துலாம் - வார பலன்கள்

இந்தவார ராசிபலன்

16.10.2023 முதல் 22.10.2023 வரை

மனக்கவலைகள் அகலும் வாரம். ராசிக்கு, ராசி அதிபதி சுக்ரனுக்கும் குருப்பார்வை. வெகு விரைவில் ராசி ஏழாமிடத்தை விட்டு ராகு கேதுக்கள் விலகுகிறார்கள். இது துலாம் ராசிக்கு மிக அற்புதமான நல்ல பலன் தரும் காலம். எண்ணங்கள் ஈடேறும். வெற்றி வாய்ப்புகள் வீடு தேடி வரும். சுமாரான தொழில் சூப்பரான தொழிலாகி வருமானம் அதிகரிக்கும்.அரசாங்க ஒப்பந்த தாரர்களுக்கு சாதகமான காலம்.உத்தியோகஸ்தர்களுக்கு புதிய பொறுப்புகள் கிடைக்கும். தற்காலிக பணியில் இருப்பவர்களுக்கு நிரந்தர பணி கிடைக்கும்., பழைய வீட்டை வாங்கி புதுபித்து குடி புகுவீர்கள். பூர்வீகச் சொத்து தொடர்பான வழக்குகள், பாகப்பிரிவினை சிக்கல்கள் தீரும்.

தடைபட்ட திருமணம் நிச்சயமாகும். காதல் கலப்பு திருமணம் நடக்கலாம். நீண்ட காலமாக நிலுவையில் உள்ள விவாகரத்து வழக்கு சாதகமாகும்.செயற்கை கருத்தரிப்பிற்கு ஏற்ற காலம். கடன் கொடுக்க நிதி நிறுவனங்கள் வீடு தேடி வரும். இடப்பெயர்ச்சி உண்டாகும். பிற்கால தேவைக்காக அசையாச் சொத்தில் முதலீடு செய்ய ஏற்ற நேரம். விரக்தியில் வாழ்ந்தவர்களின் வாழ்க்கையில் புதிய பாதை புலப்படும். வீண் கவலைகள் அகல நவகிரகங்களை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிபலன்

9.10.2023 முதல் 15.10.2023 வரை

மகிழ்ச்சியான வாரம். 2,7-ம் அதிபதி செவ்வாய் குருப் பார்வையில் ராசியில் சஞ்சாரம் செய்வதால் ராகு/கேதுக்கள் திருக்கணித பஞ்சாங்கப்படி 30.10.2023 அன்று ராசி 7-ம்மிடத்தை விட்டு விலகுகிறார்கள். வாக்கு வன்மை பெறும். வாக்கு நிறைவேறுதல் உண்டாகும். பேச்சில் தெய்வத்தன்மை வெளிப்படும். ஆன்மீக நாட்டம் அதிகரிக்கும். அறுசுவை உணவு கிடைக்கும். குடும்ப உறுப்பினர்களும் ஜாதகரும் ஒருமித்த கருத்துடன் ஒற்றுமையாக அன்பாக இருப்பார்கள். தனவிருத்தி உண்டு. ஆசிரியர், ஜோதிடம், சட்டம், புரோகிதம், கூட்டுத் தொழில், உணவுத்தொழில், அயல்நாட்டு தொடர்பு போன்ற தொழில்களில் நல்ல வருமானம் உண்டாகும். தந்தை ,தந்தை வழி உறவினர்கள் மூலம் சொத்து ஆதாயம், குலத் தொழில் வருமானம், உண்டு. பூர்வீகச் சொத்து தொடர்பான வழக்குகளில் வெற்றி உண்டாகும். தொழிலை விரிவுபடுத்தலாம் , புதிய தொழில் ஒப்பந்தம் செய்யலாம். அதற்கு தேவை யான நிதி உதவி கிடைக்கும்.உடல் ஆரோக்கிய பாதிப்புகள் குறையும். மகாளய அமாவாசையன்று உடல் ஊனமுற்றவர்களுக்கு இயன்ற உதவி செய்யவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

2.10.2023 முதல் 8.10.2023 வரை

திருமணத் தடை அகலும் வாரம். ராசியில் 2,7ம் அதிபதி செவ்வாய் குருப்பார்வையில் உள்ளார். இதுவரை திருமணத்திற்கு பிடி கொடுக்காத வர்களுக்கும், கோட்சார ராகு, கேதுவால் திருமணத் தடையை சந்தித்தவர்களுக்கும் திருமணம் குருவருளாலும் திருவருளாலும் இனிதே நடைபெறும். மனைவியின் பேச்சிற்கு கட்டுப்படாத கணவன்மார்கள் மனைவியின் வார்த்தைக்கு செவி சாய்ப்பார்கள். உடலில் கால்சிய சத்து கூடும். ரத்தம் சுத்தமாகும்.பல், கண் தொடர்பான சிகிச்சை செய்ய உகந்த காலம். செல்வ வளம் மிகும். எதையும் கற்றுக் கொள்ளும் ஆர்வம் அதிகமாகும். எந்த எதிர்ப்பையும் சமாளிக்கும் ஆற்றல் அதிகரிக்கும். வட்டிக்கு வட்டி கட்டி மீள முடியாதவர்களுக்கு கடன் தொகை அல்லது வட்டி தள்ளுபடியாகும். மாமியாரால் ஏற்பட்ட வருத்தங்கள் சீராகும். சிலர் பிள்ளைகளின் முன்னேற்ற செலவிற்கு கடன் பெறலாம். புதிய வாய்ப்புகளால் தளர்ந்த தொழில்கள் தலை தூக்கும். 5.10.2023 அன்று காலை 6.58 மணி வரை சந்திராஷ்டமம் இருப்பதால் மனசஞ்சலம் உருவாகலாம். விலை உயர்ந்த பொருட்களை கவனமாக கையாளவும். மகாளய பட்ச காலத்தில் முன்னோர்களை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன்

25.9.2023 முதல் 1.10.2023 வரை

துன்பம் குறைந்து இன்பம் பெருகும் வாரம். ராசிக்கு குருப் பார்வை. தொழில் ஸ்தானத்தில் நிற்கும் ராசி அதிபதி சுக்ரன் சுக ஸ்தானத்தை பார்ப்பதால் பருவ வயது எட்டியும் பருவமடையாத பெண் குழந்தைகள் பருவமடைவார்கள். உயிரின வளர்பில் ஆர்வம் அதிகரிக்கும். வீடு கட்டும் எண்ணமும் நில புலன் வாங்கும் எண்ணமும் இல்லாதவர்களுக்கு சொத்து சேரலாம். சிலர் தாயாரின் அன்பை சாதகமாக்கி தாயாரின் வீடு, மனையை தன் பெயரில் எழுதி வாங்குவார்கள். திருமண வாழ்வில் ஏற்பட்ட மனக் கசப்பு மாறும்.குடும்பம் மகிழ்ச்சியாக இருக்கும்.வீட்டில் அடிக்கடி மங்களகரமான விசேஷங்கள் நடைபெற்றுக் கொண்டே இருக்கும்.மாமியார், மருமகள் உறவு மகிழ்ச்சியாக இருக்கும். பணப்புழக்கம் அதிகரிக்கும். நகைச் சீட்டு, ஏலச் சீட்டு என சேமிப்புகள் அதிகரிக்கும்.நகை புடவை என ஆடம்பர அழகு பொருட்கள் வாங்கி ஆனந்தமாக வாழ்வீர்கள்.வாழ்க்கைத் துணையுடன் வாக்கு வாதத்தில் ஈடுபட வேண்டாம்.செலவுகள் அதிகமாகும். ஆனால் வருமானமும் கூடுவதால் சரியாகிவிடும். மகாளய பட்ச காலத்தில் பட்சிகளுக்கு தானியம் வழங்கவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

18.9.2023 முதல் 24.9.2023 வரை

எண்ணங்களும் லட்சியங்களும் ஈடேறும் வாரம். ராசி அதிபதி சுக்ரன் தொழில் ஸ்தானத்தில் சஞ்சரிப்பதால் எதையும் சாதிக்கும் தன்னம்பிக்கையும், தைரியமும் மேலோங்கும். வியாபாரம் பெருகும். புதிய தொழில் தொடங்க அதிர்ஷ்டமான காலம். அரசு வகை ஆதாயம் உண்டு. கண்கள் தொடர்பான பிரச்சினைகளில் கவனம் தேவை. குழந்தைகளின் முன்னேற்றம் மகிழ்ச்சி தரும். படித்து முடித்த மகள் மகனுக்கு வேலை கிடைத்து விடும். வெளிநாட்டில் வாழ்பவர்கள் பூர்வீகம் வந்து செல்லும் வாய்ப்பு உள்ளது. எதிர்பார்த்த பணம் கிடைக்கும். கடன் தொகை வெகுவாக குறையும். வாழ்க்கைத் துணையின் ஆரோக்கியம் சீராகும். தேவையற்ற கற்பனை, பயம் உருவாகி மறையும். தங்கம், வெள்ளி, வைரம் போன்ற விலை உயர்ந்த பொருட்க ளின் சேர்க்கை மகிழ்ச்சியை அதிகரிக்கும். குடும்பத்தில் அமைதியான சூழல் நிலவும். வாழ்க்கை பற்றிய புரிதல் உண்டாகும். திருமணமான இளம் வயது பெண்கள் கருவுறுவார்கள். அரசியலில் ஈடுபட்டோ ருக்கு விபரீத ராஜ யோக காலமாகும். மகிழ்ச்சியை அதிகரிக்க குருவாயூரப்பனை வழி படவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

11.9.2023 முதல் 17.9.2023 வரை

ஆதாயமான வாரம். ராசி அதிபதி சுக்ரன் தொழில் ஸ்தானத்தில் சஞ்சாரம். லாப ஸ்தான அதிபதி சூரியன் லாப ஸ்தானத்தில் ஆட்சி என கிரகங்களின் இயக்கம் சாதகமாக உள்ளது.பண வரவு அமோகமாக இருக்கும்.பங்குச் சந்தை முதலீடுகள் நல்ல லாபத்தை பெற்றுத்தரும், பத்திரிக்கை நிறுவனங்கள், கூட்டுறவு வங்கிகளின் பங்குகளில் நீண்ட கால முதலீடு செய்ய உகந்த காலம். அட மான நகைகள் வீடு வந்து சேரும். வராக்கடன் வசூலாகும். சேமிப்பு உயரும். பிள்ளை களின் சுப நிகழ்வுகள் திட்டமிட்டபடி நடக்கும்.குடும்ப உறவுகளின் அனுசரணையும் ஆதரவும் மகிழ்வைத் தரும். குடும்பத்திற்குத் தேவையான உயர்ரக பொருட்களை வாங்குவீர்கள். அரசின் சலுகைகளில் முன்னுரிமை உண்டு.குழந்தைபாக்கியம் உண்டாகும். இழந்த பதவி தேடி வரும்.பூர்வீகச் சொத்தில் நிலவி வந்த சர்ச்சைகள் முடிவுக்கு வரும்.திருமணத்திற்கு நல்ல வரன் அமையும்.அரசியல்வாதிகளுக்கு ஆதாயமான காலம். ஆரோக்கிய தொல்லைகள் சீராகும். பச்சைக் கற்பூர அபிசேகம் செய்து சிவனை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

4.9.2023 முதல் 10.9.2023 வரை

கவலைகள் விலகி இல்லத்தில் மகிழ்ச்சி உண்டாகும் வாரம். ராசி அதிபதி சுக்ரன் வக்ர நிவர்த்தி பெறுவதால் தன யோகம் சிறப்பாக அமையும். விவசாய நிலத்தில் கிணறு வெட்ட, போரிங் போட நல்ல ஊற்று கிடைக்கும். நோயற்ற வாழ்வே குறைவற்ற செல்வம் என்ற பழமொழிக்கு ஏற்ப சவுக்கியமும், சுகமும், நோய் நிவர்த்தியும் உண்டாகும். பங்குச்சந்தை வியாபாரம் அமோகமான லாபத்தை கொடுக்கும். உற்சாக மனநிலையில் இருப்பீர்கள். ராசிக்கு 7-ல் குரு வக்ரமடைவதால் சிலர் வேலை காரணமாக குடும்பத்தை விட்டு பிரிந்து செல்ல வேண்டிய நிலை உருவாகும். திட்டமிட்ட திருமணங்கள் சிலருக்கு தள்ளிப் போகலாம். ஆனாலும் பெரிய பாதிப்பு எதுவும் ஏற்படாது என்பதை உறுதியாக கூறலாம். 5.9.2023 அன்று மாலை 3 மணி முதல் 7.9.2023 இரவு 11.13 மணி வரை சந்திராஷ்டமம் இருப்பதால் அஜீரணக்கோளாறு ஏற்படும் என்பதால் உணவு விசயத்தில் கவனம் தேவை.உத்தியோக ரீதியான மறைமுக எதிர்ப்புகள் அகல தட்சிணா மூர்த்தியை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிபலன்

28.8.2023 முதல் 3.9.2023 வரை

லாபகரமான வாரம்.ராசி அதிபதி சுக்ரன் வக்ரம் பெற்றாலும் லாப ஸ்தானத்தில் சூரியன் ஆட்சி பெறுவதால் தொழில் அபி விருத்தி மூலம் வளர்ச்சி உண்டாகும். தொழில் போட்டிகள் நீங்கி திடீர் அதிர்ஷ்டம் ஏற்படும். கொடுத்த தொகை விரைவில் வசூலாகும். ஒரு சிலர் வீடு மாற்றம் செய்ய நேரும். சிலர் சகோதர, சகோதரிகளுக்காக பணம் செலவு செய்ய நேரும். ஊடகங்களில் பணிபுரிவர்களின் தனித்திறமை வெளிப்படும்.வாழ்க்கை துணைக்கு விரும்பிய உத்தியோக உயர்வு உண்டு.நோய்,நொடிகள் நிவர்த்தியாகும்.குழந்தை பாக்கியம் உண்டாகும். பிள்ளைகளுக்கு நடைபெற வேண்டிய சுப காரியம் நடக்கும். ஆரோக்கிய குறைபாடு அகலும். எதிர்காலத் தேவைக்கான திட்டமிடுதல் சாதகமாகும்.ராசியை விட்டு கேது நகரப் போவதால் கோட்சார ரீதியான திருமணத் தடை விரைவில் அகலும்.தம்பதிகள் விட்டுக்கொடுத்து செல்ல வேண்டிய நேரம்.வேலை பார்க்கும் இடத்தில் சக ஊழியர்களிடம் இருந்த வேற்றுமை மறையும். மறு திருமண முயற்சி நிறைவேறும். வீண் அலைச்சல் விரயம் தொடரும். பிரதோஷத்தன்று சிவனுக்கு இளநீர் அபிசேகம் செய்து வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிபலன்

21.8.2023 முதல் 27.8.2023 வரை

சாதகமும், பாதகமும் நிறைந்த வாரம்.ராசி அதிபதி சுக்ரன் வக்ரம் பெற்றாலும் லாப ஸ்தான அதிபதி சூரியன் வலுப் பெறுவதால் எளிதில் ஆதாயம் அடைய முடியும். எண்ணங்கள் சிறப்பாக நிறைவேறும். தொழில் மூலம் நல்ல பொருளாதார வளர்ச்சி ஏற்படும். உத்தியோகஸ்தர்கள் தனது திறமையால் அலுவலகத்தில் நற்பெயர் பெறுவார்கள். அரசு வேலை எதிர் பார்த்தவர்களுக்கு இந்த வாரம் நல்ல தகவல் கிடைக்கும். நீதி மன்ற வழக்குகளில் இருந்து எதிர்பாராத ஒரு இனிய செய்தி கிட்டும். வயோதிகர்கள் ஆன்மீக ஸ்தலங்களுக்கு சென்று வரும் மன மகிழ்சியை அதிகரிப்பார்கள். தந்தையின் சொத்து தொடர்பான சர்ச்சையில் உங்கள் மூத்த சகோதரரின் கை ஒங்கும். பெற்றோர்களின் ஆதரவு சகோதரருக்கு இருப்பது சற்று மன சஞ்சலத்தை ஏற்படுத்தலாம். வாழ்க்கைத் துணை மூலம் எதிர்பாராத யோகமும் அதிர்ஷ்டமும் உண்டாகும். சிலருக்கு விருப்ப திருமணம் நடக்கலாம். கருட பஞ்சமியன்று கருடருக்கு துளசி மாலை அணிவித்து வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

14.08.2023 முதல் 20.8.2023 வரை

மனக்குழப்பம் நீங்கி தெளிவான முடிவுகளை எடுக்கும் வாரம். லாப ஸ்தான அதிபதி சூரியன் 5-ம் அதிபதி சனியின் பார்வையில் ஆட்சி பலம் பெறுவதால் எடுத்த காரியத்தில் வெற்றி உண்டாகும். குடும்பத்திற்கு அதிகமான வருவாய் கிடைக்கும். தொழில், வியாபாரம் போன்றவற்றில் அதிக கவனம் செலுத்துவீர்கள். சிலர் பங்கு பத்திரத்தில் அதிக முதலீடு செய்யலாம். முக்கிய குடும்ப பிரச்சினையை மத்தியஸ்தர்களிடம் பேசும் போது கவனம் தேவை.

பிள்ளைகளின் நலனில் நாட்டம் அதிகரிக்கும். பெண்களுக்கு மாமியார், மாமனாரின் மனமார்ந்த பாராட்டுகள் கிடைக்கும். வாலிப வயதினருக்கு ஆண் குழந்தையும், சற்று வயதானவர்களுக்கு பேரன் பிறப்பான். சொத்து விசயத்தில் மருமகனால் மன சஞ்சலம் உருவாகும். தம்பதிகளுக்குள் ஈகோ தலை தூக்கும். மறுமணத்திற்கு நல்ல வரன் அமையும். மருத்துவச் செலவிற்கு பிள்ளைகள் உதவுவார்கள். சுப செலவிற்காக கடன் பெறலாம். ஆடி அமாவாசையன்று மாற்றுத்திறனாளிகளுக்கு உதவவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

07.08.2023 முதல் 13.8.2023 வரை

அதிர்ஷ்டம் பேரதிர்ஷடமாகும் வாரம். ராசி மற்றும் அஷ்டமாதிபதி சுக்ரன் வக்ர கதியில் சூரியனுடன் சேருவதால் செல்வாக்கும், சொல்வாக்கும் உயரும். இதுவரை தடைபட்ட விஷயங்கள் உங்களுக்கு சாதகமாக நடந்து உங்களை மகிழ்ச்சி கடலில் ஆழ்த்தும். முகப் பொழிவு ஏற்படும். தன வரவு இரட்டிப்பாகும். லாப அதிபதி சூரியன் 4ம்மிடமான சுக ஸ்தானத்தை பார்ப்பதால் சிலர் பழைய வீட்டை திருத்தி அமைக்கலாம். சிலருக்கு அடமானத்தில் இருந்த சொத்துக்கள் மீண்டு வரும். விற்க முடியாமல் கிடந்த சொத்துக்கள் விற்று பணமாகிவிடும் அல்லது வேறு புது சொத்தாகி விடும்.

சொத்து வாங்க தாயின் ஆதரவு கிடைக்கும். சிலர் கடன் வாங்கி புதிய தொழில் முதலீடுகள் செய்யலாம். சுய விருப்ப விவாகம் நடைபெற மூத்த சகோதர சகோதரிகளின் உதவி கிடைக்கும். 9.8.2023 அன்று காலை 7.42 முதல் 11.8.2023 அன்று மாலை 4.58 மணி வரை சந்திராஷ்டமம் இருப்பதால் அரசுக்கு விரோதமான செயல்களில் ஈடுபட்டு அரசுக்கு அபராதம் கட்டும் சூழல் ஏற்படலாம். ஆடி வெள்ளியன்று மகாலட்சுமியை வழிபடவும்.

'பிரசன்ன ஜோதிடர்'

ஐ.ஆனந்தி

செல்: 98652 20406

இந்த வார ராசிப்பலன்

31.7.2023 முதல் 6.8.2023 வரை

லாபகரமான வாரம். லாப ஸ்தானத்தில் புதன், சுக்ரன், செவ்வாய். லாப அதிபதி சூரியன் தொழில் ஸ்தானத்தில் சஞ்சரிப்பதால் அதிர்ஷ்டத்தின் மேல் நம்பிக்கை அதிகரிக்கும். பங்குச் சந்தையில் நாட்டம் மிகுதியாகும். பலருக்கு குறுகிய காலத்தில் பங்குச் சந்தையில் எதிர்பாராத மிகுதியான பொருள் வரவு உண்டாகும். ஜனன கால ஜாதகத்தில் தசா - புத்தி சாதகமாக இருந்தால் பல துலா ராசியினருக்கு புதிய திருப்புமுனைகள் உண்டாகும்.

வெளிநாட்டில் இருப்பவர்கள் பூர்வீகம் வந்து செட்டிலாக முயற்சிக்கலாம். சிலருக்கு எதிர்பாலினத்தவரால் வம்பு உண்டாகும். பிள்ளைகளின் எதிர்காலம் பற்றிய பய உணர்வு இருந்து கொண்டே இருக்கும். ஆரோக்கிய குறைபாடு அதிகரித்து அதிக வைத்திய செலவு செய்ய நேரும். வேலைப்பளு அதிகமாக இருக்கும். பொன், பொருள், ஆடம்பரப் பொருள் சேர்க்கை அதிகரிக்கும். உத்தியோகஸ்தர்கள் கம்பெனி சார்பாக வெளிநாட்டில் சென்று பணிபுரிகின்ற வாய்ப்பு இருக்கும். ஆடிப்பெருக்கன்று சுப மங்களப் பொருட்கள் தானம் வழங்கவும்.

பிரசன்ன ஜோதிடர்

ஐ.ஆனந்தி

செல்: 98652 20406