கணினி

சியோமி நிறுவனம் தனது சியோமி பேட் 6 மேக்ஸ் 14 மாடலின் வெளியீட்டு பணிகளில் ஈடுபட்டு வருகிறது. முதற்கட்டமாக இந்த டேப்லெட் மாடல் சீன சந்தையில் அறிமுகம் செய்யப்பட இருக்கிறது. ஆகஸ்ட் 14-ம் தேதி நடைபெறும் நிகழ்வில் சியோமி மிக்ஸ் ஃபோல்டு 3 மாடலுடன் புதிய பேட் 6 மேக்ஸ் 14 மாடலும் அறிமுகம் செய்யப்பட இருக்கிறது.

முன்னதாக சியோமி பேட் 6 மாடல் அறிமுகம் செய்யப்பட்ட நிலையில், புதிய மேக்ஸ் மாடல் அறிமுகமாகிறது. பேட் 6 மேக்ஸ் 14 மாடலை சியோமி நிறுவனம் லேப்டாப் மற்றும் சியோமி பேட் 6 மாடல் 11 இன்ச் வேரியன்ட் உடன் ஒப்பிட்டுள்ளது. புதிய பேட் 6 மேக்ஸ் டேப்லெட்-இல் 14 இன்ச் அளவு கொண்ட ஸ்கிரீன் வழங்கப்படுகிறது.

இது முந்தைய 11 இன்ச் ஸ்கிரீன் கொண்ட பேட் 6 மாடலை விட 62 சதவீதம் வரை பெரியது ஆகும். டீசரில் புதிய டேப்லெட் பற்றி வேறு எந்த தகவலும் இல்லை. எனினும், சியோமி பேட் 6 மேக்ஸ் பற்றிய விவரங்கள் கீக்பென்ச் தளத்தில் லீக் ஆகி இருக்கின்றன. அதில் புதிய சியோமி பேட் 6 மேக்ஸ் 14 மாடலில் ஸ்னாப்டிராகன் 8 பிளஸ் ஜென் 1 பிராசஸர் வழங்கப்படும் என்று தெரிகிறது.

இத்துடன் 12 ஜிபி ரேம், ஆண்ட்ராய்டு 13 ஒஎஸ், 67 வாட் பாஸ்ட் சார்ஜிங் வசதி வழங்கப்படும் என்று தெரியவந்துள்ளது. தகவல்களுடன் வெளியாகி இருக்கும் புகைப்படங்களில் டூயல் பிரைமரி கேமரா சென்சார்கள், ToF சென்சார் உள்ளிட்ட அம்சங்கள் வழங்கப்படும் என்று தெரியவந்துள்ளது. புதிய டேப்லெட் பற்றிய இதர விவரங்கள் வரும் நாட்களில் வெளியாகும் என்று எதிர்பார்க்கலாம்.

எல்ஜி எலெக்டிரானிக்ஸ் நிறுவனம் தனது முற்றிலும் புதிய பிரீமியம் கேமிங் மானிட்டர் மாடல்களை இந்திய சந்தையில் அறிமுகம் செய்து இருக்கிறது. இரண்டு புதிய மாணிட்டர்கள் 45GR95QE மற்றும் 27GR95QE என்று அழைக்கப்படுகின்றன. இந்த மானிட்டர்கள் கேமிங் உலகில் தனித்துவம் மிக்க அம்சங்களை வழங்குகின்றன. இதன் மூலம் தலைசிறந்த கேமிங் அனுபவம் கிடைக்கும்.

புதிய எல்ஜி 45GR95QE மாடல் சீரான கேமிங் அனுபவம், 140Hz ரிப்ரெஷ் ரேட் மற்றும் 0.03ms ரெஸ்பான்ஸ் டைம் கொண்டிருக்கிறது. இதில் உள்ள 800R கர்வேச்சர் டிசைன் சிறப்பான அனுபவத்தை வழங்குகிறது. மேலும் இத்துடன் வரும் ஸ்டான்ட் மானிட்டரை சவுகரியமாக வைத்துக் கொள்ள செய்கிறது.

கேமிங் ரிமோட் கன்ட்ரோல் மற்றும் பிளாக் ஸ்டேபிலைசர், டைனமிக் ஆக்ஷன் சின்க் உள்ளிட்டவை கேமர்களுக்கு மிகவும் பயனுள்ளதாக இருக்கும்.

எல்ஜி 27GR95QE OLED கேமிங் மானிட்டர் 27 இன்ச் அளவு கொண்ட QHD டிஸ்ப்ளே கொண்டிருக்கிறது. இதில் AGLR தொழில்நுட்பம், DCI-P3 98.5% கலர் கமுட், HDR10 சப்போர்ட் போன்ற அம்சங்கள் உள்ளன. இத்துடன் அல்டிமேட் கான்டிராஸ்ட் ரேஷியோ மற்றும் OLED பிக்சல் டிம்மிங், 240Hz ரிப்ரெஷ் ரேட், 0.3ms GTG ரெஸ்பான்ஸ் டைம் வழங்குகிறது.

இந்த மானிட்டர் VRR, NVIDIA G-SYNC, FreeSync பிரீமியம், VESA அடாப்டிவ் சின்க் உள்ளிட்ட அம்சங்களுக்கு சப்போர்ட் கொண்டிருக்கிறது. கனெக்டிவிட்டியை பொருத்தவரை HDMI 2.1x2, டிஸ்ப்ளே போர்ட் 1.4 மற்றும் DSC x1, யுஎஸ்பி 3.0 உள்ளிட்டவை வழங்கப்பட்டு இருக்கிறது. இந்த மானிட்டர் 4 பக்க, விர்ச்சுவல் பார்டர்லெஸ் டிசைன் கொண்டிருக்கிறது.

புதிய எல்ஜி 45GR95QE 45-இன்ச் WQHD வளைந்த OLED கேமிங் ஸ்கிரீன் கொண்டிருக்கிறது. இதில் 21:9 ஆஸ்பெக்ட் ரேஷியோ மற்றும் 800R கர்வேச்சர் உள்ளது. இதில் DCI-P3 98.5% கலர் கமுட், HDR10 சப்போர்ட், 240Hz ரிப்ரெஷ் ரேட், 0.03ms GTG ரெஸ்பான்ஸ் டைம் உள்ளது. இதிலும் HDMI 2.1 VRR (அடாப்டிவ் சின்க்), NVIDIA G-SYNC, AMD FreeSync பிரீமியம் உள்ளிட்ட அம்சங்களுக்கு சப்போர்ட் உள்ளது.

கனெக்டிவிட்டியை பொருத்தவரை HDMI 2.1x2, டிஸ்ப்ளே போர்ட் 1.4 மற்றும் DSC x1, யுஎஸ்பி 3.0 மற்றும் ஆடியோவுக்கு ஆப்டிக்கல் ஜாக் வழங்கப்பட்டு இருக்கிறது.

விலை மற்றும் விற்பனை விவரங்கள்:

எல்ஜி 27GR95QE QHD OLED கேமிங் மானிட்டர் விலை ரூ. 1 லட்சத்து 24 ஆயிரம் என்று நிர்ணயம் செய்யப்பட்டு உள்ளது. எனினும், அமேசான் வலைதளத்தில் இந்த மானிட்டர் ரூ. 84 ஆயிரத்து 498 விலையில் விற்பனை செய்யப்படுகிறது.

எல்ஜி 45GR95QE WQHD OLED கேமிங் மானிட்டர் விலை ரூ. 2 லட்சத்து 41 ஆயிரம் ஆகும். இது அமேசான் வலைதளத்தில் ரூ. 1 லட்சத்து 64 ஆயிரத்து 997 என்ற விலையில் விற்பனை செய்யப்படுகிறது.

சாம்சங் நிறுவனத்தின் இரண்டு புதிய மானிட்டர்கள் அறிமுகம் செய்யப்பட்டு உள்ளன. வியூபினிட்டி S8 மற்றும் S9 சீரிஸ் மாடல்களை சமீபத்தில் அறிமுகம் செய்த சாம்சங் தற்போது, வியூபினிட்டி S65UC மற்றும் வியூபினிட்டி S65VC மாடல்களை அறிமுகம் செய்து இருக்கிறது. இரண்டு மானிட்டர்களும் கிரியேடிவ் துறையில் பணியாற்றுவோரை குறிவைத்து அறிமுகம் செய்யப்பட்டு உள்ளது.

இரண்டு மானிட்டர்களிலும் 34 இன்ச் VC வளைந்த பேனல் மற்றும் 1000r ரேடியஸ் கொண்டிருக்கிறது. இந்த மானிட்டர் 3440x1440 பிக்சல் ரெசல்யூஷன் கொண்டிருக்கிறது. இந்த மானிட்டர் அதிகபட்சம் 100Hz வரையிலான ரிப்ரெஷ் ரேட் கொண்டிருக்கிறது. இத்துடன் 5 வாட் பில்ட்-இன் ஸ்பீக்கர்கள் உள்ளன. இதன் டிஸ்ப்ளேக்களில் 1.07 பில்லியன் நிறங்களை சப்போர்ட் செய்கிறது. 

கேமிங் பிரியர்களுக்காக AMD FreeSync சப்போர்ட் வழங்கப்படுகிறது. இது கேம்பிளேவின் போது ஸ்கிரீன் ஸ்டட்டர் ஆவதை குறைக்கிறது. மற்ற அம்சங்களை பொருத்தவரை ஐ சேவர் மோட், ஃப்ளிக்கர் - ஃபிரீ தொழில்நுட்பம் வழங்கப்படுகிறது. இதன் மூலம் நீண்ட நேர பயன்பாடுகளின் போதும் கண்களில் சோர்வு ஏற்படுவது குறைக்கப்படுகிறது.

இத்துடன் பிக்சர்-இன்-பிக்சர் மற்றும் பிக்சர்-பை-பிக்சர் அம்சங்கள் வழங்கப்படுகிறது. இத்துடன் இமேஜ்சைஸ், ஆஃப் டைமர் பிளஸ், HDR10 பிளஸ், ஆட்டோ சோர்ஸ் ஸ்விட்ச் பிளஸ், அடாப்டிவ் பிக்சர் மற்றும் KYM ஸ்விட்ச் வசதிகள் வழங்கப்படுகின்றன.

கனெக்டிவிட்டிக்கு 1x 1.2EA டிஸ்ப்ளே போர்ட், 1x HMDI மற்றும் ஹெட்போன் போர்ட்கள் உள்ளன. இத்துடன் யுஎஸ்பி போர்ட்கள், யுஎஸ்பி சி போர்ட், மற்றும் LAN நெட்வொர்க் கனெக்ஷன் வசதியும் வழங்கப்படுகிறது. இரண்டு புதிய மானிட்டர்களும் இம்மாத இறுதியில் ஜெர்மனியில் விற்பனைக்கு வருகிறது. இதன் விலை மற்றும் இந்திய வெளியீடு பற்றி இதுவரை எந்த தகவலும் இல்லை.

லேப்டாப், டேப்லெட் மற்றும் கணினிகளை இந்தியாவில் இறக்குமதி செய்வதற்கான கட்டுப்பாடுகள் மூன்று மாதங்களுக்கு ஒத்திவைக்கப்பட்டு இருக்கிறது. உள்நாட்டு உற்பத்தியை ஊக்குவிக்கும் நோக்கில், இந்தியாவில் லேப்டாப் மற்றும் கணினிகளை இறக்குமதி செய்வதற்கு கட்டாயம் உரிமம் பெற வேண்டும் என கடந்த வியாழன் கிழமை அன்று மத்திய அரசு அறிவிப்பு வெளியிட்டு இருந்தது.

இந்த அறிவிப்புக்கு தொழில்நுட்ப நிறுவனங்கள் சார்பில் கடும் அதிருப்தி தெரிவிக்கப்பட்டது. இந்த நிலையில், தற்போதைய அறிவிப்பில் தற்போதுள்ள சாதனங்களை அக்டோபர் 31-ம் தேதி வரை இறக்குமதி செய்து கொள்ள அனுமதி அளிக்கப்பட்டு இருக்கிறது. நவம்பர் 1-ம் தேதியில் இருந்து இதுபோன்ற சாதனங்களை இறக்குமதி செய்ய அரசு அனுமதி பெற வேண்டியது அவசியம் ஆகும்.

கணினி சார்ந்த சாதனங்களின் இறக்குமதிக்கு மத்திய அரசு அவசரகதியில் கட்டுப்பாடுகளை அறிவித்ததை தொடர்ந்து, பாதிக்கப்பட்ட சந்தையை சார்ந்து கட்டுப்பாடுகளை மூன்றில் இருந்து ஆறு மாதங்கள் வரை ஒத்திவைக்க கோரிக்கை விடுக்கப்பட்டதாக மத்திய அரசு அதிகாரி தனியார் செய்தி நிறுவனத்திடம் தெரிவித்து இருக்கிறார்.

சர்வதேச சந்தையில் கணினி துறையில் முன்னணியில் விளங்கி வரும் ஆப்பிள், டெல் மற்றும் சாம்சங் போன்ற நிறுவனங்கள் மத்திய அரசின் திடீர் அறிவிப்பால் பாதிக்கப்படுகின்றன. புதிய கட்டுப்பாடுகள் மூலம் உள்நாட்டு உற்பத்தியை ஊக்குவிக்க அரசு திட்டமிடுவதாக அறிவித்து இருக்கிறது. இதுதவிர உற்பத்தியில் சீனாவுடனான போட்டியை எதிர்கொள்ளவும் இந்த திட்டம் வழிவகுக்கும் என்று தெரிகிறது.

ஹெச்பி நிறுவனம் இந்திய சந்தையில் தனது புதிய லேப்டாப் மாடலை- டிராகன்பிளை G4 என்ற பெயரில் அறிமுகம் செய்து இருக்கிறது. புதிய ஹெச்பி லேப்டாப் எடை ஒரு கிலோவுக்கும் கீழ் உள்ளது. இதில் 13th Gen இன்டெல் கோர் பிராசஸர், பெரிய டச்பேட், அட்ஜஸ்ட் செய்யக்கூடிய பேக்லிட் பிரைட்னஸ் மற்றும் பல்வேறு அம்சங்கள் உள்ளன.

புதிய ஹெச்பி டிராகன்பிளை G4 லேப்டாப்பில் 13.5 இன்ச் WUXGA+ டிஸ்ப்ளே, டச் ஸ்கிரன் மற்றும் OLED ஆப்ஷன்கள் வழங்கப்படுகின்றன. வின்டோஸ் 11 ப்ரோ ஒஎஸ் கொண்டிருக்கும் புதிய லேப்டப் அதிகபட்சம் 32 ஜிபி ரேம், 2 டிபி வரையிலான ஸ்டோரேஜ் வழங்கப்படுகிறது. இத்துடன் 5MP கேமரா வழங்கப்படுகிறது.

புதிய ஹெச்பி டிராகன்பிளை G4 லேப்டாப் விலை ரூ. 2 லட்சத்து 20 ஆயிரம் என்று துவங்குகிறது. இதன் விற்பனை ஹெச்பி ஆன்லைன் ஸ்டோர் மற்றும் ஆப்லைன் ஸ்டோர்களில் நடைபெற இருக்கிறது. இந்த லேப்டாப் ஸ்லேட் புளூ மற்றும் நேச்சுரல் சில்வர் என இரண்டு நிறங்களில் கிடைக்கிறது.

எல்ஜி எலெக்டிரானிக்ஸ் நிறுவனத்தின் எல்ஜி சிக்னேச்சர் OLED M உலகின் முதல் வயர்லெஸ் OLED டிவி மாடல் விற்பனையை துவங்கி இருக்கிறது. முன்னதாக இந்த டிவி 2023 சர்வதேச நுகர்வோர் மின்சாதன நிகழ்வில் அறிமுகம் செய்யப்பட்டது குறிப்பிடத்தக்கது.

புதிய எல்ஜி வயர்லெஸ் டிவி 97 இன்ச் OLED ஸ்கிரீன் மற்றும் ஜீரோ கனெக்ட் பாக்ஸ் கொண்டிருக்கிறது. இந்த டிவி ரியல்-டைமில் 4K 120Hz வீடியோ மற்றும் ஆடியோவை டிரான்ஸ்மிட் செய்யும் திறன் கொண்டுள்ளது. எல்ஜி சிக்னேச்சர் OLED M டிவி கேபிள்களால் ஏற்படும் சிக்கல்களை களையும் வகையில் உருவாக்கப்பட்டு இருக்கிறது.

இந்த டிவியில் வயர்லெஸ் ஏவி டிரான்ஸ்மிஷன் இருப்பதால் கேமிங் கன்சோல், செட்-டாப் பாக்ஸ் மற்றும் இதர சாதனங்களுடன் எளிதில் இணையும் வசதி கொண்டிருக்கிறது. இந்த டிவியில் இருக்கும் ஒற்றை கேபிள் பவர் கார்டு மட்டும் தான் எனலாம். இதில் உள்ள ஜீரோ கனெக்ட் தொழில்நுட்பம் கொண்டு பயனர்கள் கேபிள் மற்றும் இதர சாதனங்களால் ஏற்படும் இடையூறுகளை தவிர்க்க முடியும்.

எல்ஜி சிக்னேச்சர் OLED M மாடல் மெல்லிய மற்றும் அதிநவீன கேலரி டிசைன் கொண்டிருக்கிறது. இந்த டிவி பயன்படுத்துவோர் டிவி அருகில் மேஜை எதுவும் வைக்க வேண்டிய அவசியம் இல்லை. இந்த டிவியில் 97 இன்ச் OLED ஸ்கிரீன் வழங்கப்பட்டு இருக்கிறது. இதில் உள்ள ஜீரோ கனெக்டிவிட்டி பாக்ஸ் HDMI 2.1, USB, RF, LAN மற்றும் ப்ளூடூத் என ஏராளமான கனெக்டிவிட்டி ஆப்ஷன்களை வழங்குகிறது.

புதிய எல்ஜி சிக்னேச்சர் M 97 இன்ச் மாடல் விலை 35 ஆயிரத்து 186 டாலர்கள், இந்திய மதிப்பில் ரூ. 29 லட்சத்து 9 ஆயிரத்து 312 என்று நிர்ணயம் செய்யப்பட்டு உள்ளது. இதன் விற்பனை முதற்கட்டமாக தென் கொரியாவில் துவங்கி இருக்கிறது. விரைவில் சர்வதேச சந்தையில் இதன் விற்பனை துவங்க இருக்கிறது.

லெனோவோ நிறுவனம் இந்திய சந்தையில் தனது புதிய LOQ கேமிங் லேப்டாப் மாடல்களை அறிமுகம் செய்தது. புதிய லேப்டாப்களில் அதிகபட்சம் 16 ஜிபி வரையிலான DDR5 ரேம், 512 ஜிபி SSD ஸ்டோரேஜ் வழங்கப்பட்டு இருக்கிறது. இத்துடன் 13th Gen இன்டெல் கோர் அல்லது ஏஎம்டி ரைசன் 7000 சீரிஸ் பிராசஸர், NVIDIA ஜிஃபோர்ஸ் RTX4060 லேப்டாப் GPU வழங்கப்பட்டுள்ளது.

சமீபத்தில் தான் லெனோவோ நிறுவனம் யோகாபுக் 9i மாடலை அறிமுகம் செய்து, லீஜியன் ப்ரோ சீரிஸ் மாடல்களை 13th Gen மற்றும் ஏஎம்டி ரைசன் 7000 சீரிஸ் பிராசஸர்களுடன் அப்டேட் செய்தது.

லெனோவோ LOQ கேமிங் லேப்டாப் அம்சங்கள்:

15.6 இன்ச் WQHD 2560x1440 பிக்சல் IPS டிஸ்ப்ளே, 165Hz ரிப்ரெஷ் ரேட்

13th Gen இன்டெல் கோர் i7 பிராசஸர்

Nvidia ஜிஃபோர்ஸ் RTX4050 அல்லது Nvidia ஜிஃபோர்ஸ் RTX4060 GPU

12th Gen இன்டெல் கோர் i5 பிராசஸர்

Nvidia ஜிஃபோர்ஸ் RTX4050, RTX4060 அல்லது RTX3050 GPU

ஏஎம்டி ரைசன் 7 ஆக்டா கோர் பிராசஸர்

Nvidia ஜிஃபோர்ஸ் RTX3050 அல்லது RTX4050 GPU

8 ஜிபி DDR5 ரேம், 512 ஜிபி PCIe NVMe SSD

Nvidia G-Sync

60 வாட் ஹவர் பேட்டரி

சூப்பர் ரேபிட் சார்ஜ் சப்போர்ட்

4-ஜோன் RGB பேக்லிட் கீபோர்டு

வின்டோஸ் 11 ஹோம்

2x2 வாட் ஸ்டீரியோ ஸ்பீக்கர்கள்

FHD 1080 பிக்சல் வெப்கேமரா

லெனோவோ கேமிங் கீபோர்டு

ப்ளூடூத் 5.1

விலை மற்றும் விற்பனை விவரம்:

லெனோவோ LOQ சீரிஸ் லேப்டாப்களின் விலை ரூ. 78 ஆயிரத்து 990 என்று துவங்குகிறது. இதன் டாப் என்ட் மாடல் விலை ரூ. 1 லட்சத்து 14 ஆயிரத்து 990 என்று நிர்ணயம் செய்யப்பட்டு உள்ளது. புதிய லெனோவோ LOQ லேப்டாப்கள் ப்ளிப்கார்ட் வலைதளத்தில் விற்பனைக்கு கிடைக்கின்றன. இதுதவிர லெனோவோ வலைதளம், தேர்வு செய்யப்பட்ட ரிடெயில் ஸ்டோர்களிலும் விற்பனைக்கு வருகிறது.

சியோமி நிறுவனம் தனது புதிய ஸ்மார்ட்வாட்ச் ரெட்மி வாட்ச் 3 ஆக்டிவ் மாடலை இந்திய சந்தையில் அறிமுகம் செய்து இருக்கிறது. இதில் 1.83 இன்ச் 240x280 பிக்சல் LCD ஸ்கிரீன், 450 நிட்ஸ் பிரைட்னஸ் வழங்கப்பட்டு இருக்கிறது.

புதிய ரெட்மி ஸ்மார்ட்வாட்ச்-இல் 24x7 இதய துடிப்பை டிராக் செய்யும் வசதி, 100-க்கும் அதிக ஸ்போர்ட்ஸ் மோட்கள், 200-க்கும் அதிக வாட்ச் பேஸ்கள், 5 ATM தர வாட்டர் ரெசிஸ்டன்ட், அதிகபட்சம் 12 நாட்களுக்கு பேட்டரி பேக்கப் வழங்கும் பேட்டரி வழங்கப்பட்டு உள்ளது.

ரெட்மி வாட்ச் 3 ஆக்டிவ் அம்சங்கள்:

1.83 அன்ச் 240x280 பிக்சல் LCD ஸ்கிரீன், 450 நிட்ஸ் பிரைட்னஸ்

200-க்கும் அதிக வாட்ச் பேஸ்கள்

ஹார்ட் ரேட் சென்சார், அக்செல்லோமீட்டர், கைரோஸ்கோப்

ப்ளூடூத் 5.3

பில்ட்-இன் மைக்ரோபோன்

ஆக்டிவிட்டி டிராக்கிங், ஸ்லீப், ஸ்டிரெஸ் மானிட்டரிங்

100-க்கும் ஸ்போர்ட்ஸ் மோட்கள்

5ATM வாட்டர் ரெசிஸ்டன்ட்

289 எம்ஏஹெச் பேட்டரி

அதிகபட்சம் 12 நாட்களுக்கு பேட்டரி பேக்கப்

விலை மற்றும் விற்பனை விவரங்கள்:

ரெட்மி வாட்ச் 3 ஆக்டிவ் மாடல் பிளாட்டினம் கிரே மற்றும் சார்கோல் பிளாக் நிறங்களில் கிடைக்கிறது. இதன் விலை அறிமுக சலுகையாக ரூ. 2 ஆயிரத்து 999 என்று நிர்ணயம் செய்யப்பட்டு உள்ளது. இத்துடன் ஆப்ஷனல் ஆலிவ் கிரீன் ஸ்டிராப் விலை ரூ. 499 என்று நிர்ணயம் செய்யப்பட்டு உள்ளது. இதன் விற்பனை ஆகஸ்ட் 3-ம் தேதி துவங்குகிறது.

ரிலையன்ஸ் ரிடெயில் நிறுவனம் தனது ஜியோபுக் லேப்டாப் 2023 மாடலை இந்திய சந்தையில் அறிமுகம் செய்தது. புதிய ஜியோபுக் மாடல் ஸ்டைலிஷ் மேட் பினிஷ் செய்யப்பட்டு, மிக மெல்லிய தோற்றத்தில், 990 கிராம் எடையில் உருவாக்கப்பட்டு இருக்கிறது. இந்த லேப்டாப்பில் 2.0 ஜிகாஹெர்ட்ஸ் ஆக்டா கோர் பிராசஸர், 4 ஜிபி ரேம், 64 ஜிபி மெமரி, மெமரியை கூடுதலாக நீட்டிக்கும் வசதி வழங்கப்பட்டு இருக்கிறது.

இந்த லேப்டாப் 11.6 இன்ச் ஆன்டி-கிளேர் HD ரெசல்யூஷன் கொண்ட டிஸ்ப்ளே, ஸ்கிரீன் எக்ஸ்டென்ஷன் வசதி, வயர்லெஸ் ப்ரின்டிங், இன்டகிரேட் செய்யப்பட்ட சாட்பாட் உள்ளிட்ட அம்சங்கள் வழங்கப்பட்டு உள்ளன. இத்துடன் 4ஜி எல்டிஇ, டூயல் பேன்ட் வைபை, பில்ட்-இன் USB/HDMI போர்ட்கள், HD வெப்கேமரா மற்றும் எட்டு மணி நேரத்திற்கான பேக்கப் வழங்கப்படுகிறது.

ஜியோபுக் லேப்டாப்-இல் ஜியோ ஒஎஸ், ஜியோ டிவி ஆப், ஜியோ-பியான் கோடிங், ஜியோ கிளவுட் கேம்ஸ்-இன் கீழ் ஏராளமான கேம்கள், ஒரு வருடத்திற்கான 100 ஜிபி கிளவுட் ஸ்டோரேஜ், டிஜிபாக்ஸ் மற்றும் குயிக்ஹீல் பேரன்டல் கன்ட்ரோல் உள்ளிட்ட சேவைகள் வழங்கப்படுகின்றன.

ஜியோபுக் அம்சங்கள்:

11.6 இன்ச், 1366x768 பிக்சல், ஆன்டி கிளேர் HD டிஸ்ப்ளே

மீடியாடெக் 2.0 GHz ஆக்டா கோர் பிராசஸர்

4 ஜிபி ரேம்

256 ஜிபி மெமரி

மெமரியை கூடுதலாக நீட்டிக்கும் வசதி

ஜியோ ஒஎஸ்

2MP HD வெப் கேமரா

ஸ்டீரியோ ஸ்பீக்கர்கள்

இன்பினிட்டி கீபோர்டு

ப்ளூடூத், 4ஜி, டூயல் பேன்ட் வைபை

I/O, USB, HDMI மற்றும் ஆடியோ போர்ட்கள்

ஜியோ-பியான் கோடிங், ஜியோகிளவுட் கேம்ஸ், ஜியோ டிவி ஆப்

4000 எம்ஏஹெச் பேட்டரி

8 மணி நேரத்திற்கு பேக்கப்

இந்திய சந்தையில் ஜியோபுக் மாடலின் விலை ரூ. 16 ஆயிரத்து 499 என்று நிர்ணயம் செய்யப்பட்டு இருக்கிறது. இதன் விற்பனை ரிலையன்ஸ் டிஜிட்டல் ஆன்லைன் மற்றும் ஆப்லைன் ஸ்டோர், அமேசான் வலைதளம் உள்ளிட்ட தளங்களில் நடைபெறுகிறது.

சோனி நிறுவனம் கேமிங் கன்சோல் விற்பனையில் புதிய மைல்கல் எட்டியது. உலகம் முழுக்க பிளே ஸ்டேஷன் 5 விற்பனையில் 40 மில்லியன் யூனிட்களை எட்டி அசத்தி இருக்கிறது. நவம்பர் 2020 வாக்கில் விற்பனைக்கு வந்த பிளே ஸ்டேஷன் 5, வெறும் எட்டு மாதங்களில் 10 மில்லியன் யூனிட்கள் விற்பனையை கடந்து அசத்தியது.

இதன் மூலம் சோனி நிறுவனம் தனது முந்தைய கேமிங் கன்சோல்களின் விற்பனை பின்னுக்கு தள்ளி, அதிவேகமாக விற்பனையான கேமிங் கன்சோலாக பிளே ஸ்டேஷன் 5 மாறியது. கடந்த ஆண்டு டிசம்பர் மாதம் விற்பனையில் 30 மில்லியன் யூனிட்களை கடந்தது. இது புதிய கேமிங் கன்சோல் உலகளவில் கேமர்களை கவர்ந்து வருவதை உணர்த்தி இருக்கிறது.

2022 துவக்கம் வரை சோனி நிறுவனம் தனது பிளே ஸ்டேஷன் 4 மற்றும் பிளே ஸ்டேஷன் 2 மாடல்களை முறையே 117 மில்லியன் மற்றும் 157 மில்லியன் யூனிட்கள் விற்பனை செய்து இருக்கிறது. 100 மில்லியன் யூனிட்கள் எனும் எண்ணிக்கையை அடைய பிளே ஸ்டேஷன் 4 ஆறு ஆண்டுகளை எடுத்துக் கொண்ட நிலையில், பிளே ஸ்டேஷன் 5 இந்த மைல்கல்லில் கிட்டத்தட்ட பாதியை மூன்று ஆண்டுகளுக்குள் எட்டியது. அந்த வகையில், பிளே ஸ்டேஷன் 5 மாடல் 100 மில்லியன் யூனிட்களை அதிவேகமாக கடந்துவிடும் என்று தெரிகிறது.

சந்தையில் அமோக வரவேற்பை பெற்ற நிலையிலும், பிளே ஸ்டேஷன் 5 மாடலுக்கு ஆரம்பத்தில் வினியோகம் சார்ந்த சிக்கல்கள் ஏற்பட்டன. மேலும் கொரோனா பெருந்தொற்று காரணமாக இந்த நிலைமை மேலும் மோசம் அடைந்தது.

சமீபத்தில் தான் சோனி நிறுவனம் தனது பிளே ஸ்டேஷன் 5 மாடலின் டிஸ்க் வேரியன்டிற்கு ரூ. 7 ஆயிரத்து 500 வரை தள்ளுபடி அறிவித்தது. இந்த தள்ளுபடி ஜூலை 25-ம் தேதி துவங்கிய நிலையில், ஆகஸ்ட் 7-ம் தேதி வரை வழங்கப்படும் என்று தெரிவிக்கப்பட்டு இருக்கிறது.

சாம்சங் நிறுவனம் கேலக்ஸி அன்பேக்டு நிகழ்வில் பல்வேறு புதிய சாதனங்களை அறிமுகம் செய்தது. இதில் பிளாக்ஷிப் கேலக்ஸி டேப் S9 சீரிஸ் மாடல்களும் இடம்பெற்று இருந்தது. தற்போது இவற்றின் இந்திய விலை விவரங்கள் அறிவிக்கப்பட்டு உள்ளன.

புதிய கேலக்ஸி டேப் S9 சீரிஸ் கிராபைட் மற்றும் பெய்க் என இரண்டு நிறங்களில் கிடைக்கிறது. கேலக்ஸி டேப் S9 சீரிஸ் மாடலுக்கான முன்பதிவு சாம்சங் ஆன்லைன் ஸ்டோர், வலைதளங்கள் மற்றும் ஆப்லைன் ஸ்டோர்களில் நடைபெறுகிறது.

கேலக்ஸி டேப் S9 சீரிஸ் விலை விவரங்கள்:

கேலக்ஸி S9 128 ஜிபி வைபை மாடல் ரூ. 72 ஆயிரத்து 999

கேலக்ஸி S9 128 ஜிபி 5ஜி மாடல் ரூ. 85 ஆயிரத்து 999

கேலக்ஸி S9 256 ஜிபி வைபை மாடல் ரூ. 83 ஆயிரத்து 999

கேலக்ஸி S9 256 ஜிபி 5ஜி மாடல் ரூ. 96 ஆயிரத்து 999

கேலக்ஸி S9 பிளஸ் 256 ஜிபி வைபை மாடல் ரூ. 90 ஆயிரத்து 999

கேலக்ஸி S9 பிளஸ் 256 ஜிபி 5ஜி மாடல் ரூ. 1 லட்சத்து 04 ஆயிரத்து 999

கேலக்ஸி S9 அல்ட்ரா 256 ஜிபி வைபை மாடல் ரூ. 1 லட்சத்து 08 ஆயிரத்து 999

கேலக்ஸி S9 அல்ட்ரா 256 ஜிபி 5ஜி மாடல் ரூ. 1 லட்சத்து 22 ஆயிரத்து 999

கேலக்ஸி S9 அல்ட்ரா 512 ஜிபி வைபை மாடல் ரூ. 1 லட்சத்து 19 ஆயிரத்து 999

கேலக்ஸி S9 அல்ட்ரா 512 ஜிபி 5ஜி மாடல் ரூ. 1 லட்சத்து 33 ஆயிரத்து 999

சாம்சங் நிறுவனத்தின் புதிய பிளாக்ஷிப் டேப்லெட் சீரிஸ் மாடல்களை வாங்குவோருக்கு அப்கிரேடு போனஸ், தள்ளுபடி உள்ளிட்டவை வழங்கப்படுகிறது. இதன் மூலம் இவற்றின் விலை ரூ. 20 ஆயிரம் வரை குறைகிறது. அனைத்து டேப்லெட் மாடல்களிலும் குவால்காம் ஸ்னாப்டிராகன் 8 ஜென் 2 பார் கேலக்ஸி பிராசஸர் வழங்கப்படுகிறது.

சாம்சங் நிறுவனம் தனது புதிய மடிக்கக்கூடிய ஸ்மார்ட்போன் மாடல்களுடன் கேலக்ஸி டேப் S9, டேப் S9 பிளஸ் மற்றும் டேப் S9 அல்ட்ரா மாடல்களை அறிமுகம் செய்தது. கேலக்ஸ் அன்பேக்டு நிகழ்வில் அறிமுகம் செய்யப்பட்டு இருக்கும் புதிய டேப்லெட் மாடல்கள் பிரீமியம் பிரிவில் நிலைநிறுத்தப்பட்டு உள்ளன.

இவற்றில் 14.6 இன்ச் டைனமிக் AMOLED 2X டிஸ்ப்ளே, HDR 10+, டைனமிக் ரிப்ரெஷ் ரேட், AKG சவுன்ட், டால்பி அட்மோஸ் மற்றும் குவாட் ஸ்பீக்கர்கள் வழங்கப்பட்டு இருக்கிறது. இதில் உள்ள விஷன் பூஸ்டர் தொழில்நுட்பம் அதிக வெளிச்சமுள்ள பகுதிகளுக்கு ஏற்ப பிரைடன்சை அட்ஜஸ்ட் செய்து கொள்ளும் வசதி கொண்டுள்ளது.

இத்துடன் குவால்காம் ஸ்னாப்டிராகன் 8 ஜென் 2 பார் கேலக்ஸி பிராசஸர் வழங்கப்பட்டு இருக்கிறது. மூன்று மாடல்களுடன் கேலக்ஸி எஸ் பென் சப்போர்ட், IP68 தர வாட்டர் மற்றும் டஸ்ட் ரெசிஸ்டன்ட வசதி வழங்கப்பட்டுள்ளது.

அம்சங்கள்:

டேப் S9: 11 இன்ச் டைனமிக் AMOLED 2x 120Hz டிஸ்ப்ளே, HDR 10+

டேப் S9 பிளஸ்: 12.4 இன்ச் டைனமிக் AMOLED 2X 120 Hz டிஸ்ப்ளே, HDR 10+

டேப் S9 அல்ட்ரா: 14.6 இன்ச் டைனமிக் AMOLED 2X 120Hz டிஸ்ப்ளே, HDR 10+

8 ஜிபி+128 ஜிபி, 256 ஜிபி மெமரி (டேப் S9)

12 ஜிபி+256 ஜிபி, 512 ஜிபி மெமரி (டேப் S9 பிளஸ்)

12 ஜிபி+ 256 ஜிபி, 512 ஜிபி மெமரி (டேப் S9 அல்ட்ரா)

16 ஜிபி+ 1 டிபி மெமரி (டேப் S9 அல்ட்ரா)

டேப் S9: 13MP பிரைமரி கேமரா, 12MP செல்பி கேமரா

டேப் S9 பிளஸ்: 13MP+8MP கேமரா, 12MP செல்பி கேமரா

டேப் S9 அல்ட்ரா: 13MP+8MP கேமரா, 12MP+12MP செல்பி கேமரா

குவால்காம் ஸ்னாப்டிராகன் 8 ஜென் 2 பார் கேலக்ஸி பிராசஸர்

5ஜி, எல்டிஇ, வைபை, வைபை டைரக்ட், ப்ளுடூத் 5.3

குவாட் ஸ்டீரியோ ஸ்பீக்கர்கள், AKG சவுன்ட், டால்பி அட்மோஸ்

சாம்சங் நாக்ஸ் செக்யுரிட்டி

கைரேகை சென்சார்

IP68 வாட்டர் ரெசிஸ்டன்ட்

ஆன்ட்ராய்டு 13 சார்ந்த ஒன் யுஐ 5.1.1

டேப் S9: 8400 எம்ஏஹெச் பேட்டரி

டேப் S9 பிளஸ்: 10900 எம்ஏஹெச் பேட்டரி

டேப் S9 அல்ட்ரா: 11200 எம்ஏஹெச் பேட்டரி