நீங்கள் தேடியது "trap"

அமெரிக்காவில் உள்ள ஓரிகானின் மாகாணத்தில் அமைந்துள்ள போர்ட்லேண்ட் நகரத்தில் நூற்றாண்டு பழமையான பொழுதுபோக்கு பூங்கா உள்ளது.

கோடை விடுமுறைக்காக பூங்கா நேற்று முதல் திறக்கப்பட்டது. இங்கு, ஏராளமான மக்கள் வந்து இங்குள்ள ரைடுகளில் தங்களின் நேரத்தை போக்கி வந்தனர்.

இந்நிலையில், AtmosFEAR எனப்படும் ரைடர் ஒன்றில் ஏறிய மக்கள் சுமார் அரை மணி நேரம் தலைகீழாக தொங்கியதால் பரபரப்பு ஏற்பட்டது.

அட்மாஸ்ஃபியர் எனப்படும் ரைட் திடீரென செயல்படாமல் போனதால், அதில் இருந்த மக்கள் கீழே இறங்க முடியாமல் தவித்தனர்.

பிறகு, இதுகுறித்து தகவல் தெரியவந்த நிலையில் அவசரகால பணியாளர்கள் ரைடரை சரிசெய்து அதில் இருந்து 28 பேரையும் பத்திரமாக மீட்டனர்.

இதுகுறித்து கேளிக்கை பூங்காவில் உள்ள அதிகாரிகளின் அறிக்கையின்படி, "அவசரகால குழுவினர் அவர்களுக்கு அழைப்பு விடுக்கப்பட்ட 25 நிமிடங்களுக்குப் பிறகு விரைந்து மீட்பு பணியில் ஈடுபட்டுள்ளனர்.

இந்த சம்பவத்தில் காயங்கள் எதுவும் ஏற்பட்டதாக தகவல் இல்லை. இருப்பினும், முன்னெச்சரிக்கை நடவடிக்கையாக, 28 பேருக்கும் மருத்துவ பரிசோதனை மேற்கொள்ளப்பட்டது" என்றது.

இந்த ரைடு கடந்த 2021ம் ஆண்டு முதல் செயல்பட்டு வருகிறது. மேலும், இதுபோன்ற சம்பவம் இதுவரை இங்கு நடந்ததில்லை என்று பூங்கா தரப்பில் தெரிவித்துள்ளது. மேலும், மறு அறிவிப்பு வரும் வரை ரைடு செயல்படாது என்றும் தெரிவித்தது.

இருப்பினும், ரைடில் தலைகீழாக தொங்கும் மக்களின் வீடியோ இணையத்தில் வைரலாகி வருகிறது.

வேதாரண்யம்:

கோடியக்கரையில் மீன்பிடி சீசன் அக்டோபர் மாதம் துவங்கி மார்ச் வரை நடைபெறும். நாள்தோறும் 10 டன் முதல் 25 டன் மீன்கள் பிடிக்கப்பட்டு கோடியக்கரையில் இருந்து தமிழகத்தின் பல்வேறு பகுதிகளுக்கும் மேலும் கர்நாடகா, கேரளா, மற்றும் சிங்கப்பூர் ஆகியவற்றுக்கும் ஏற்றுமதி செய்யப்படுகிறது.

இந்நிலையில் நேற்று கோடியக்கரையில் ஒரே நாளில் 10 டன் மீன்கள், நண்டுகள் சிக்கின. கடந்த ஒரு வார காலமாக கோடியக்கரை, ஆறுகாட்டுத்துறை, புஷ்பவனம், வெள்ளப்பள்ளம் உள்ளிட்ட 10-க்கும் மேற்பட்ட மீனவர் கிராமங்களில் அதிக அளவில் காலா மீன்கள் கிடைக்கின்றன. நாள் ஒன்றுக்கு 5 முதல் 15 டன் வரை காலா மீன்களை மீனவர்கள் பிடித்து வருகின்றனர்.

மீனவர்களது வலையில் காலா, நண்டு, புள்ளி நண்டு. வாவல், ஷீலா, ஏமீன் டன் கணக்கில் கிடைக்கின்றன. இதனால் மீனவர்கள் மகிழ்சசி அடைந்தனர். வாவல் மீன்கள் ரூ.600க்கும் காலா ரூ.300க்கும், நீலக்கால் நண்டு ரூ.400க்கும், ஏமீன்கள் ரூ.250க்கும், சிறிய வகை இறால்கள் ரூ.100 முதல் 300 வரைக்கும், சிறிய ரக மீன்கள் ரூ.150க்கும் ஏலம் போனது. காலா மீன்கள் சென்றவாரம் கிலோ ரூ.500-க்கு விற்பனையானது. தற்சமயம் அதிகளவில் கிடைப்பதால் சரிபாதியாக விலை வீழ்ச்சி அடைந்துள்ளது.

மீன் வியாபாரிகள் அதிகளவில் கிடைக்கும்.காலா மீன்களை கொள்முதல் செய்து விற்பனை செய்வதற்கு சிரமப்படுகின்றனர். இதே சீசன் இன்னும் 15 நாட்களுக்கு நீடிக்கும் என்று வியாபாரி சுப்பிரமணியன் தெரிவித்தார்.

தற்போது அதிக அளவில் காலா மீன் கிடைப்பதற்கு காலா மீன்கள் குஞ்சு பொறிப்பதற்காக ஆழ்கடல் பகுதியிலிருந்து அதிகளவில் வேதாரண்யம் சேற்று கடல் பகுதிக்கு வருவதே காரணம் ஆகும். பிடிபடும் அனைத்து மீன்களும் சினையுடனே காணப்படுகிறது என்றும் மீனவர்கள் தெரிவித்தனர்.

நெல்லை:

சென்னை பகுதியை சேர்ந்த அ.தி.மு.க. பெண் எம்.பி. ஒருவருக்கு கடந்த சில நாட்களுக்கு முன்பு ஒரு மர்ம போன் வந்தது. போனில் பேசியவர் தன்னை நெல்லையை சேர்ந்த அ.தி.மு.க. வி.ஐ.பி. என்று அறிமுகப்படுத்தி பேசியவர், பெண் எம்.பி.க்கு பாலியல் தொல்லை கொடுத்ததாகவும் கூறப்படுகிறது.

இதனால் அதிர்ச்சி யடைந்த அந்த பெண் எம்.பி.யின் உதவியாளர் நெல்லையில் உள்ள அந்த வி.ஐ.பி.யை தொடர்பு கொண்டு பேசினார். அப்போது போனில் அவர் பேச வில்லை என்றும், வேறு யாரோ பேசியதும் தெரியவந்தது.

இதைத்தொடர்ந்து அந்த பெண் எம்.பி.க்கு வந்த செல்போன் நம்பரை கொடுத்து யார் என்று கண்டு பிடித்து நடவடிக்கை எடுக்க வலியுறுத்தினார். இதைத்தொடர்ந்து நெல்லை அ.தி.மு.க. வி.ஐ.பி. பாளை போலீசில் புகார் செய்தார். அப்போது பாலியல் தொல்லை கொடுத்த போன் எண்ணையும் தெரிவித்தனர்.

இது தொடர்பாக பாளை போலீஸ் இன்ஸ்பெக்டர் ராமையா மற்றும் போலீசார், சைபர் கிரைம் போலீஸ் உதவியுடன் விசாரணை நடத்தினர். அப்போது அந்த செல்போன் தேவர்குளம் அருகே உள்ள சுண்டங்குறிச்சி பகுதியில் இருந்து பேசியது தெரியவந்தது. தொடர்ந்து அந்த செல்போன் சுவீட்ச் ஆப் செய்யப்படாமல் இயங்கியதால் போலீசார் அந்த முகவரிக்கு சென்று விசாரணை நடத்தினார்கள்.

அப்போது ஒரு மனநிலை பாதிக்கப்பட்ட வாலிபர் அந்த செல்போன் மூலம் பேசியது தெரியவந்தது. இவர் அடிக்கடி தன்னை கலெக்டர் என்றும், பல்வேறு வி.ஐ.பி.க்கள் பெயரை கூறியும் பலரிடம் பேசியதும் தெரியவந்தது. அந்த வாலிபர் மனநிலை பாதிப்புக்கு சிகிச்சை பெற்று வருவதும், சான்றிதழ்கள் மூலம் உறுதி செய்யப்பட்டது.

இதைத்தொடர்ந்து போலீசார் அந்த வாலிபரிடம் செல்போனை கொடுக்க கூடாது என்று அவரது உறவினர்களிடம் எச்சரித்து எழுதி வாங்கினார்கள். இதைத்தொடர்ந்து அந்த வழக்கு முடித்து வைக்கப்பட்டது.