துணைவேந்தர் நியமன விவகாரம்- ஆளுநர் ஆர்.என்.ரவி குற்றச்சாட்டு

துணைவேந்தர் நியமன விவகாரம் தொடர்பாக ஆளுநர் ஆர்.என்.ரவி மீண்டும் அறிக்கை வெளியிட்டுள்ளார்.

அதில், மதுரை காமராஜர் பல்கலை துணை வேந்தரை தேர்வு செய்வதற்காக புதிய தேடுதல் குழுவை நியமிக்க வேண்டும் என ஆளுநர் ஆர்.என்.ரவி வலியுறுத்தியுள்ளார்.

மேலும், பல்கலைக்கழக மானிய குழு உறுப்பினரை தவிர்த்து தேடுதல் குழுவை நியமித்து உயர் கல்வித்துறை அரசாணை வெளியிட்டதாக ஆளுநர் குற்றம்சாட்டியுள்ளார்.

ஆளுநர் தரப்பிலான பிரதிநிதி, பல்கலைக்கழக சிண்டிகேட், செனட் பிரதிநிதி, யுஜிசி பிரதிநிதியை உள்ளடக்கி குழு அமைக்க வேண்டும் என்றும் மதுரை காமராஜன் பல்கலைக்கு துணை வேந்தரை தேர்வு செய்ய புதிய தேடுதல் குழுவை நியமிக்க வேண்டும் என்று ஆளுநர் வலியுறுத்தியுள்ளார்.

தொடர்ந்து, யுஜிசி பிரதிநிதியை சேர்க்காமல் இருப்பது உச்சநீதிமன்ற தீர்ப்புக்கு முரணானது என்று குறிப்பிட்டுள்ளார்.