மொபைல்ஸ்

விவோ நிறுவனம் இந்திய சந்தையில் தனது X200 மற்றும் X200 ப்ரோ ஸ்மார்ட்போன் மாடல்களை அறிமுகம் செய்தது. இதில் விவோ X200 மாடலில் 6.67 இன்ச் 1.5K 120Hz LTPS ஸ்கிரீன், X200 ப்ரோ மாடலில் 6.78 இன்ச் 1.5K 120Hz AMOLED ஸ்கிரீன் வழங்கப்பட்டு இருக்கிறது.

இரு மாடல்களிலும் மீடியாடெக் டிமென்சிட்டி 9400 பிராசஸர், அதிகபட்சம் 16 ஜிபி ரேம், 512 ஜிபி மெமரி, ஆண்ட்ராய்டு 15 சார்ந்த ஃபன்டச் ஓஎஸ் 15 வழங்கப்பட்டு இருக்கிறது. இதுதவிர நான்கு ஓஎஸ் அப்டேட்கள், ஐந்து ஆண்டுகளுக்கு செக்யூரிட்டி அப்டேட்கள் வழங்கப்டுகிறது. இரு மாடல்களிலும் IP68+IP69 தர வாட்டர் மற்றும் டஸ்ட் ரெசிஸ்டண்ட் வசதி வழங்கப்பட்டு இருக்கிறது.

புகைப்படங்களை எடுக்க விவோ X200 மாடலில் 50MP பிரைமரி கேமரா, 50MP அல்ட்ரா வைடு கேமரா, 50MP டெலிபோட்டோ கேமரா மற்றும் 32MP செல்பி கேமரா வழங்கப்பட்டு இருக்கிறது. விவோ X200 ப்ரோ மாடலில் 50MP பிரைமரி கேமரா, 50MP அல்ட்ரா வைடு கேமரா, 200MP டெலிபோட்டோ கேமரா மற்றும் 32MP செல்பி கேமரா உள்ளது.

பேட்டரியை பொருத்தவரை விவோ X200 மாடலில் 5800 எம்ஏஹெச், விவோ X200 ப்ரோ மாடலில் 6000 எம்ஏஹெச் வழங்கப்பட்டு இருக்கிறது. இரு மாடல்களிலும் 90 வாட் ஃபாஸ்ட் சார்ஜிங் வசதி உள்ளது. விவோ X200 ப்ரோ மாடலில் மட்டும் கூடுதலாக 30 வாட் வயர்லெஸ் ஃபிளாஷ் சார்ஜிங் வழங்கப்பட்டு இருக்கிறது.

புதிய விவோ X200 மாடல் நேச்சுரல் கிரீன், காஸ்மோஸ் பிளாக் நிறங்களில் கிடைக்கிறது. இதன் விலை ரூ. 65 ஆயிரத்து 999 என துவங்கி டாப் எண்ட் மாடல் விலை ரூ. 71 ஆயிரத்து 999 என நிர்ணயம் செய்யப்பட்டு உள்ளது.

விவோ X200 ப்ரோ மாடல் டைட்டானியம் கிரே மற்றும் காஸ்மோஸ் பிளாக் நிறங்களில் கிடைக்கிறது. இதன் விலை ரூ. 94 ஆயிரத்து 999 என நிர்ணயம் செய்யப்பட்டு உள்ளது. இரு மாடல்களின் விற்பனை டிசம்பர் 19 ஆம் தேதி துவங்குகிறது. 

சியோமி நிறுவனம் ஏற்கனவே அறிவித்தப்படி ரெட்மி நோட் 14 5ஜி ஸ்மார்ட்போனினை இந்திய சந்தையில் அறிமுகம் செய்தது. புதிய ரெட்மி நோட் ஸ்மார்ட்போனில் 6.67 இன்ச் FHD+ OLED ஸ்கிரீன் 120Hz ரிப்ரெஷ் ரேட் மற்றும் 2100 நிட் பீக் பிரைட்னஸ் உள்ளது. இந்த ஸ்மார்ட்போன் வெறும் 7.99mm அளவில் மிக மெல்லியதாக இருக்கும்படி உருவாக்கப்பட்டு இருக்கிறது.

இதில் மீடியாடெக் டிமென்சிட்டி 7025 பிராசஸர், 8 ஜிபி ரேம், 8 ஜிபி வரை விர்ச்சுவல் ரேம் வழங்கப்பட்டு இருக்கிறது. ஆண்ட்ராய்டு 14 சார்ந்த ஹைப்பர் ஓஎஸ் கொண்டிருக்கும் புதிய ரெட்மி நோட் 14 ஸ்மார்ட்போனிற்கு இரண்டு ஆண்ட்ராய்டு ஓஎஸ் அப்டேட்கள், நான்கு ஆண்டுகளுக்கு செக்யூரிட்டி அப்டேட்கள் வழங்குவதாக சியோமி தெரிவித்துள்ளது.

புகைப்படங்களை எடுக்க 50MP பிரைமரி கேமரா, OIS, 8MP அல்ட்ரா வைடு கேமரா, 2MP மேக்ரோ கேமரா மற்றும் 20MP செல்பி கேமரா வழங்கப்பட்டு இருக்கிறது. இந்த ஸ்மார்ட்போன் IP54 தர வாட்டர் ரெசிஸ்டண்ட் வசதி மற்றும் 5110 எம்ஏஹெச் பேட்டரி மூலம் சக்தியூட்டப்படுகிறது. இத்துடன் 45 வாட் பாஸ்ட் சார்ஜிங் வசதி வழங்கப்பட்டுள்ளது.

புதிய ரெட்மி நோட் 14 5ஜி ஸ்மார்ட்போன் டைட்டன் பிளாக், மிஸ்டிக் வைட் மற்றும் ஃபேண்டம் பர்பில் நிறங்களில் கிடைக்கிறது. இதன் 6 ஜிபி ரேம், 128 ஜிபி மெமரி மாடல் விலை ரூ. 18 ஆயிரத்து 999 என்றும் 8 ஜிபி ரேம், 128 ஜிபி மெமரி மாடல் விலை ரூ. 19 ஆயிரத்து 999 என்றும் 8 ஜிபி ரேம், 256 ஜிபி மெமரி மாடல் விலை ரூ. 21 ஆயிரத்து 999 என்றும் நிர்ணயம் செய்யப்பட்டு உள்ளது. 

டெக்னோ நிறுவனம் இந்திய சந்தையில் தனது பேண்டம் V2 சீரிஸ் ஸ்மார்ட்போன்கள்- பேண்டம் V போல்டு 2, பேண்டம் V ப்ளிப் 2 மாடல்களை அறிமுகம் செய்தது. புதிய பேண்டம் V2 சீரிஸ் மாடல்களில் ஏர்செல் பேட்டரி தொழில்நுட்பம் வழங்கப்பட்டு இருக்கிறது. இத்துடன் மெல்லிய - குறைந்த எடையிலான டிசைன், அதிநவீன ஏ.ஐ. வசதிகளை கொண்டிருக்கிறது.

பேண்டம் V போல்டு 2 ஸ்மார்ட்போனில் 7.85 இன்ச் மெயின் ஸ்கிரீன், 6.42 இன்ச் கவர் டிஸ்ப்ளே, கார்னிங் கொரில்லா கிளாஸ் விக்டஸ் 2 பாதுகாப்பு வழங்கப்பட்டு இருக்கிறது. பேண்டம் V ப்ளிப் 2 மாடலில் 6.9 இன்ச் மெயின் டிஸ்ப்ளே, 3.64 இன்ச் கவர் ஸ்கிரீன் மற்றும் கார்னிங் கொரில்லா கிளாஸ் 8 பாதுகாப்பு வழங்கப்பட்டு இருக்கிறது.

பேண்டம் V போல்டு 2 அம்சங்கள்:

மீடியாடெக் டிமென்சிட்டி 9000 பிளஸ் பிராசஸர்

12 ஜிபி ரேம்

512 ஜிபி மெமரி

50MP பிரைமரி கேமரா

50MP அல்ட்ரா வைடு கேமரா

32MP+32MP செல்பி கேமரா

5750 எம்ஏஹெச் பேட்டரி

70 வாட் அல்ட்ரா சார்ஜ்

15 வாட் வயர்லெஸ் சார்ஜிங்

பேணடம் V ப்ளிப் 2 அம்சங்கள்:

டிமென்சிட்டி 8020 பிராசஸர் வழங்கப்பட்டு இருக்கிறது. இத்துடன்

8 ஜிபி ரேம்

256 ஜிபி மெமரி

50MP பிரைமரி கேமரா

50MP அல்ட்ரா வைடு கேமரா

32MP செல்பி கேமரா

4720 எம்ஏஹெச் பேட்டரி

70 வாட் அல்ட்ரா சார்ஜ்

விலை விவரங்கள்:

டெக்னோ பேண்டம் V ப்ளிப் 2 மாடலின் விலை ரூ. 34 ஆயிரத்து 999 என்றும் V போல்டு 2 விலை ரூ. 79 ஆயிரத்து 999 என்றும் நிர்ணயம் செய்யப்பட்டு உள்ளது. இது அறிமுக விலை என்று டெக்னோ அறிவித்து இருக்கிறது. இரு மாடல்களின் விற்பனை டிசம்பர் 13 ஆம் தேதி துவங்குகிறது.

ஐகூ நிறுவனத்தின் முற்றிலும் புதிய ஸ்மார்ட்போன் மாடல் இந்திய சந்தையில் அறிமுகம் செய்தது. ஐகூ 13 என அழைக்கப்படும் புது ஸ்மார்ட்போன் ஸ்னாப்டிராகன் 8 எலைட் பிராசஸர் கொண்டிருக்கிறது. ஐகூ 12 ஸ்மார்ட்போனின் மேம்பட்ட வெர்ஷனாக அறிமுகம் செய்யப்பட்டுள்ள ஐகூ 13 ஸ்மார்ட்போன் 6.82 இன்ச் 2K 1440x3168 பிக்சல் ரெசல்யூஷன் கொண்ட AMOLED டிஸ்ப்ளே கொண்டிருக்கிறது.

இத்துடன் 12 ஜிபி ரேம், 16 ஜிபி வரை விர்ச்சுவல் ரேம், அதிகபட்சம் 512 ஜிபி மெமரி வழங்கப்பட்டுள்ளது. புகைப்படங்களை எடுக்க 50MP பிரைமரி கேமரா, 50MP அல்ட்ரா வைடு கேமரா, 50MP டெலிபோட்டோ லென்ஸ், 32MP செல்பி கேமரா வழங்கப்பட்டு இருக்கிறது. இந்த ஸ்மார்ட்போன் ஆண்ட்ராய்டு 15 சார்ந்த ஃபன் டச் ஓஎஸ் 15 கொண்டுள்ளது.

IP68 மற்றும் IP69 தர வாட்டர் ரெசிஸ்டண்ட் வசதி கொண்டிருக்கும் ஐகூ 13 ஸ்மார்ட்போன் அல்ட்ரா சோனிக் கைரேகை சென்சார், யுஎஸ்பி டைப் சி போர்ட், வைபை 7, என்எப்சி போன்ற வசதிகளை கொண்டிருக்கிறது. இந்த ஸ்மார்ட்போன் 6000 எம்ஏஹெச் பேட்டரி மூலம் சக்தியூட்டப்படுகிறது. இத்துடன் 120 வாட் பாஸ்ட் சார்ஜிங் வசதி வழங்கப்பட்டு இருக்கிறது.

புதிய ஐகூ 13 ஸ்மார்ட்போன் லெஜன்ட் மற்றும் நார்டோ கிரே என இரண்டு நிறங்களில் கிடைக்கிறது. இந்த ஸ்மார்ட்போனிற்கான முன்பதிவு நாளையும் (டிசம்பர் 5) விற்பனை டிசம்பர் 11 ஆம் தேதியும் துவங்குகிறது. இந்த ஸ்மார்ட்போனை முன்பதிவு செய்தவர்கள் மட்டும் டிசம்பர் 10 ஆம் தேதியே இதனை வாங்கிட முடியும்.

ஐகூ 13 ஸ்மார்ட்போனின் 12 ஜிபி ரேம், 256 ஜிபி மெமரி மாடல் விலை ரூ. 54 ஆயிரத்து 999 என்றும் 16 ஜிபி ரேம், 512 ஜிபி மெமரி மாடல் விலை ரூ. 59 ஆயிரத்து 999 என்றும் நிர்ணயம் செய்யப்பட்டு உள்ளது. ஹெச்டிஎப்சி மற்றும் ஐசிஐசிஐ வங்கி கிரெடிட் கார்டு பயன்படுத்துவோருக்கு ரூ. 3 ஆயிரம் தள்ளுபடி வழங்கப்படுகிறது. விற்பனை அமேசான் மற்றும் ஐகூ வலைதளங்கள், விவோ ஸ்டோர்களில் நடைபெறும்.

ஒன்பிளஸ் நிறுவனத்தின் மிகவும் பிரபலமான ஒன்பிளஸ் 12R ஸ்மார்ட்போனின் விலை இந்திய சந்தையில் அதிரடியாக குறைந்துள்ளது. அமேசான் இந்தியா வலைதளத்தில் நடைபெறும் பிளாக் ஃபிரைடே சேலில் தான் இந்த விலை குறைப்பு வழங்கப்படுகிறது. இந்த விற்பனையில் ஒன்பிளஸ் 12R மட்டுமின்றி பல்வேறு இதர ஸ்மார்ட்போன் மாடல்களுக்கும் விலை குறைப்பு மற்றும் இதர சலுகைகள் வழங்கப்படுகின்றன.

அதன்படி ஒன்பிளஸ் 12R ஸ்மார்ட்போன் அமேசான் தளத்தில் ரூ. 4 ஆயிரம் குறைக்கப்பட்ட விலையில் கிடைக்கிறது. இந்திய சந்தையில் ரூ. 39 ஆயிரத்து 999 விலையில் அறிமுகம் செய்யப்பட்ட ஒன்பிளஸ் 12R ஸ்மார்ட்போன் தற்போது ரூ. 35 ஆயிரத்து 999-க்கு பட்டியலிடப்பட்டு உள்ளது.

விலை குறைப்பு மட்டுமின்றி தேர்வு செய்யப்பட்ட கிரெடிட் கார்டுகளை பயன்படுத்தும் போது ரூ. 3 ஆயிரம் கூடுதல் தள்ளுபடி வழங்கப்படுகிறது. இதை சேர்க்கும் பட்சத்தில் ஒன்பிளஸ் 12R ஸ்மார்ட்போனின் விலை ரூ. 32 ஆயிரத்து 999 என மாறிவிடும்.

அம்சங்களை பொருத்தவரை ஒன்பிளஸ் 12R ஸ்மார்ட்போனில் ஸ்னாப்டிராகன் 8 ஜென் 2 பிராசஸர், 6.78 இன்ச் 120Hz AMOLED டிஸ்ப்ளே, 5500 எம்ஏஹெச் பேட்டரி, பாஸ்ட் சார்ஜிங் வசதி, IP64 தர வாட்டர் ரெசிஸ்டண்ட் வசதி வழங்கப்பட்டு இருக்கிறது.

லாவா நிறுவனத்தின் முற்றிலும் புதிய யுவா 4 ஸ்மார்ட்போன் இந்திய சந்தையில் அறிமுகம் செய்தது. இது இந்த ஆண்டு துவக்கத்தில் அறிமுகம் செய்யப்பட்ட லாவா யுவா 3 ஸ்மார்ட்போனின் மேம்பட்ட வெர்ஷன் ஆகும். அம்சங்களை பொருத்தவரை புதிய லாவா யுவா 4 மாடலில் 6.5 இன்ச் ஹெச்டி பிளஸ் டிஸ்ப்ளே, 90Hz ரிப்ரெஷ் ரேட், யுனிசாக் டி606 பிராசஸர், 4 ஜிபி ரேம், 4 ஜிபி விர்ச்சுவல் ரேம் வழங்கப்பட்டு இருக்கிறது.

புகைப்படங்களை எடுக்க 50MP பிரைமரி கேமரா, 8MP செல்பி கேமரா வழங்கப்பட்டு இருக்கிறது. ஆண்ட்ராய்டு 14 ஓஎஸ் கொண்டிருக்கும் லாவா யுவா 4 ஸ்மார்ட்போனிற்கு ஆண்ட்ராய்டு 15 அப்டேட் வழங்குவதாக லாவா நிறுவனம் தெரிவித்துள்ளது. இதன் பக்கவாட்டில் கைரேகை சென்சார் வழங்கப்படுகிறது.

இந்த ஸ்மார்ட்போன் 5000 எம்ஏஹெச் பேட்டரி மூலம் சக்தியூட்டப்படுகிறது. இத்துடன் 10 வாட் சார்ஜிங் வசதி வழங்கப்படுகிறது. கனெக்டிவிட்டிக்கு 4ஜி வோல்ட்இ, வைபை, ப்ளூடூத் 5, யுஎஸ்பி டைப் சி, 3.5mm ஆடியோ ஜாக் வழங்கப்பட்டு இருக்கிறது. இத்துடன் எப்எம் ரேடியோ, பக்கவாட்டில் கைரேகை சென்சார் வழங்கப்பட்டு உள்ளது.

புதிய லாவா யுவா 4 ஸ்மார்ட்போன் கிளாஸி வைட், கிளாஸி பர்ப்பில் மற்றும் கிளாஸி பிளாக் நிறங்களில் கிடைக்கிறது. இதன் விலை ரூ. 6 ஆயிரத்து 999 என நிர்ணயம் செய்யப்பட்டு உள்ளது. இந்த ஸ்மார்ட்போனின் விற்பனை விரைவில் துவங்க இருக்கிறது. 

ரியல்மி நிறுவனத்தின் அதிகம் எதிர்பார்க்கப்பட்ட GT 7 ப்ரோ ஸ்மார்ட்போன் இந்திய சந்தையில் அறிமுகம் செய்தது. புதிய GT 7 ப்ரோ ஸ்மார்ட்போனில் 6.78 இன்ச் 1.5K 8K LTPO OLED பிளஸ் மைக்ரோ கர்வ்டு ஸ்கிரீன் வழங்கப்பட்டு இருக்கிறது. இந்த ஸ்மார்ட்போன் குவால்காம் ஸ்னாப்டிராகன் 8 எலைட் சிப்செட் கொண்டிருக்கிறது.

இத்துடன் 12 ஜிபி ரேம், 512 ஜிபி மெமரி வழங்கப்பட்டு இருக்கிறது. இதில் உள்ள 11480mm² ஐஸ் பெர்க் டூயல் விசி கூலிங் தொழில்நுட்பம் உள்ளது. இது முன்பை விட 30 சதவீதம் வரை ஸ்மார்ட்போனில் ஏற்படும் வெப்பத்தை குறைக்கும் என்று ரியல்மி தெரிவித்துள்ளது. புகைப்படங்களை எடுக்க 50MP பிரைமரி கேமரா, 8MP அல்ட்ரா வைடு லென்ஸ், 50MP பெரிஸ்கோப் டெலிபோட்டோ லென்ஸ், 16MP செல்பி கேமரா வழங்கப்பட்டு இருக்கிறது.

இன் டிஸ்ப்ளே அல்ட்ரா சோனிக் கைரேகை சென்சார் கொண்டிருக்கும் புதிய GT 7 ப்ரோ ஸ்மார்ட்போன் டஸ்ட் மற்றும் வாட்டர் ரெசிஸ்டண்ட் வசதி கொண்டிருக்கிறது. கனெக்டிவிட்டிக்கு 5ஜி, டூயல் 4ஜி வோல்ட்இ, வைபை 7, ப்ளூடூத் 5.4, யுஎஸ்பி டைப் சி வழங்கப்பட்டுள்ளது. இந்த ஸ்மார்ட்போன் 5800 எம்ஏஹெச் பேட்டரி மூலம் சக்தியூட்டப்படுகிறது. இத்துடன் 120 வாட் பாஸ்ட் சார்ஜிங் வசதி கொண்டுள்ளது.

ரியல்மி GT 7 ப்ரோ ஸ்மார்ட்போன் மார்ஸ் ஆரஞ்சு மற்றும் கேலக்ஸி கிரே நிறங்களில் கிடைக்கிறது. இதன் 12 ஜிபி ரேம், 256 ஜிபி மெமரி மாடல் விலை ரூ. 59 ஆயிரத்து 999 என்றும் 16 ஜிபி ரேம், 512 ஜிபி மெமரி மாடல் விலை ரூ. 65 ஆயிரத்து 999 என்றும் நிர்ணயம் செய்யப்பட்டு உள்ளது. இந்த ஸ்மார்ட்போனின் விற்பனை ரியல்மி, அமேசான் வலைதளங்கள் மற்றும் ஆஃப்லைன் ஸ்டோர்களில் நவம்பர் 29 ஆம் தேதி துவங்குகிறது.

டெக்னோ நிறுவனத்தின் முற்றிலும் புதிய பட்ஜெட் விலை ஸ்மார்ட்போன் இந்திய சந்தையில் அறிமுகம் செய்யப்பட்டது. டெக்னோ பாப் 9 என்று அழைக்கப்படும் புதிய ஸ்மார்ட்போன் 6.67 இன்ச் HD பிளஸ் டிஸ்ப்ளே, 90Hz ரிப்ரெஷ் ரேட், மீடியாடெக் ஹீலியோ ஜி50 பிராசஸர், 3 ஜிபி ரேம், 3 ஜிபி விர்ச்சுவல் ரேம் கொண்டிருக்கிறது.

நோட்டிபிகேஷன்களுக்காக இந்த ஸ்மார்ட்போனில் டைனிக் போர்ட் அம்சம் வழங்கப்பட்டு இருக்கிறது. புகைப்படங்களை எடுக்க 13MP பிரைமரி கேமரா, டூயல் எல்இடி பிளாஷ், 8MP செல்பி கேமரா, டூயல் எல்இடி பிளாஷ் வழங்கப்பட்டுள்ளது. இத்துடன் பக்கவாட்டில் கைரேகை சென்சார், IR சென்சார், 3.5mm ஆடியோ ஜாக், ஸ்டீரியோ ஸ்பீக்கர்கள், டிடிஎஸ் வசதி வழங்கப்படுகிறது.

கனெக்டிவிட்டிக்கு 5ஜி, டூயல் 4ஜி வோல்ட்இ, வைபை, ப்ளூடூத் 5, யுஎஸ்பி டைப் சி போர்ட் வழங்கப்பட்டு இருக்கிறது. இந்த ஸ்மார்ட்போனில் 5000 எம்ஏஹெச் பேட்டரி, 15 வாட் சார்ஜிங் வசதி வழங்கப்பட்டு இருக்கிறது. இந்த ஸ்மார்ட்போன் ஆண்ட்ரய்டு 14 கோ எடிஷன் சாார்ந்த ஹை ஓஎஸ் 145 வழங்கப்பட்டுள்ளது.

புதிய டெக்னோ பாப் 9 ஸ்மார்ட்போன் கிளெட்டரி வைட், லைம் கிரீன் மற்றும் ஸ்டார்-டிரெய்ல் பிளாக் நிறங்களில் கிடைக்கிறது. இதன் விலை ரூ. 6 ஆயிரத்து 699 என நிர்ணயம் செய்யப்பட்டு உள்ளது. அறிமுக சலுகையாக இந்த ஸ்மார்ட்போன் ரூ. 6 ஆயிரத்து 499 விலையில் விற்பனை செய்யப்படுகிறது. இதன் விற்பனை நவம்பர் 26 ஆம் தேதி அமேசான் தளத்தில் துவங்குகிறது.

சியோமி நிறுவனம் இந்திய சந்தையில் ரெட்மி A4 5ஜி ஸ்மார்ட்போனினை அறிமுகம் செய்தது. இது அந்நிறுவனத்தின் புதிய பட்ஜெட் விலை 5ஜி ஸ்மார்ட்போன் ஆகும். இது ஏற்கனவே விற்பனை செய்யப்படும் ரெட்மி A3 ஸ்மார்ட்போனின் மேம்பட்ட வெர்ஷன் ஆகும்.

அம்சங்களை பொருத்தவரை இந்த மாடலில் 6.88 இன்ச் HD+ ஸ்கிரீன், 120Hz ரிப்ரெஷ் ரேட், குவால்காம் நிறுவனத்தின் ஸ்னாப்டிராகன் 4s ஜென் 2 பிராசஸர், அதிகபட்சம் 4 ஜிபி ரேம், 4ஜிபி வரை ரேம் எக்ஸ்பான்ஷன் வசதி வழங்கப்பட்டு இருக்கிறது. இந்த ஸ்மார்ட்போனிற்கு இரண்டு ஆண்டுகள் மென்பொருள் அப்டேட், நான்கு ஆண்டுகளுக்கு செக்யூரிட்டி அப்டேட்கள் வழங்கப்படும் என அறிவிக்கப்பட்டு இருக்கிறது.

புகைப்படங்களை எடுக்க 50MP பிரைமரி கேமரா, இரண்டாவது லென்ஸ் மற்றும் 5MP செல்பி கேமரா வழங்கப்படுகிறது. இந்த ஸ்மார்ட்போனின் பக்கவாட்டில் கைரேகை சென்சார் வழங்கப்பட்டு இருக்கிறது. இந்த ஸ்மார்ட்போன் 5160 எம்ஏஹெச் பேட்டரி மூலம் சக்தியூட்டப்படுகிறது. இத்துடன் 18 வாட் பாஸ்ட் சார்ஜிங் வசதி உள்ளது.

கனெக்டிவிட்டிக்கு 5ஜி, டூயல் 4ஜி வோல்ட்இ, வைபை, ப்ளூடூத் 5.3, யுஎஸ்பி டைப் சி போர்ட் வழங்கப்பட்டு இருக்கிறது. இந்த ஸ்மார்ட்போனில் 3.5mm ஆடியோ ஜாக், எப்எம் ரேடியோ வழங்கப்பட்டு இருக்கிறது.

புதிய ரெட்மி A4 5ஜி ஸ்மார்ட்போன் ஸ்டாரி பிளாக், ஸ்பார்க்கிள் பர்பிள் நிறங்களில் கிடைக்கிறது. இதன் 4ஜிபி ரேம், 64 ஜிபி மெமரி மாடல் விலை ரூ. 8 ஆயிரத்து 499 என்றும் 4 ஜிபி ரேம், 128 ஜிபி மெமரி மாடல் விலை ரூ. 9 ஆயிரத்து 499 என நிர்ணயம் செய்யப்பட்டு உள்ளது. இந்த ஸ்மார்ட்போனின் விற்பனை நவம்பர் 27 ஆம் தேதி அமேசான், Mi வலைதளங்கள் மற்றும் ஆஃப்லைன் ஸ்டோர்களில் நடைபெற இருக்கிறது.

ஒப்போ நிறுவனம் மிட் ரேஞ்ச் பிளாக்ஷிப் ஸ்மார்ட்போன் மாடலை உருவாக்கும் பணிகளில் ஈடுபட்டு வருவதாக தகவல் வெளியாகி உள்ளது. பிளாக்ஷிப் ரக அனுபவத்தை கொடுக்கும் நோக்கில், சற்றே குறைந்த விலையில் இந்த ஸ்மார்ட்போன் விற்பனைக்கு வரும் என்று தெரிகிறது.

இந்த பிரிவில் ஒப்போ நிறுவனம் K13 ப்ரோ என்ற பெயரில் புதிய ஸ்மார்ட்போனை உருவாக்கி வருவதாக கூறப்படுகிறது. இந்த ஸ்மார்ட்போன் குவால்காம் நிறுவனத்தின் ஸ்னாப்டிராகன் 8 ஜென் 3 பிராசஸர் கொண்டிருக்கும் என்று தெரிகிறது. புதிய ஒப்போ ஸ்மார்ட்போன் ஒன்பிளஸ் 13R மற்றும் ரியல்மி GT நியோ 7 போன்ற மாடல்களுக்கு போட்டியாக இருக்கும்.

முந்தைய ஒப்போ K12 சீரிஸ் மாடலில் ஸ்னாப்டிராகன் 7 ஜென் 3 சிப்செட் வழங்கப்பட்டு இருக்கிறது. அந்த வகையில், புதிய K13 ப்ரோ மாடலில் ஸ்னாப்டிராகன் 8 ஜென் 3 பிராசஸர் வழங்கப்படுகிறது. இதே பிரிவில் உருவாகும் மற்றொரு ஸ்மார்ட்போனில் ஒப்போ நிறுவனம் கஸ்டமைஸ் செய்யப்பட்ட ஸ்னாப்டிராகன் 8 ஜென் 3 பிராசஸர் வழங்கும் என்று தகவல் வெளியாகி உள்ளது.

புதிய ஒப்போ K13 ப்ரோ ஸ்மார்ட்போன் 6500 எம்ஏஹெச் பேட்டரி கொண்டிருக்கும் என்றும் கூறப்படுகிறது. இது அதிவேக வயர்லெஸ் மற்றும் வயர்டு சார்ஜிங் வசசதியுடன் வரும் என்று தெரிகிறது. கடந்த ஆண்டு அறிமுகம் செய்யப்பட்ட ஒப்போ K12 ஸ்மார்ட்போன் 5500 எம்ஏஹெச் பேட்டரி மற்றும் 100 வாட் சார்ஜிங் வசதி கொண்டிருந்தது குறிப்பிடத்தக்கது.

ஆப்பிள் நிறுவனத்தின் புதிய தலைமுறை ஐபோன் SE மாடல் பற்றிய தகவல்கள் தொடர்ச்சியாக வெளியாகி வருகின்றன. பலமுறை இந்த மாடல் விரைவில் அறிமுகம் செய்யப்படும் என்றும், சில முறை இந்த மாடல் ரத்து செய்யப்பட்டு விட்டதாகவும் தகவல்கள் வெளியாகி இருக்கின்றன.

இந்த நிலையில், தற்போது வெளியாகி இருக்கும் தகவல்களில் புதிய ஐபோன் SE 4 மாடல் அடுத்த ஆண்டின் முதல் காலாண்டில் அறிமுகம் செய்யப்படும் என்று கூறப்படுகிறது. 2025 மார்ச் மாத வாக்கில் அறிவிக்கப்பட்டு அதன்பிறகு இந்த மாடல் விற்பனைக்கு வரும் என்று தகவல் வெளியாகி உள்ளது.

புதிய ஐபோன் SE 4 மாடலுக்காக ஆப்பிள் நிறுவனம் எல்.ஜி. இன்னோடெக் உடன் கூட்டணி அமைப்பதாக தகவல் வெளியாகி உள்ளது. அதன்படி எல்.ஜி. நிறுவனம் ஆப்பிள் நிறுவனத்திற்கு கேமரா மாட்யூல் வினியோகம் செய்ய இருக்கிறது. வர்த்தக ரீதியிலான உற்பத்திக்கு முன் செய்ய வேண்டிய பரிசோதனைகளை ஆப்பிள் தற்போது மேற்கொண்டு வருவதாக கூறப்படுகிறது.

இதுவரை வெளியாகி இருக்கும் தகவல்களின் படி ஐபோன் SE 4 மாடலில் 48MP பிரைமரி கேமரா, ஆப்பிளின் A18 சிப்செட், 3279 எம்ஏஹெச் பேட்டரி, ஆப்பிள் இன்டெலிஜன்ஸ் சப்போர்ட், ஃபேஸ் ஐடி, 20 வாட் வயர்டு சார்ஜிங், வயர்லெஸ் சார்ஜிங் போன்ற அம்சங்கள் வழங்கப்படும் என கூறப்படுகிறது.

ஒப்போ நிறுவனத்தின் அதிகம் எதிர்பார்க்கப்படும் ஃபைண்ட் X8 சீரிஸ் ஸ்மார்ட்போன் அடுத்த வாரம் (நவம்பர் 21) சர்வதேச சந்தையில் அறிமுகம் செய்யப்பட இருக்கிறது. புதிய ஒப்போ ஸ்மார்ட்போன் கலர் ஓஎஸ் 15 உடன் விற்பனைக்கு வருகிறது. இந்த ஸ்மார்ட்போன் இந்தோனேசியாவில் உள்ள பாலியில் நவம்பர் 21 ஆம் தேதி நடைபெறும் நிகழ்வில் அறிமுகம் செய்யப்படுகிறது.

இந்திய சந்தையில் மீடியாடெக் டிமென்சிட்டி 9400 சிப்செட் கொண்டு அறிமுகமாகும் முதல் ஸ்மார்ட்போன் என்ற பெருமை ஒப்போ ஃபைண்ட் X8 சீரிஸ் பெறும் என்று தெரிகிறது. புதிய ஃபைண்ட் X8 சீரிஸ் 7.85mm அளவில் 193 கிராம் எடை கொண்டுள்ளது. இது பயன்படுத்த மிகவும் கச்சிதமாகவும், எடை குறைவான அனுபவத்தையும் கொடுக்கும்.

இந்த சீரிஸில் ஒவ்வொரு மாடலின் லென்ஸூம் 50MP சென்சார் கொண்டிருக்கும். இதில் ஃபைண்ட் X8 மாடலில் பிரைமரி, அல்ட்ரா வைடு மற்றும் டெலிபோட்டோ சென்சார் வழங்கப்படுகிறது. ஃபைண்ட் X8 ப்ரோ மாடலில் கூடுதலாக டெலிபோட்டோ லென்ஸ் சேர்த்து மொத்தம் நான்கு சென்சார்கள் வழங்கப்படுகிறது.

புதிய ஒப்போ ஃபைண்ட் X8 ஸ்டார் கிரே மற்றும் ஸ்பேஸ் பிளாக் நிறங்களிலும், ஃபைண்ட் X8 ப்ரோ மாடல் ஸ்பேஸ் பிளாக் மற்றும் யூனிக் பியல் மற்றும் ஷிமெரிங் ஃபினிஷ் ஆப்ஷன்களிலும் கிடைக்கும். இத்துடன் X8 ப்ரோ மாடலில் குயிக் பட்டன் வசதி வழங்கப்படுகிறது.