நீங்கள் தேடியது "Smartphone"

சியோமி நிறுவனம் ரெட்மி நோட் 12 சீரிஸ் மாடல்களை கடந்த வாரம் சீன சந்தையில் அறிமுகம் செய்யப்பட்டது. ரெட்மி நோட் 12 சீரிசில்- ரெட்மி நோட் 12, ரெட்மி நோட் 12 ப்ரோ, ரெட்மி நோட் 12 ப்ரோ பிளஸ் மாடல்கள் இடம்பெற்றுள்ளன. இவற்றில் ரெட்மி நோட் 12 ப்ரோ பிளஸ் மாடல் இந்திய சந்தையில் சியோமி 12i ஹைப்பர்சார்ஜ் பெயரில் அறிமுகம் செய்யப்படும் என தகவல் வெளியாகி உள்ளது.

ஸ்மார்ட்போன் சந்தை வல்லுனரான கேக்பர் ஸிபெக் (Kacper Skrzypek) ரெட்மி நோட் 12 ப்ரோ பிளஸ் ஸ்மார்ட்போன் இந்திய சந்தையில் சியோமி 12i ஹைப்பர்சார்ஜ் பெயரில் அறிமுகம் செய்யப்படும் என்று தனது ட்விட்டரில் தெரிவித்து இருக்கிறார். மேலும் இந்தியாவில் சியோமி 12i ஹைப்பர்சார்ஜ் பற்றிய விவரங்கள் இடம்பெற்று இருப்பதாக அவர் தெரிவித்து இருக்கிறார். சியோமி நிறுவனத்தின் ஹைப்பர்சார்ஜ் சீரிஸ் அதிவேக பாஸ்ட் சார்ஜிங் வசதியை வழங்குவதில் கவனம் செலுத்தி வருகிறது.

முன்னதாக இந்தியாவில் இந்த ஆண்டு துவக்கத்தில் சியோமி 11i ஹைப்பர்சார்ஜ் 5ஜி மாடலை அறிமுகம் செய்து இருந்தது. இதில் 120 வாட் பாஸ்ட் சார்ஜிங் வசதி வழங்கப்பட்டு இருக்கிறது. எனினும், சியோமி 11i 5ஜி மாடலில் 67 வாட் பாஸ்ட் சார்ஜிங் மட்டுமே வழங்கப்பட்டு உள்ளது.

சியோமி 12i ஹைப்பர்சார்ஜ் மாடலின் அம்சங்கள் சீன சந்தையில் அறிமுகம் செய்யப்பட்ட ரெட்மி நோட் 12 ப்ரோ பிளஸ் மாடலில் உள்ளதை போன்றே வழங்கப்படும் என எதிர்பார்க்கலாம். அந்த வகையில், சியோமி 12i ஹைப்பர்சார்ஜ் மாடலில் 6.67 இன்ச் FHD OLED டிஸ்ப்ளே, 120Hz ரிப்ரெஷ் ரேட், HDR10+ வசதி, மீடியாடெக் டிமென்சிட்டி 1080 பிராசஸர், மாலி-G68 GPU வழங்கப்படும் என தெரிகிறது.

ரெட்மி நோட் 12 ப்ரோ பிளஸ் மாடலில் 200MP பிரைமரி கேமராவுடன், மூன்று கேமரா சென்சார்களும், 16MP செல்பி கேமராவும் வழங்கப்பட்டு இருக்கிறது. இந்த ஸ்மார்ட்போன் 5000 எம்ஏஹெச் பேட்டரி கொண்டிருக்கிறது. இத்துடன் 120 வாட் பாஸ்ட் சார்ஜிங் வசதி கொண்டிருக்கிறது. மேலும் ஆண்ட்ராய்டு 12 சார்ந்த MIUI 13 ஒஎஸ் வழங்கப்பட்டு உள்ளது.

ஹெச்எம்டி குளோபல் நிறுவனம் இந்தியாவில் நோக்கியா G60 5ஜி ஸ்மார்ட்போனினை அறிமுகம் செய்தது. முன்னதாக செப்டம்பர் மாத வாக்கில் இந்த ஸ்மார்ட்போன் சர்வதேச சந்தையில் அறிமுகம் செய்யப்பட்டது குறிப்பிடத்தக்கது. புதிய நோக்கியா G60 5ஜி ஸ்மார்ட்போன் 100 சதவீதம் மறுசுழற்சி செய்யப்பட்ட பாலிகார்போனேட் பேக், 60 சதவீதம் மறுசுழற்சி செய்யப்பட்ட பாலிகார்போனேட் பிரேம் கொண்டிருக்கிறது.

புதிய நோக்கியா ஸ்மார்ட்போனிற்கு மூன்று ஆண்டுகள் ஒஎஸ் அப்டேட், மாதாந்திர செக்யூரிட்டி அப்டேட் மற்றும் இரண்டு ஆண்டுகளுக்கு வாரண்டி வழங்கப்படுகிறது. இதன் மூலம் வாடிக்கையாளர்கள் நோக்கியா ஸ்மார்ட்போனினை நீண்ட காலத்திற்கு பயன்படுத்த முடியும். இந்த ஸ்மார்ட்போனுடன் வரும் பெட்டியும் அதிகளவு மறுசுழற்சி செய்யப்பட்ட பொருட்களை கொண்டே உருவாக்கப்பட்டு இருக்கிறது.

அம்சங்களை பொருத்தவரை நோக்கியா G60 5ஜி ஸ்மார்ட்போனில் 6.58 இன்ச் 1080x2400 பிக்சல் வி நாட்ச், FHD+ LCD ஸ்கிரீன், 120Hz ரிப்ரெஷ் ரேட், கார்னிங் கொரில்லா கிளாஸ் பாதுகாப்பு, ஆக்டா கோர் ஸ்னாப்டிராகன் 695 பிராசஸர், அட்ரினோ 619L GPU, அதிகபட்சம் 6 ஜிபி ரேம், 128 ஜிபி மெமரி வழங்கப்பட்டு இருக்கிறது. இத்துடன் டூயல் சிம் ஸ்லாட், ஆண்ட்ராய்டு 12 ஒஎஸ் உள்ளது.

நோக்கியா G60 5ஜி சிறப்பம்சங்கள்:

6.58 இன்ச் 1080x2400 பிக்சல் வி நாட்ச், FHD+ LCD ஸ்கிரீன், 120Hz ரிப்ரெஷ் ரேட்

கார்னிங் கொரில்லா கிளாஸ் 5 பாதுகாப்பு

ஆக்டா கோர் ஸ்னாப்டிராகன் 695 பிராசஸர்

அட்ரினோ 619L GPU

அதிகபட்சம் 6 ஜிபி ரேம்

128 ஜிபி மெமரி

மெமரியை கூடுதலாக நீட்டிக்கும் வசதி

டூயல் சிம் ஸ்லாட்

ஆண்ட்ராய்டு 12

50MP பிரைமரி கேமரா, எல்இடி பிளாஷ்

5MP அல்ட்ரா வைடு கேமரா

2MP டெப்த் சென்சார்

8MP செல்பி கேமரா

பக்கவாட்டில் கைரேகை சென்சார்

3.5mm ஆடியோ ஜாக்

5ஜி, டூயல் 4ஜி வோல்ட்இ, வைபை, ப்ளூடூத் 5.1

யுஎஸ்பி டைப் சி

4500 எம்ஏஹெச் பேட்டரி

20 வாட் பாஸ்ட் சார்ஜிங் வசதி

விலை மற்றும் விற்பனை விவரங்கள்:

புதிய நோக்கியா G60 5ஜி ஸ்மார்ட்போன் பிளாக் மற்றும் ஐஸ் என இரண்டு விதமான நிறங்களில் கிடைக்கிறது. இதன் விலை ரூ. 29 ஆயிரத்து 999 என நிர்ணயம் செய்யப்பட்டு உள்ளது. புதிய நோக்கியா ஸ்மார்ட்போனிற்கான முன்பதிவு ஏற்கனவே துவங்கி விட்டது. விற்பனை நவம்பர் 8 ஆம் தேதி துவங்குகிறது.

சாம்சங் நிறுவனம் புதிய கேலக்ஸி S23 சீரிஸ் ஸ்மார்ட்போன் மாடல்களை வரும் மாதங்களில் அறிமுகம் செய்ய இருக்கிறது. புது கேலக்ஸி S23 சீரிஸ் பற்றிய தகவல்கள் தொடர்ந்து இணையத்தில் வெளியாகி வருகின்றன. இந்த நிலையில், கேலக்ஸி S23 மற்றும் கேலக்ஸி S23 பிளஸ் ஸ்மார்ட்போன்களின் விவரங்கள் பியூரோ ஆப் இந்தியன் ஸ்டாண்டர்ட்ஸ் வலைதளத்தில் இடம்பெற்றுள்ளன.

அதன்படி கேலக்ஸி S23 ஸ்மார்ட்போன் SM-S911B/DS எனும் மாடல் நம்பர், கேலக்ஸி S23 பிளஸ் ஸ்மார்ட்போன் SM-S916B எனும் மாடல் நம்பர் கொண்டிருக்கும் என தெரியவந்துள்ளது. மாடல் நம்பர்கள் தவிர இரு ஸ்மார்ட்போனின் அம்சங்கள் பற்றி எந்த தகவலும் இடம்பெறவில்லை.

இதுவரை வெளியாகி இருக்கும் தகவல்களின் படி கேலக்ஸி S23 மாடலில் 6.1 இன்ச் FHD+ AMOLED ஸ்கிரீன், 120Hz ரிப்ரெஷ் ரேட் டிஸ்ப்ளே, கேலக்ஸி S23 பிளஸ் மாடலில் 6.6 இன்ச் AMOLED ஸ்கிரீன், பிளாட் டிஸ்ப்ளே, பன்ச் ஹோல் கட் அவுட் வழங்கப்படும் என குறிப்பிடப்பட்டு இருக்கிறது.

இதன் பின்புறம் மூன்று கேமரா சென்சார்கள் வழங்கப்படுகிறது. இதில் 50MP பிரைமரி கேமரா, 12MP அல்ட்ரா வைடு கேமரா, 10MP டெலிபோட்டோ கேமரா, 12MP செல்பி கேமரா வழங்கப்படும் என தெரிகிறது. இரு ஸ்மார்ட்போன்களிலும் குவால்காம் ஸ்னாப்டிராகன் 8 ஜென் 2 பிராசஸர் அல்லது எக்சைனோஸ் 2300 பிராசஸர் வழங்கப்படலாம். இவற்றில் ஆண்ட்ராய்டு 13 சார்ந்த ஒன் யுஐ 5.0 ஒஎஸ் வழங்கப்படலாம்.

பேட்டரியை பொருத்தவரை கேலக்ஸி S23 மாடலில் முந்தைய S22 ஸ்மார்ட்போனில் வழங்கப்பட்ட 3700 எம்ஏஹெச் பேட்டரியை விட பெரிய பேட்டரி வழங்கப்படலாம். இத்துடன் இரு மாடல்களிலும் 25 வாட் ரேபிட் சார்ஜிங் வசதி வழங்கப்படும் என கூறப்படுகிறது. புதிய கேலக்ஸி S23 சீரிஸ் மாடல்கள் அடுத்த ஆண்டு ஜனவரி மாதம் 5 ஆம் தேதி அறிமுகம் செய்யப்பட இருப்பதாக தகவல் வெளியாகி உள்ளது.

Photo Courtesy: OnLeaks x Digit.in

சியோமி நிறுவனம் பிரத்யேக டிசைன் கொண்ட புது பிளாக்‌ஷிப் ஸ்மார்ட்போன்களை அறிமுகம் செய்ய திட்டமிட்டுள்ளது. புது பிளாக்‌ஷிப் மாடல்களில் பிரீமியம் கேமரா அனுபவம், பிழை இல்லா செயல்திறன் என அசத்தலான வசதிகளை வழங்க சியோமி முடிவு செய்துள்ளது. இந்த வரிசையில் சியோமி 12S அல்ட்ரா கான்செப்ட் எடிஷனுக்கான டீசர் வெளியிடப்பட்டு இருக்கிறது. இந்த ஸ்மார்ட்போன் கூடுதலாக பொருத்திக் கொள்ளும் வசதி கொண்ட லெய்கா லென்ஸ் வழங்கப்பட்டு உள்ளது.

புதிய சியோமி பிளாக்‌ஷிப் மாடல் சாம்சங், ஆப்பிள், விவோ, ஒன்பிளஸ் என கேமரா அம்சங்கள் நிறைந்த ஸ்மார்ட்போன்களுக்கு போட்டியாக அமையும். சியோமி சீனா தனது வெய்போ மூலம் புதிய ஸ்மார்ட்போனிற்கான டீசர் வீடியோ, புகைப்படத்தை வெளியிட்டு இருக்கிறது. டீசர்களின் படி புது ஸ்மார்ட்போன் 1 இன்ச் பிரைமரி கேமரா கொண்டிருக்கும் என உறுதியாகி இருக்கிறது.

முழுமையான லெய்கா லென்ஸ் கொண்ட முதல் ஸ்மார்ட்போன் என்ற பெருமையை சியோமி 12S அல்ட்ரா கான்செப்ட் எடிஷன் பெற இருக்கிறது. இது புது ஸ்மார்ட்போனின் கேமரா திறனை ஒட்டுமொத்தமாக மேம்படுத்தும். புதிய சியோமி 12S அல்ட்ரா கான்செப்ட் எடிஷன் பிளாக்‌ஷிப் ஸ்மார்ட்போன் மட்டுமின்றி அலுவல்பூர்வ புகைப்பட சாதனமாகவும் செயல்படும் என எதிர்பார்க்கலாம்.

புதிய சியோமி 12S அல்ட்ரா கான்செப்ட் எடிஷன் மாடலில் இரண்டு 1-இன்ச் கேமரா சென்சார்கள் வழங்கப்படும் என சியோமி தலைமை செயல் அதிகாரி லெய் ஜூன் தெரிவித்து இருக்கிறார். இவற்றில் ஒரு லென்ஸ் செவ்வக சென்சார் ஆகும். மற்றொன்றில் வெளிப்புற லென்ஸ் ஒன்றை இணைத்துக் கொள்ளும் வசதி கொண்டிருக்கிறது. கூடுதல் லென்ஸ்-ஐ எளிதில் பொருத்தவும், கழற்றிக் கொள்ள ஏதுவாக அதனை நடுவில் பொருத்தி இருக்கிறது.

சியோமி 12S அல்ட்ரா கான்செப்ட் எடிஷனில் அல்ட்ரா வைடு லென்ஸ் வழங்கப்படுகிறது. எனினும், இதில் டெலிபோட்டோ லென்ஸ் வழங்கப்படவில்லை. இந்த ஸ்மார்ட்போனில் பொருத்தப்படும் கூடுதல் லென்ஸ் ஜூமிங் வசதியை வழங்கப்படும் என தெரிகிறது.

சியோமி நிறுவனம் ரெட்மி நோட் 12 5ஜி ஸ்மார்ட்போனினை கடந்த வாரம் சீன சந்தையில் அறிமுகம் செய்தது. இத்துடன் புதிய ரெட்மி நோட் 12 சீரிஸ் மாடல்களும் சீனாவில் அறிமுகம் செய்யப்பட்டன. ரெட்மி நோட் 12 சீரிசில் ரெட்மி நோட் 12 டிஸ்கவரி எடிஷன், ரெட்மி நோட் 12 ப்ரோ 5ஜி, ரெட்மி நோட் 12 ப்ரோ பிளஸ் 5ஜி போன்ற மாடல்கள் இடம்பெற்று இருந்தன.

இந்த நிலையில், தற்போது வெளியாகி இருக்கும் தகவல்களில் ரெட்மி நோட் 12 5ஜி ஸ்மார்ட்போன் இந்தியாவில் போக்கோ பிராண்டிங்கில் அறிமுகம் செய்யப்படலாம் என கூறப்படுகிறது. ரெட்மி நோட் 12 5ஜி மாடலில் உள்ளதை போன்ற அம்சங்கள் கொண்ட போக்கோ ஸ்மார்ட்போன் இந்த மாதமே இந்திய சந்தையில் அறிமுகம் செய்யப்படலாம் என தெரிகிறது.

இதுதவிர ரெட்மி நோட் 12 ப்ரோ 5ஜி மற்றும் நோட் 12 ப்ரோ பிளஸ் 5ஜி போன்ற மாடல்கள் சியோமி 12i மற்றும் சியோமி 12i ஹைப்பர்சார்ஜ் பெயரில் இந்திய சந்தையில் அறிமுகம் செய்யப்படும் என கூறப்படுகிறது. தற்போது இணையத்தில் வெளியாகி இருக்கும் தகவல்களில் 22111317PI மாடல் நம்பர் கொண்ட போக்கோ ஸ்மார்ட்போன் பிஐஎஸ் வலைதளத்தில் இடம்பெற்று இருக்கிறது.

சீன சந்தையில் அறிமுகம் செய்யப்பட்ட ரெட்மி நோட் 12 5ஜி மாடல் 22101317C எனும் மாடல் நம்பர் கொண்டிருந்ததாக கூறப்படுகிறது. இது M17 எண்ணின் சுருக்கப்பட்ட வடிவம் ஆகும். இதே போன்று புதிய போக்கோ சாதனத்தின் சுருக்கப்பட்ட வடிவம் M17 ஆகும். அந்த வகையில் புது போக்கோ ஸ்மார்ட்போன் ரெட்மி நோட் 12 5ஜி-யின் ரிபிராண்டு செய்யப்பட்ட மாடல் என கூறப்படுகிறது.

ஆப்பிள் நிறுவனம் செப்டம்பர் மாத வாக்கில் ஐபோன் 14 ப்ரோ மேக்ஸ் மாடலை அறிமுகம் செய்தது. புதிய ஐபோன் 14 சீரிசில் விலை உயர்ந்த மாடலாக ஐபோன் 14 ப்ரோ மேக்ஸ் நிலை நிறுத்தப்பட்டு இருக்கிறது. இந்த நிலையில், டிசைனர்கள் உருவாக்கி இருக்கும் புதிய ஐபோன் 14 ப்ரோ மேக்ஸ் அதன் விலை காரணமாக ஆடம்பர பொருளாக மாறி இருக்கிறது.

டிசைனர்கள் உருவாக்கி இருக்கும் புது ஐபோன் 14 ப்ரோ மேக்ஸ் மாடலின் பின்புறத்தில் ரோலெக்ஸ் டேடோனா வாட்ச் பொருத்தப்பட்டு இருக்கிறது. ஆடம்பர ஸ்மார்ட்போன் மற்றும் அக்சஸரீக்களை உருவாக்கி வரும் கேவியர் நிறுவனம் புதிய ஐபோன் 14 ப்ரோ மேக்ஸ்-ஐ ஆடம்பர பொருளாக மாற்றியுள்ளது. இதன் விலை 1 லட்சத்து 34 ஆயிரத்து 250 டாலர்கள், இந்திய மதிப்பில் ரூ. 1 கோடியே 10 லட்சத்து 80 ஆயிரத்து 444 என நிர்ணயம் செய்யப்பட்டு உள்ளது. இந்த விலை 128 ஜிபி மாடலுக்கானது ஆகும்.

இதன் 256 ஜிபி விலை 1 லட்சத்து 34 ஆயிரத்து 580 டாலர்கள், இந்திய மதிப்பில் ரூ. 1 கோடியே 11 லட்சத்து 06 ஆயிரத்து 550 என்றும் 512 ஜிபி விலை 1 லட்சத்து 35 ஆயிரம் டாலர்கள், இந்திய மதிப்பில் ரூ. 1 கோடியே 11 லட்சத்து 41 ஆயிரத்து 347 என்றும் 1 டிபி மாடல் விலை 1 லட்சத்து 35 ஆயிரத்து 420 டாலர்கள், இந்திய மதிப்பில் ரூ. 1 கோடியே 11 லட்சத்து 77 ஆயிரத்து 092 என்றும் நிர்ணயம் செய்யப்பட்டு உள்ளது.

புதிய ஐபோன் 14 ப்ரோ மேக்ஸ் மாடலின் பின்புறம் PCD கோட்டிங், ரோலெக்சில் பிளாக் டயல்கள், கேஸ் மற்றும் பிரேஸ்லெட்கள் உள்ளன. இந்த ஐபோனின் பின்புறம் ரோலெக்ஸ் காஸ்மோகிராப் டேடோனா வாட்ச் உள்ளது. இதில் 40mm எல்லோ கோல்டு வாட்ச் பேஸ் மற்றும் டைமண்ட் அக்செண்ட்கள் உள்ளன.

சியோமி நிறுவனம் ரெட்மி நோட் 12 சீரிசில் ஐந்து வெவ்வேறு ஸ்மார்ட்போன் மாடல்களை கடந்த வாரம் சீன சந்தையில் அறிமுகம் செய்தது. இவற்றில் சில மாடல்கள் இந்திய சந்தையில் ரிபிராண்டு செய்யப்பட இருக்கின்றன. இது குறித்து ஏற்கனவே வெளியான தகவல்களில் ரெட்மி நோட் 12 ப்ரோ பிளஸ் 5ஜி மாடல் சியோமி 12i ஹைப்பர்சார்ஜ் பெயரில் இந்த மாதம் அறிமுகம் செய்யப்படும் என்றும் ரெட்மி நோட் 12 5ஜி மாடல் போக்கோ பிராண்டிங்கில் இந்தியா வரும் என்றும் கூறப்பட்டது.

இந்த நிலையில், ரெட்மி நோட் 12 வென்னிலா மாடல் பிஐஎஸ் வலைதளத்தில் இடம்பெற்று இருக்கிறது. இந்த ஸ்மார்ட்போன் 22111317PI எனும் மாடல் நம்பர் கொண்டிருக்கிறது. ரெட்மி நோட் 12 ஸ்மார்ட்போனின் இந்திய வேரியண்ட் மாடல் நம்பரில் வேறுபாடு ஏற்படலாம் என்ற போதிலும், இது சீன சந்தையில் அறிமுகம் செய்யப்பட்ட ரெட்மி நோட் 12 5 ஜி மாடல் தான் என கூறப்படுகிறது. மேலும் இந்த மாடல் இம்மாத இறுதியில் அறிமுகம் செய்யப்படலாம் என்றும் தெரிகிறது.

அம்சங்களை பொருத்தவரை ரெட்மி நோட் 12 5ஜி மாடலில் 6.67 இன்ச் சாம்சங் OLED ஸ்கிரீன், 120Hz ரிப்ரெஷ் ரேட், ஸ்னாப்டிராகன் 4 ஜென் 1 பிராசஸர், அதிகபட்சம் 8 ஜிபி ரேம், 256 ஜிபி மெமரி, 48MP பிரைமரி கேமரா, 2MP கேமரா, 8MP செல்பி கேமரா, 5000 எம்ஏஹெச் பேட்டரி,33 வாட் பாஸ்ட் சார்ஜிங் வசதி போன்ற அம்சங்கள் வழங்கப்படலாம்.

சீன சந்தையில் அறிமுகம் செய்யப்பட்ட ரெட்மி நோட் 12 5ஜி மாடல் புளூ, வைட் மற்றும் பிளாக் என மூன்று விதமான நிறங்கள் மற்றும் நான்கு விதமான மெமரி ஆப்ஷன்களில் கிடைக்கிறது. இதன் துவக்க விலை RMB1199 இந்திய மதிப்பில் ரூ. 13 ஆயிரத்து 640 என நிர்ணயம் செய்யப்பட்டு உள்ளது.

சாம்சங் இந்தியா நிறுவனம் பண்டிகை காலக்கட்டமான செப்டம்பர் மற்றும் அக்டோபர் மாத இடைவெளியில் மட்டும் ரூ. 14 ஆயிரத்து 400 கோடி மதிப்பிலான மொபைல் போன்களை விற்பனை செய்துள்ளது. இதன் மூலம் 2022 ஆண்டின் முதல் மூன்று காலாண்டில் பிரீமியம் ஸ்மார்ட்போன் விற்பனையில் சாம்சங் 99 சதவீத வளர்ச்சியை பதிவு செய்திருக்கிறது.

வருடாந்திர அடிப்படையில் ஒப்பிடும் போது, ஜனவரி முதல் செப்டம்பர் 2022 வரையிலான காலக்கட்டத்தில் மட்டும் சாம்சங் நிறுவன 5ஜி ஸ்மார்ட்போன்கள் விற்பனை 178 சதவீதம் அதிகரித்து இருக்கிறது. கடந்த ஆண்டு பண்டிகை காலத்துடன் ஒப்பிடும் போது இந்த ஆண்டு விற்பனை இருமடங்கு அதிகரித்து இருக்கிறது.

"சாம்சங் நிறுவனத்திற்கு இந்த ஆண்டு பண்டிகை காலம் சிறப்பாக அமைந்து இருக்கிறது. செப்டம்பர் 1 துவங்கிய 60 நாட்களில் மட்டும் இதுவரை இல்லாத அளவுக்கு ரூ. 14 ஆயிரத்து 400 கோடி வருவாய் கிடைத்துள்ளது," என சாம்சங் இந்திய மூத்த இயக்குனர் மற்றும் விளம்பர பிரிவு தலைவர் ஆதித்யா பாபர் தெரிவித்துள்ளார்.

இரண்டு மற்றும் மூன்றாம் அடுக்கு நகரங்களில் பெருமளவு வளர்ச்சி ஏற்பட்டுள்ளது. சாம்சங் ஃபைனான்ஸ் பிளஸ் சேவை காரணமாக இந்த அளவுக்கு விற்பனை நடைபெற்று இருக்கிறது என்றும், பண்டிகை காலத்தில் மட்டும் இந்த தளத்தில் பரிவர்த்தனைகள் 10 லட்சத்தை கடந்துள்ளன என்று அவர் மேலும் தெரிவித்தார்.

"கேலக்ஸி S22 மற்றும் மடிக்கக்கூடிய ஸ்மார்ட்போன்களால் இந்திய சந்தையில் வேகமாக வளரும் பிரீமியம் ஸ்மார்ட்போன் பிராண்டு என்ற பெருமையை சாம்சங் பெற்று இருக்கிறது. கடந்த ஆண்டு ஜனவரி முதல் செப்டம்பர் வரையிலான காலக்கட்டத்துடன் ஒப்பிடும் போது இந்த ஆண்டு ரூ. 30 ஆயிரம் மற்றும் அதற்கும் அதிக விலை கொண்ட ஸ்மார்ட்போன்களின் விற்பனை 99 சதவீதம் வளர்ச்சி பெற்றுள்ளது," என்று பாபர் தெரிவித்து இருக்கிறார்.

ஒப்போ நிறுவனம் இந்த ஆண்டு பிப்ரவரி மாத வாக்கில் 240 வாட் பாஸ்ட் சார்ஜிங் தொழில்நுட்பத்தை அறிமுகம் செய்து இருந்தது. புதிய பாஸ்ட் சார்ஜிங் வசதியை ஒப்போ நிறுவனம் அடுத்த ஆண்டு சந்தைக்கு கொண்டுவரும் என எதிர்பார்க்கப்படுகிறது. இது குறித்து டிப்ஸ்டர் வெளியிட்டு இருக்கும் தகவல்களில் 240 வாட் பாஸ்ட் சார்ஜிங் கொண்ட ஸ்மார்ட்போன் அடுத்த ஆண்டு அறிமுகம் செய்யப்படும் என குறிப்பிடப்பட்டு இருக்கிறது.

ஒப்போ நிறுவனம் தற்போது ஒப்போ ரெனோ 9 சீரிஸ் மற்றும் ஒப்போ ஃபைண்ட் X6 சீரிஸ் மாடல்களை உருவாக்கும் பணிகளில் ஈடுபட்டு வருகிறது. இவற்றில் எந்த ஸ்மார்ட்போன்களில் இத்தகைய பாஸ்ட் சார்ஜிங் வசதி வழங்கப்படும் என்பது கேள்விக்குறியாகவே உள்ளது.

டிப்ஸ்டரான அபிஷேக் யாதவ் தனது ட்விட்டரில் வெளியிட்டு இருக்கும் தகவல்களில், ஒப்போ நிறுவனம் 240 வாட் சூப்பர்வூக் பாஸ்ட் சார்ஜிங் வசதி கொண்ட ஸ்மார்ட்போன் 2023 வாக்கில் அறிமுகம் செய்யப்படும் என தெரிகிறது. முன்னதாக இந்த தொழில்நுட்பத்தை ஒப்போ இந்த ஆண்டு துவக்கத்தில் அறிமுகம் செய்து இருந்தது. இந்த தொழில்நுட்பம் கொண்டு 4500 எம்ஏஹெச் பேட்டரி கொண்ட ஸ்மார்ட்போனை 9 நிமிடங்களில் முழுமையாக சார்ஜ் செய்துவிட முடியும்.

முற்றிலும் புதிய 240 வாட் பாஸ்ட் சார்ஜிங் வசதி எந்த ஒப்போ ஸ்மார்ட்போனில் வழங்கப்படும் என்பது கேள்விக்குறியாகவே உள்ளது. ஒப்போ ரெனோ 9 சீரிசில் - வென்னிலா ஒப்போ ரெனோ 9, ஒப்போ ரெனோ 9 ப்ரோ மற்றும் ஒப்போ ரெனோ 9 ப்ரோ பிளஸ் போன்ற மாடல்கள் இடம்பெற்று இருக்கும் என தெரிகிறது.

அம்சங்களை பொருத்தவரை ஒப்போ ரெனோ 9 ப்ரோ பிளஸ் மாடலில் 6.7 இன்ச் FHD+ AMOLED டிஸ்ப்ளே, 120Hz ரிப்ரெஷ் ரேட், ஸ்னாப்டிராகன் 8 பிளஸ் ஜென் 1 பிராசஸர், 50MP பிரைமரி கேமரா, 32MP செல்பி கேமரா, 4700 எம்ஏஹெச் பேட்டரி வழங்கப்படும் என கூறப்படுகிறது. இத்துடன் 80 வாட் பாஸ்ட் சார்ஜிங் வசதி வழங்கப்படலாம்.

சாம்சங் நிறுவனத்தின் புதிய கேலக்ஸி S23 சீரிஸ் மாடல்கள் பிப்ரவரி மாதத்தின் முதல் வாரத்தில் அறிமுகம் செய்யப்படலாம் என தகவல் வெளியாகி உள்ளது. இதற்கான அறிமுக நிகழ்வு சான் பிரான்சிஸ்கோவில் நடைபெறும் என கூறப்படுகிறது. பிப்ரவரி மாதத்தில் நடைபெறும் கேலக்ஸி அன்பேக்டு 2023 நிகழ்வை தொடர்ந்து பிப்ரவரி 17 ஆம் தேதி கேலக்ஸி S23 சீரிஸ் விற்பனை துவங்கும் என தெரிகிறது.

அம்சங்களை பொருத்தவரை சர்வதேச சந்தையில் புதிய கேலக்ஸி S23 சீரிஸ் மாடல்கள் குவால்காம் ஸ்னாப்டிராகன் 8 ஜென் 2 பிராசஸர் வழங்கப்படும் என கூறப்படுகிறது. இதுதவிர புதிய கேலக்ஸி S23 பிளாக்‌ஷிப் சீரிஸ் மாடல்களின் அம்சங்கள் மற்றும் ரெண்டர்கள் ஏற்கனவே இணையத்தில் தொடர்ந்து வெளியாகி வருகின்றன.

அதன்படி கேலக்ஸி S23 சீரிஸ் மாடல்களில் முந்தைய கேலக்ஸி S22 சீரிசில் வழங்கப்பட்டதை விட பெரிய பேட்டரி வழங்கப்படலாம். கேலக்ஸி S23 மாடலில் 6.1 இன்ச் AMOLED டிஸ்ப்ளே, பெசல்கள், 25 வாட் பாஸ்ட் சார்ஜிங் வசதி வழங்கப்படலாம். தற்போது ஸ்மா்ர்ட்போன் சந்தையில் ஏற்பட்டுள்ள சரிவு, சாம்சங் மெமரி கார்டு வியாபாரத்தில் ஏற்பட்ட தொய்வு உள்ளிட்ட காரணங்களால் புதிய கேலக்ஸி S23 சீரிஸ் வெளியீடு வழக்கத்தை விட முன்கூட்டியே நடைபெறும் என தெரிகிறது.

தற்போதுள்ள மாடல்களை விட புதிய கேலக்ஸி S23 சீரிஸ் ஸ்மார்ட்போன் விற்பனையை பெருமளவு அதிகப்படுத்தும் என கூறப்படுகிறது. கேலக்ஸி S23 மாடலில் புகைப்படங்களை எடுக்க 50MP பிரைமரி கேமரா, 12MP கேமரா, 10MP கேமரா மற்றும் 10MP செல்பி கேமரா வழங்கப்படலாம். இத்துடன் ஸ்னாப்டிராகன் 8 ஜென் 2 பிராசஸருடன், 3900 எம்ஏஹெச் பேட்டரி வழங்கப்படுகிறது.

Photo Courtesy: Onleaks X Digit.in

லாவா நிறுவனம் கடந்த மாதம் நடைபெற்ற இந்திய மொபைல் காங்கிரஸ் நிகழ்வில் அறிவித்த லாவா பிளேஸ் 5ஜி ஸ்மார்ட்போனை வெளியிட்டு இருக்கிறது. இதில் 6.5 இன்ச் HD+ டிஸ்ப்ளே, 90Hz ரிப்ரெஷ் ரேட், மீடியாடெக் டிமென்சிட்டி 700 பிராசஸர், அதிகபட்சம் 4 ஜிபி ரேம், கூடுதலாக 3 ஜிபி விர்ச்சுவல் ரேம் வழங்கப்பட்டு இருக்கிறது.

ஆண்ட்ராய்டு 12 ஒஎஸ், 50MP பிரைமரி கேமரா, டெப்த் கேமரா, மேக்ரோ லென்ஸ், 8MP செல்பி கேமரா, பக்கவாட்டில் கைரேகை சென்சார், 5000 எம்ஏஹெச் பேட்டரி, யுஎஸ்பி டைப் சி சார்ஜிங் வழங்கப்பட்டுள்ளது.

லாவா பிளேஸ் 5ஜி அம்சங்கள்:

6.5 இன்ச் 1600x720 பிக்சல் 2.5D வளைந்த ஸ்கிரீன், 90Hz ரிப்ரெஷ் ரேட்

ஆக்டா கோர் மீடியாடெக் டிமென்சிட்டி 700 பிராசஸர்

மாலி G57 MC2 GPU

4 ஜிபி ரேம், 3 ஜிபி விர்ச்சுவல் ரேம்

128 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 12

ஹைப்ரிட் டூயல் சிம்

50MP பிரைமரி கேமரா

டெப்த் கேமரா

மேக்ரோ கேமரா, எல்இடி பிளாஷ்

8MP செல்பி கேமரா

பக்கவாட்டில் கைரேகை சென்சார்

5ஜி, டூயல் 4ஜி வோல்ட்இ, வைபை, ப்ளூடூத் 5.1

யுஎஸ்பி டைப் சி

5000 எம்ஏஹெச் பேட்டரி

விலை மற்றும் விற்பனை விவரங்கள்:

லாவா பிளேஸ் 5ஜி ஸ்மார்ட்போன் கிளாஸ் புளூ மற்றும் கிளாஸ் கிரீன் நிறங்களில் கிடைக்கிறது. இதன் விலை ரூ. 9 ஆயிரத்து 999 என நிர்ணயம் செய்யப்பட்டு உள்ளது. இதன் விற்பனை அமேசான் வலைதளத்தில் நடைபெறுகிறது.

மோட்டோரோலா நிறுவனம் சில மாதங்களுக்கு முன்பு தான் எட்ஜ் 30 அல்ட்ரா ஸ்மார்ட்போனினை இந்திய சந்தையில் அறிமுகம் செய்தது. 200MP பிரைமரி கேமரா கொண்ட உலகின் முதல் ஸ்மார்ட்போன் எனும் பெருமையை மோட்டோரோலா எட்ஜ் 30 அல்ட்ரா பெற்றது. இந்த நிலையில், மோட்டோரோலா நிறுவனம் தனது எட்ஜ் 30 அல்ட்ரா ஸ்மார்ட்போனிற்கு ரூ. 5 ஆயிரம் தள்ளுபடி வழங்குகிறது.

ப்ளிப்கார்ட் தளத்தில் நடைபெறும் மோட்டோ டேஸ் சேலின் அங்கமாக இந்த தள்ளுபடி வழங்கப்படுகிறது. முன்னதாக மோட்டோரோலா எட்ஜ் 30 அல்ட்ரா ஸ்மார்ட்போனின் 8 ஜிபி ரேம், 128 ஜிபி மெமரி மாடல் விலை ரூ. 59 ஆயிரத்து 999 என நிர்ணயம் செய்யப்பட்டு இருந்தது. தற்போது இந்த ஸ்மார்ட்போனின் விலை ரூ. 54 ஆயிரத்து 999 என மாறி இருக்கிறது. இதன் 12 ஜிபி ரேம், 256 ஜிபி மெமரி மாடல் விலை ரூ. 64 ஆயிரத்து 999 என நிர்ணயம் செய்யப்பட்டு இருந்தது.

தற்போது ரூ. 5 ஆயிரம் தள்ளுபடியுடன் இதன் விலை ரூ. 59 ஆயிரத்து 999 என மாறி இருக்கிறது. இந்திய சந்தையில் புதிய மோட்டோரோலா எட்ஜ் 30 அல்ட்ரா ஸ்மார்ட்போன் பிளாக் மற்றும் வைட் என இரண்டு நிறங்களில் கிடைக்கிறது. இதன் விற்பனை ப்ளிப்கார்ட் தளத்தில் நடைபெறுகிறது. இந்த தள்ளுபடி ப்ளிப்கார்ட் மோட்டோ டேஸ் சேல் நிறைவு பெறும் வரை வழங்கப்படுகிறது.

மோட்டோரோலா எட்ஜ் 30 அல்ட்ரா அம்சங்கள்:

மோட்டோரோலா எட்ஜ் 30 அல்ட்ரா ஸ்மார்ட்போனில் 6.73 இன்ச் பன்ச் ஹோல் கொண்ட OLED டிஸ்ப்ளே, FHD+ ரெசல்யூஷன், 144Hz ரிப்ரெஷ் ரேட், இன் டிஸ்ப்ளே கைரேகை சென்சார், HDR10+, குவால்காம் ஸ்னாப்டிராகன் 8 பிளஸ் ஜென் 1 பிராசஸர், அதிகபட்சம் 12 ஜிபி ரேம், 256 ஜிபி மெமரி, 4500 எம்ஏஹெச் பேட்டரி, 125 வாட் வயர்டு, 50 வாட் வயர்லெஸ் சார்ஜிங் போன்ற அம்சங்கள் வழங்கப்பட்டு இருக்கிறது.

புகைப்படங்களை எடுக்க 200MP பிரைமரி கேமரா, 50MP அல்ட்ரா வைடு ஆங்கில் லென்ஸ், 12MP டெலிபோட்டோ கேமரா, 60MP செல்பி கேமரா வழங்கப்பட்டு உள்ளது. ஸ்டாக் ஆண்ட்ராய்டு 12 ஒஎஸ் கொண்டிருக்கும் மோட்டோரோலா எட்ஜ் 30 அல்ட்ரா 5ஜி, வைபை 6, ப்ளூடூத் 5.2, யுஎஸ்பி டைப் சி மற்றும் 3.5mm ஆடியோ ஜாக் வழங்கப்பட்டு இருக்கிறது.