பிரபல நடன இயக்குனருக்கு குழந்தை பிறந்தது

இந்திய திரையுலகல் நடன இயக்குனராக பிரபலமானவர் ஷோபி மாஸ்டர். 2004 ஆம் ஆண்டு வெளியான கமல்ஹாசனின் 'வசூல்ராஜா எம்.பி.பி.எஸ்' படத்தின் மூலம் நடன இயக்குனராக திரைத்துறையில் அறிமுகமானார். திரைத்துறையில் பல முன்னணி நட்சத்திரங்களுடனும், பல பிரம்மாண்ட படங்களிலும் நடன இயக்குனராக பணியாற்றி புகழ் பெற்றார். ஷோபி மாஸ்டர்-லலிதா இருவரும் காதல் திருமணம் செய்துக் கொண்டனர். இருவரும் இணைந்து ஒரு நடன பள்ளியை நடத்தி வருகின்றனர். இந்த தம்பதியருக்கு ஏற்கனவே ஒரு பெண் குழந்தை உள்ளது. லலிதா மாஸ்டர் மீண்டும் கர்ப்பமானார். சமீபத்தில் அவருக்கு கோலகலமாக வளைகாப்பு நடைபெற்றது.

இந்நிலையில் சென்னையில் நேற்று ஒரு தனியார் மருத்துவமனையில் லலிதா மாஸ்டர் ஆண் குழந்தையை பெற்றெடுத்தார். தற்போது தாய் சேய் இருவரும் பூரண நலத்துடன் உள்ளனர் என்றும் அன்பும் பாரட்டுக்களும் தெரிவித்த ரசிகர்கள், நலம் விரும்பிகள் மற்றும் நண்பர்கள் அனைவருக்கும் ஷோபி மாஸ்டர் குடும்பத்தினர் மகிழ்ச்சியுடன் நன்றி தெரிவித்துள்ளனர்.