நீங்கள் தேடியது "Sumalatha"

பெங்களூரு :

மண்டியா நாடாளுமன்ற உறுப்பினராக இருந்து வருபவர் சுமலதா அம்பரீஷ். நடிகையான இவர் மறைந்த நடிகர் அம்பரீசின் மனைவி ஆவார். இவரது மகன் அபிஷேக்கும் தற்போது கன்னட திரைஉலகில் கதாநாயகனாக நடித்து வருகிறார். இந்த நிலையில் நேற்று மண்டியாவில் சுமலதா அம்பரீஷ் எம்.பி. நிருபர்கள் சந்திப்பு கூட்டத்தை நடத்தினார். கூட்டத்தில் அவர் பேசும்போது கூறியதாவது:-

நான் எந்த கட்சியிலும் சாராதவள். மண்டியா மாவட்டத்தில் நான் ஏராளமான வளர்ச்சி பணிகளை தொடங்கி வைத்துள்ளேன். இந்த வளர்ச்சிப் பணிகளை மேற்கொள்ள மத்திய அரசே காரணம். இதன்காரணமாக நான் பிரதமர் நரேந்திர மோடி தலைமையிலான மத்திய அரசுக்கு எனது முழு ஆதரவை தெரிவித்துக் கொள்கிறேன்.

மண்டியா மாவட்டத்தில் உள்ள அசுத்தமான அரசியலை சுத்தப்படுத்தவே நான் பிரதமர் மோடி அரசுக்கு ஆதரவு தெரிவித்துள்ளேன். எனது முடிவில் ஆபத்து இருக்கக்கூடும். அதைவிட மக்களுக்கான வளர்ச்சிப் பணிகள், அவர்களின் முன்னேற்றம் முக்கியம். பிரதமர் மோடி தலைமையில் நாடு வளர்ச்சி அடைந்து வருகிறது.

எடியூரப்பா முதல்-மந்திரியாக இருந்தபோது டெல்லியில் என்னை சந்தித்து மண்டியா மாவட்டத்துக்காக என்ன செய்ய வேண்டும் என்று கேட்டார். அப்போது நான் கிருஷ்ணராஜசாகர்(கே.ஆர்.எஸ்.) அணை குறித்தும், அதன் பாதுகாப்பு குறித்தும் தெரிவித்தேன். மேலும் மைசுகர் ஆலையை மீண்டும் திறக்க வேண்டும் என்று தெரிவித்தேன்.

அதுபோல் எடியூரப்பா மைசுகர் ஆலையை திறந்தார். மண்டியா மாவட்டத்தின் வளர்ச்சிக்காக முதல்-மந்திரி பசவராஜ் பொம்மை ரூ.50 கோடி நிதி வழங்கி உள்ளார். வளர்ச்சிப் பணிகள் நடைபெற வேண்டும் என்றால் அதற்கு பா.ஜனதா வேண்டும். அதற்காகத்தான் நான் பா.ஜனதாவுக்கு ஆதரவு தெரிவித்துள்ளேன். எனக்கு எம்.எல்.சி. பதவியும் வந்தது. பெங்களூருவில் ஏதாவது ஒரு தொகுதியில் களம் இறங்குமாறு கேட்டுக் கொண்டனர். ஆனால் நான் மண்டியாவுக்கு வந்து அப்போது முதல்-மந்திரியாக இருந்த குமாரசாமியின் மகன் நிகிலை எதிர்த்து போட்டியிட்டேன்.

மண்டியா மக்கள் அம்பரீஷ் மீது அன்பு வைத்தனர். அவர் போகும்போது ஒரு மகாராஜரைப் போல அனுப்பி வைத்தனர். அவர்களது அன்புக்காக நான் தேர்தலில் போட்டியிட்டேன். மண்டியா மக்கள் என் பக்கம் நின்றனர். மேலும் திரைஉலகினர், அம்பரீஷின் ஆதரவாளர்கள், என்னுடைய மக்கள் என் பக்கம் நின்றனர். நான் யார், அம்பரீஷ் யார் என்று இந்திய நாட்டுக்கே தெரியும். நான் அரசியலுக்கு வந்து 4 வருடங்கள் ஆகிவிட்டது. நான் அரசியலுக்கு வந்தது தவிர்க்க முடியாததால் அல்ல, அது ஒரு எதிர்பாராதது. நான் என் சுயநலத்திற்காக அரசியலுக்கு வரவில்லை. என் மக்களின் கட்டாயத்திற்கு பணிந்து அரசியலுக்கு வந்தேன்.

அம்பரீஷின் விருப்பத்தால் நான் அதிகாரத்திற்கு வந்தேன். அரசை எதிர்த்து நான் தேர்தலில் நின்றேன். எனக்கு அப்போது எதிர்காலம் எப்படி இருக்கும் என்ற சிந்தனை எல்லாம் இல்லை. மக்களுக்காக வந்தேன். மக்கள் என் மீது காட்டும் அன்பு, ஆதரவுக்கு விலையே இல்லை. அதற்கு விலை கொடுப்பதும் மனிதத்தன்மை இல்லை.

பிரதமர் மோடி நாளை(12-ந் தேதி) மண்டியாவுக்கு வருகிறார். அவர் மண்டியாவுக்கு வருவது நமக்கு பெருமை. அவர் நினைத்திருந்தால் இந்த 10 வழிச்சாலையை மைசூருவிலோ அல்லது பெங்களூருவிலோ வைத்து திறந்து வைத்திருக்கலாம். ஆனால் அவர் மண்டியா மாவட்டத்தில் வைத்து 10 வழிச்சாலையை திறந்து வைப்பது நமக்கு பெருமை அளிக்கும் விஷயமாகும்.

இவ்வாறு அவர் கூறினார்.

பிரதமர் நரேந்திர மோடி மண்டியாவுக்கு வர உள்ள நிலையில் சுமலதா அம்பரீஷ், பிரதமர் மோடி தலைமையிலான அரசுக்கு தனது முழு ஆதரவை அளித்திருப்பது குறிப்பிடத்தக்கது.

மண்டியா மாவட்டத்தில் ஒக்கலிக சமுதாய மக்கள் அதிக அளவில் வசித்து வருகிறார்கள். அந்த மாவட்டத்தில் காங்கிரசும், ஜனதா தளம்(எஸ்) கட்சியும் பலமான கட்சிகளாக உள்ளன. இந்த நிலையில் மண்டியா மாவட்டத்தில் பா.ஜனதா கட்சியை பலப்படுத்த அக்கட்சி தலைவர்கள் தீவிரம் காட்டி வருகிறார்கள். இதற்காக ஆர்.அசோக் மண்டியா மாவட்ட பொறுப்பு மந்திரியாக நியமிக்கப்பட்டார். பின்னர் அவர் திடீரென மாற்றப்பட்டார். இந்த நிலையில் மண்டியா தொகுதி எம்.பி.யாக உள்ள நடிகை சுமலதா அம்பரீஷ், பா.ஜனதாவுக்கு தனது முழு ஆதரவை அளித்திருப்பது பரபரப்பை ஏற்படுத்தி உள்ளது.

பெங்களூரு :

பிரபல நடிகையும், மண்டியா மக்களவை தொகுதி எம்.பி.யுமான சுமலதா மறைந்த நடிகர் அம்பரீசின் மனைவி. அம்பரீஷ் கடைசி வரை காங்கிரசில் இருந்து மந்திரியாக பணியாற்றினார். இந்த நிலையில் கடந்த 2019-ம் ஆண்டு நடைபெற்ற நாடாளுமன்ற தேர்தலில் நடிகை சுமலதா, மண்டியா தொகுதியில் சுயேச்சையாக போட்டியிட்டு வெற்றி பெற்றார். அதன் பிறகு அவர் எந்த கட்சியிலும் சேராமல் தனித்தே செயல்பட்டு வருகிறார்.

இந்த நிலையில் பா.ஜனதாவில் சேருமாறு அவருக்கு அக்கட்சி தலைவர்கள் அழைப்பு விடுத்தனர். இதுகுறித்து சுமலதா தனது ஆதரவாளர்களுடன் கடந்த சில நாட்களாக தொடர்ந்து ஆலோசனை நடத்திய வண்ணம் இருந்தார். அதனால் அவர் பா.ஜனதாவில் சேருவார் என்று தகவல் வெளியானது. வருகிற 12-ந் தேதி கர்நாடகம் வரும் பிரதமர் மோடி முன்னிலையில் அவர் பா.ஜனதாவில் சேர திட்டமிட்டதாக கூறப்படுகிறது.

ஆனால் பெங்களூரு-மைசூரு விரைவுச்சாலை திட்ட தொடக்க விழா அரசு விழா என்பதால், அதில் கட்சியில் இணையும் நிகழ்ச்சி நடத்த இயலாது என்று பா.ஜனதா தலைவர்கள் கூறிவிட்டதாக தெரிகிறது. இதையடுத்து சுமலதா இன்று (வெள்ளிக்கிழமை) பா.ஜனதாவில் சேருவார் என்று கூறப்படுகிறது. இது தொடர்பாக அவர் மண்டியாவில் இன்று பத்திரிகையாளர் சந்திப்பு கூட்டத்திற்கு ஏற்பாடு செய்துள்ளார். அந்த கூட்டத்தில் பா.ஜனதாவில் சேருவது குறித்து அறிவிப்பை வெளியிடுவார் என்று எதிர்பார்க்கப்படுகிறது. அதன் பிறகு அவர் வருகிற சட்டசபை தேர்தலில் மண்டியாவில் பா.ஜனதா சார்பில் போட்டியிடுவார் என்று சொல்லப்படுகிறது.

பெங்களூரு:

மறைந்த கன்னட நடிகர் அம்பரீஷின் மனைவி நடிகை சுமலதா மாண்டியா தொகுதியில் சுயேட்சையாக போட்டியிடுகிறார்.

அவர் காங்கிரஸ் சார்பில் போட்டியிட விரும்பி தேர்தலில் டிக்கெட் கேட்டார். ஆனால் மாண்டியா தொகுதியை கூட்டணியான ஜே.டி. எஸ். கட்சிக்கு காங்கிரஸ் ஒதுக்கியது.

அங்கு முதல்வர் குமாரசாமி மகன் நிகில் போட்டியிடுகிறார். அவரை எதிர்த்து சுமலதா சுயேட்சையாக களம் இறங்கி உள்ளார். அவருக்கு அம்பரீஷின் ரசிகர்கள் முழு ஆதரவு தெரிவித்துள்ளனர். மேலும் அவருக்கு ஆதரவாக காங்கிரசாரே உள்ளனர்.

சில நாட்களுக்கு முன்பு சுமலதா, பா.ஜனதா மூத்த தலைவரும், முன்னாள் முதல்-மந்திரியுமான எஸ்.எம்.கிருஷ்ணாவை பெங்களூருவில் சந்தித்து பேசினார். அப்போது தன்னை பா.ஜனதா ஆதரிக்க வேண்டும் என்று வலியுறுத்தினார்.

மாண்டியா தொகுதியில் நடிகை சுமலதாவுக்கு பா.ஜனதா வெளிப்படையாக ஆதரவு தெரிவித்துள்ளது. அந்த தொகுதியில் பா.ஜனதா தனது வேட்பாளரை நிறுத்தவில்லை. மாண்டியா தொகுதியை சுமலதாவுக்கு விட்டு கொடுத்துள்ளது.

இதனால் சுமலதாவுக்கும், முதல்வர் குமாரசாமி மகன் நிகிலுக்கும் இடையே நேரடி போட்டி ஏற்பட்டுள்ளது.

கர்நாடகாவில் 28 பாராளுமன்ற தொகுதிகள் உள்ளது. இதில் பா.ஜனதா ஏற்கனவே 21 தொகுதிகளுக்கு வேட்பாளர்களை அறிவித்துள்ளது.

மாண்டியா தொகுதியில் வேட்பாளரை நிறுத்த வில்லை. கோலார் தொகுதியில் எஸ்.முனிசாமியை வேட்பாளராக அறிவித்துள்ளது. இன்னும் 5 தொகுதிகளுக்கு வேட்பாளர்களை பா.ஜனதா அறிவிக்க வேண்டியுள்ளது. #Sumalatha #ParliamentElection

பெங்களூரு:

நடிகை சுமலதா பாராளுமன்ற தேர்தலில் மாண்டியா தொகுதியில் சுயேட்சையாக களம் இறங்க முடிவு செய்துள்ளார். இது பற்றி கருத்து தெரிவித்த கர்நாடக பொதுப்பணித்துறை மந்திரி ரேவண்ணா, “கணவர் இறந்து 6 மாதங்கள் கூட ஆகவில்லை, அதற்குள் அவரது மனைவி சுமலதா தேர்தலில் போட்டியிட வேண்டுமா?” என்று கூறினார்.

மந்திரி ரேவண்ணா கூறிய இந்த கருத்து பெரும் சர்ச்சையை ஏற்படுத்தியது. இதற்கு கர்நாடகத்தில் குறிப்பாக மாண்டியா தொகுதியில் கடும் எதிர்ப்பு கிளம்பியது.

ஜே.டி.எஸ். கட்சியை சேர்ந்தவர்களே, நடிகை சுமலதாவுக்கு ஆதரவாக ஓட்டு போடுவோம் என்று ஆவேசமாக கூறி வருகிறார்கள். இது ஜே.டி.எஸ். கட்சிக்கு பெரும் அதிர்ச்சியை ஏற்படுத்தியது. மாண்டியா தொகுதியில் தனது மகன் நிகில் குமாரசாமி வெற்றிக்கு சிக்கல் ஏற்பட்டு விடுமோ என்று குமாரசாமி மிகுந்த கவலையில் ஆழ்ந்துள்ளார்.

நடிகை சுமலதா பற்றி மந்திரி ரேவண்ணா கூறிய கருத்துக்காக முதல்-மந்திரி குமாரசாமி மன்னிப்பு கேட்டு உள்ளார்.

இது குறித்து முதல்-மந்திரி குமாரசாமி பெங்களூருவில் நேற்று நிருபர்களுக்கு பேட்டி அளித்தபோது கூறியதாவது:-

நடிகை சுமலதா பற்றி மந்திரி ரேவண்ணா கூறிய கருத்து, யாருடைய மனதையாவது புண்படுத்தி இருந்தால், அதற்காக நான் மன்னிப்பு கேட்கிறேன். எங்கள் குடும்ப உறுப்பினர் என்ற முறையில் ரேவண்ணா சார்பில் நான் இந்த மன்னிப்பை கேட்கிறேன்.

எங்கள் குடும்பம், சாமானிய மக்களுக்கு குறிப்பாக பெண்களுக்கு அவமரியாதை செய்யாது. ஏழை குடும்பங்களை சேர்ந்த பெண்களுக்கு, நான் ஆட்சி அதிகாரத்தில் இருந்தாலும், இல்லாவிட்டாலும், உதவி செய்து வந்திருக்கிறேன்.

இது பற்றி எங்கு வேண்டுமானாலும் விவாதிக்க நான் தயாராக இருக்கிறேன். மந்திரி ரேவண்ணா பேசும்போது, எச்சரிக்கையுடன் பேசி இருந்தால் சர்ச்சை ஏற்பட்டு இருக்காது. ஊடகங்கள் சென்று அவரிடம் கருத்து கேட்டபோது, அவர் வாய் தவறி கருத்து தெரிவித்து விட்டார்.

மாண்டியா தொகுதி வி‌ஷயத்தில் இந்த அளவுக்கு முக்கியத்துவம் காட்டுவது ஏன்? என்று தெரியவில்லை. குதிரை பேர விவகாரத்தில் வெளியான ஆடியோ உரையாடல் குறித்து விசாரிக்க சிறப்பு விசாரணை குழுஅமைக்கப்படும். 15 நாட்கள் தாமதமானால் என்ன ஆகிவிடும்.

இந்த வி‌ஷயத்தில் அதிகாரிகள் உரிய முடிவு எடுப்பார்கள். ஆளுங்கட்சிகளின் எம்.எல்.ஏக்களை இழுக்க முயற்சிகள் நடைபெற்று வருகின்றன. இந்த வி‌ஷயத்தில் சரியான நேரத்தில் உரிய நடவடிக்கை எடுக்கப்படும்.

ரமேஷ் ஜார்கிகோளியை பா.ஜனதாவை சேர்ந்த சிவன்னகவுடா நாயக் சந்தித்து பேசியது பற்றி யாரும் கவலைப்பட தேவை இல்லை. எனக்கும், ரமேஷ் ஜார்கிகோளிக்கும் இடையே உள்ள நல்லுறவு நன்றாகவே உள்ளது.

காங்கிரஸ் மற்றும் ஜே.டி.எஸ். கூட்டணி தொகுதி பங்கீடு குறித்து விரைவில் முடிவு எடுக்கப்படும். நான் மாநிலத்தின் வளர்ச்சியில் கவனம் செலுத்துகிறேன்.

இவ்வாறு குமாரசாமி கூறினார். #kumarasamy #Sumalatha