ஹரி ஹர வீரமல்லு படக்குழுவினருடன் பிறந்தநாள் கொண்டாடிய தயாரிப்பாளர் ஏ.எம்.ரத்னம்

தெலுங்கு சினிமாவின் மெகா ஸ்டாராகவும், ஆந்திராவின் துணை முதலமைச்சராகவும் இருப்பவர் பவன் கல்யாண். இவர் நடிப்பில் உருவாகியுள்ள திரைப்படம் ஹரி ஹர வீரமல்லு.

மெகா சூர்யா புரொடக்ஷன் சார்பாக ஏ. தயாகர் ராவ் தயாரித்துள்ள இந்தப் படத்தை ஜோதி கிருஷ்ணா மற்றும் கிரிஷ் ஜாகர்லமுடி இயக்கியுள்ளனர்.

இந்தப் படம், முகலாயப்பேரரசர் காலத்தில் வாழ்ந்த அரசர் அவுரங்கசீப் பற்றிய புனைவுக்கதை.

இந்தப் படத்தில் பாபி தியோல், சுனில், நிதி அகர்வால், மற்றும் நாசர் உட்பட பல நட்சத்திர நடிகர்கள் உள்ளனர். இந்தப் படத்திற்கு மனோஜ் பரமஹம்சா மற்றும் ஞானசேகர் வி.எஸ் ஆகியோரின் ஒளிப்பதிவு செய்துள்ளனர். எம்.எம் கீரவாணி படத்திற்கு இசையமைத்துள்ளார்.

ஹரிஹர வீரமல்லு படத்தின் இறுதிக்கட்ட படப்பிடிப்பு பணிகள் தற்போது தீவிரமாக நடைபெற்று வருகிறது. இந்நிலையில், தயாரிப்பாளர் ஏ.எம்.ரத்னம் அவர்கள் ஹரிஹர வீரமல்லு படக்குழுவினருடன் சேர்ந்து தனது பிறந்தநாளை கேக் வெட்டி கொண்டாடியுள்ளார்.

இது தொடர்பகன புகைப்படங்களை ஹரிஹர வீரமல்லு படக்குழு பகிர்ந்துள்ளது.

உங்கள் அருகாமையில் உள்ள திரையரங்குகளில் ரிலீசான படங்களைப் பற்றிய தகவல்களை உடனுக்குடன் தெரிந்துக் கொள்ள இந்த லிங்க்-ஐ க்ளிக் செய்யவும்.