நீங்கள் தேடியது "மஹிந்திரா"

தீபாவளி சமயத்தில் பட்டாசு வெடிப்பது வழக்கமான காரியம் தான். சில தினங்களுக்கு முன் இந்தியாவில் தீபாவளி கொண்டாடப்பட்ட நிலையில், ஆமதாபாத்தில் இளைஞர்கள் வித்தியாசமாக பட்டாசு வெடிக்கும் காட்சிகள் அடங்கிய வீடியோ சமூக வலைதளங்களில் வைரல் ஆனது. வீடியோ வைரல் ஆனதை தொடர்ந்து காவல் துறை இந்த சம்பவத்திற்கு என்ன செய்தது என்ற தகவல் வெளியாகி உள்ளது.

சமூக வலைதளங்களில் வைரல் ஆன வீடியோவில் இளைஞர்கள் ஓடிக் கொண்டிருக்கும் மஹிந்திரா ஸ்கார்பியோ காரின் மேற்கூரையில் அமர்ந்து கொண்டு வானில் வெடிக்கும் பட்டாசுகளை வெடிக்கும் பரபர காட்சிகள் இடம்பெற்று இருக்கிறது. இது தவிர காரின் பக்கவாட்டு பகுதியில் ஜன்னலின் வெளியில் தொங்கிக் கொண்டு செல்கின்றனர்.

வீடியோ வைரல் ஆனதை தொடர்ந்து ஆமதாபாத் காவல் துறை ஆபத்தான முறையில் நடந்து கொண்ட இளைஞர்கள் மீது நடவடிக்கை எடுத்துள்ளது. சட்டப்படி அவர்களை கைது செய்யவில்லை என்ற போதிலும், தவறு செய்த இளைஞர்களை பொது வெளியில் தோப்புக்கரணம் போட செய்தனர். மேலும் இளைஞர்கள் தோப்புக்கரணம் போடும் வீடியோ ஆமதாபாத் காவல் துறை ட்விட்டர் பக்கத்தில் வெளியிடப்பட்டு உள்ளது.

பட்டாசுகள் சரியாக கையாளப்படவில்லை எனில் வெடி விபத்துகளை ஏற்படுத்தும் வகையில் அபாயகரமானவை ஆகும். இவற்றை கொண்டு சாகசம் செய்வது தீ விபத்தை ஏற்படுத்துவதற்கு சமம் ஆகும். முன்னதாக பட்டாசு வெடித்து பலமுறை தீ விபத்துகள் ஏற்பட்டுள்ளன.

மஹிந்திரா நிறுவனம் தனது முதல் எலெக்ட்ரிக் எஸ்யுவி மாடல்- XUV400-ஐ இந்திய சந்தையில் அறிமுகம் செய்தது. புதிய மஹிந்திரா XUV400 மாடலின் உற்பத்தி அடுத்த மாதம் துவங்கும் என அந்நிறுவனம் அறிவித்து இருக்கிறது. மேலும் இந்த காருக்கான அதிகாரப்பூர்வ முன்பதிவு மற்றும் வினியோகம் அடுத்த ஆண்டு ஜனவரி மாத வாக்கில் துவங்கும் என மஹிந்திரா அறிவித்துள்ளது.

புதிய மஹிந்திரா XUV400 மாடலில் 39.4 கிலோவாட் ஹவர் பேட்டரி பேக் வழங்கப்பட்டு இருக்கிறது. இந்த பேட்டரி மற்றும் எலெக்ட்ரிக் மோட்டார் 150 ஹெச்பி பவர், 310 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த காருடன் 50 கிலோவாட், 7.2 கிலோவாட் AC மற்றும் 3.3 கிலோவாட் AC சார்ஜர்கள் வழங்கப்படுகின்றன.

ஸ்டைலிங்கை பொருத்தவரை புதிய மஹிந்திரா XUV400 மாடல் தோற்றத்தில் XUV300 போன்றே காட்சியளிக்கிறது. இதில் பிளான்க்டு-அவுட் முன்புற கிரில், புதிய 15 இன்ச் அலாய் வீல்கள், ஸ்மோக்டு எல்இடி டெயில் லைட்கள், டூயல் டோன் நிற ஆப்ஷன்கள் வழங்கப்படுகிறது.

மஹிந்திரா XUV400 மாடலில் தொடுதிரை வசதி கொண்ட இன்போடெயின்மெண்ட் சிஸ்டம், கலர்டு MID, எலெக்ட்ரிக் சன்ரூஃப், லெதர் ராப் செய்யப்பட்ட ஸ்டீரிங் வீல், லெதர் இருக்கை மேற்கவர்கள் வழங்கப்படுகின்றன. இந்த காரின் விலை டாடா நெக்சான் EV மேக்ஸ் மற்றும் எம்ஜி இசட்எஸ் EV போன்ற மாடல்களுக்கு போட்டியை ஏற்படுத்தும் வகையில் நிர்ணயம் செய்யப்படலாம்.

மஹிந்திகா ஸ்கார்பியோ N மற்றும் XUV700 மாடல்களுக்கான காத்திருப்புக் காலம் பற்றிய அறிவிப்பு வெளியாகி உள்ளது. அந்த வகையில், இரு கார்களை வாங்க முன்பதிவு செய்வோர் டெலிவரி எடுக்க 20 மாதங்கள் வரை காத்திருக்க வேண்டும் என மஹிந்திரா அறிவித்துள்ளது. ஏற்கனவே எதிர்பார்க்கப்பட்டதை போன்றே இரு கார்களின் காத்திருப்பு காலம் அதிகரித்துள்ளது.

மஹிந்திரா ஸ்கார்பியோ N மற்றும் XUV700 மாடல்களை பெற குறைந்த பட்சம் 18 மாதங்களில் இருந்து அதிகபட்சமாக 20 மாதங்கள் வரை காத்திருக்க வேண்டும். இரு கார்களை வாங்க, நவம்பர் 2022 வரை ஒவ்வொரு மாதமும் 8 ஆயிரத்தில் இருந்து 9 ஆயிரம் முன்பதிவுகளை பெறுவதாக மஹிந்திரா தெரிவித்து உள்ளது.

இந்த மாதத்திற்கு மட்டும் மஹிந்திரா நிறுவனம் 2 லட்சத்து 60 ஆயிரம் வாகனங்களுக்கு முன்பதிவு செய்து வருகிறது. இதில் 1 லட்சத்து 30 ஆயிரம் யூனிட்கள் ஸ்கார்பியோ N மற்றும் ஸ்கார்பியோ கிளாசிக் மாடல்கள் ஆகும். தொடர்ந்து காத்திருப்பு காலம் அதிகரித்து வருவதை அடுத்து உற்பத்தியை வேகப்படுத்த மஹிந்திரா திட்டமிட்டு வருகிறது.

எனினும், இரு கார்களின் உற்பத்திக்காக எத்தனை யூனிட்கள் கூடுதலாக ஒதுக்கப்பட்டுள்ளன என்ற விவரங்களை மஹிந்திரா இதுவரை வெளியிடவில்லை. மஹிந்திரா ஸ்கார்பியோ N மற்றும் XUV700 மாடல்கள் மிக குறுகிய காலக்கட்டத்தில் அறிமுகம் செய்யப்பட்டன. மேலும் இரு மாடல்களின் விலை எதிர்பார்க்கப்பட்டதை விட குறைவாக நிர்ணயம் செய்யப்பட்டன என்பதும் குறிப்பிடத்தக்கது.

மஹிந்திரா நிறுவனத்தின் தார் மாடலை வாங்கி பயன்படுத்தி வந்த நபர் ஆறு மாதங்கள் சிறை தண்டனைக்கு ஆளாகி இருக்கிறார். காஷ்மீரை சேர்ந்த ஆதில் ஃபரூக் பட் என்ற நபர் தனது தார் மாடலை சட்டவிரோதமாக மாடிஃபை செய்ததாக கூறப்படுகிறது. இந்த விவகாரத்தில் கைது செய்யப்பட்ட ஆதில் ஃபரூக் பட்-க்கு ஆறு மாத சிறை தண்டனை விதித்து ஸ்ரீநகர் நீதிமன்றம் தீர்ப்பு வழங்கி இருக்கிறது.

இதோடு தார் மாடலில் மேற்கொள்ளப்பட்டு இருந்த மாடிஃபிகேஷன்கள் அனைத்தையும் திரும்ப பெறவும், காரின் முந்தைய நிலைக்கே அதனை மீண்டும் மாற்ற சம்பந்தப்பட்ட போக்குவரத்து அலுவலகங்களுக்கு நீதிமன்றம் உத்தரவிட்டுள்ளது. சட்டவிரோதமாக மாடிஃபை செய்யப்படும் வாகனங்களுக்கு எதிராக கடும் நடவடிக்கை எடுக்க ஜம்மு காஷ்மீர் காவல் துறையின் கூடுதல் இயக்குனருக்கு நீதிமன்றம் உத்தரவிட்டுள்ளது.

இதையடுத்து மாநிலம் முழுக்க சட்டவிரோதமாக மாடிஃபை செய்யப்பட்டு இருக்கும் வாகனங்களை பிடிக்க காவல் துறை சார்பில் புதிதாக செக்போஸ்ட்கள் அமைக்கப்பட உள்ளன. சட்டவிரோதமாக கார் மாடிஃபை செய்த ஆதில் ஃபரூக் பட் கைதாவதை தவிர்க்க ரூ. 2 லட்சத்திற்கு பிராமண பத்திரம் தாக்கல் செய்ய வேண்டும். பின் இரண்டு ஆண்டுகளுக்கு எந்த விதமான சட்டவிரோத செயல்களில் ஈடுபடாமல் இருக்க வேண்டும்.

இரண்டு ஆண்டுகள் சட்டவிரோத நடவடிக்கையில் ஈடுபடாமல் நன்னடத்தையை நிரூபிக்கும் பட்சத்தில் ஆதில் ஃபரூக் பட் மீது பதியப்பட்ட வழக்கு முழுமையாக ரத்து செய்யப்படும். எதிர்காலத்தில் ஏதேனும் தவறு செய்யும் பட்சத்தில் ஆதில் ஃபரூக் கைது நடவடிக்கையில் இருந்து தப்ப முடியாது.

மஹிந்திரா XUV700 இந்திய சந்தையில் அதிகம் ரிகால் செய்யப்பட்ட கார்களில் ஒன்றாக மாறி இருக்கிறது. மஹிந்திரா நிறுவனத்தின் அதிகம் விற்பனையாகி வரும் ஃபிளாக்‌ஷிப் மாடலான XUV700 மீண்டும் ரிகால் செய்யப்பட்டுள்ளது. இந்த முறை காரில் ஏற்பட்டு இருக்கும் சஸ்பென்ஷன் சார்ந்த பிரச்சினைகளை சரி செய்யப்பட இருப்பதாக மஹிந்திரா தெரிவித்து இருக்கிறது.

கார்களில் ஏற்படும் பிரச்சினைகளை அடிக்கடி கண்டறிந்து ரிகால் மூலம் சரி செய்வது நல்ல முயற்சி தான் என்ற போதிலும், ஃபிளாக்‌ஷிப் மாடலில் இத்தனை குறைகளை போதிய அளவுக்கு சோதனை செய்யாமல் வெளியிட்டதோ என்ற எண்ணம் வாடிக்கையாளர்களுக்கு எழ துவங்கி விட்டது.

மஹிந்திரா XUV700 பயன்படுத்தும் வாடிக்கையாளர்கள் தங்களின் வாகனத்தில் சஸ்பென்ஷன் சத்தம் கேட்பதாக புகார் தெரிவித்து வருகின்றனர். இந்த பிரச்சினையை சரி செய்யவே தற்போது ரிகால் நடவடிக்கை எடுக்கப்பட்டு உள்ளது. இதற்காக மஹிந்திரா நிறுவனம் தனது டீலர்களுக்கு தொழில்நுட்ப சர்வீஸ் சுற்றறிக்கையை அனுப்பி இருக்கிறது. அதில் XUV700 மாடலை ரிகால் செய்து சஸ்பென்ஷன் பாகங்களை மாற்ற வலியுறுத்தி இருக்கிறது.

இதில் முன்புறம் லோயர் கண்ட்ரோல் ஆர்ம் மற்றும் ரியர் கண்ட்ரோல் புஷ் உள்ளிட்டவை இடம்பெற்று இருக்கிறது. இவற்றை வாடிக்கையாளர்களுக்கு எவ்வித கூடுதல் கட்டணமும் இன்றி மாற்றிக் கொடுக்க வேண்டும் என மஹிந்திரா தெரிவித்துள்ளது. இம்முறை ரிகால் செய்யப்படும் மஹிந்திரா XUV700 யூனிட்களில் பெட்ரோல் மற்றும் டீசல் வேரியண்ட்கள் பாதிக்கப்பட்டுள்ளன.

மஹிந்திரா நிறுவனம் XUV400 மாடல் மூலம் செப்டம்பர் மாத வாக்கில் இந்திய எலெக்ட்ரிக் வாகன சந்தையில் களமிறங்கியது. இதன் வெளியீடு அடுத்த ஆண்டு வாக்கில் நடைபெற இருக்கிறது. இந்த நிலையில், மஹிந்திரா நிறுவனம் ஆட்டோமோடிவ் வடிவமைப்பாளர் பிரதாப் போஸ் மற்றும் முன்னணி அழகி ரிம்ஜிம் ததுவுடன் இணைந்து ஸ்பெஷல் எடிஷன் மாடலை அறிமுகம் செய்து இருக்கிறது.

மஹிந்திரா ஆட்டோமோடிவ் டெக் ஃபேஷன் டூர் சீசன் 6 நிகழ்வில் மஹிந்திரா XUV400 ஸ்பெஷல் எடிஷன் காட்சிப்படுத்தப்பட்டது. ஸ்பெஷல் எடிஷன் மாடல் ஃபேஷனை ஃபேப்ரிக்ஸ்-ஐ முதன்மை உபகரணமாக கொண்டு வெளிப்படுத்துவதில் கவனம் செலுத்துகிறது. ஃபேப்ரிக் சார்ந்து உருவாக்கப்பட்ட தீம், ட்வின்-பீக் காப்பர் நிற மஹிந்திரா லோகோ புளூ நிற அவுட்லைன் பெற்று இருப்பதோடு ரிம்ஜிம் தது எக்ஸ் போஸ் கையெழுத்து இடம்பெற்று இருக்கிறது. இந்த லோகோ விண்ட்ஷீல்டு மற்றும் இதர வெளிப்புற பாகங்களில் பொருத்தப்படுகிறது.

காரின் உள்புறத்தில் ஃபேப்ரிக் சார்ந்த எலிமண்ட்கள் கேபின் முழுக்க காணப்படுகிறது. ரிம்ஜிம் தது எக்ஸ் போஸ் லோகோ சீட் ஹெட்ரெஸ்ட் மீது காணப்படுகிறது. இச்சுடன் ஆர்க்டிக் புளூ தீம் கார் இண்டீரியர் முழுக்க பயன்படுத்தப்பட்டு இருக்கிறது. புதிய மஹிந்திரா XUV400 மாடல் பேஸ், EP மற்றும் EL.A என மூன்று வேரியண்ட்களில் கிடைக்கிறது. இந்த காரில் 39.4 கிலோவாட் ஹவர் பேட்டரி பேக் உள்ளது.

இதில் உள்ள மோட்டார்கள் 150 ஹெச்பி பவர், 310 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த கார் முழு சார்ஜ் செய்தால் 456 கிலோமீட்டர் வரையிலான ரேன்ஜ் வழங்கும் திறன் கொண்டிருக்கிறது. அளவீடுகளை பொருத்தவரை மஹிந்திரா XUV400 மாடல் 4200mm நீளமாக உள்ளது. 

மஹிந்திரா அல்டுராஸ் G4 மாடல் இந்திய விற்பனை நிறுத்தப்பட்டு விட்டதாக தகவல் வெளியாகி வருகிறது. இந்த எஸ்யுவி மஹிந்திரா நிறுவனத்தின் அதிகாரப்பூர்வ வலைதளத்தில் இருந்து நீக்கப்பட்டு விட்டது. மேலும் இந்த காருக்கான முன்பதிவுகள் திடீரென நிறுத்தப்பட்டு விட்டது. இந்திய சந்தையில் 2018 வாக்கில் அறிமுகம் செய்யப்பட்ட அல்டுராஸ் G4 மாடல் CKD வழியே இந்தியா கொண்டுவரப்பட்டது.

அறிமுகம் செய்யப்பட்ட போது, இந்த கார் சங்யோங் ரெக்ஸ்டான் மாடலின் ரி-பேட்ஜ் செய்யப்பட்ட வெர்ஷனாகவே இருந்தது. பின் இந்த எஸ்யுவி மாடல் 2WD ஹை மற்றும் 4WD என இரண்டு வேரியண்ட்களில் விற்பனை செய்யப்பட்டது. இந்திய சந்தையில் இந்த காரின் விலை முறையே ரூ. 30 லட்சத்து 67 ஆயிரம் மற்றும் ரூ. 31 லட்சத்து 87 ஆயிரம் என நிர்ணயம் செய்யப்பட்டது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

ஏராளமான அம்சங்களுடன் போட்டியை ஏற்படுத்தும் விலை கொண்டிருந்த போதிலும், இந்த எஸ்யுவி அதிக வாடிக்கையாளர்களை கவராத காரணத்தால் விற்பனை தொடர்ந்து குறைவாகவே இருந்து வந்துள்ளது. அம்சங்களை பொருத்தவரை இந்த மாடலில் வெண்டிலேட் செய்யப்பட்ட முன்புற இருக்கைகள், டூயல்-ஜோன் கிளைமேட் கண்ட்ரோல், 8 இன்ச் தொடுதிரை வசதி கொண்ட இன்ஃபோடெயின்மெண்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ, டிஜிட்டல் இன்ஸ்ட்ரூமெண்ட் கிளஸ்டர் கொண்டிருக்கிறது.

இத்துடன் குரூயிஸ் கண்ட்ரோல், பவர்டு டெயில்கேட், ஒன்பது ஏர்பேக், TPMS, 8 வழிகளில் பவர் அட்ஜஸ்ட் செய்யக்கூடிய ஓட்டுனஎர் இருக்கை, எலெக்ட்ரிக் சன்ரூஃப் மற்றும் ஏராளமான அம்சங்கள் வழங்கப்பட்டுள்ளன. இந்த கார் 2.2 லிட்டர் டீசல் என்ஜின் கொண்டிருக்கிறது. இந்த என்ஜின் 178 ஹெச்பி பவர், 420 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 7 ஸ்பீடு டார்க் கன்வெர்ட்டர் ஆட்டோமேடிக் கியர்பாக்ஸ் கொண்டுள்ளது.

இந்திய சந்தையில் மஹிந்திரா அல்டுராஸ் G4 எஸ்யுவி டொயோட்டா ஃபார்ச்சூனர், ஃபோர்டு எண்டேவர் மற்றும் எம்ஜி குளோஸ்டர் போன்ற மாடல்களுக்கு போட்டியாக விளங்கியது. அல்டுராஸ் G4 நிறுத்தப்பட்டதை அடுத்து மஹிந்திரா XUV700 தற்போது அந்நிறுவனத்தின் விலை உயர்ந்த கார் என்ற பெருமையை பெறுகிறது.

இந்தியாவில் இயங்கி வரும் தேர்வு செய்யப்பட்ட சில மஹிந்திரா விற்பனை மையங்களில் இம்மாதம் முழுக்க அசத்தல் சலுகை மற்றும் தள்ளுபடிகள் வழங்கப்படுகின்றன. இவற்றை வாடிக்கையாளர்கள் தள்ளுபடி, எக்சேன்ஜ் போனஸ், கார்ப்பரேட் தள்ளுபடி மற்றும் இலவச அக்சஸரீக்கள் வடிவில் பெற்றுக் கொள்ளலாம்.

மஹிந்திரா XUV300 பெட்ரோல் மாடலுக்கு ரூ. 29 ஆயிரம் வரை தள்ளுபடி, ரூ. 25 ஆயிரம் எக்சேன்ஜ் போனஸ், ரூ. 4 ஆயிரம் வரை கார்ப்பரேட் தள்ளுபடி, ரூ. 10 ஆயிரம் வரையிலான அக்சஸரீக்கள் வழங்கப்படுகின்றன. பொலேரோ மாடலை வாங்குவோர் ரூ. 6 ஆயிரத்து 500 தள்ளுபடி, ரூ. 10 ஆயிரம் எக்சேன்ஜ் போனஸ், ரூ. 3 ஆயிரம் கார்ப்பரேட் தள்ளுபடி மற்றும் ரூ. 8 ஆயிரத்து 500 வரையிலான அக்சஸரீக்களை பெறலாம்.

மஹிந்திரா XUV300 டர்போஸ்போர்ட் வேரியண்ட்களை வாங்கும் போது ரூ. 25 ஆயிரம் வரையிலான எக்சேன்ஜ் போனஸ் கிடைக்கும். மராசோ மாடலுக்கு ரூ. 20 ஆயிரம் தள்ளுபடி, ரூ. 10 ஆயிரம் எக்சேன்ஜ் போனஸ், ரூ. 5 ஆயிரத்து 200 கார்ப்பரேட் தள்ளுபடி வழங்கப்படுகிறது.

இவை தவிர மஹிந்திரா நிறுவனத்தின் ஸ்கார்பியோ கிளாசிக், ஸ்கார்பியோ N, XUV700, தார் மற்றும் பொலிரோ நியோ போன்ற மாடல்களுக்கு எவ்வித சலுகையும் அறிவிக்கப்படவில்லை. மேலும் இங்கு குறிப்பிடப்பட்டு இருக்கும் சலுகை விவரங்கள் கார் மாடல், வேரியண்ட் மற்றும் விற்பனை மையங்களுக்கு ஏற்ப வேறுபடும்.

குளோபல் NCAP கிராஷ் டெஸ்டிஸ் மஹிந்திரா நிறுவனத்தின் முற்றிலும் புதிய ஸ்கார்பியோ N மாடல் சோதனை செய்யப்பட்டது. இதில் அந்த கார் பயணிகளுக்கு தேவையான பாதுகாப்பை வழங்கியது நிரூபிக்கப்பட்டு இருக்கிறது. கார் நேரடியாக மோதியது மட்டுமின்றி, பக்காவாட்டு பகுதியில் இடிக்கும் போதும் சோதனை செய்யப்பட்டது. அதிலும் புதிய ஸ்கார்பியோ நல்ல புள்ளிகளை பெற்று இருக்கிறது.

பக்கவாட்டு பரிசோதனையில் மஹிந்திரா ஸ்கார்பியோ N எஸ்யுவி மாடல் 17-க்கு 16 புள்ளிகளை பெற்றது. சைடு போல் டெஸ்டில் "OK" என்ற மதிப்பெண் பெற்றது. இந்த டெஸ்டில் பாடிஷெல் மற்றும் ஃபூட்வெல் பகுதிகள் மிகவும் திடமாக இருப்பது தெரியவந்துள்ளது. ஒட்டுமொத்தமாக பெரியவர்கள் பயணிக்கும் போது நடத்தப்பட்ட பரிசோதனையில் ஸ்கார்பியோ N மாடல் 34-க்கு 29.25 புள்ளிகளை பெற்று இருக்கிறது.

குழந்தைகள் பயணிக்கும் போது நடத்தப்பட்ட சோதனையில் 49-க்கு 28.93 புள்ளிகளை பெற்றது. இதில் மூன்று ஸ்டார்களையும், பெரியவர்கள் பயணம் செய்யும் போது நடத்திய சோதனையில் ஐந்து ஸ்டார்களை பெற்றது. குளோபல் NCAP வழிமுறைகளின் படி குறிப்பிட்ட புள்ளிகளை பெற்றால் மட்டுமே காருக்கு ஐந்து ஸ்டார் ரேட்டிங் வழங்கப்படும்.

Photo Courtesy: Global NCAP

மஹிந்திரா நிறுவனம் கடந்த மாதம் (நவம்பர் 2022) இந்தியாவில் 61 ஆயிரத்து 140 யூனிட்களை உற்பத்தி செய்து இருக்கிறது. இது கடந்த ஆண்டு இதே மாதத்தில் உற்பத்தி செய்யப்பட்ட 36 ஆயிரத்து 087 யூனிட்களை விட அதிகம் ஆகும். இதில் கடந்த மாதம் 51 ஆயிரத்து 181 யூனிட்களை மஹிந்திரா விற்பனை செய்தது. கடந்த ஆண்டு நவம்பர் மாதத்தில் மஹிந்திரா நிறுவனம் 37 ஆயிரத்து 001 யூனிட்களை விற்பனை செய்து இருந்தது குறிப்பிடத்தக்கது.

கடந்த மாத விற்பனையை பொருத்தவரை மஹிந்திரா நிறுவனம் 4 ஆயிரத்து 605 XUV700 டீசல் யூனி்ட்களை விற்பனை செய்தது. இத்துடன் 1,096 பெட்ரோல் யூனிட்கள் விற்பனை செய்தது. இதே போன்று ஸ்கார்பியோ சீரிஸ் (ஸ்கார்பியோ கிளாசிக் மற்றும் ஸ்கார்பியோ N) 4 ஆயிரத்து 181 பெட்ரோல் யூனிட்களும், 2 ஆயிரத்து 274 டீசல் யூனிட்களும் விற்பனை செய்யப்பட்டுள்ளன.

மஹிந்திரா தார் மாடலை பொருத்த வரை கடந்த மாதம் 3 ஆயிரத்து 759 டீசல் யூனிட்களும், 228 பெட்ரோல் யூனிட்களும் விற்பனையாகி இருக்கின்றன. XUV300 மாடலின் டீசல் மற்றும் பெட்ரோல் வெர்ஷன்கள் முறையே 3 ஆயிரத்து 108 மர்றும் 2 ஆயிரத்து 795 யூனிட்கள் விற்பனை செய்யப்பட்டுள்ளன.

இவை தவிர மஹிந்திரா பொலிரோ மாடலில் 7 ஆயிரத்து 984 யூனிட்களும், மராசோ மாடலில் 201 யூனிட்களும் விற்பனையாகின. கடந்த மாதத்தில் அல்டுராஸ் G4 மற்றும் KUIV100 Nxt பெட்ரோல் மாடல்கள் முறையே ஐந்து மற்றும் இரண்டு யூனிட்கள் விற்பனையாகின.

மஹிந்திரா நிறுவனம் தனது ஸ்கார்பியோ N காரின் புது வேரியண்ட்களை இந்திய சந்தையில் அறிமுகம் செய்து இருக்கிறது. அதன்படி தற்போது ஸ்கார்பியோ N 30 வேரியணட்களில் கிடைக்கிறது. ஸ்கார்பியோ N காரின் 30 வேரியண்ட்களில் 19 வேரியண்ட்கள் டீசல் என்ஜினும், மீதமுள்ளவை பெட்ரோல் என்ஜினும் கொண்டிருக்கின்றன. அந்த வகையில், டீசல் என்ஜின் கொண்ட மாடல்களில் மட்டுமே ஆப்ஷனல் 4எக்ஸ்ப்ளோர் 4 வீல் டிரைவ் சிஸ்டம் வழங்கப்பட்டு இருக்கிறது.

தற்போது அறிமுகம் செய்யப்பட்டு இருக்கும் புது வேரியண்ட்கள், ஸ்கார்பியோ N - Z2 G MT E, Z2 D MT E, Z4 G MT E, Z4 D MT E, மற்றும் Z4 D MT 4WD E என அழைக்கப்படுகின்றன. புது வேரியண்ட்களை அடுத்து 4 வீல் டிரைவ் வெர்ஷன் தற்போது ரூ. 16 லட்சத்து 94 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

புது வேரியண்ட்களின் விலை விவரங்கள்:

Z2 MT E 7s பெட்ரோல் ரூ. 12 லட்சத்து 49 ஆயிரம்

Z4 MT E 7s பெட்ரோல் ரூ. 13 லட்சத்து 99 ஆயிரம்

Z2 MT E 7s டீசல் ரூ. 12 லட்சத்து 99 ஆயிரம்

Z4 MT E 7s டீசல் ரூ. 14 லட்சத்து 49 ஆயிரம்

Z4 MT 4WD E 7s ரூ. 16 லட்சத்து 04 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

புதிதாக அறிமுகம் செய்யப்பட்டு இருக்கும் மஹிந்திரா ஸ்கார்பியோ N Z2 D MT E வேரியண்ட் ஹில் ஹோல்டு அசிஸ்ட், எலெக்ட்ரிக் ஸ்டேபிலிட்டி கண்ட்ரோல் போன்ற அம்சங்களை கொண்டிருக்கிறது. இத்துடன் டில்ட் அட்ஜஸ்ட் செய்யக்கூடிய பவர் ஸ்டீரிங், 2-ம் அடுக்கு இருக்கைகளில் ஏசி வெண்ட்கள், பவர் விண்டோ, யுஎஸ்பி போர்ட்கள், எல்இடி இண்டிகேட்டர் போன்ற அம்சங்கள் வழங்கப்பட்டுள்ளன.

மஹிந்திரா ஸ்கார்பியோ N Z4 வேரியண்ட்களில் ஹில் ஹோல்டு அசிஸ்ட், எலெக்ட்ரிக் ஸ்டேபிலிட்டி கண்ட்ரோல் அம்சங்கள் வழங்கப்பட்டு இருக்கின்றன. பவர்டிரெயின் ஆப்ஷன்களை பொருத்தவரை 2.0 லிட்டர் டர்போசார்ஜ் செய்யப்பட்ட என்ஜின் வழங்கப்பட்டு இருக்கிறது. இந்த என்ஜின் 200 ஹெச்பி பவர், 370 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு மேனுவல் அல்லது 6 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது.

புதிய ஸ்கார்பியோ N டீசல் வேரியண்ட்களில் 2.2 லிட்டர் டர்போசார்ஜ் செய்யப்பட்ட என்ஜின் வழங்கப்பட்டு இருக்கிறது. இந்த என்ஜின் 130 ஹெச்பி பவர், 300 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு மேனுவல் டிரான்ஸ்மிஷன் அல்லது 6 ஸ்பீடு ஆட்டோமேடிக் டிரான்ஸ்மிஷன் வழங்கப்பட்டு இருக்கிறது. டீசல் என்ஜின் கொண்ட பேஸ் மாடல் 6 ஸ்பீடு மேனுவல் டிரான்ஸ்மிஷனில் மட்டுமே வழங்கப்படுகிறது.

மஹிந்திரா நிறுவனம் சமீபத்தில் மஹிந்திரா XUV400 மாடலை இந்திய சந்தையில் அறிமுகம் செய்தது. இது சக்திவாய்ந்த எலெக்ட்ரிக் எஸ்யுவி மாடல் ஆகும். மஹிந்திராவின் புதிய XUV400 எலெக்ட்ரிக் எஸ்யுவி விலை மற்றும் வெளியீடு அடுத்த மாதம் நடைபெற இருக்கிறது. மேலும் இந்த காரின் டெஸ்ட் டிரைவ் விரைவில் துவங்க இருக்கிறது. இதைத் தொடர்ந்து வினியோகம் பிப்ரவரி மாத இறுதியிலோ அல்லது மார்ச் மாதத்திலோ துவங்கும்.

புதிய மஹிந்திரா XUV400 மாடல் பேஸ், EP மற்றும் EL என மூன்று வேரியண்ட்களில் கிடைக்கிறது. இவற்றின் விலை ரூ. 17 லட்சத்தில் துவங்கும் என கூறப்படுகிறது. இந்த கார் டாடா நெக்சான் EV மற்றும் எம்ஜி ZS EV போன்ற மாடல்களுக்கு போட்டியாக அமையும். மஹந்திரா XUV400 மாடல் மணிக்கு 100 கிலோமீட்டர் வேகத்தை 8.3 நொடிகளில் எட்டிவிடும். மேலும் இதன் அதிகபட்ச வேகம் மணிக்கு 150 கிலோமீட்டர்களாக கட்டுப்படுத்தப்பட்டு இருக்கிறது.

இந்த மாடலில் 39.5 கிலோவாட் ஹவர் பேட்டரி பேக் வழங்கப்பட்டுள்ளது. இதில் உள்ள பேட்டரி பேக் மற்றும் ஒற்றை மோட்டார் பவர்டிரெயின் 148 ஹெச்பி பவர், 310 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த கார் முழு சார்ஜ் செய்தால் 456 கிலோமீட்டர் வரை செல்லும். இதனுடன் 3.3 கிலோவாட்/16A ஹோம் சார்ஜர், 7.2 கிலோவாட்/32A ஃபாஸ்ட் சார்ஜர் மற்றும் DC ஃபாஸ்ட் சார்ஜர் வழங்கப்படுகிறது.

மஹிந்திரா XUV400 காரை DC ஃபாஸ்ட் சார்ஜர் மூலம் சார்ஜ் செய்ய 50 நிமிடங்களே ஆகும். ஹோம் சார்ஜர் கொண்டு சார்ஜ் செய்ய 13 மணி நேரங்கள் ஆகும். இந்த கார் ஃபன், ஃபாஸ்ட் மற்றும் ஃபியர்லெஸ் என மூன்று வித ரைடிங் மோட்களை கொண்டிருக்கிறது. இந்த காரில் ஏராளமான அம்சங்கள், கனெக்டெட் கார் தொழில்நுட்பம், ஆட்டோமேடிக் கிளைமேட் கண்ட்ரோல், சன்ரூஃப், புஷ் பட்டன் ஸ்டார்ட் வழங்கப்பட்டு இருக்கிறது.