வாகன விபத்தில் ஒருவர் பலி

கரூர்:

கரூர் காந்திகிராமம் இந்திரா நகரை சேர்ந்தவர் சந்துரு (வயது 24). இவர் கரூர் திண்டுக்கல் தேசிய நெடுஞ்சாலையில் அரவக்குறிச்சி சர்வீஸ் ரோடு பாளையம் பிரிவு அருகே இரு சக்கர வாகனத்தில் வந்து கொண்டிருந்தார். அதே வழியில் எதிர் திசையில் திருப்பூர் மாவட்டம், உடுமலைப்பேட்டை தாலுகா, ஆர். வேலூர் பகுதியை சேர்ந்த நிஷாத் (28), வந்த டாரஸ் லாரியில் எதிர்பாராத விதமாக சந்துருவின் வாகனம் மோதி விபத்துக்குள்ளானது. இதில், படுகாயமடைந்த சந்துருவை மீட்டு ஆம்புலன்ஸ் மூலம் கரூர் அரசு மருத்துவமனைக்கு அனுப்பி வைத்தனர். ஆனால் வழியிலேயே அவர் பரிதாபமாக உயிரிழந்தார். இந்த விபத்து தொடர்பாக அரவக்குறிச்சி போலீசார் வழக்கு பதிவு செய்து விசாரித்து வருகின்றனர்.