‘கே.ஜி.எப் 2’ டீசர் வெளியீட்டு தேதி அறிவிப்பு.... உற்சாகத்தில் ரசிகர்கள்

2018-ஆம் ஆண்டு வெளியான படம் கேஜிஎப். இதில் நடிகர் யாஷ் கதாநாயகனாக நடித்திருந்தார். இந்தப் படம் இந்தியளவில் பெரிய ஹிட் அடித்து, நடிகர் யாஷுக்கு பரவலான ரசிகர்களை உருவாக்கித் தந்தது. இப்படத்தை இயக்கியவர் பிரசாந்த் நீல். இப்படத்தின் இரண்டாம் பாகத்தை முதல் பாகத்தை விட பிரம்மாண்டமாக உருவாக்கி வருகிறார் பிரசாந்த் நீல்.

இப்படத்தில் பாலிவுட் நடிகர் சஞ்சய் தத் வில்லனாக நடித்துள்ளார். இதன் கிளைமாக்ஸ் படப்பிடிப்பு சில தினங்களுக்கு முன் முடிவடைந்தது. அப்போது படம் குறித்த முக்கிய அறிவிப்பு டிசம்பர் 21-ந் தேதியான இன்று வெளியிடப்படும் என இயக்குனர் பிரசாந்த் நீல் தெரிவித்திருந்தார்.

அதன்படி, கேஜிஎப் இரண்டாம் பாகத்தின் டீசர் வெளியீட்டு தேதியை படக்குழு அறிவித்துள்ளது. வருகிற ஜனவரி 8-ந் தேதி காலை 10.18 மணிக்கு கே.ஜி.எப் 2 பட டீசர் வெளியிடப்படும் என தெரிவிக்கப்பட்டுள்ளது. படக்குழுவின் இந்த அறிவிப்பால் ரசிகர்கள் உற்சாகமடைந்துள்ளனர்.