தனுசு - தமிழ் மாத ஜோதிடம்

2024 மார்கழி மாத ராசிபலன்

நட்புக்கு முக்கியத்துவம் கொடுக்கும் தனுசு ராசி நேயர்களே!

மார்கழி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு 6-ம் இடத்தில் வக்ரம் பெற்று சஞ்சரிக்கிறார். செவ்வாய் 8-ம் இடத்தில் வக்ரம் பெற்று சஞ்சரிக்கிறார். எனவே மிகுந்த கவனத்தோடு செயல்பட வேண்டிய மாதம் இது.

பொருளாதாரத்தில் நிறைவு ஏற்பட்டாலும் மன நிம்மதி குறைவாகவே இருக்கும். உடல் ஆரோக்கியத்தில் திடீர் தாக்குதலும், உற்சாக குறைபாடும் ஏற்படும். சொத்துகளால் திடீர் பிரச்சினை வரலாம். ஒரு சிலருக்கு புதிய வழக்குகளை சந்திக்கும் சூழ்நிலை ஏற்படலாம்.

செவ்வாய் - சுக்ரன் பார்வை

மாதத் தொடக்கத்தில் கடகத்தில் உள்ள செவ்வாய், மகரத்தில் சஞ்சரிக்கும் சுக்ரனைப் பார்க்கிறார். சுக்ரன், கும்பத்திற்குச் சென்றபிறகும் செவ்வாயின் பார்வை அவர் மீது பதிகிறது. உங்கள் ராசிக்கு 5, 12 ஆகிய இடங்களுக்கு அதிபதியான செவ்வாய், சுக்ரனைப் பார்வை செய்யும் காலகட்டத்தில் நல்ல மாற்றங்கள் இல்லம் தேடிவரும். கடன் சுமை குறைய புதிய வழி பிறக்கும். இனி கைக்கு வராது என்று நினைத்த தொகை கூட வசூலாகக்கூடும்.

உத்தியோகத்தில் உங்கள் விருப்பத்திற்கு ஏற்றபடி இடமாற்றம் ஏற்படும். நீண்ட தூரங்களில் உள்ள நிறுவனங்களில் இருந்து சம்பள உயர்வுடன் கூடிய வேலைவாய்ப்புகள் வரலாம். திசாபுத்தி பலம் பெற்றிருந்தால் நம்பிக்கையோடு செல்லலாம். இல்லையேல் இருக்கும் இடத்திலேயே இருப்பது நல்லது.

குரு வக்ரம்

உங்கள் ராசிக்கு அதிபதியாகவும், 4-ம் இடத்திற்கு அதிபதியாகவும் விளங்குபவர் குரு பகவான். சுகாதிபதியான குரு பகவான் வக்ரம் பெறுவதால், ஆரோக்கிய குறைபாடுகள் வரலாம். எதையும் திட்டமிட்டுச் செய்ய இயலாது. உத்தியோகத்தை பொறுத்தவரை மேலதிகாரிகளின் கெடுபிடி அதிகரிக்கும்.

ஒரு சிலருக்கு வாங்கிப் போட்ட இடத்தாலும், விற்பனை செய்த இடத்தாலும் பிரச்சினை உருவாகலாம். நண்பர்களை நம்பி செய்த காரியம் பாதியிலேயே நிற்கலாம். கூடுதல் விழிப்புணர்ச்சி தேவை.

கும்ப - சுக்ரன்

மார்கழி 15-ந் தேதி, கும்ப ராசிக்கு சுக்ரன் செல்கிறார். உங்கள் ராசிக்கு 6, 11 ஆகிய இடங்களுக்கு அதிபதியான சுக்ரன், சகாய ஸ்தானத்திற்கு செல்லும் வேளையில் வெற்றிச் செய்திகள் வீடு தேடி வரும். 'விருப்ப ஓய்வில் வெளிவந்து சுய தொழில் தொடங்கலாமா?' என்று சிந்திப்பீர்கள்.

நண்பர்கள் மூலம் நல்ல தகவல் கிடைக்கும். வெளிநாட்டிற்கு பணிபுரிய சென்று வேலை கிடைக்காமல் இருந்தவர்களுக்கு, இப்பொழுது வேலை கிடைக்கும். பகை பாராட்டி வந்தவர்கள் சிலர், நட்பாக மாறுவர்.

தனுசு - புதன்

மார்கழி 17-ந் தேதி, உங்கள் ராசிக்கு புதன் வருகிறார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். அவர் உங்கள் ராசிக்கு வரும் பொழுது கல்யாண முயற்சிகள் கைகூடும். கடல் தாண்டி வரும் செய்தி மகிழ்ச்சி அடையச் செய்யும். தொழில் வளர்ச்சியில் இருந்த குறுக்கீடுகள் அகலும். உத்தியோக மாற்றம் உறுதியாகலாம். வளர்ச்சி அதிகரிக்கும் நேரம் இது.

பொதுவாழ்வில் உள்ளவர்களுக்கு கனவுகள் நனவாகலாம். வியாபாரம் மற்றும் தொழில் செய்பவர்களுக்கு, போட்டிகளை தாண்டி முன்னேற்றம் ஏற்படும். உத்தியோகத்தில் உள்ளவர்களுக்கு கேட்ட சலுகைகள் கிடைக்கும். கலைஞர்களுக்கு வருமானம் திருப்தி தரும். மாணவ - மாணவிகளுக்கு போட்டிகளில் வெற்றி உண்டு. பெண்களுக்கு ஆரோக்கியத்தில் கவனம் தேவை. அதிக செலவுகள் ஏற்படலாம்.

பணத்தேவையைப் பூர்த்தி செய்யும் நாட்கள்:-

டிசம்பர்: 21, 22, 26, 27, ஜனவரி: 2, 3, 6, 7.

மகிழ்ச்சி தரும் வண்ணம்:- மஞ்சள்.

2024 கார்த்திகை மாத ராசிபலன்

எதையும் சமாளிக்கும் வல்லமை பெற்ற தனுசு ராசி நேயர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத்தொடக்கத்தில் உங்கள் ராசிநாதன் குரு, வக்ரம் பெற்று 6-ம் இடத்தில் சஞ்சரிக்கிறார். எனவே தொழில் மற்றும் உத்தியோகத்தில் எதிர்பார்த்த மாற்றம் வரலாம். தொல்லை தந்த எதிரிகள் விலகுவர்.

சனி வக்ர நிவர்த்தியாகி விட்டதால், கொடுக்கல்- வாங்கல்கள் ஒழுங்காகும். வளர்ச்சிக்கு இடையூராக இருந்தவர்கள் விலகுவர். தேங்கிய காரியங்கள் சுறுசுறுப்பாக நடைபெறும். தெய்வீக நாட்டம் அதிகரிக்கும். பொதுவாழ்வில் உள்ளவர்களுக்கு எதிர்பார்த்த உயர்வு உண்டு.

குரு வக்ரம்

ரிஷப ராசியில் உள்ள குரு பகவான், இந்த மாதம் முழுவதும் வக்ரம் பெற்று சஞ்சரிக்கிறார். உங்கள் ராசிக்கும், 4-ம் இடத்திற்கும் அதிபதியாக விளங்குபவர், குருபகவான். அவர் வக்ரம் பெறும் பொழுது ஆரோக்கிய குறைபாடு அதிகரிக்கலாம். சுகாதிபதியான குரு பகவான் வக்ரம் பெறும் பொழுது, மருத்துவச் செலவு கூடுவதை தவிர்க்க முடியாது. மனக்கவலை தரும் விதத்தில் உறவினர்கள் நடந்துகொள்வர்.

பொருளாதார பற்றாக்குறையை சாமர்த்தியமாக சமாளிப்பீர்கள். அருளாளர்களின் ஆலோசனையும், அனுபவஸ்தர்களின் அறிவுரையும் வாழ்க்கை பாதையை சீராக்க உதவும். உத்தியோகத்தில் உள்ளவர்கள், தங்களிடம் கொடுக்கப்பட்ட பொறுப்புகளை மற்றவர்களிடம் கொடுப்பதன் மூலம் பிரச்சினைகள் அதிகரிக்கும்.

சனி - செவ்வாய் பார்வை

கடகத்தில் உள்ள செவ்வாய், இந்த மாதம் முழுவதும் கும்பத்தில் உள்ள சனியைப் பார்க்கிறார். உங்கள் ராசிக்கு 5, 12 ஆகிய இடங்களுக்கு அதிபதியானவர் செவ்வாய். விரயாதிபதி செவ்வாயின் பார்வை சகாய ஸ்தானத்தில் பதிவதால் விரயங்கள் அதிகரிக்கும். இருப்பினும் வீண் விரயங்களில் இருந்து விடுபட சுப விரயங்கள் மேற்கொள்வது நல்லது.

பிள்ளைகளின் எதிர்கால நலன் கருதி ஒரு தொகையை செலவிடுவீர்கள். அவர்கள் வெளிநாடு செல்வது, வேலைக்காக முயற்சி செய்வது போன்றவற்றில் ஆர்வம் காட்டுவீர்கள். பூர்வீக சொத்து பிரச்சினை நல்ல முடிவுக்கு வரும். புகழ்மிக்கவர்கள் உங்களுக்கு பின்னணியாக இருந்து உதவிக்கரம் நீட்டுவர்.

மகர - சுக்ரன்

கார்த்திகை 18-ந் தேதி, மகர ராசிக்கு சுக்ரன் செல்கிறார். உங்கள் ராசிக்கு 2-ம் இடத்திற்கு வரும் சுக்ரன், இனிய பலன்களை வழங்கப்போகிறார். 6, 11 ஆகிய இடங்களுக்கு அதிபதியான சுக்ரன், தனஸ்தானத்திற்கு வரும் பொழுது பொருளாதார நிலை உயரும்.

புதிய முயற்சிகளில் வெற்றி கிடைக்கும். குடும்பத்தில் சுபகாரியங்கள் நடைபெறும். நண்பர்கள் நல்ல தகவலை தருவர். வாகனம் வாங்கி மகிழும் வாய்ப்பு கிட்டும். புதிய தொழில் தொடங்குவது பற்றியும் சிந்திப்பீர்கள்.

செவ்வாய் வக்ரம்

கடக ராசியில் உள்ள செவ்வாய், கார்த்திகை 18-ந் தேதி வக்ரம் அடைகிறார். உங்கள் ராசிக்கு விரயாதிபதி செவ்வாய் வக்ரம் பெறுவது யோகம்தான். என்றாலும், புத்திர ஸ்தானாதிபதியாகவும் செவ்வாய் விளங்குவதால், பஞ்சாயத்துக்கள் சாதகமாக அமையாது. பண விஷயத்தில் கவனமாக நடந்து கொள்ளுங்கள். மற்றவர்களை நம்பி செய்த காரியம் தாமதப்படலாம்.

பொதுவாழ்வில் உள்ளவர்களுக்கு ஆதாயம் தரும் தகவல் கிடைக்கும். வியாபாரம் மற்றும் தொழில் செய்பவர் களுக்கு கணிசமான லாபம் கைகளில் புரளும். உத்தியோகத்தில் உள்ளவர்களுக்கு மேலிடத்து நிர்ப்பந்தம் அதிகரிக்கும். கலைஞர்களுக்கு எதிர்பார்ப்புகள் நிறைவேறும்.

மாணவ - மாணவிகளுக்கு அரசு வழி ஆதரவு கிடைக்கும். பெண்களுக்கு குடும்ப முன்னேற்றம் திருப்தி தரும். பிள்ளைகளின் எதிர்கால முன்னேற்றம் கருதி எடுத்த முயற்சிகளில் வெற்றி கிடைக்கும்.

பணத்தேவையைப் பூர்த்தி செய்யும் நாட்கள்:-

நவம்பர்: 23, 24, 28, 29, டிசம்பர்: 6, 7, 10, 11.

மகிழ்ச்சி தரும் வண்ணம்:- வெளிர் நீலம்.

2024 ஐப்பசி மாத ராசிபலன்

உதவும் குணத்தால் உயர்நிலையை அடையும் தனுசு ராசி நேயர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசி நாதன் குரு வக்ரம் பெற்றுச் சஞ்சரிக்கிறார். கேந்திராதிபத்ய தோஷம் பெற்ற கிரகம், வக்ரம் பெறுவது நன்மைதான்.

எதிர்பாராத நல்ல திருப்பங்கள் ஏற்படும். எதை எந்த நேரத்தில் செய்ய நினைத்தீர்களோ அதை அந்த நேரத்தில் செய்து முடிப்பீர்கள். பணவரவு திருப்தி தரும். தொழில் வளம் சீராகவும், சிறப்பாகவும் இருக்கும். பொதுநலத்தில் உள்ளவர்களுக்கு புதிய பொறுப்புகள் கிடைக்கும்.

செவ்வாய் நீச்சம்

ஐப்பசி 6-ந் தேதி, கடக ராசிக்கு செவ்வாய் செல்கிறார். கடக ராசியானது, செவ்வாய்க்கு நீச்ச வீடாகும். உங்கள் ராசிக்கு 5, 12 ஆகிய இடங்களுக்கு அதிபதியானவர் செவ்வாய். விரயாதிபதி யான அவர் நீச்சம் பெறுவது நன்மைதான்.

விரயங்கள் குறையும். பூர்வ புண்ணிய ஸ்தானாதிபதியாகவும் செவ்வாய் விளங்குவதால், பிள்ளைகள் வழியில் பிரச்சினைகள் ஏற்படாமல் பார்த்து கொள்ளுங்கள். பூர்வீக சொத்துப் பிரச்சினை மீண்டும் தலைதூக்கும். உத்தியோகத்தில் திடீர் இடமாற்றம் வரலாம். பூமி விற்பனையால் லாபம் உண்டு.

விருச்சிகம் - புதன்

ஐப்பசி 8-ந் தேதி, விருச்சிக ராசிக்கு புதன் செல்கிறார். உங்கள் ராசிக்கு 7, 10 ஆகிய இடங்களுக்கு அதிபதியான புதன், விரய ஸ்தானத்திற்கு வரும்போது சுப விரயங்கள் அதிகரிக்கும். தொழில் மாற்றமும் உண்டு. உத்தியோகத்தை பொறுத்தவரை எதிர்பாராத விதத்தில் நீண்ட தூரத்திற்கான மாறுதல் கிடைக்கலாம்.

எதையும் திட்டமிட்டு செய்ய இயலாது. பழைய வாகனத்தை கொடுத்து விட்டு, புதிய வாகனம் வாங்கும் முயற்சியில் ஆர்வம் காட்டுவீர்கள். தொழிலில் புதியவர்கள் வந்து இணையும் வாய்ப்பு உண்டு.

சனி வக்ர நிவர்த்தி

கும்ப ராசியில் சஞ்சரிக்கும் சனி பகவான், ஐப்பசி 18-ந் தேதி வக்ர நிவர்த்தியாகிறார். இப்பொழுது பலம் பெறும் சனியால் சகாய ஸ்தானம் வலுப்பெறுகிறது. எனவே நல்ல சந்தர்ப்பங்கள் உங்களை தேடிவரும். நெருக்கடி நிலை அகலும்.

உடன் பணிபுரிபவர்கள் உறுதுணையாக இருப்பர். கடன் சுமை குறையும். பாகப்பிரிவினை சுமுகமாக முடியும். பொதுநலத்தில் உள்ளவர்களுக்கு பொறுப்புகள் கூடுதலாகக் கிடைக்கும். வழக்குகள் சாதகமாக முடியும். சகோதர வர்க்கத்தினரின் ஆதரவு திருப்தி தரும்.

தனுசு - சுக்ரன்

ஐப்பசி 22-ந் தேதி, தனுசு ராசிக்கு சுக்ரன் வருகிறார். உங்கள் ராசிக்கு 6, 11 ஆகிய இடங்களுக்கு அதிபதியானவர் சுக்ரன். அவர் உங்கள் ராசியில் சஞ்சரிக்கும்போது, மகிழ்ச்சி தரும் சம்பவங்கள் பலவும் நடைபெறும். ஒரு சிலருக்கு நாடு மாற்றமும், வீடு மாற்றமும் உண்டு. உத்தியோகத்தில் மேல் அதிகாரிகளுக்கு நெருக்கமாவீர்கள்.

வெளிநாட்டில் இருந்து அலைபேசி மூலம் ஆதாயம் தரும் தகவல் கிடைக்கும். வரவேண்டிய பாக்கிகள் வசூலாகும். வீட்டிற்குத் தேவையான விலை உயர்ந்த பொருட்களை வாங்கி மகிழ்வீர்கள்.

பொதுவாழ்வில் உள்ளவர்களுக்கு எண்ணங்கள் எளிதில் நிறைவேறும். வியாபாரம் மற்றும் தொழில் செய்பவர்களுக்கு எதிர்பார்த்த லாபம் கிடைக்கும். உத்தியோகத்தில் உள்ளவர்கள், சக பணியாளர்களின் ஆதரவோடு முன்னேற்றம் காண்பர்.

கலைஞர்களுக்கு கவுரவம், புகழ் கூடும். மாணவ - மாணவிகளுக்கு மகத்தான எதிர்காலம் உண்டு. பெண்களுக்கு குடும்பப் பிரச்சனைகள் படிப்படியாக தீரும். பிள்ளைகளின் சுபகாரிய பேச்சுகள் முடிவாகும்.

பணத்தேவையைப் பூர்த்தி செய்யும் நாட்கள்:-

அக்டோபர்: 27, 28, 31, நவம்பர்: 9, 10, 12,13.

மகிழ்ச்சி தரும் வண்ணம்:- ஆனந்தா நீலம்.

2024 புரட்டாசி மாத ராசிபலன்

நடப்பதெல்லாம் நன்மைக்கே என்று நினைக்கும் தனுசு ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும்பொழுது, மாதத் தொடக்கத்தில் உங்கள் ராசிநாதன் குரு 6-ம் இடத்தில் சஞ்சரிக்கிறார். ராசிக்கு 7-ம் இடத்தில் செவ்வாய் இருக்கிறார். செவ்வாய் 'தைரியகாரன்' என்பதால், தைரியமும் தன்னம்பிக்கையும் அதிகரிக்கும்.

நினைத்ததை நினைத்த நேரத்தில் சாதித்துக் காட்டு வீர்கள். இருப்பினும் ருண ரோக ஸ்தானத்தில் குரு இருப்பதால் மனக்குழப்பமும் நிழல்போல தொடரும். பொருளாதாரத்தை பொறுத்தவரை ஏற்ற இறக்க நிலை உண்டு. தடைகளை முறியடிக்க தன்னம்பிக்கையோடு, தெய்வ நம்பிக்கையும் தேவை.

சனி வக்ரம்

கும்ப ராசியில் சஞ்சரிக்கும் சனி பகவான், இந்த மாதம் முழுவதும் வக்ர இயக்கத்தில் இருக்கிறார். உங்கள் ராசிக்கு 2, 3 ஆகிய இடங்களுக்கு அதிபதியானவர் சனி. அவர் வக்ரம் பெறுவது அவ்வளவு நல்லதல்ல. குடும்பத்தில் பிள்ளை களாலும், மற்றவர்களாலும் பிரச்சினைகளை சந்திக்க நேரிடும். நல்லமுறையில் இதுவரை நடந்துகொண்ட சகோதரர்கள், இப்பொழுது பகையாக மாறலாம்.

கொடுத்த வாக்கை காப்பாற்ற இயலாது. குடும்பத்தில் பழைய பிரச்சினை தலைதூக்கும். அரசியல் மற்றும் பொதுநலத்தில் இருப்பவர்கள், வீண்பழிக்கு ஆளாக நேரிடும். பஞ்சாயத்துக்கள் சாதகமாக அமையாது. புதிய வழக்குகள் கூட தோன்றலாம். இக்காலத்தில் முறையாக விரதம் இருந்து சனி பகவானை வழிபடுவது நல்லது.

புதன் உச்சம்

புரட்டாசி 3-ந் தேதி, கன்னி ராசியில் புதன் உச்சம் பெறுகிறார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். தொழில் ஸ்தானாதிபதியான அவர் தொழில் ஸ்தானத்திலேயே உச்சம் பெறுவது யோகம்தான். தொழில்வளம் சிறப்பாக இருக்கும். தொழிலை விரிவு செய்ய வங்கிகளின் ஒத்துழைப்பும், வள்ளல்களின் ஒத்துழைப்பும் கிடைக்கும்.

தங்கு தடைகள் தானாக விலகி தனவரவு பெருகும். புதிய ஒப்பந்தங்கள் அடுக்கடுக்காக வந்துசேரும். உத்தியோகத்தை பொறுத்தவரை உயர் அதிகாரிகளால் நன்மை கிடைக்கும். பதவி உயர்வும், ஊதிய உயர்வும் தேடிவரும். ஒரு சிலருக்கு பணி நிரந்தரம் பற்றிய நல்ல தகவல் கிடைக்கும்.

துலாம் - சுக்ரன்

புரட்டாசி 3-ந் தேதி, துலாம் ராசிக்கு சுக்ரன் செல்கிறார். அது சுக்ரனுக்கு சொந்த வீடாகும். உங்கள் ராசிக்கு 6, 11 ஆகிய இடங்களுக்கு அதிபதியானவர் சுக்ரன். அவர் லாப ஸ்தானத்தில் வரும்பொழுது, பொருளாதாரம் சிறப்பாக இருக்கும். புனித பயணம் அதிகரிக்கும். வியாபாரத்தில் சிறிய முதலீடு செய்து பெரிய லாபம் காண்பீர்கள்.

திருமண யோகம் கைகூடிவரும். சொத்துப் பிரச்சினைகள் சுமுகமாக முடியும். வெளிநாட்டில் உள்ள நல்ல நிறுவனங்களில் இருந்து பணிபுரிய அழைப்புகள் வரலாம். புகழ்மிக்க ஆலயங்களுக்குச் சென்று வழிபட்டு வரவேண்டும் என்ற எண்ணம் நிறைவேறும்.

துலாம் - புதன்

புரட்டாசி 20-ந் தேதி, துலாம் ராசிக்கு புதன் செல்கிறார். அவர் அங்குள்ள சுக்ரனோடு இணைந்து 'புத சுக்ர யோக'த்தை உருவாக்குகிறார். இதன் விளைவாக தொழில் முன்னேற்றம், உத்தியோக முன்னேற்றம் ஏற்படும். இடம், பூமி விற்பனையால் எதிர்பாராத தன லாபம் வரலாம். வாழ்க்கை துணைக்கு வேலை கிடைத்து உதிரி வருமானம் வந்துசேரும்.

குடும்பத்தினரின் தேவைகளை பூர்த்தி செய்வீர்கள். உத்தியோகத்தில் உயர் அதிகாரிகள் உங்கள் குரலுக்கு செவிசாய்ப்பர். வீட்டிற்குத் தேவையான விலை உயர்ந்த பொருட்களை வாங்கும் முயற்சி கை கூடும். பொதுவாழ்வில் உள்ளவர்களுக்கு புதிய முயற்சிகளில் வெற்றி கிடைக்கும். வியாபாரம் மற்றும் தொழில் செய்பவர்களுக்கு புதிய பங்குதாரர்கள் வந்திணைவர்.

உத்தியோகத்தில் உள்ளவர்கள், 'விருப்ப ஓய்வு பெற்றுக்கொள்ளலாமா?' என்று சிந்திப்பார்கள். கலைஞர்களுக்கு நட்பால் நன்மை உண்டு. மாணவ - மாணவிகளுக்கு தன்னம்பிக்கை அதிகரிக்கும். பெண்களுக்கு குடும்பச் சுமை கூடும். பிள்ளைகளின் எதிர்கால கனவுகளை நனவாக்குவீர்கள்.

பணத்தேவையைப் பூர்த்தி செய்யும் நாட்கள்:-

செப்டம்பர்: 19, 20, 30, அக்டோபர்: 1, 2, 5, 12, 13, 16, 17.

மகிழ்ச்சி தரும் வண்ணம்:- வைலட்.

2024 ஆவணி மாத ராசிபலன்

இல்லம் தேடி வருபவரை நன்றாக உபசரிக்கும் தனுசு ராசி நேயர்களே!

ஆவணி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு, ருண - ரோக ஸ்தானத்தில் சஞ்சரிக் கிறார். கேந்திராதிபத்ய தோஷம் பெற்ற குரு 6-ல் சஞ்சரிக்கும் பொழுது, திடீர் திடீரென நல்ல மாற்றம் வந்துசேரும்.

சுப விரயங்களும் அதிகரிக்கும். சனி வக்ர இயக்கத்தில் இருப்பதால் குடும்பத்தில் பழைய பிரச்சினை மீண்டும் தலைதூக்கலாம். மனக்குழப்பம் அதிகரிக்கும். இருப்பினும் தைரியத்தோடும், தன்னம்பிக்கையோடும் செயல்பட்டு, தடைகளை முறியடித்து வெற்றி காண்பீர்கள்.

சனி - சூரியன் பார்வை

கும்ப ராசியில் சஞ்சரிக்கும் சனி பகவான், இம்மாதம் முழுவதும் வக்ர இயக்கத்தில் இருக்கிறார். சிம்மத்தில் சஞ்சரிக்கும் சூரியன் அவரை பார்க்கிறார். இந்த பகைக் கிரகங்களின் பார்வை அவ்வளவு நல்லதல்ல. அரசியல், பொது வாழ்வில் இருப்பவர்களுக்கு இது ஒரு சோதனை காலமாகும். வீண் பழிகளும், வழக்குகளும் வீடு தேடி வரலாம். குடும்பத்திலும் உறவினர் பகை அதிகரிக்கும்.

பாகப்பிரிவினைக்காக எடுத்த முயற்சி பலன் தராமல் போகலாம். தேக நலனில் கவனம் தேவை. ஒவ்வாமை நோய்க்கு ஆட்பட நேரிடும். அலைச்சலை குறைத்து, ஆகாரத்தில் கட்டுப்பாடு செலுத்துவதன் மூலம் உடல் நலத்தை சீராக வைத்துக்கொள்ளலாம். சனிக்குரிய சிறப்பு ஸ்தலங்களுக்கும், சூரியனுக்குரிய சிறப்பு ஸ்தலங்களுக்கும் யோக பலம் பெற்ற நாளில் சென்று வழிபட்டு வந்தால் நல்லது நடக்கும்.

சுக்ரன் நீச்சம்

ஆவணி 10-ந் தேதி கன்னி ராசிக்குச் செல்லும் சுக்ரன், அங்கு நீச்சம் பெறுகிறார். உங்கள் ராசிநாதன் குருவிற்கு சுக்ரன் பகை கிரகமாவார். எனவே அவர் நீச்சம் பெறுவது ஒரு வழிக்கு நன்மைதான். உத்தியோகத்தில் திடீர் மாற்றமும், பதவி உயர்வும் கிடைக்கும். மேலதிகாரிகள் உங்களுக்கு ஆதரவாக நடந்துகொள்வர். வீடு, வாகனம் வாங்க கடனுதவி கேட்டு விண்ணப்பித்திருந்தால் அது கிடைக்கக் கூடும்.

புதிய வேலைக்கு முயற்சித்தவர்களுக்கு அது கைகூடும். ஆடை, ஆபரணச் சேர்க்கை உண்டு. பழைய நகைகளைக் கொடுத்து விட்டு புதிய நகைகளை வாங்குவதில் கவனம் செலுத்துவீர்கள். என்றைக்கோ குறைந்த விலைக்கு வாங்கிப்போட்ட இடம், இப்பொழுது அதிக விலைக்கு விற்று மகிழ்ச்சியை கொடுக்கும்.

மிதுன - செவ்வாய்

ஆவணி 10-ந் தேதி, மிதுன ராசிக்கு செவ்வாய் செல்கிறார். உங்கள் ராசிக்கு 5, 12 ஆகிய இடங்களுக்கு அதிபதியானவர் செவ்வாய். அவர் சப்தம ஸ்தானத்திற்கு வருவது, யோகமான நேரம் தான். படித்து முடித்த பிள்ளை கள் இருந்தால் அவர்களுக்கு வேலையும் கிடைக்கும், திருமண முயற்சியும் கைகூடும். தைரியத்தோடும், தன்னம்பிக்கையோடும் செயல்பட்டு சாதனை நிகழ்த்தும் நேரம் இது.

உங்களிடம் ஒப்படைக்கப்பட்ட பொறுப்புகளை சிறப்பாக முடித்துக் கொடுத்து பாராட்டுகளை பெறுவீர்கள். இக்காலத்தில் பயணங்கள் அதிகரிக்கும். தொழில் நிமித்தமாக காலை ஒரு ஊரிலும், மதியம் ஒரு ஊரிலும், மாலை ஒரு ஊரிலும் பயணிக்கும் சூழ்நிலை ஏற்படலாம். அதிகார வர்க்கத்தினரின் நட்பால் நன்மை அடைவீர்கள்.

சிம்ம - புதன்

ஆவணி 15-ந் தேதி, சிம்ம ராசிக்கு புதன் செல்கிறார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். அவர் பாக்கிய ஸ்தானத்திற்கு வரும்போது, 9-க்கு அதிபதி சூரியனோடு இணைவதால் 'தர்ம கர்மாதிபதி யோகம்' ஏற்படுகிறது. எனவே பொது வாழ்வில் புகழ்கூடும்.

புதிய பொறுப்புகள் வந்து சேரும். எதிர்பார்த்த இலக்கை அடைய நண்பர்கள் உறுதுணையாக இருப்பர். தந்தை வழி ஆதரவு உண்டு. பாகப்பிரிவினை சுமுகமாக முடியும். புதிய தொழில் தொடங்கும் திட்டங்கள் படிப்படியாக நிறைவேறும். வரன்கள் வாசல் தேடிவரும் நேரம் இது.

பொதுவாழ்வில் உள்ளவர்களுக்கு மக்கள் செல்வாக்கு மேலோங்கும். வியாபாரம் மற்றும் தொழில் செய்பவர்களுக்கு அதை விரிவு செய்யும் முயற்சியில் ஆர்வம் ஏற்படும். உத்தியோகத்தில் உள்ளவர் களுக்கு மேலிடத்து ஆதரவு திருப்தி தரும். கலைஞர் களுக்கு சாதகமான நேரம் இது. மாணவ - மாணவிகளுக்கு பெற்றோரின் ஆதரவு உண்டு. பெண்களுக்கு குடும்பச் சுமை கூடும். கொடுக்கல் - வாங்கல்கள் ஒழுங்காகும்.

பணத்தேவையைப் பூர்த்தி செய்யும் நாட்கள்:-

ஆகஸ்டு: 19, 20, 22, 23, செப்டம்பர்: 2, 3, 7, 8, 15, 16.

மகிழ்ச்சி தரும் வண்ணம்:- மஞ்சள்.

ஆடி மாத ராசிபலன்

சோதனைகளை சாதனைகளாக மாற்றிக் காட்டும் தனுசு ராசி நேயர்களே!

ஆடி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு 6-ம் இடத்தில் சஞ்சரிக்கிறார். அவரோடு 5, 12 ஆகிய இடங்களுக்கு அதிபதியான செவ்வாயும் இணைந்திருக்கிறார். எனவே தொழில் வளர்ச்சி திருப்தி கரமாக இருக்கும். பொதுவாழ்வில் புதிய திருப்பங்கள் ஏற்படும். சுப விரயங்கள் அதிகரிக்கும். இடமாற்றம், வீடு மாற்றம் பற்றி சிந்திப்பீர்கள். விலை உயர்ந்த பொருட்களை வாங்குவதில் ஆர்வம் காட்டுவீர்கள். குருவின் பார்வை தன ஸ்தானத்தில் பதிவதால் பொருளாதாரப் பற்றாக்குறை அகலும்.

குரு - செவ்வாய் சேர்க்கை

மாதத் தொடக்கத்திலேயே குருவும், செவ்வாயும் இணைந்து, உங்கள் ராசிக்கு 6-ம் இடத்தில் சஞ்சரிக்கிறார்கள். குருவின் பார்வை உங்கள் ராசிக்கு 2, 10, 12 ஆகிய இடங்களில் பதிகிறது. குரு பகவான் இருக்கும் இடம் மறைவிடமாக இருந்தாலும், பார்க்கும் இடத்திற்கு நல்ல பலன்கள் கிடைக்கும். அந்த அடிப்படையில் வருமானம் திருப்தி தரும். தொழில் தொடங்கும் திட்டங்கள் நிறைவேறும். விரயங்கள் ஏற்பட்டாலும் அவை சுபவிரயமாகவே அமையும். வீடு வாங்குவது, இடம் வாங்குவது, கட்டிய வீட்டைப் பழுது பார்ப்பது, பிள்ளை களின் கல்யாணத்தை முன்னிட்டு சீர்வரிசைப் பொருட்களை வாங்குவது போன்றவற்றில் கவனம் செலுத்தலாம்.

புதன்-வக்ரம்

கடக ராசியில் சஞ்சரிக்கும் புதன், ஆடி 5-ந் தேதி வக்ரம் பெறுகிறார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். கேந்திராதிபத்ய தோஷம் பெற்ற கிரகம் வக்ரம் பெறுவது நன்மைதான். இல்லத்தில் மங்கல ஓசை கேட்பதற்கான வாய்ப்பு கைகூடிவரும். மறைந்த புதனால் நிறைந்த தன லாபம் உண்டு. எனவே பொருளாதாரத்தில் பற்றாக்குறை ஏற்படாது. புதிய முயற்சிகளில் வெற்றி கிடைக்கும். உத்தியோகத்தில் எதிர்பார்த்த இடமாற்றம் கிடைப்பதற்கான அறிகுறி தென்படும்.

சிம்ம - சுக்ரன்

ஆடி 16-ந் தேதி, சிம்ம ராசிக்கு சுக்ரன் செல்கிறார். உங்கள் ராசிக்கு 6, 11 ஆகிய இடங்களுக்கு அதிபதியானவர் சுக்ரன். அவர் பாக்கிய ஸ்தானத்திற்கு வரும் இந்த நேரம் சொத்துப் பிரச்சினைகள் சுமுகமாக முடியும். தந்தை வழி ஆதரவு கிடைக்கும். உத்தியோகத்தில் சகப் பணியாளர்களால் ஏற்பட்ட பிரச்சினை அகலும். வெளிநாட்டில் உள்ள நல்ல நிறுவனங்களில் இருந்து உத்தியோகம் சம்பந்தமான நல்ல அழைப்புகள் வரலாம். பயணங்கள் பலன் தருவதாக அமையும். தொழிலில் புதிய பங்குதாரர்கள் இணைந்து செயல்பட முன்வருவர்.

பொதுவாழ்வில் உள்ளவர்கள், பிறருக்கு பொறுப்பு சொல்வதால் பிரச்சினைகள் ஏற்படும். வியாபாரம் மற்றும் தொழில் செய்பவர்களுக்கு வேண்டிய முதலீடுகள் கிடைக்கும். உத்தியோகத்தில் உள்ளவர்களுக்கு கூடுதல் பொறுப்புகள் வந்துசேரும். கலைஞர்களுக்கு கூட்டு முயற்சியில் வெற்றி கிடைக்கும். மாணவ - மாணவிகள், படிப்பில் கவனம் சிதறாமல் பார்த்துக் கொள்வது நல்லது. பெண்களுக்கு குடும்ப பொறுப்புகள் கூடும். செலவுகள் அதிகரிக்கும்.

பணத்தேவையைப் பூர்த்தி செய்யும் நாட்கள்:-

ஜூலை: 22, 23, 26, 27, ஆகஸ்டு: 6, 7, 11, 12.

மகிழ்ச்சி தரும் வண்ணம்:- கருநீலம்.

ஆனி மாத ராசிபலன்

நட்புக்கு முக்கியத்துவம் கொடுக்கும் தனுசு ராசி நேயர்களே!

ஆனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு 6-ம் இடத்தில் சஞ்சரிக்கிறார். சகாய ஸ்தானத்தில் சனியும், சப்தம ஸ்தானத்தில் புதனும், பூர்வ புண்ணிய ஸ்தானத்தில் செவ்வாயும் அவரவர் சொந்த வீடுகளில் சஞ்சரிப்பதால் ஏற்றங்களும், நல்ல மாற்றங்களும் வந்துசேரும். வெற்றி வாய்ப்புகள் வீடு தேடி வரும். பொருளாதார நிலை உயரும். புதிய பாதை புலப்படும். குருவின் பார்வை பலத்தால் குடும்பத்தில் நல்ல சம்பவங்கள் நடைபெறும்.

சனி வக்ரம்

ஆனி மாதம் 5-ந் தேதி கும்ப ராசியில் சனி வக்ரம் பெறுகிறார். உங்கள் ராசிக்கு தனாதி பதியாகவும், சகாய ஸ்தானாதிபதியாகவும் விளங்குபவர் சனி பகவான். அவர் வக்ரம் பெறுவது அவ்வளவு நல்லதல்ல. எதையும் ஒருமுறைக்குப் பலமுறை யோசித்து செய்வதன் மூலம் நன்மைகளை அடையலாம். வருமானம் திருப்திகரமாக இருந்தாலும் விரயங்கள் கூடுதலாகவே இருக்கும். சகோதர வர்க்கத்தினரை அனுசரித்துச் செல்வது நல்லது. குடும்பத்தில் குழப்பங்கள் அதிகரிக்கும். கொடுக்கல் - வாங்கல்களில் ஏமாற்றங்களை சந்திப்பீர்கள். உத்தியோகத்தில் ஒரு சிலருக்கு நீண்ட தூரத்திற்கான இடமாறுதல் வரலாம். பிள்ளைகளின் கல்யாணம் போன்ற சுப காரியங்களை நடத்துவதற்கான முயற்சியில் தடைகள் ஏற்படலாம். இக்காலத்தில் சனிக்கிழமை தோறும் விரதம் இருந்து சனிக் கவசம் பாடி சனி பகவானை வழிபடுவது நல்லது.

கடக - புதன்

ஆனி 12-ந் தேதி, கடக ராசிக்கு புதன் செல்கிறார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். கேந்திராதிபத்திய தோஷம் பெற்ற புதன், அஷ்டமத்தில் மறையும் இந்த நேரம் நல்ல நேரம்தான். மறைந்த புதனால் நிறைந்த தன லாபம் கிடைக்கும். பிள்ளைகளின் எதிர்காலத்தை வளப்படுத்த எடுத்த முயற்சி வெற்றி தரும். நீண்ட நாட்களாக வராமல் இருந்த பாக்கிகள் வசூலாகும். பயணங்கள் பலன் தருவதாக அமையும். தொழிலில் புதிய ஒப்பந்தங்கள் வந்து மகிழ்விக்கும். உத்தியோகத்தைப் பொறுத்தவரை மேலதிகாரிகள் உங்களுக்கு நுணுக்கங்களை கற்றுக்கொடுப்பர்.

கடக - சுக்ரன்

ஆனி 23-ந் தேதி, கடக ராசிக்கு சுக்ரன் செல்கிறார். உங்கள் ராசிக்கு 6, 11 ஆகிய இடங்களுக்கு அதிபதியானவர் சுக்ரன். 6-க்கு அதிபதி 8-ம் இடத்திற்கு வருவது யோகம்தான். இல்லத்தில் நல்ல சம்பவங்கள் பலவும் நடைபெறும். உங்கள் ராசிநாதன் குருவிற்கு, சுக்ரன் பகை கிரகம் ஆவார். 'கெட்டவன் கெட்டிடில் கிட்டிடும் ராஜ யோகம்' என்பதற்கு ஏற்ப எதிர்பாராத நல்ல திருப்பங்கள் உருவாகும். உத்தியோகத்தில் எதிர்பார்த்த சலுகைகள் கிடைக்கும். வீடு கட்டுவது, வாகனம் வாங்குவது போன்றவற்றிற்காக கடன் கேட்டு விண்ணப்பித்திருந்தால் அதுவும் கைகூடும்.

ரிஷப - செவ்வாய்

ஆனி 27-ந் தேதி, ரிஷப ராசிக்கு செவ்வாய் செல்கிறார். உங்கள் ராசிக்கு 5, 12 ஆகிய இடங்களுக்கு அதிபதியானவர் செவ்வாய். பூர்வ - புண்ணிய ஸ்தானாதிபதி 6-ல் மறைவது அவ்வளவு நல்லதல்ல. உழைப்பிற்கேற்ற பலன் கிடைக்காது. ஊர் மாற்றம் திருப்தி கரமாக அமையாது. குடும்பத்திலும் சில பிரச்சினைகள் மீண்டும் தலைதூக்கும். பிள்ளைகளை உங்கள் மேற்பார்வையில் வைத்துக்கொள்வது நல்லது. ஆரோக்கியத் தொல்லைகளும், மருத் துவச் செலவுகளும் கூடும். பண நெருக்கடியின் காரணமாக ஒரு சிலருக்கு கடன் வாங்கும் சூழ்நிலை கூட ஏற்படலாம்.

பொதுவாழ்வில் உள்ளவர் களுக்கு கவுரவம், அந்தஸ்து உயரும். வியாபாரம் மற்றும் தொழில் செய்பவர்களுக்கு தேவையான முதலீடுகள் கிடைக்கும். உத்தியோகத்தில் உள்ளவர் களுக்கு மேலதிகாரிகளின் ஆதரவு திருப்தி தரும். கலைஞர்களுக்கு தடைப்பட்ட ஒப்பந்தங்கள் தானாக வந்து சேரும். மாணவ - மாணவிகளுக்கு எதிர்பார்த்த இலக்கை அடைய, ஆசிரியர்கள் வழிகாட்டுவர். பெண்களுக்குப் பிள்ளைகளின் சுபகாரியப் பேச்சுக்கள் முடிவிற்கு வரும். தேவைக்கேற்ற விதத்தில் பொருளாதாரம் உயரும்.

பணத்தேவையைப் பூர்த்தி செய்யும் நாட்கள்:-

ஜூன்: 17, 18, 25, 26, 29, 30, ஜூலை: 10, 11, 14, 15.

மகிழ்ச்சி தரும் வண்ணம்:- மஞ்சள்.

வைகாசி மாத ராசிபலன்

வைகாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு பகவான் 6-ம் இடத்தில் சஞ்சரிக்கிறார். 'ஆறில் குரு ஊரில் பகை' என்பது ஜோதிட மொழி. பகைக்கு மத்தியில் உங்கள் வாழ்க்கை அமைந்தாலும் கடைசி நேரத்தில் காரியங்கள் கை கூடிவிடும். பொதுவாழ்வில் இருப்பவர்களுக்கு புதிய திருப்பங்கள் ஏற்படும். மதிப்பும் மரியாதையும் உயரும். குருவின் பார்வை பலத்தால் பொருளாதாரம் சிறப்பாகவே இருக்கும். குடும்ப ஒற்றுமை பலப்படும்.

ரிஷப - சுக்ரன்

வைகாசி 7-ந் தேதி, ரிஷப ராசிக்கு சுக்ரன் செல்கிறார். உங்கள் ராசிக்கு 6, 11 ஆகிய இடங்களுக்கு அதிபதியானவர் சுக்ரன். அவர் எதிரிகள் ஸ்தானத்திற்கு வரும் இந்த நேரத்தில் எதிரிகளின் பலம் மேலோங்கி இருக்கும். இருப்பினும் உங்கள் ராசிநாதன் குருவோடு சுக்ரன் இணைந்திருப்பதால் வழக்குகள் உங்களுக்கு சாதகமாக முடியும். கடன் சுமை குறைய வழிபிறக்கும். உடல் ஆரோக்கியம் சீராக, ஆகாரத்தில் கட்டுப்பாடு செலுத்துவது நல்லது. தங்கம், வெள்ளி போன்ற விலை உயர்ந்த ஆபரணங்களை வாங்குவதில் கவனம் செலுத்துவீர்கள். 'கட்டிய வீடு பாதியில் நிற்கிறதே' என்ற கவலை இனி அகலும். பூமி பிரச்சினைகள் நல்ல முடிவுக்கு வரும்.

ரிஷப - புதன்

வைகாசி 11-ந் தேதி, ரிஷப ராசிக்கு புதன் செல்கிறார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். கேந்திராதிபத்ய தோஷம் பெற்ற கிரகம் மறைவிடத்திற்கு வரும்பொழுது யோகம் செய்யும். எனவே தொழில், உத்தியோகத்தில் நல்ல முன்னேற்றம் ஏற்படும். 'தொலைதூரத்தில் இருந்து வரும் அழைப்புகளை ஏற்றுக்கொள்ளலாமா?' என்று சிந்திப்பீர்கள். இடமாற்றம், வீடு மாற்றம் மட்டுமின்றி, தொழில் மற்றும் உத்தியோகத்திலும் மாற்றம் வருவதற்கான அறிகுறிகள் தென்படும். புதிய ஒப்பந்தங்கள் வந்துசேரும். பணியாளர்கள் தொல்லை அகலும். விலகிச்சென்ற திருமண வாய்ப்புகள் மீண்டும் கைகூடி வரலாம்.

மேஷ - செவ்வாய்

வைகாசி 18-ந் தேதி, மேஷ ராசிக்கு செவ்வாய் செல்கிறார். உங்கள் ராசிக்கு 5-ம் இடமான பூர்வ புண்ணிய ஸ்தானத்திற்கு செவ்வாய் வருவது யோகம்தான். பூர்வ புண்ணியத்தின் பலனாக உங்களுக்கு என்னவெல்லாம் கிடைக்க வேண்டுமோ, அவை அனைத்தும் இப்பொழுது கிடைக்கும். பூர்வீகச் சொத்து தகராறுகள் அகலும். பாகப்பிரிவினைகள் சுமுகமாக முடியும். உத்தியோகத்தில் உங்கள் திறமைக்குரிய அங்கீகாரம் கிடைக்கும். வீடு வாங்குவது அல்லது கட்டிய வீட்டை பழுது பார்ப்பது போன்றவற்றில் கவனம் செலுத்துவீர்கள்.

மிதுன - புதன்

வைகாசி 27-ந் தேதி, மிதுன ராசிக்கு புதன் செல்கிறார். சப்தமாதிபதியான புதன், சப்தம ஸ்தானத்திலேயே சஞ்சரிக்கும் பொழுது பயணங்கள் அதிகரிக்கும். வெளிநாடு சென்று பணிபுரிய விரும்பியவர்களுக்கு அது கைகூடும். 'நல்ல படிப்பு இருந்தும் வாழ்க்கைத் துணைக்கு வேலை இல்லையே' என்று கவலைப்பட்டவர்களுக்கு வேலை கிடைக்கும். உதிரி வருமானமும் வந்துசேரும். பணிபுரியும் இடத்தில் உங்களுக்கு பொறுப்புகள் அதிகரிக்கும். அதற்கேற்ப சம்பளமும் கூடும். மேலதிகாரிகளின் மனதில் இடம் பிடிப்பீர்கள். பழைய வாகனங்களை கொடுத்து விட்டு, புதிய வாகனங்கள் வாங்கி பயணிக்கும் எண்ணம் நிறைவேறும்.

மிதுன - சுக்ரன்

வைகாசி 31-ந் தேதி, மிதுன ராசிக்கு சுக்ரன் செல்கிறார். உங்கள் ராசிக்கு 6, 11 ஆகிய இடங்களுக்கு அதிபதியானவர் சுக்ரன். அவர் 7-ம் இடத்தில் சஞ்சரிக்கும் பொழுது, கடன் சுமை கூடுவதால், கவலைகளும் அதிகரிக்கும். குடும்ப ஒற்றுமை குறையாமல் பார்த்துக்கொள்வது நல்லது. மாமன், மைத்துனர் வழியில் மனக்கசப்பு தரும் தகவல் வரலாம். புதிய ஒப்பந்தங்கள் கை நழுவிச் செல்லும். புனித பயணங்களை மேற்கொள்வீர்கள். பொதுவாழ்வில் உள்ளவர்களுக்கு எதிர்பாராத திருப்பங்கள் ஏற்படும். வியாபாரம், தொழில் செய்பவர்களுக்கு போட்டிகள் அதிகரிக்கும். உத்தியோகத்தில் உள்ளவர் களுக்கு, சகப் பணியாளர்களின் ஆதரவு குறையும். கலைஞர்களுக்கு கவுரவம், அந்தஸ்து உயரும். மாணவ- மாணவிகளுக்கு தேர்வில் வெற்றி உண்டு. பெண் களுக்கு கையிருப்பு கரைந்தாலும் மீண்டும் பணம் வரும்.

பணத்தேவையைப் பூர்த்தி செய்யும் நாட்கள்:- மே: 16, 17, 21, 22, 29, 30, ஜூன்: 1, 2, 14.

மகிழ்ச்சி தரும் வண்ணம்:- இளஞ்சிவப்பு.

பங்குனி மாத ராசிபலன்

சிந்தனையை செயலாக்குவதில் வல்லவர்களான தனுசு ராசி நேயர்களே!

பங்குனி மாதக் கிரக நிலைகளைஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு, பூர்வ புண்ணிய ஸ்தானத்தில் அமர்ந்து கொண்டு, உங்கள் ராசியைப் பார்க்கிறார். எனவே 'குரு பார்க்க கோடி நன்மை' என்பதற்கேற்ப தொழில் வெற்றிநடை போடும். தொல்லை தந்த எதிரிகள் விலகுவர். அழியாத புகழுக்கு அஸ்திவாரம் அமைக்கும் விதத்தில், ஒருசில காரியங்கள் நடைபெறும். தொழில் மேன்மை, வருமானம் உயர்வு, உத்தியோகத்தில் உயர் அதிகாரி களின் பாராட்டு கிடைக்கும் மாதம் இது.

செவ்வாய் - சனி சேர்க்கை

மாதத்தின் முதல் நாளிலேயே கும்ப ராசிக்குச் செல்லும் செவ்வாய், அங்குள்ள சனியோடு மாதம் முழுவதும் இணைந்து சஞ்சரிக்கிறார். உங்கள் ராசிக்கு 5, 12 ஆகிய இடங்களுக்கு அதிபதியானவர் செவ்வாய். விரயாதிபதியான செவ்வாய், தனாதிபதியான சனியோடு இணையும் இந்த நேரத்தில் விரயங்கள் அதிகரிக்கும். மற்றவர்களை முழுமையாக நம்பி செயல்படுவதால், இழப்புகளையும், விரயங்களையும் சந்திப்பீர்கள். வீடு மாற்றம், இடமாற்றம் ஏற்பட்டு மனக்குழப்பதை அதிகரிக்க வைக்கும். சகோதர வழியில் மனக்கசப்பு தரும் சம்பவம் நடைபெறும்.

செய்யும் காரியங்களில் எல்லாம், தட்டுப்பாடுகளும், தடுமாற்றங்களும் ஏற்படாமல் இருக்க சனிக்கிழமை தோறும் சனிபகவான் வழிபாட்டையும், செவ்வாய்க்கிழமை தோறும் அங்காரக வழிபாட்டையும் மேற்கொள்வது நல்லது. உத்தியோகத்தில் உள்ளவர்களுக்கு நீண்ட தூரத்திற்கான மாறுதல்கள் கிடைக்கலாம்.

புதன் வக்ரம்

மீன ராசியில் நீச்சம் பெற்று சஞ்சரித்து வரும் புதன், பங்குனி 13-ந் தேதி வக்ரமும் அடைகிறார். இதன் விளைவாக சில நல்ல பலன்கள் உங்களுக்கு நடைபெறப் போகிறது. கேந்திராதிபத்ய தோஷம் பெற்ற கிரகம், வக்ரம் பெறுவது நன்மைதான். இல்லத்தில் மங்கல ஓசை கேட்கும் சூழ்நிலை உருவாகும். மணவிழா, மணிவிழா, முத்து விழா போன்றவை நடைபெறுவதில் இருந்த தடைகள் அகலும். பயணங்கள் கூட பலன் தருவதாக இருக்கும். புதிய தொழில் தொடங்கும் எண்ணம் அதிகரிக்கும். வெளிநாட்டில் உள்ள நண்பர்கள் மூலம் ஆதாயம் தரும் தகவல் கிடைக்கும். புதிய ஒப்பந்தங்கள் கிடைத்து பொருளாதார நிலை உயர வழிபிறக்கும்.

மீனம் - சுக்ரன்

பங்குனி 19-ந் தேதி, சுக்ரன் தன்னுடைய உச்ச வீடான மீன ராசிக்குச் செல்கிறார். அங்கு புதனோடு இணைந்து 'புத-சுக்ர யோக'த்தை உருவாக்குகிறார். உங்கள் ராசிக்கு 6, 11 ஆகிய இடங்களுக்கு அதிபதியானவர் சுக்ரன். எனவே உத்தியோகத்தில் எதிர்பார்த்த பதவி உயர்வு கிடைக்கும். வியாபாரத்தில் வி.ஐ.பிக்கள் வாடிக்கையாளர்களாக மாறுவர். வாங்கிய கடனில் ஒரு பகுதியைக் கொடுத்து மகிழ்ச்சி அடைவீர்கள். நண்பர்கள் நல்ல தகவலைத் தருவர். அலுவலகப் பணிகள் துரிதமாக நடைபெறும். குடும்பத்தில் ஒருவருக்கு மேல் சம்பாதிக்கும் சூழ்நிலையும் பொருளாதார வளர்ச்சியும் ஏற்படும்.

பொதுவாழ்வில் உள்ளவர்களுக்கு புதிய பொறுப்புகள் கிடைக்கும். மன தைரியம் அதிகரிக்கும். புதிய பாதை புலப்படும். வியாபாரம், தொழில் செய்பவர்களுக்கு கேட்ட இடத்தில் உதவிகள் கிடைக்கும். புதிய ஒப்பந்தங்கள் வந்து சேரும். உத்தியோகத்தில் உள்ளவர்களுக்கு நீண்ட தூரத்திற்கான இடமாறுதல் வரலாம். கலைஞர்களுக்கு நண்பர்கள் மூலம் நல்ல தகவல் கிடைக்கும். மாணவ - மாணவிகளுக்கு மந்த நிலை மாறும். கல்வி சிந்தனை அதிகரிக்கும். பெண்களுக்கு எடுத்த காரியங்களில் வெற்றி உண்டு. எதிர்பாராத பணவரவும் கிடைக்கும்.

பணத்தேவையைப் பூர்த்தி செய்யும் நாட்கள்:-

மார்ச்: 14, 22, 24, 27, 28, ஏப்ரல்: 4, 5, 8, 9.

மகிழ்ச்சி தரும் வண்ணம்:- மஞ்சள்.

மாசிமாத ராசிபலன்

எல்லோரிடமும் இனிமையாகப் பேசும் தனுசு ராசி நேயர்களே!

மாசி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் குரு உங்கள் ராசியையே பார்க்கிறார். நவக்கிரகங்களில் சுபகிரகமாக விளங்கும் குருவின் பார்வை பதிவதால் தொழில் வளர்ச்சி அதிகரிக்கும். பொது வாழ்வில் இருப்பவர்களுக்கு புதிய பொறுப்புகள் வரும். பிள்ளைகள் வழியில் இருந்த பிரச்சினைகள் அகலும். நல்ல சம்பவங்கள் பலவும் நடைபெறும் மாதமிது. பஞ்சம- விரயாதிபதியான செவ் வாய் உச்சம் பெற்று லாபாதிபதி சுக்ரனுடன் இணைந்திருப்பதால் வருமானம் திருப்தி தரும்.

கும்பம்-புதன்

மாதத் தொடக்கத்தில் கும்ப ராசிக்கு புதன் செல்கிறார். அவர் பாக்கியாதிபதி சூரியனோடு இணைந்து `புத ஆதித்ய யோக'த்தை உருவாக்குகிறார். எனவே கல்வி, கலைத்துறை சம்பந்தமாக எடுத்த முயற்சிகளில் வெற்றி கிடைக்கும். குடும்பத்தில் இருந்த கருத்து வேறுபாடுகள் அகலும். வருமானம் உயர புது யுக்திகளை கையாளுவீர்கள். பொது வாழ்வில் உள்ளவர்களுக்கு மேலிடத்து ஆதரவு கிடைக்கும். பழைய வாகனங்கள் பழுதாவதை முன்னிட்டு புதிய வாகனங்கள் வாங்கும் முயற்சியில் ஆர்வம் கூடும்.

மகரம்-சுக்ரன்

மாதத்தின் முதல் நாள் மகர ராசிக்கு சுக்ரன் செல்கிறார். உங்கள் ராசிக்கு 6, 11 ஆகிய இடங்களுக்கு அதிபதியான சுக்ரன், தன ஸ்தானத்தில் சஞ்சரிக்கும் இந்த நேரம் பொருளாதார நிலை உயரும். புதிய முயற்சிகளில் வெற்றி கிடைக்கும். இடம், பூமி விற்பனையில் எதிர்பார்த்ததைக் காட்டிலும் கூடுதல் லாபம் கிடைத்து மகிழ்ச்சி காண்பீர்கள். வசதி வாய்ப்புகள் அதிகரிக்கும் நேரமிது. புண்ணிய தலங்களுக்குச் சென்று தரிசிக்கும் வாய்ப்பு உண்டு. உத்தியோகத்தில் உயர் அதிகாரிகள் நீங்கள் கேட்ட சலுகைகளை வழங்குவர்.

மீனம்-புதன்

மார்ச் 2-ந் தேதி, மீன ராசிக்குச் செல்லும் புதன் அங்கு நீச்சம் பெறுகிறார். உங்கள் ராசிக்கு 7, 10 ஆகிய இடங்களுக்கு அதிபதியான புதன் நீச்சம் பெறுவது நன்மை தான். கேந்திராதிபத்ய தோஷம் பெற்ற கிரகம் நீச்சம் பெறும் பொழுது யோகம் செய்யும். எனவே கல்யாணம் போன்ற சுபகாரியங்கள் நடைபெறுவதில் இருந்த தடை அகலும். கடை திறப்பு விழா, கட்டிட திறப்பு விழாக்கள் நடைபெறும் வாய்ப்பு உண்டு. புது முயற்சிகளுக்கு நண்பர்கள் உறு துணையாக இருப்பர். தொழில் வளர்ச்சி மேலோங்கும். நெருக்கடி நிலை மாறும்.

கும்பம் சுக்ரன்

மார்ச் 8-ந் தேதி, கும்ப ராசிக்கு சுக்ரன் செல்கிறார். லாபாதிபதி சுக்ரன் சகாய ஸ்தானத்திற்கு வரும் இந்த நேரம் அற்புதமான நேரமாகும். வருமானம் உயரும். வருங்கால முன்னேற்றம் கருதி எடுத்த முயற்சிகளில் வெற்றி கிடைக்கும். தர்ம சிந்தனை அதிகரிக்கும். வெளியூர் அல்லது வெளிநாட்டு பயணங்களால் நன்மை கிடைக்கும். பெண் வழிப்பிரச்சினைகள் நல்ல முடிவுக்கு வரும். பிறர் போற்றும் அளவிற்கு வாழ்க்கைத் தரத்தை உயர்த்திக்கொள்ள முன்வருவீர்கள். உடன்பிறப்புகள் உங்கள் முன்னேற்றத்திற்கு உறுதுணையாக இருப்பர்.

பொதுவாழ்வில் இருப்பவர்களுக்கு எதிர்பார்ப்புகள் நிறைவேறும். வியாபாரம், தொழில் செய்பவர்களுக்கு பாக்கிகள் வசூலாகி பரவசப்படுத்தும். உத்தியோகத்தில் உள்ளவர்கள் உயர் அதிகாரிகளின் மனதில் இடம் பிடிப்பீர்கள். கலைஞர்களுக்கு புகழ் கூடும். மாணவ, மாணவியர் நல்ல நட்பை தேர்ந்தெடுத்துக் கொள்வது நல்லது. பெண்களுக்கு குடும்ப முன்னேற்றம் திருப்தி தரும்.

பணத்தேவையைப் பூர்த்தி செய்யும் நாட்கள்:-

பிப்ரவரி: 13, 14, 24, 25,

மார்ச்: 1, 2, 8, 9, 11, 12.

மகிழ்ச்சி தரும் வண்ணம்:- கருநீலம்.

தை மாத ராசிபலன்

புகழ் ஒன்றையே குறிக்கோளாகக் கொண்டுவாழும் தனுசு ராசி நேயர்களே!

தை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் குரு பகவான் பஞ்சம ஸ்தானத்தில் சஞ்சரித்து உங்கள் ராசியைப் பார்க்கின்றார். நவக்கிரகங்களில் சுப கிரகமான குருவின் பார்வை பலத்தால் நல்ல காரியங்கள் பலவும் இல்லத்தில் நடைபெறும். அன்பு நண்பர்களின் ஆதரவு கிடைக்கும். பொன், பொருள்கள் வாங்கும் யோகம் உண்டு. எடுத்த முயற்சிகளில் வெற்றியும், இனிய சுபகாரியங்களும் படிப் படியாக நடைபெறப் போகின்றது. நம்பிக்கைக்குரிய நண்பர்கள் மூலம் நல்ல தகவல் கிடைக்கும்.

மேஷ-குருவின் சஞ்சாரம்!

மாதத் தொடக்கத்தில் உங்கள் ராசிக்கும், 4-ம் இடத்திற்கும் அதிபதியான குரு பகவான் பூர்வ புண்ணிய ஸ்தானத்தில் சஞ்சரிக்கின்றார். அவர் பார்வையினால் தடைக்கற்கள் படிக்கற்களாக மாறும். அவர் உங்கள் ராசியைப் பார்ப்பதால் ஆரோக்கியம் சீராகி ஆனந்தப்படுத்தும். திட்டமிட்ட காரியங்கள் திட்டமிட்டபடி நடைபெறும். தொழில் வளர்ச்சி, உத்தியோக முன்னேற்றம் உண்டு. குருவின் பார்வை 9, ௧௧ ஆகிய இடங்களில் பதிவது யோகம் தான். பெற்றோர் வழியில் இருந்த பிரச்சினை அகலும். தொழிலில் லாபம் திருப்திகரமாக இருக்கும். பிள்ளைகளின் மூலம் பெருமைக்குரிய தகவல்கள் வந்து சேரும்.

தனுசு-சுக்ரன்!

ஜனவரி 19-ந் தேதி தனுசு ராசிக்கு சுக்ரன் செல்கின்றார். உங்கள் ராசிக்கு 6, 11 ஆகிய இடங்களுக்கு அதிபதி யானவர் சுக்ரன். அவர் உங்கள் ராசியிலேயே சஞ்சரிக்கும் பொழுது கவனமாக இருக்க வேண்டும். குறிப்பாக உத்தியோகத்தில் திடீர் மாற்றங்கள் ஏற்படும். வீண் பழிகளுக்கு ஆளாக நேரிடும். முன்னேற்றப் பாதையில் ஒரு சில குறுக்கீடுகள் வந்து சேரும். முகஸ்துதிபாடி பழகியவர்களை நம்பி எதையும் செய்யவேண்டாம். வெளிநாட்டு முயற்சியில் தாமதம் ஏற்படும்.

மகர-புதன்!

ஜனவரி 27-ந் தேதி மகர ராசிக்குப் புதன் செல்கின்றார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். தொழில் ஸ்தானாதிபதி புதன், தன ஸ்தானத்திற்கு வரும் இந்த நேரம் நல்ல நேரம் தான். புதிய ஒப்பந்தங்கள் வந்துசேரும். பதவி உயர்வு கிடைக்கும். வாடகைக் கட்டிடத்தில் நடைபெற்ற தொழிலை சொந்தக் கட்டிடத்திற்கு மாற்றும் அமைப்பு ஒரு சிலருக்கு உண்டு. கவுரவம், அந்தஸ்து உயரும். கொடுக்கல்-வாங்கல்களில் சரளநிலை உருவாகும். குடும்பத்தில் உள்ளவர்களின் தேவைகளைப் பூர்த்தி செய்வீர்கள்.

மகர-செவ்வாய் சஞ்சாரம்!

பிப்ரவரி 4-ந் தேதி மகர ராசிக்கு செவ்வாய் செல்கின்றார். மகரம், செவ்வாய்க்கு உச்ச வீடாகும். உங்கள் ராசிக்கு 5, 12 ஆகிய இடங்களுக்கு அதிபதியானவர் செவ்வாய். அவர் உச்சம் பெறும் பொழுது பிள்ளைகள் வழியில் சுபகாரியப் பேச்சுக்கள் முடிவாகும். படித்து முடித்த பிள்ளைகளுக்கு வேலைவாய்ப்பு அல்லது வெளிநாடு செல்லும் வாய்ப்பு உருவாக வழிபிறக்கும். `பூர்வீக சொத்துக்களை விற்று விட்டுப்புதிய சொத்துக்களை வாங்கலாமா?' என்று யோசிப்பீர்கள்.

பொதுவாழ்வில் உள்ளவர்களுக்கு சந்தர்ப்பங்கள் சாதகமாக அமையும். வியாபாரம் தொழில் செய்பவர் களுக்கு நிதி நிறுவனங்களின் ஆதரவு கிடைக்கும். உத்தியோகஸ்தர்களுக்கு பணி நிரந்தரம் பற்றிய தகவல் வரலாம். கலைஞர்களுக்குப் புதிய வாய்ப்புகள் கைகொடுக்கும். மாணவ-மாணவியர்களுக்கு கல்வி முன்னேற்றம் உண்டு. பெண்களுக்கு மகிழ்ச்சியும், மனநிறைவும் ஏற்படும் மாதமிது. ஆடை, ஆபரண சேர்க்கை உண்டு. பிள்ளைகளின் திருமணப் பேச்சு முடிவாகும்.

பணத்தேவையைப் பூர்த்தி செய்யும் நாட்கள்:-

ஜனவரி:17, 18, 28, 29, பிப்ரவரி: 1, 2, 9, 10.

மகிழ்ச்சி தரும் வண்ணம்:- நீலம்.

மார்கழி மாத ராசிபலன்

உதவும் குணத்தால் உள்ளத்தில் இடம் பிடிக்கும் தனுசு ராசி நேயர்களே!

மார்கழி மாதக் கிரக நிலைகளைஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு வக்ர நிவர்த்தியாகி உங்கள் ராசியையே பார்க்கிறார். எனவே ஆரோக்கியம் சீராகும். அன்பு நண்பர்களின் ஆதரவு கிடைக்கும். பொன், பொருள் சேர்க்கை உண்டு.

புதிய முயற்சிகளில் வெற்றி கிடைக்கும். அரசியல் மற்றும் பொது நலத்தில் இருப்பவர்களுக்கு அதிகார வர்க்கத்தினரின் ஆதரவோடு புதிய பொறுப்புகளும், பதவிகளும் கிடைக்கலாம். செல்வாக்கு அதிகரிக்கும்.

கும்ப ராசியில் சனி

மகர ராசியில் சஞ்சரித்து வந்த சனி பகவான் மார்கழி 4-ந் தேதி கும்ப ராசிக்கு செல்கின்றார். வாக்கிய கணித ரீதியாக நடைபெறும் இந்த சனிப்பெயர்ச்சி மூலம் உங்களுக்கு 7½ சனியில் இருந்து விடுதலை கிடைக்கிறது. எனவே இனி படிப்படியாக முன்னேற்றங்கள் வந்து கொண்டே இருக்கும். பாராட்டும், புகழும் கூடும். மலைப்பாக இருந்த காரியங்களைக் கூட மறுநிமிடமே செய்து முடித்து விடுவீர்கள்.

தொழில் வளம் சிறப்பாக இருக்கும். புதிய ஒப்பந்தங்கள் வந்து சேரும். உத்தியோகத்தில் பணி நீக்கம் செய்யப்பட்டவர்கள் மீண்டும் பணியில் சேரும் வாய்ப்பு கிட்டும். கடந்த 7½ ஆண்டுகளாக பட்ட துன்பங்களுக்கு இப்பொழுது விடிவு காலம் கிடைக்கும். சனிக்குரிய சிறப்பு தலங்களுக்கு யோக பலம் பெற்ற நாளில் சென்று வந்தால் மேலும் யோகங்கள் வந்து சேரும்.

விருச்சிக-சுக்ரன்

மார்கழி 9-ந் தேதி விருச்சிக ராசிக்கு சுக்ரன் ெசல்கிறார். உங்கள் ராசிக்கு 6, 11-க்கு அதிபதியானவர் சுக்ரன். அவர் விரய ஸ்தானத்தில் சஞ்சரிக்கும் பொழுது எதிர்பாராத நல்ல திருப்பங்கள் ஏற்படும். உத்தியோகத்தில் கேட்ட இடத்திற்கு மாறுதல்கள் கிடைக்கும்.

வெளிநாட்டிலுள்ள நல்ல நிறுவனங்களில் இருந்து அழைப்புகள் வரலாம். கட்டிடம் கட்டி குடியேறும் யோகம் சிலருக்கு உண்டு. விலை உயர்ந்த பொருட்களை வாங்குவதில் ஆர்வம் காட்டுவீர்கள். பொது வாழ்வில் உள்ளவர்களுக்கு எதிர்பார்த்த நற்பலன்கள் கிடைக்கும்.

தனுசு-செவ்வாய்

தனுசு ராசிக்கு மார்கழி 11-ந் தேதி செவ்வாய் பெயர்ச்சியாகி செல்கின்றார். உங்கள் ராசிக்கு 5, 12 ஆகிய இடங்களுக்கு அதிபதியான செவ்வாய் உங்கள் ராசிக்கே வருவது யோகம் தான். பிள்ளைகள் வழியில் சுபகாரிய பேச்சுக்கள் முடிவாகும் மங்கல ஒசை மனையில் கேட்கவில்லையே என்ற கவலை அகலும். தங்கு தடைகள் தானாக விலகும்.

பங்குச் சந்தையில் ஈடுபட்டு இருப்பவர்களுக்கு பலன் கிடைக்கும். பால்ய நண்பர்களின் ஒத்துழைப்பால் சில முக்கிய பிரச்சினைகளை தீர்த்துக் கொள்வீர்கள். உத்தியோகத்தில் சகப் பணியாளர்களின் ஆதரவும் உண்டு.

தனுசு-புதன்

மார்கழி 23-ந் தேதி தனுசு ராசிக்கு புதன் வருகிறார். உங்கள் ராசிக்கு 7, 10 ஆகிய இடங்களுக்கு அதிபதியானவர் புதன். அவர் உங்கள் ராசியிலேயே சஞ்சரிக்கப் போவது யோகம் தான். வாழ்க்கைத்துணைக்கு வேலை கிடைக்கும். பொது வாழ்வில் உள்ளவர்களுக்கு நல்ல மாற்றங்கள் வந்து சேரும். வியாபாரம், தொழில் செய்பவர்கள் வளர்ச்சி காண்பார்கள். உத்தியோகத்தில் உள்ளவர்களுக்கு உயர்அதிகாரிகளின் ஆதரவு கிடைக்கும். கலைஞர்களுக்கு கவுரவம், அந்தஸ்த்து உயரும்.

மாணவ- மாணவிகளுக்கு தக்கவிதத்தில் ஆசிரியர்களின் ஆலோசனை கைகொடுக்கும். பெண்களுக்கு குடும்பத்தில் உள்ள குழப்பங்கள் அகலும், சுப செலவுகள் உண்டு.

பணத்தேவையை பூர்த்திசெய்யும் நாட்கள்:-

டிசம்பர்: 17,18,20,21,31

ஜனவரி: 1,2,6,7.

மகிழ்ச்சிதரும் வண்ணம்:- பொன்னிற மஞ்சள்.