மிதுனம் - வார பலன்கள்

இந்த வார ராசிப்பலன்

12.9.2022 முதல் 18.9.2022 வரை

அற்புதமான வாரம். ராசி அதிபதி புதன் வக்ரம் பெற்றாலும் குரு பார்வையில் இருப்பதால் கெடு பலன்கள் ஏற்படாது. குடும்பத்தில் சந்தோஷமும், மனமகிழ்ச்சியும் நிலைத்து இருக்கும். பூர்வ புண்ணிய ஸ்தான அதிபதி சுக்ரன் சகாய ஸ்தான அதிபதி சூரியனுடன் மூன்றாமிடத்தில் இணைந்திருப்பதால் தடைபட்ட அனைத்து சுப பலன்களும் தேடி வரும்.

புகழ், அந்தஸ்து கவுரவம் அதிகரிக்கும். நம்பிக்கை,நாணயம் உயரும். புத்திரபாக்கியம் இல்லாதவருக்கு இப்போது கருவுறுதல் நடைபெறும். சிலருக்கு மருமகன், மருமகள் வருவார்கள். சிலருக்கு பேரன் பேத்தி பிறப்பார்கள்.முதல் திருமணம் தோல்வியடைந்து வேதனையில் இருப்பவர்களுக்குமறு திருமணத்தால் வாழ்க்கை வளம் பெறும்.

திருமணம் ஆகாதவர்களுக்கு அதற்கான ஆரம்பங்கள் நடக்கும். தள்ளிப் போன வழக்குகள் மீண்டும் விசாரணைக்கு வரும். வெளிநாட்டு வேலை வாய்ப்பு சாதகமாகும். வேலையில்லாதவர்களுக்கு வேலை கிடைக்கும்.அரசு சார்ந்த துறைகளால் ஆதாயம் உண்டு.சனி வக்ரமாக இருப்பதால் முதலீட்டாளர்கள் கவனமாக செயல்பட வேண்டும்.உடல் ஊனமுற்றவர்களுக்கு உதவவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

5.8.2022 முதல் 11.9.2022 வரை

சகாயமான வாரம். முயற்சி ஸ்தான அதிபதி சூரியன் ஆட்சி பலம் பெற்றதால் எண்ணங்களும் திட்டங்களும் செயல் வடிவம் பெறும். சகோதர வழிச் சங்கடங்களும், சச்சரவுகளும் மறையும். பள்ளி கல்லூரி படிப்பை பாதியில் நிறுத்திய மாணவ- மாணவிகளுக்கு மீண்டும் கல்வியைத் தொடரும் வாய்ப்பு கிடைக்கும். அஷ்டமச் சனியின் இன்னலால் சிறை தண்டனை அனுபவிப்பவர்களுக்கு நன்னடத்தையால் விடுதலை கிடைக்கும் அல்லது தண்டனை காலம் குறையும்.

பல நாட்களாக நோய்க்காக மருத்துவமனையில் தங்கி சிகிச்சை பெற்றவர்கள் வீடு திரும்புவார்கள். குடும்ப பிரச்சினைக்காக நீதிமன்றம் ஏறிய தம்பதிகள் மனம் திருந்தி ஒற்றுமையாக வாழக் கூடிய சந்தர்ப்பம் உருவாகும். திருமணம் நிச்சயமாகும்.

6.9.2022 இரவு 11.37 மணி முதல் 9.9.2022 அன்று 12.40 மணி வரை சந்திராஷ்டமம் இருப்பதால் குடும்ப விஷயங்களை பிறரிடம் பகிர்ந்து கொள்வதை தவிர்க்கவும்.

வாகனங்களில்பொறுமையுடன் செல்வது முக்கியம். தினமும் சுந்தர காண்டத்தில் ஒரு அத்தியாயம் படித்து வந்தால் தீவினைகள் நெருங்காது.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

29.8.2022 முதல் 4.9.2022 வரை

சிந்தனையில் ஏற்பட்ட குழப்பங்கள் நீங்கி தெளிவு பிறக்கும். ராசி அதிபதி புதன் சுக ஸ்தானத்தில் குருப் பார்வையில் உச்சம் பெற்றதால் பூமி, நிலம் வகையில் லாபம் உண்டாகும். விவசாயம் செழிக்கும். சனி பார்வை பெற்ற தொழில் ஸ்தான குருவால் லாபம் பல மடங்காகும். குடும்பத்தில் நிலையான மகிழ்ச்சி உண்டாகும். தொழிலில் நிலவிய இழுபறிகள் விலகி சாதகமான சந்தர்ப்பம் உருவாகும்.

பிள்ளைகளால் பெற்றோர்க்கும், பெற்றோர்களால் பிள்ளைகளுக்கும் நன்மை பயக்கும். சுப நிகழ்விற்கான அறிகுறிகள் உண்டாகும். தந்தை வழியில் நிலவிய பிரச்சினைகள், சங்கடங்கள் விலகி அவர்களின் ஆதரவு கிடைக்கும்.கணவன், மனைவிக்குள் இருந்த பனிப்போர் விலகி சந்தோஷமான நிலை ஏற்படும். தடைபட்ட அனைத்து முயற்சிகளும் உருப்பெறும். உத்தியோகஸ்தர்கள் முன்னேற்றமான நிலையை அடைவார்கள்.

திருமண வயதினருக்கு திருமணம் நிச்சயமாகும். சனி பகவான் அஷ்டம ஸ்தானத்தை கடக்கும் முன்பு தடைபட்ட அனைத்து பாக்கியங்களையும் நிகழ்த்துவார். அரசு உத்தியோகஸ்தர்கள், அரசியல் வாதிகளுக்கு மிக மிக சாதகமான நேரம்.திருநள்ளாறு சென்று சனி பகவானை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

22.8.2022 முதல் 28.8.2022 வரை

தேவைகளும் விருப்பங்களும் நிறைவேறும் வாரம். 5-ம் அதிபதி சுக்ரன் தன ஸ்தானத்தில் சனி பார்வையில் நிற்பதால் சிலருக்கு விபரீத ராஜயோ கத்தால் அதிர்ஷ்டம் அதிகரிக்கும். வெகுநாள் இழுபறி நிலை மாறும். வளர்ச்சிக்கு தேவையான அனைத்து சூழ்நிலை, சந்தர்ப்பங்களையும் குருபகவான் வழங்குவார்.

பொருளாதாரத் தடைகள் நீங்கி பண வரவு சரளமாகும். இதனால் மன அழுத்தம் நீங்கி நிம்மதியும் தைரியமும் அதிகரிக்கும். குடும்பம், தொழில் போன்ற அனைத்து விசயங்களிலும் உங்களின் செயல்பாடுகள் பாராட்டையும், நன்மதிப்பையும் பெற்றுத்தரும். ஒரு சிலருக்கு புதிய இடம் வாங்கும் யோகமும் உண்டாகும்.

மிதுன ராசியினருக்கு தற்பொழுது திருமணம் நிச்சயமாகும் வாய்ப்பு அதிகம் உள்ளது. வாழ்க்கைத் துணையின் ஆரோக்கியத்தில் நல்ல முன்னேற்றம் தென்படும். பிள்ளைகளின் எதிர்காலம், சுப நிகழ்வுகள் தொடர்பான முக்கிய விஷயங்களில் தம்பதிகள் இருவரும் கருத்தொற்றுமையோடு முடிவெடுப்பது நல்லது. சிலரின் அதீத லவுகீக ஆர்வம் தலை குனிவை ஏற்படுத்தலாம் என்பதால் கவனம் தேவை. லட்சுமி நரசிம்மரை நெய் தீபம் ஏற்றி வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

15.8.2022 முதல் 21.8.2022 வரை

தடைபட்ட பணிகள் துரிதமாகும் வாரம். 5-ம் அதிபதி சுக்ரன் தன ஸ்தானத்தில் சஞ்சரிப்பதால் பங்குச்சந்தை வியாபாரம் படுஜோராக நடக்கும்.உழைக்காத வருமானம் அதிகரிக்கும். பிள்ளைகளுக்கு வேலை, திருமணம் போன்ற சுப நிகழ்வுகள் நடக்கும். பிள்ளைகளின் எதிர்காலம் குறித்து முக்கிய முடிவுகள் எடுக்க உகந்த நேரம்.

சிலருக்கு வெளிநாட்டு வாய்ப்பு கிடைக்கும். கமிஷன் அடிப்படையிலான வியாபாரம் லாபத்தை அள்ளிக் கொடுக்கும்.வீடு கட்டும் பணி விறுவிறுப்பாக நடைபெறும்.சிலநேரங்களில் சுறுசுறுப்பற்ற நிலையும், மனோபயமும் நிலவும். ஆனாலும் சமாளித்துபுத்திசாலித்தனமாக வியாபாரத்தை நடத்துவீர்கள். இடப் பெயர்ச்சி, வீடு மாற்றம், வேலை மாற்றம் செய்யலாம். குரு பகவான் பத்தாம் வீட்டில் இருப்பதால் தொழில் வளர்ச்சியால் பல வழிகளிலும் தனவரவு ஏற்படும்.

அதிக நேரம் உழைத்து வருமானத்தை பெருக்கிக் கொள்ள முடியும். 8-ம் அதிபதி சனி வாக்கு ஸ்தானத்தை பார்ப்பதால் அரசியல் பிரமுகர்கள்,மேடைப் பேச்சாளர்கள் வாக்கால் வருமானமும், புகழும் பெறுவர். சிலருக்குவாக்கு வாதத்தால் குடும்பத்தில் பிரச்சினைகள் எழலாம். எனவே, அனைவரையும் அனுசரித்துச் செல்வது நல்லது. சிவபுராணம் படிக்கவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

8.8.2022 முதல் 14.8.2022 வரை

காரியங்கள் அனைத்தும் சிறப்புற, வெற்றிகரமாக நடக்கும் வாரம். புதிய தொழில் நண்பர்கள் சேர்க்கை, தொழில் லாபம் ஆகியவை ஏற்படும். அரசியலில் அரசு சார்ந்த தொழில், அரசு உத்தியோகஸ்தர்களுக்கு பண மழை பொழியும். 5,12-ம் அதிபதி சுக்ரன் ராசியில் சஞ்சரிப்பதால் பிள்ளைகளுக்கு சுப நிகழ்வுகள் சுபசெலவுகள் நடக்கும் வாய்ப்பு அதிகம் உள்ளது.

ராசி அதிபதி புதன் சகாய ஸ்தானத்தில் சஞ்சரிப்பதால் பூர்வீகச் சொத்தைப் பிரிப்பதில் தாய் மற்றும் தந்தை சகோதரருக்கு சாதகமாக செயல்படுவார்கள். உங்கள் தாய்மாமாவிற்கும், தம்பிக்கும் ஏற்பட்ட மோதலில் பழிச் சொல் உங்கள் பக்கம் திரும்பும்.அறுவை சிகிச்சை செய்தவர்கள் குணமடைந்து இயல்பு நிலை திரும்புவார்கள். இலாகா மாற்றம், உத்தியோக உயர்வு, ஊதிய உயர்வு எதிர்பார்த்தபடி கிடைக்கும். புதிய நம்பிக்கையான வேலையாட்கள் கிடைப்பார்கள்.

பெண்களுக்கு புதிய ஆடை அணிகலன்கள் கிடைக்கும். 10.8.2022 பகல் 2.58 முதல் 12.8.2022 பகல் 2.50 மணி வரை சந்திராஷ்டமம் இருப்பதால் பிறர் பிரச்சினைக்காக வீண் பழிகளைச் சுமக்க வேண்டிய நேரம் என்பதால் கவனமாக இருப்பது நல்லது. நலிந்த விவசாயிகளுக்கு உதவவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

1.8.2022 முதல் 7.8.2022 வரை

எதையும் சமாளிக்கும் தைரியமும் ஆற்றலும் உண்டாகும் வாரம். ராசி அதிபதி புதன் சகாய ஸ்தானத்தில் இருப்பதால் ஆக்கபூர்வமான ஆலோசனைகள் உதயமாகும். புதிய பதவிகள் கிடைத்து, அதற்கேற்ப அந்தஸ்தும் உயரும். உழைப்பிற்கேற்ற ஊதியம் உண்டு. இடமாற்றங்கள் ஏற்படலாம். வெளிநாடு செல்லும் வாய்ப்புக்கள் வரும். புதிய தொழில் முயற்சிகள் அரசு உதவியுடன் வெற்றி பெரும். மிதுன ராசியினருக்கு தை மாதம் தடையில்லாமல் திருமணம் நடக்கும்.

பூமி, வீடு, வாகனம் தொடர்பான முக்கிய முடிவுகளை எடுப்பீர்கள். 5,12-ம் அதிபதி சுக்ரன் ராசியில் சஞ்சரிப்பதால் குழந்தைகளின் சீரான முன்னேற்றம் மனதில் மகிழ்ச்சியைத் தோற்றுவிக்கும் அரசியல்வாதிகள் மக்களால் பாராட்டப்படுவார்கள். நீங்கள் எதிர்பார்த்த இடங்களில் இருந்து பணவரவு தாராளமாக இருக்கும்.

வாடிக்கையாளரின் நட்பு மற்றும் பாராட்டு வியாபாரிகளுக்கு அதிக லாபம் பெற்றுத்தரும். மகான்களின் தரிசனத்தால் மனம் மகிழ்வதோடு, மனதில் அமைதியும் நிலவும். பெண்கள் விரும்பிய பொருட்களை எல்லாம் வாங்கிக் குவிப்பீர்கள். 7, 10-ம் அதிபதி குரு வக்ரம் பெறுவதால் கூட்டுத் தொழிலில் கவனம் தேவை. புதன் கிழமை குருவாயூரப்பனை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

வார ராசி பலன்கள்

25.7.2022 முதல் 31.7.2022 வரை

மனதில் நம்பிக்கையும் உறுதியும் அதிகரிக்கும் வாரம். ராசிநாதன் புதன் தன ஸ்தானத்தில் அமர்வதால் நல்ல யோகமான பலன்கள் நடக்கும். கடந்த காலமனச் சோர்வுகள் நீங்கும்.திடமான எண்ணத்தோடு அனைத்து காரியத்தையும் எளிதாக முடிப்பீர்கள். கடன் வாங்காமல் இருப்பது நல்லது. ஏழாம் அதிபதி குரு பத்தில் நிற்பதால் வாழ்க்கைத்துணைக்கு அரசு வேலை கிடைக்கும். சிலருக்கு வேலையில் மாற்றம் உண்டாகும்.

புத்திசாலித்தனத்தால் உத்தியோகத்தில் பெரிய இலக்கை அடைவீர்கள். பழைய முதலீடுகள் மூலம் நல்ல வருமானம் கிடைக்க வாய்ப்புள்ளது. தாயார் சகோதரி வீட்டுக்குச் செல்வார். புத்திர பாக்கியம் உண்டாகும். வெளிநாடு முயற்சியில் முன்னேற்றம் உண்டு.சில ரியல் எஸ்டேட் தாரர்களுக்கு அரசுத் துறை நிறுவனங்களின் ஒப்பந்தங்கள் கிடைக்க வாய்ப்புள்ளது.

சிலர் வீட்டை பழுது நீக்கம் செய்யலாம். வேலையாட்களால் ஏற்பட்ட தொந்தரவு நீங்கும். லஞ்சம் கொடுத்து அரசு வேலைக்கு முயற்சிப்பதை தவிர்க்கவும். பிள்ளைகள் மீண்டும் படிப்பில் ஆர்வம் செலுத்துவார்கள்.பெண்கள் புதிய நகைச் சீட்டு போடலாம்.பிரதோசத்தன்று சிவனுக்கு தயிர்அபிசேகம் செய்யவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

18-7-2022 முதல் 24-7-2022 வரை

மாற்றங்களால் மனம் மகிழும் வாரம். ராசி அதிபதி புதன் தனம் வாக்கு குடும்ப ஸ்தானத்தில் சஞ்சரிப்பதால் குடும்பத்தார் ஒத்துழைப்பால் உள்ளம் மகிழும். உங்களின் செயல்பாடுகள் சமூகத்தில் நல்ல மதிப்பும், மரியாதையையும் ஏற்படுத்தும்.

எந்த ஒரு செயலை நடத்துவதற்கும் தாய் தந்தையின் ஆதரவு கிடைக்கும். நிலையற்ற வருமானத்தில் தள்ளாடிய குடும்பம் நிலையான வருமானத்தில் தலை நிமிர்ந்து நிற்கும். தொழில் தொடர்பாக திட்டமிட்ட அனைத்து செயல்பாடுகளும் சிறப்பாக நிறைவேறும். இந்த வாரம் செல்லும் நேர்முகத் தேர்வில் வெற்றியும் மன நிறைவான வேலையும் கிடைக்கும்.

உயர்ரக வாகன வசதி அமையும். அஷ்டமச் சனியால் ஏற்பட்ட கடன் தொல்லை , சகோதர விரோதம், அரசு வகைச் சிக்கல்கள் அகலும். மாணவர்கள் கல்வி தொடர்பான முயற்சியில் நல்ல முன்னேற்றம் உண்டாகும். சிலர் உயர் கல்விக்காக இடம் பெயரலாம். நலிந்தஅந்தணர்களுக்கு ஆடை தானம் தரவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

11.7.2022 முதல் 17.7.2022 வரை

அறிவும் ஆற்றலும் பளிச்சிடும் வாரம். ராசி அதிபதி புதனும் சகாய ஸ்தான அதிபதி சூரியனும் இணைவதால் அனைத்து காரியங்களையும் திறமையாக திட்டமிட்டு செயல்படுத்துவீர்கள். பணம் சம்பாதிக்க பல புதிய வாய்ப்புகள் கிடைக்கும். புதிய முதலீடுகள் லாபத்தையும் வளத்தையும் கொண்டு வரும்.

சிலருக்கு புதிய நண்பர்கள் கிடைக்கலாம். கூட்டு முயற்சிகள் நல்ல ஆதாயம் தருபவையாக இருக்கும். அலுவலக பிரச்சினைகள் தீரும். ஜனவரி மாதத்தில் அஷ்டமச் சனியில் இருந்து முழு நிவாரணம் கிடைக்கும் போது தடைபட்ட திருமணங்கள் நல்ல முறையில் நடக்கும். பெண்களுக்கு தாய் வழிப் பாட்டி வீட்டு பழங்கால பொருட்கள் மற்றும் நகைகள் கிடைக்கும்.

விவசாயிகளுக்கு எதிர்பாராத நல்ல மகசூல் கிடைக்கும். கால்நடைகளின் மூலம் நல்ல வருமானம் கிடைக்கும். பெண்களுக்கு வீட்டில் மகிழ்ச்சியான சூழ்நிலை உண்டாகும். மாணவர்கள் படிப்பில் நல்ல மதிப்பெண்களைப் பெறுவார்கள். பெற்றோரின் ஆதரவு கூடும். 14.7.2022 அதிகாலை 4.32 முதல்16.7.2022 அதிகாலை 4.15 மணி வரை சந்திராஷ்டமம் இருப்பதால் எதிர்பாராத பயணம் கடினமாகவும் மன அழுத்தம் தருவதாகவும் இருக்கும். புதன் கிழமைபுதன் பகவானை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

வார ராசி பலன்கள்

4-7-2022 முதல் 10-7-2022 வரை

சகாயமான வாரம். ராசி அதிபதி புதன்சகாய ஸ்தான அதிபதி சூரியனுடன் இணைந்து ராசியில் ஆட்சி பலம் பெற்றதால் வசீகரமான தோற்றம் ஏற்படும். பொருளாதார நிலை சீராகும். கைக்கு எட்டியது வாய்க்கு எட்டவில்லை என்ற நிலை மறையும். பற்றாக் குறை வருமானத்தில் சொற்ப சம்பளத்தில் குடும்பத்தை நடத்தியவர்களுக்கு பணம் எனும் தனம் சமூக அங்கீகாரத்தை பெற்றுத் தரும். ராஜ மரியாதை கிடைக்கும்.உங்கள் முயற்சியால் வெற்றியும், சாதனையும் படைப்பீர்கள்.

கொடுக்கல் வாங்கல் சுமூகமாக நடைபெறும். தாய், தந்தை, உடன் பிறந்தவர்கள் மற்றும் பெற்ற மக்களால் பெருமை சேரும்.11-ல் செவ்வாய் ஆட்சி பலம் பெறுவதால் பொது வாழ்க்கையில் இருப்பவர்களுக்கு புகழ், அந்தஸ்து நல்ல பெயர் கிடைக்கும். கடந்த கால இழப்புகளை ஈடு செய்யும் விதத்தில் தொழிலில் உயர்வு உண்டாகும்.

சிலர் உத்தியோகத்தில் இருந்து கொண்டே, தொழில் செய்து வருமானத்தை பெருக்குவார்கள். அஷ்டமச் சனியால் சொந்த வீட்டிலிருந்து வாடகை வீட்டிற்கு சென்றவர்கள் மீண்டும் சொந்த வீட்டிற்கு வந்து விடுவீர்கள். சாஸ்திர ஞானம் அதிகரிக்கும். புதன் கிழமை ஸ்ரீ சரபேஸ்வரரை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

வார ராசி பலன்கள்

27-6-2022 முதல் 03-7-2022 வரை

தைரியமும், தன்னம்பிக்கையும் அதிகரிக்கும் வாரம். ராசி அதிபதி புதன் 5,12-ம் அதிபதி சுக்ரனுடன் 12ம் இடத்தில் சஞ்சரிப்பதால் வெளிநாட்டு வேலை முயற்சி பலிக்கும். பிள்ளைகள் உயர் கல்வி அல்லது உத்தியோகத்திற்காக வெளியூர் செல்லலாம்.தன ஸ்தானத்தில் குரு, செவ்வாய் பார்வை பதிவதால் தாராள தனவரவு வந்து கொண்டே இருக்கும்.

வாகனம் வாங்க, வீடு கட்டும் பணி தொடர தேவையான நிதி உதவிகள் கிடைக்கும். தாய் வழி பூர்வீகச் சொத்தில் தாய்மாமனுடன் சிறு மன பேதம் ஏற்படலாம்.ஊர் மாற்றம் வேலை மாற்றம், வீடு மாற்றம், பள்ளி மாற்றம் என அவரவர் வயதிற்கேற்ற மாற்றம் உண்டாகும். புதிய தொழிலுக்கான முயற்சிகள் நல்ல மாற்றத்தை தரும்.

உடன் பிறந்தவர்களின் குடும்ப பாரத்தை சுமக்க நேரும். உத்தியோகஸ்தர்களுக்கு ஊதிய உயர்வு, பதவி உயர்வு உண்டு.தம்பதிகள் ஒருவரையொருவர் புரிந்து செயல்படுவதால் மன ஒற்றுமை அதிகரிக்கும். திருமண முயற்சிகள் இழுபறியாகும். சிலரின் மறு திருமண முயற்சி சித்திக்கும். தினமும் பட்சிகளுக்கு தானியம், தண்ணீர் வைக்கவும்.

'பிரசன்ன ஜோதிடர்'

ஐ.ஆனந்தி

செல்: 98652 20406