத்தின் மூலம் கதாநாயகியாக மலையாள சினிமாவிற்கு ஷோபனா அறிமுகமானார். அதைத் தொடர்ந்து 1984 ஆம் ஆண்டு கமல் நடித்து வெளியான எனக்குள் ஒருவன் திரைப்படத்தின் மூலம் தமிழ் சினிமாவில் கதாநாயகியாக அறிமுகமாகினார் ஷோபனா.

பின் மலையாளம் மற்றும் தமிழ் சினிமாவின் முன்னணி நட்சத்திரங்களுக்கு ஜோடியாக நடித்தார்.

அதன் பின் தெலுங்கு, கன்னடம், இந்தி மொழி உள்பட ஏராளமான படங்களில் நடித்து வந்தார்.

இந்நிலையில் பிரபல மலையாள நடிகர் மோகன்லாலுடன் `துடரும்' படத்தில் நடித்துள்ளார். இது மோகன்லாலுடன் ஷோபனா இணைந்து நடிக்கும் 56 - வது படமாகும். மோகன்லாலுக்கு இது 360 - வது படம் ஆகும். ஷோபனா 20 வருடங்களுக்கு பிறகு மோகன்லாலுடன் இணைந்து இப்படத்தில் நடித்துள்ளார்.

இவர்கள் இணைந்து நடித்த மணிச்சித்திரதாழு, தென்மாவின் கொம்பத், பால கோபாலன் எம்.ஏ, பவித்ரம், மின்னாரம் ஆகிய படங்கள் மிகப் பெரிய படங்களாக அமைந்தது. ஷோபனா மற்றும் மோகன்லால் ரீல் ஜோடியாக ரசிகர்கள் மனதை கவர்ந்தவர்கள்.

துடரும் திரைப்படத்தை தருன் மூர்த்தி இயக்கியுள்ளார். தரூண் மூர்த்தி இதற்கு முன் ஆப்ரேஷன் ஜாவா படத்தை இயக்கியவர் ஆவார். படத்தை ரெஞ்சித் தயாரித்துள்ளார். படத்தின் டிரெய்லர் சமீபத்தில் வெளியாகி மக்களின் கவனத்தை பெற்றது. திரைப்படம் வரும் 25 ஆம் தேதி வெளியாக இருக்கிறது.

இப்படத்தில் மோகன்லால் டாக்சி டிரைவர் கதாப்பாத்திரத்தில் நடித்துள்ளார். இந்நிலையில் படத்தின் ரிலீசை முன்னிட்டு அரைவல் டீசரை படக்குழு வெளியிட்டுள்ளது.