துலாம் - வார பலன்கள்

வார ராசிபலன் (22.9.2024 முதல் 28.9.2024 வரை)

22.9.2024 முதல் 28.9.2024 வரை

விரயத்தை கட்டுப்படுத்த வேண்டிய வாரம். லாப அதிபதி சூரியன் விரய ஸ்தானத்தில் உச்சம் பெற்ற விரய அதிபதி புதனுடன் சேர்க்கை என விரய ஸ்தானம் பலம் பெறுகிறது. ராசி அதிபதி சுக்ரன் ஆட்சி பலம் பெற்று அவரே அஷ்டமாதிபதியாக இருப்பதால் பண விஷயங்களில் மிகவும் எச்சரிக்கையுடன் இருப்பது நல்லது. சுபகாரியச் செய்திகளால் சுபசெலவுகள் அதிகரிக்கும். ஓரிரு வாரங்களில் விரயங்கள் குறையும். புதிய வீடு, மனை, வாகனம், தோட்டம் வாங்குவது தொடர்பான எண்ணம் ஏற்படும். நம்பிக்கைக்கு உரியவர்களின் ஆலோசனைகள் புதிய மாற்றத்தை ஏற்படுத்தும்.

நீண்ட நாள் நண்பர்களை சந்தித்து மகிழ்வீர்கள். பூர்வீகச் சொத்து பணமாக மாறலாம்.சிலருக்கு கை, கால், மூட்டு எலும்பு, நரம்பு, சுகர், பிரஷர் தொடர்பான பிரச்சினைகளால் மன உளைச்சல் ஏற்படலாம். சிலர் புகழ் மிக்க ஆலயங்களுக்கு தீர்த்த யாத்திரை சென்று வரலாம். 24.9.2024 அன்று காலை 9.55 மணி வரை சந்திராஷ்டமம் இருப்பதால் உறவுகளின் நியாயமற்ற நடவடிக்கைகள் உங்கள் மனதில் குழப்பத்தைத் தரும். காரியத்தை நிறைவேற்றுவதில் இடையூறுகள், தடைகள் இழு பறிகள் வந்தாலும் தைரியமும், தன் நம்பிக்கையும் குறையாது. கோதுமை அல்வா தானம் வழங்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் (15.9.2024 முதல் 21.9.2024 வரை)

15.9.2024 முதல் 21.9.2024 வரை

விருப்பங்கள் அனைத்தும் நிறைவேறும் வாரம். ராசி அதிபதி சுக்ரன் ஆட்சி. பாக்கிய ஸ்தானத்தில் செவ்வாய் இருப்பதால் நினைப்பதொன்று நடப்பது ஒன்றாக இருந்த நிலை மாறும்.கையில் பணமும் மனதில் மகிழ்ச்சியும் பொங்கி வழியும். திறமைகளை வெளிப்படுத்தக் கூடிய நல்ல சந்தர்ப்பம் அமையும். மன சஞ்சலம் குறையும். குடும்பத்தில் மங்களகரமான சுப நிகழ்வுகள் கைகூடும். விரும்பிய இடத்திற்கு இடப்பெயர்ச்சி உண்டாகும். சிலர் தொழில் உத்தியோகத்திற்காக பூர்வீகத்தை விட்டு வெளியேறலாம். வாழ்க்கைத் துணையுடன் நிலவிய பனிப் போர்மறையும். விவாகரத்து வரை சென்ற வழக்குகள் திரும்பப் பெறப்படும்.

திருமண விசயத்தில் வேண்டாம் என்று ஒதுக்கிய வரனே சாதகமாக முடியும். வீடு, பூமி வாங்கக் கூடிய சந்தர்ப்பங்கள் உருவாகலாம். வியாபாரிகளுக்கு வங்கிக் கடன்கள் உடனடியாக கிடைக்கும்.பணிபுரியும் பெண்களின் அறிவுத்திறன் கூடும். உயர் கல்வி வாய்ப்பு கைகூடும். இன்பச் சுற்றுலா போன்ற, இனிய பயணங்களால் இன்பத்தில் திளைப்பீர்கள். பெண்களுக்கு புகுந்த வீட்டு சீதனம் கிடைக்கும். வெள்ளிக்கிழமை மகாலட்சுமிக்கு குங்கும அர்ச்சனை செய்வது நல்லது.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிப்பலன் 8.9.2024 முதல் 14.9.2024 வரை

தன்னம்பிக்கை மிளிரும் வாரம். 2,7-ம் அதிபதி செவ்வாய் பாக்கிய ஸ்தானத்தில் சஞ்சாரம் செய்கிறார். ராசி அதிபதி சுக்ரனை செவ்வாய் 4-ம் பார்வையாக பார்க்கிறார். மனம் மகிழ்ச்சியாகவும் இல்லற வாழ்க்கை சிறப்பாக இருக்கும். நடக்க வேண்டிய நல்லவைகள் அனைத்தும் சிறப்பாக நடக்கும். எதையும் சாதிக்கும் தன்னம்பிக்கையும், தைரியமும் மேலோங்கும்.

முயற்சிகளில் முன்னேற்றத்தில் ஏற்பட்ட தடை, தாமதங்கள் விலகும். வியாபாரம் பெருகும். உத்தியோகம் அல்லது தொழில் மாற்றங்களை சந்திக்க நேரும். புதிய தொழில் கூட்டாளி மற்றும் தொழில் ஒப்பந்தங்கள் கிடைக்கும். சொந்தங்கள் பற்றிய புரிதல் உணர்வு உண்டாகும். பலருக்கு வெளியூர், வெளிநாட்டிற்கு சென்று பிழைப்பு நடத்தும் சூழ்நிலை உண்டாகும். காதல் விவகாரங்கள் அவமானத்தை தரும்.

பண வரவு தாராளமாக இருந்தாலும், தேவையற்ற அலைச்சல்கள் விரயங்கள் ஏற்படலாம். தேவையற்ற வம்பு, வழக்குகளைத் தவிர்க்கவும். சொத்துக்கள் விருத்தி அடையும். தாய்க்கு பண வரவு ஏற்படும். திட்டமிட்டு வெற்றி பெறுவீர்கள். எந்த செயலிலும் வெற்றி பெற திருவாசகம் படிக்கவும்.

`பிரசன்ன ஜோதிடர்' ஐ.ஆனந்தி

செல்: 98652 20406

வார ராசிபலன் (1.9.2024 முதல் 7.9.2024 வரை)

1.9.2024 முதல் 7.9.2024 வரை

விபரீத ராஜ யோகமான வாரம்.ராசி அதிபதி சுக்ரன் விரய ஸ்தானத்தில் நீச்சம். ராசி அதிபதிக்கு செவ்வாய், குரு பார்வை. மனக் கவலைகள் அகலும். உங்களது ஆலோசனையை குடும்பத்தினர் ஏற்பார்கள். குடும்ப உறவுகளிடையே இணக்கமான சூழல் நிலவும். நிலுவையில் உள்ள வாடகை வருமானம் வரும். வெளிநாட்டு வேலை வாய்ப்பு சித்திக்கும். உயர் அதிகாரிகளால் ஏற்பட்ட மனக்கசப்பு மாறும். மனைவி வழி சொத்தை உயில் மாற்றம் செய்வதில் மாமனாரிடம் இருந்த எதிர்ப்புகள் அகலும்.

அசையும், அசையா சொத்து வாங்குவது, விற்பது பராமரிப்பது போன்ற காரியங்களில் எச்சரிக்கையாக செயல்பட வேண்டும். எதிரிகளிடம் இருந்து வந்த போட்டி பொறாமைகள் மறையும். தொழிலில் சீரான சிறப்பான முன்னேற்றம் உண்டு.பேச்சை மூலதனமாக கொண்ட தொழில், கமிஷன் அடிப்படையான தொழில் புரிபவர்களுக்கும் மிக மிக சாதகமான காலம். சிலருக்கு அஷ்டம குருவால் விபரீத ராஜ யோகமான உயில் சொத்து அதிர்ஷ்ட பணம் கிடைக்கும் வாய்ப்புகள் உள்ளது. பிரிந்த தம்பதிகள் கூடி மகிழ்வார்கள். தேக சுகம் உண்டு. விநாயகரை வழிபாட்டால் சங்கடங்கள் விலகும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் (25.8.2024 முதல் 31.8.2024 வரை)

25.8.2024 முதல் 31.8.2024 வரை

சுப விரயம் உண்டாகும் வாரம். ராசி அதிபதி சுக்ரன் ராசிக்கு 12-ல் நீசம். புதிய மனையோகம், வாகன வகையில் முன்னேற்றம் போன்ற பலன்கள் நடக்கும். சிலர் பழைய சொத்துக்களை சீர்திருத்தம் செய்யலாம். வெளியூர், வெளிநாட்டு வேலை முயற்றிசியில் வெற்றி நிச்சயம். சிலருக்கு வெளிநாட்டு குடியுரிமை கிடைக்கும். கூட்டுத் தொழிலில் கவனம் தேவை. மருத்துவமனையில் நீண்ட நாட்களாக சிகிச்சை பெற்றவர்கள் பூரண குணமடைந்து வீடு திரும்புவார்கள். பயனற்ற வாதங்களை தவிர்ப்பது நல்லது.

மருமகன் சொத்து விசயத்தில் மிகுதியான ஆதிக்கத்தை வெளிப்படுத்துவார். இந்த வாரத்தில் திருமணம் நிச்சயமாகலாம். வாரிசு யோகம் உண்டாகும். நல்ல இடப்பெயர்ச்சி நடக்கும். ஜாமீன் பொறுப்பு ஏற்பதை தவிர்க்கவும். கணவன்,மனைவி ஒற்றுமை பலப்படும். 28.8.2024 அன்று 3.41 காலை வரை சந்திராஷ்டமம் இருப்பதால் சிறு சிறு உடல் உபாதைகள் வரலாம் என்பதால் ஆரோக்கியத்தில் கவனம் தேவை. தம்பதிகள் சமாதானமாகப் பேசுவது நல்லது. எதிர்மறை எண்ணங்களை கட்டுப்படுத்த வேண்டும். பால்கோவா படைத்து கிருஷ்ணரை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் (19.8.2024 முதல் 25.8.2024 வரை)

19.8.2024 முதல் 25.8.2024 வரை

மன அமைதி கிடைக்கும் வாரம். ராசிக்கு 11-ம்மிடமான லாப ஸ்தானத்தில் பூர்வ புண்ணிய அதிபதி சனியின் பார்வையில் சூரியன், புதன், சுக்ரன் என முக்கூட்டு கிரகச் சேர்க்கை ஏற்பட்டுள்ளது.எதிர்பாராத சில வரவுகளால் கையிருப்புகள் அதிகரிக்கும். மூத்த உடன் பிறப்புகள் ஆதரவாக செயல்படுவார்கள். உத்தியோக பணிகளில் துரிதம் உண்டாகும். கடன் சார்ந்த நெருக்கடிகள் கட்டுப்பாட்டுக்குள் வரும். சமூகப் பணிகளில் புதிய அனுபவங்கள் கிடைக்கும். செயற்கை கருத்தரிப்பு முறையை நாடுபவர்கள் சுய ஜாதகத்தின் படி செயல்படவும். உறவினர் பகை அகலும். விலகிச் சென்ற உறவுகள் மீண்டும் விரும்பி வந்து சேருவார்கள்.

உடல் அசதி இருக்கும்.ஓய்வு நேரம் குறையும். தேக நலனில் கவனம் வேண்டும்.மன நிம்மதிக்காக வெளியூர், வெளிநாட்டில் வாழும் மகள் வீட்டிற்குச் சென்று வருவார்கள்.புதிய சொத்து வாங்கும் முன், அதற்குரிய மூலப் பத்திரங்கள், வில்லங்க விவகாரங்கள், பட்டா போன்ற ஆவணங்களை ஆராய்ந்து வாங்குவது நல்லது. திருமணத் தடை அகலும். மறு திருமணத்திற்கு சாதகமான நேரம். சிவசக்தியை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் (12.8.2024 முதல் 18.8.2024 வரை)

12.8.2024 முதல் 18.8.2024 வரை

லாபகரமான வாரம். லாப ஸ்தானத்தில் ராசி அதிபதி சுக்ரன் லாபாதிபதி சூரியனுடன் சேர்க்கை பெறுவதால் துலாம் ராசிக்கு பெரும்பான்மையான பலன்கள் சாதகமாக அமையும். திட்டமிடாத வழிகளில் பணம் வந்து இந்த வாரத்தினை பிரகாசமாக்கும். புதிய வீடு, வாகனம் வாங்கும் வாய்ப்பு உள்ளது. தடைபட்ட வீடு கட்டும் பணி துரிதமாகும். தேவையற்ற இடமாற்றத்தால் மன சஞ்சலம் அதிகரிக்கும். சிலருக்கு மறு விவாகம் நடக்கும். உத்தியோகஸ்தர்களுக்கு செயல் திறமை அதிகரிக்கும். உயர் அதிகாரிகளின் பாராட்டுகள் கிடைக்கும்.

பெண்களுக்கு சரளமான பணப் புழக்கம் இருக்கும். அழகிய ஆடை ஆபரணங்கள் வாங்கி மகிழ்வீர்கள். சிலருக்கு பூர்வீகச் சொத்துக்கள் விற்பனையில் கணிசமான லாபம் கிடைக்கும். பெண்களுக்கு கணவரின் புரிதல் மகிழ்ச்சியை அதிகரிக்கும். குடும்ப பிரச்சனைகளை தம்பதிகள் தங்களுக்குள் பேசி சீராக்குவார்கள். வீட்டில் ஆனந்தமும், மகிழ்ச்சியும் கலை கட்டும். உடல்வலி, அலுப்பு போன்ற சிறு சிறு உடல் உபாதைகள் தோன்றி மறையும். பருவ வயதினர் படிப்பில் மட்டும் கவனம் செலுத்துவது நல்லது. வரலட்சுமி நோன்பு அன்று அஷ்ட லட்சுமிகளை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் (5.8.2024 முதல் 11.8.2024 வரை)

5.8.2024 முதல் 11.8.2024 வரை

சுமாரான வாரம். ராசிக்கு 12-ல் கேது. ஆன்மீக இயக்கங்கள், சமூக சேவையாற்றும் நிறுவனங்களில் கவுரவப் பதவிகள் கிடைக்கும். தான தர்மங்கள் செய்வீர்கள். சேவை மனப்பான்மை மிகும். வயது முதிர்ந்தவர்களுக்கு 12-ல் உள்ள கேது மோட்சம் தருவாரா? என்ற சிந்தனை மிகுதியாகும். பாவம், புண்ணியம், முக்தி, மோட்சம் ஆன்மீகம் பற்றிய சிந்தனை அதிகமாகும். தேவையற்ற எண்ண ஓட்டத்தில் தூக்கம் சற்று குறைவுபடும். வெளிநாட்டு வேலை வாய்ப்பு வெளிநாட்டு குடியுரிமை திடைக்கும். சிலருக்கு வரவிற்கு மீறிய செலவினால், தேவையற்ற விரயத்தால் எதிர்காலம் பற்றிய சிந்தனை மற்றும் பய உணர்வு கூடும்.

வியாபாரம் சார்ந்த விசயத்தில் சந்தை நிலவரம் அறிந்து செயல்படுவது நல்லது. பணம் கொடுக்கல், வாங்கல் தொடர்பான செயல்க ளில் சிந்தித்து செயல்பட வேண்டும்.சிலர் உத்தி யோகத்திற்காக வெளியூர், வெளிநாடு செல்வார்கள். கலைத் துறையினருக்கு வெளிநாட்டு படப்பிடிப்பு அதிகரிக்கும். ஆரோக்கிய குறைபாடு சீராகும். மூட்டு அறுவை சிகிச்சை நல்ல பலன் தரும். திருமண முயற்சி வெற்றியாகும். ஆடிப்பூ ரத்தன்று அம்மனுக்கு இளநீர் அபிசேகம் செய்து வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

29.7.2024 முதல் 4.8.2024 வரை

பாக்கிய பலன் அதிகரிக்கும் வாரம் ராசி அதிபதி சுக்ரன் 9,12-ம் அதிபதி புதனுடன் லாப ஸ்தானத்தில் சேர்க்கை. பாக்கிய பலன்கள் அதிகரித்து வாழ்க்கைத் தரம் உயரும். மிக அற்புதமான கிரக அமைப்பு என்பதால் பெற்றோர் வழியில் சில உதவி கள் கிடைக்கும். வீட்டில் அமைதியும், நிம்மதியும் நிலவும். வியாபாரப் பாக்கிகள் அனைத்தும் வசூலாகும். வெளிநாட்டுப் பயணம் மற்றும் வாணிபத்தால் தனலாபம் அதிகரிக்கும்.அரசு ஊழியர்களுக்கு அதிகாரம் மிக்க உயர் பதவிகள் கிடைக்கும். சிலருக்குக் கவுரவப் பட்டங்கள் கிடைக்கும். தாய் மாமனால் நன்மை ஏற்படும். ஆடி மாதம் என்பதால் சாலையோர பொருள்களின் விற்பனை சூடுபிடிக்கும்.

நண்பர்கள் மற்றும் உறவு களின் வருகையால் உள்ளம் மகிழும்.உடன் பிறந்த சகோதர, சகோதரிகளுடன் சில விஷயத்தை விடாப்பிடியாகப் பிடித்துக் கொள்வது உங்களுக்கு சிக்கலைத் தரலாம். மாணவர்களுக்கு கல்வியில் ஆர்வம் கூடும். 29.7.2024 அன்று மாலை 4.45 முதல் 31.7.2024 அன்று இரவு 10.15 மணி வரை சந்திராஷ்டமம் இருப்பதால் சில நேரங்களில் பலவீனமாகவும் சோர்வாகவும் உணர்வீர்கள். ஆடி வெள்ளிக்கிழமை அஷ்ட லட்சுமிகளை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

22.7.2024 முதல் 28.7.2024 வரை

அதிர்ஷ்டமான வாரம். லாப அதிபதி சூரியன் ராசி அதிபதி சுக்ரனுடன் தொழில் ஸ்தானத்தில் சஞ்சரிக்கிறார். ராசிக்கு 8ல் உள்ள குரு, செவ்வாய் குறுக்கு வழியில் சில அதிர்ஷ்டத்தை பெற்றுத்தரலாம். திருமணம், குழந்தை பாக்கியம், உத்தியோகத்தில் உயர்வு, புதிய வீடு கட்டுதல், வாங்குதல், என்று இதுவரை எதையெல்லாம் எதிர் பார்த்தீர்களோ அவற்றையெல்லாம் அடைந்து உயர்வை காணப்போகிறீர்கள். வியாபாரிகள் விற்பனையை அதிகரிப்பார்கள். சிலருக்கு புதிய தொழில் கிளைகள் துவங்கும் அமைப்பு உள்ளது. கடன்களால் ஏற்பட்ட பாதிப்பு குறையும். கூட்டுத் தொழில் செய்பவர்களுக்கு நண்பர்களால் எதிர்மறை விளைவுகள் ஏற்படலாம் என்பதால் கவனமாக இருக்கவும்.

பூர்வீக சொத்து தொடர்பான வழக்குகளில் எதிர்பார்த்த முடிவு கிடைக்கும். தீய பழக்க வழக்கங்களில் இருந்து நிரந்தரமாக விடுபட்டு வாழ்க்கை முறையை மாற்றிக் கொள்ள சரியான நேரம்.நாத்தனாரின் குடும்ப பிரச்சினையை தீர்க்கும் முயற்சியில் சில மன ஸ்தாபங்கள் அதிகரிக்கும். உடல் ஆரோக்கியம் நன்றாக இருக்கும். ஆடி வெள்ளிக்கிழமை நெய் விளக்கு ஏற்றி மகாலட்சுமியை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

8.7.2024 முதல் 14.7.2024 வரை

உயர்வானதை அடையும் வாரம். 9-ம்மிடமான பாக்கிய ஸ்தானத்தில் சூரியன் நிற்பதால் பாக்கிய ஸ்தானம் பலம் பெறுகிறது. நினைத்தது நிறைவேறும். உங்கள் குடும்பத்தின் மேல் இருந்த கண் திருஷ்டி அகன்று அனைவருக்கும் நல்ல ஆரோக்கியம் நிலவும். தொழில் மூலம் நல்ல பொருளாதார வளர்ச்சி ஏற்படும். சமுதாய அந்தஸ்து, வெற்றி, புகழ் செல்வாக்கு பெறுவீர்கள். வீட்டிலும், தொழில் இடத்திலும் லட்சுமி கடாட்சம் உண்டாகும். வாடிக்கையாளர்கள் தொழிலுக்கு ஒத்துழைத்து பணம் கொடுங்கல் வாங்கல் சுமூகமாக நடைபெறும்.

உத்தியோகஸ்தர்கள் திறமையால் அலுவலகத்தில் நற்பெயர் பெறுவார்கள். வயோதிகர்களுக்கு ஆரோக்கியக் குறைபாடு சீராகும். மூத்த மருமகன் சொத்து பிரிப்பதில் தன் ஆதிக்கத்தை செலுத்துவார்.சிலர் வேலைக்காக வெளிநாடு செல்லலாம். நீதி மன்ற வழக்குகளில் இருந்து எதிர்பாராத ஒரு இனிய செய்தி கிட்டும். ஆன்மீக தலங்களுக்கு சென்று மன மகிழ்சியை அதிகரிப்பீர்கள். தந்தைக்கு ஊதிய உயர்வு பதவி உயர்வு கிடைக்கும். அரசியல் ஆதாயம் உண்டு. வாராகி வழிபாடு முன்னேற்றத்தை வழங்கும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

1.7.2024 முதல் 7.7.2024 வரை

நெருக்கடிகள் விலகும் வாரம். 2,7-ம் அதிபதி செவ்வாயின் சம சப்தம பார்வை ராசியில் பதிவதால் நினைத்தது நடக்கும். வெளியூர், வெளிநாட்டு தொடர்புகளால் விற்பனை உயரும். ஆதாயம் கூடும். தொழிலில் நெருக்கடியால் ஏற்பட்ட மன சஞ்சலம் அகலும்.நல்லவர்களின் அறிமுகத்தால் நினைத்ததை சாதிப்பீர்கள். திருமண முயற்சிகள் வெற்றி தரும்.புதிய பொருட்கள் சேரும். வீடு, வாகனம் ஆடம்பர பொருட்கள் என வாழ்வாதாரம் உயரும். வாழ்க்கைத் துணை மற்றும் நண்பர்களின் ஆதரவால் அனைத்து விருப்பங்களும் பூர்த்தியாகும். வீண் செலவுகள் குறைந்து சேமிப்பு உயரும்.

குடும்பத்திலும் வெளியிலும் செல்வாக்கு உயரும். புதிய சொத்துக்களில் முதலீடு செய்வீர்கள். இதுவரை இருந்த வந்த சகோதர, சகோதரி பிணக்குகள் இருந்து இடம் தெரியாமல் மறையும். ஆன்மீக பயணம் செல்வதில் விருப்பம் உண்டாகும். 2.7.2024 அன்று காலை 11.14 முதல் 4.7.2024 அன்று பகல் 3.58 வரை சந்திராஷ்டமம் இருப்பதால் பணிபுரியும் இடத்தில் பணத்தை கையாளுவதில் கவனம் தேவை. எதிலும் விழிப்புடன் செயல்பட வேண்டும்.ஜாமீன் போடுவது வாக்கு கொடுப்பதை தவிர்ப்பது நல்லது. அங்காள பரமேஸ்வரியை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406