பழைய அஸ்திவாரத்தில் கட்டப்பட்ட 2 மாடி கட்டடம் இடிந்து விபத்து

விருதுநகர்:

விருதுநகர் மாவட்டத்தில் உள்ள புல்லலக்கோட்டை ரோடு பகுதியில் வசித்து வருபவர் சுந்தர பாண்டியன். இவர் வசித்து வந்த வீடு 1988-ஆம் ஆண்டு கட்டப்பட்டது.

இந்த வீட்டின் பழைய அஸ்திவாரத்தில் 2 மாடி கட்டுவதற்கு திட்டமிட்ட அவர், கட்டடம் எழுப்பியுள்ளார். இந்நிலையில் நேற்று பெய்த லேசான மழையில் பழைய அஸ்திவாரத்தில் கட்டப்பட்ட 2 மாடி கட்டடம் முழுவதும் சரிந்து விபத்துக்குள்ளானது.

2 மாடி கட்டடம் முழுவதும் சரிந்து விழும்போழுது வீட்டில் யாரும் இல்லாததால் பெரும் அசம்பாவிதம் தவிர்க்கப்பட்டுள்ளது. வீடு சரிந்து விழுந்த சம்பவம் குறித்து வழக்கு பதிவு செய்துள்ள போலீசார் விசாரணை நடத்தி வருகின்றனர்.