விருச்சகம் - வார பலன்கள்

12.01.2025 முதல் 18.01.2025 வரை

வாழ்க்கைத் தரம் உயரும் காலம். நீச்ச பங்க ராஜ யோகம் பெற்ற ராசி அதிபதி செவ்வாய் தொழில் ஸ்தான அதிபதி சூரியனின் பார்வையில் சஞ்சரிக்கிறார். தொழில் வளர்ச்சி சிறப்பாக இருக்கும். அன்றாடம் கூலி வேலை செய்து சம்பாதித்தவர்கள் சொந்த தொழில் செய்து பெரும் வருமானம் ஈட்டும் நேரம் வந்து விட்டது. வறுமைக் கோட்டிற்கு கீழ் இருப்பவர்களின் வாழ்க்கை தரம் உயரும். தன வரவு சிறக்கும். பணம் கொடுக்கல் வாங்கல் சீராக இருக்கும்.

குடும்பம் மகிழ்ச்சியாக இருக்கும். தேவைகள் அனைத்தும் நிறைவேறும். வீடு கட்டுதல், விரிவாக்கம் செய்தல், வாஸ்துப்படி வீட்டை திருத்தி அமைத்தல் போன்ற பணிகளை மேற்கொள்ள வாய்ப்புகள் உள்ளது. வீட்டில் விலை உயர்ந்த அழகு, ஆடம்பர பொருட்களின் சேர்க்கை அதிகரிக்கும். ஒரு சிலர் பூர்வீகச் சொத்தை விற்று புதிய சொத்து வாங்கு வார்கள்.

14.1.2025 அன்று காலை 4.19 மணி வரை சந்திராஷ்டமம் இருப்பதால் கவனக்குறைவான செயல்களால் மறைமுக எதிரிகள் உருவாகலாம். நம்பியவர்கள், நெருக்கமானவர்கள் முதுகில் குத்தும் நேரம் என்பதால் உறவினர்களிடம் விழிப்புடன் பழகுவது நல்லது. பவுர்ணமியன்று சித்தர்களை ஜீவ சமாதியில் வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 5.1.2025 முதல் 11.1.2025 வரை

5.1.2025 முதல் 11.1.2025 வரை

தடைகள் விலகும் வாரம்.தனம், வாக்கு, குடும்ப ஸ்தானத்தில் சூரியன் புதன் சேர்க்கை. சுக ஸ்தானத்தில் சனி, சுக்ரன் சேர்க்கை என கிரக நிலவரம் சுபமாக உள்ளது.தொழில் முயற்சிகள் நிறைவேறும். கூட்டுத் தொழிலில் பலன் உண்டு. உத்தியோகத்தில் நிலவிய சங்கடங்கள் விலகும்.வேலை இல்லாதவர்களுக்கு திறமைக்கேற்ற வேலை கிடைக்கும்.வருமானத் தடை அகன்று நிலையான முன்னேற்றம் உண்டாகும்.வருமானத்தில் ஏற்பட்ட தடைகள் விலகி வாழ்க்கைக்கு, ஜீவனத்திற்கு தேவையான, வருவாய் கிடைக்கத் துவங்கும். கடன்களை அடைத்து நிம்மதி அடைவீர்கள்.

கடந்த காலத்தில் நடந்த கருத்து வேறுபாடு மற்றும் மனக் கவலைகள் மறைந்து தம்பதிகள் மகிழ்ச்சியாக இல்லறம் நடத்துவார்கள். ஆரோக்கியத்தில் நல்ல முன்னேற்றம் உண்டாகும். வாடகை வீட்டில் வசித்தவர்கள் சொந்த வீட்டில் குடியேறுவார்கள். சிலர் பழைய சொத்துக்களை விற்று புதிய சொத்து வாங்குவார்கள். மறுமணம் கைகூடும். பெண்களுக்கு தாய்வழி ஆதரவும், சீதனமும் கிடைக்கும்.சனிக்கிழமை முன்னோர்களை வழிபட அனைத்தும் நற்பலன்க ளும் அதிகரிக்கும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 29.12.2024 முதல் 4.1.2025 வரை

29.12.2024 முதல் 4.1.2025 வரை

கடமையில் கண்ணும் கருத்துமாக இருக்க வேண்டிய வாரம்.ராசியில் உள்ள அஷ்டமாதிபதி புதன் வார இறுதியில் தன ஸ்தானம் செல்கிறார். புத ஆதித்ய யோகத்தால் மாணவர்களுக்கு கல்வி ஆர்வம் அதிகரிக்கும். பள்ளி கல்லூரிகள் மூலம் படிப்பு சம்பந்தமான சுற்றுலா சென்று வரும் வாய்ப்பு உள்ளது. சிலருக்கு அரசு வேலை கிடைக்கும். சிலருக்கு அதிக சம்பளத்தில் வெளிநாட்டு வேலை கிடைக்கும். கணவன், மனைவிக்கிடையே நிலவிய பனிப் போர் விலகும். குடும்பத்தில் மகிழ்ச்சி நிலவும். பிள்ளைகள் உங்கள் அறிவுரையை ஏற்று நடப்பார்கள்.

நான்காமிடமான சுக ஸ்தானத்தில் சனி, சுக்ரன் இணைந்து நிற்பதால் வீட்டில் மகிழ்ச்சி தரும் சுப நிகழ்விற்கான பேச்சு வார்த்தை நடக்கும். வீடு, வாகனம் தொடர்பான முயற்சியில் ஈடுபட உகந்த நேரம். உண்ண, உறங்க நேரம் இல்லாமல் உழைக்க நேரும். அலைச்சல் மிகுதியாகும். அர்தாஷ்டமச் சனியால் பட்ட கஷ்டங்கள் குறையத் துவங்கும். பெண்களுக்கு தந்தை வழி உறவினர்களால் அனுகூலம் உண்டாகும்.ஆரோக்கியத்தில் அதிக கவனம் செலுத்த வேண்டும். ஆஞ்சநேயருக்கு அமாவாசையன்று துளசி சாற்றி வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 22.12.2024 முதல் 28.12.2024 வரை

22.12.2024 முதல் 28.12.2024 வரை

முன்னேற்றமான வாரம். ராசி அதிபதி செவ்வாய்க்கு சுக்ரன் பார்வை. ராசியில் உள்ள அஷ்டம அதிபதி புதனுக்கு குருப்பார்வை. அபரிமிதமான வாழ்வியல் முன்னேற்றம், விபரீத ராஜ யோகம் உண்டாகப் போகிறது. உங்களுக்குள் தெரியாமல் முடங்கி கிடந்த அனைத்து திறமைகளும் வெளிப்படும். முன்னேற்றத்திற்கான உதவிகள் கிடைக்கும். வேலை மாற்ற சிந்தனையை ஒத்தி வைக்கவும். லாட்டரி, பங்குச் சந்தை லாபம், அதிர்ஷ்ட பணம், சொத்துக்கள் என எதிர்பாராத ராஜ யோகங்கள் ஏற்படலாம். அடமானச் சொத்துக்கள், நகைகளை மீட்க வாய்ப்பு உள்ளது. தாய் வழி உறவுகள் மூலம் வரன் பற்றிய தகவல் கிடைத்து திருமணம் நடைபெறும்.

கணவன்-மனைவி இடையே சின்னச்சின்ன ஊடல்கள் வந்து போகும். அர்த்தாஷ்டம சனியால் எதிலும் பிடிப்பு இல்லாமல் இருந்த உங்களுக்கு சேமிப்பில் நாட்டம் அதிகரிக்கும். முரட்டு தைரியத்தை கைவிட்டு விவேகத்துடன் செயல்பட்டால் முத்தாய்ப்பான முன்னேற்றம் உண்டாகும். பெண்களுக்கு உறவினர்களிடையே மதிப்பு மரியாதை அதிகரிக்கும். முன்னோர்களை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 15.12.2024 முதல் 21.12.2024 வரை

15.12.2024 முதல் 21.12.2024 வரை

அதிர்ஷ்டமான வாரம். ராசி அதிபதி செவ்வாய் பாக்கிய ஸ்தானத்தில் நீச்ச பங்க ராஜ யோக நிலையில் சஞ்சரிக்கிறார்.ராசியில் 8,11ம் அதிபதி புதன்.கசந்த காலங்கள் இனி வசந்த காலமாக மாறப்போகிறது. அதிர்ஷ்டம் அரவணைக்கும். அனைத்து நெருக்கடிகளையும் எளிதில் சமாளிப்பீர்கள். தடைகளைத் தாண்டி வெற்றி பெறுவீர்கள். விபரீத ராஜ யோகம் கை கூடி வரப்போகிறது. அதிர்ஷ்ட பணம், பொருள் கிடைக்க வாய்ப்பு உள்ளது. கையில் பணம் தாராளமாக புழங்கும்.

வேலையில் இருந்த சிரமங்கள் குறையும். எதிர்பார்த்ததை விட தொழிலில் நல்ல லாபம் கிடைக்கும். பிள்ளைகளால் பெற்றோருக்குப் பெருமை உண்டாகும். குடும்பத்துடன் வெளியிடங்க ளுக்குச் சென்று வருவீர்கள்.15.12.2024 அன்று மாலை 3.04 மணி முதல் 17.12. 2024 மாலை 6.47 மணி வரை சந்திராஷ்டமம் இருப்பதால் உடன் பணிபுரி பவர்களை அனுசரித்துச் செல்லவும். குடும்பத்தினரின் செய்கையால் மனக் குழப்பம் அடைவீர்கள். நீங்கள் நல்லது சொன்னாலும் மற்றவர்கள் தவறாகப் புரிந்து கொள்வார்கள்.சனிக்கிழமை ஆதரவற்றவர்களுக்கு உணவு தானம் வழங்க மகிழ்ச்சி இரட்டிப்பாகும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 8.12.2024 முதல் 14.12.2024 வரை

8.12.2024 முதல் 14.12.2024 வரை

பாக்கிய பலன்கள் மேன்மை பெறும் வாரம். பாக்கிய ஸ்தானத்தில் நீச்ச பங்க ராஜ யோகம் பெற்ற ராசி அதிபதி செவ்வாய். ராசியில் சூரியன், புதன் சேர்க்கை குரு பார்வையில் சஞ்சாரம் என முக்கிய கிரகங்கள் மிகச் சாதகமாக உள்ளது. பாக்கிய பலன்களும் அதிர்ஷ்டமும் கூடும். திட்டமிட்ட காரியங்களை இனி மெல்ல மெல்ல நிறைவேற்றுவீர்கள். திருமணம், வீடு வாகன யோகம், புத்திர பிராப்தம், பிள்ளைகளின் சுப விசேஷங்கள், பேரன் பேத்தி யோகம், நல்ல வேலை, தொழில் என சுப பலன்கள் நடக்கும்.

சிலருக்கு வீடு மாற்றம், வேலை மாற்றம் அல்லது ஊர் மாற்றம் ஏற்படலாம். இளைய சகோதரரால் தொழில் விரயம், முடக்கம் வில்லங்கம் ஏற்படலாம். சிலருக்கு தாய்வழிச் சொத்தில் தாய்மாமாவுடன் எல்லைத் தகறாறு உண்டாகும். மத்தியஸ்தர்கள் முன்னிலையில் பேச்சு வார்த்தை நடக்கும். ராசிக்கு குருப் பார்வை இருப்பதால் கவுரவம் பங்கப்படாமல் எளிதாக சமாளித்து விடுவீர்கள். புதிதாக வாங்கிய சொத்தின் பத்திரப் பதிவு நடக்கும். எந்த விஷயத்தையும் கணவன், மனைவி திட்டமிட்டு செய்வது நன்மையை மேலும் அதிகரிக்கும். மரிக்கொழுந்து சாற்றி சிவனை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 1.12.2024 முதல் 7.12.2024 வரை

1.12.2024 முதல் 7.12.2024 வரை

மேன்மையான பலன்கள் உண்டாகும் வாரம். ராசியில் உள்ள சூரியனை குரு பார்க்கிறார். உங்களை சாதாரணமாக நினைத்தவர்கள் கூட உங்களது திறமைகளை உணர்வார்கள். தொழிலில் சீரான முன்னேற்றம் இருக்கும். ஊர் மாற்றம், நாடு மாற்றம் வரலாம். விரும்பிய பதவி உயர்வு தேடி வந்தாலும் பணிச் சுமை உங்களை வாட்டும். அரசு ஊழியர்களுக்கு ஊதிய உயர்வு, புதிய சலுகைகள் கிடைக்கும் வாய்ப்பு உள்ளது. திருமணம் நடந்தேறும். குழந்தை பாக்கியத்திற்கு ஏங்கியவர்களுக்கு குழந்தை பாக்கியம் உண்டாகும்.

வீடு, வாகன, சொத்து யோகம் உணடாகும். தாயின் உடல் நிலையில் நல்ல மாற்றம் உண்டாகும். ஐந்தில் உள்ள ராகு தொழில், உத்தியோகத்தில் குறுக்கு சிந்தனையை புகுத்துவார். பிள்ளைகளின் மனதை புரிந்து கொள்ளவது சற்று கடினமாக இருக்கும். விரும்பிய உயர் கல்வி வாய்ப்பு சிறு தடைக்குப் பிறகு சாதகமாகும். பங்குச் சந்தை முதலீடுகளால் உபரி வருமானம் உண்டாகும்.உடன் பிறந்த சகோதர, சகோதரிகளின் சுப செலவிற்காக ஒரு தொகையை செலவு செய்ய நேரும். ஆஞ்சநேயர் வழிபாடு முன்னேற்றத்தை அதிகரிக்கும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 24.11.2024 முதல் 30.11.2024 வரை

24.11.2024 முதல் 30.11.2024 வரை

முன்னேற்றமான வாரம். ராசியில் புத, ஆதித்ய யோகம் குருவின் பார்வையில் உள்ளது.தந்தையால் ஏற்பட்ட மன சஞ்சலம் விலகும். நல்ல நண்பர்களின் உதவி கிடைக்கும். பெரிய அளவில் சொத்து வாங்குவதற்காக பேச்சுவார்த்தை நடத்துவீர்கள். பழைய முதலீடுகள் இரட்டிப்பு லாபத்தை தரும். பணம் வரும் போது சேமித்து தேவையற்ற செலவுகளை கட்டுப்படுத்த வேண்டும். விவசாய நிலம் தொடர்பான வழக்குகளில் சாகமான தீர்ப்பு கிடைக்கும். நவீனகரமான பொருட்களை வாங்கும் வாய்ப்பு அமையும். சட்ட ரீதியான நெருக்கடிகள் நீங்கும். கடனாக கொடுத்திருந்த பணம் திரும்ப கிடைக்கும்.

சிலருக்கு அத்தை அல்லது சித்தியின் மூலம் அதிர்ஷ்ட சொத்து அல்லது பணம் கிடைக்கும். அரசு, தனியார் துறையில் நல்ல வேலை கிடைக்கும். திருமண வாய்ப்பு தேடி வரும். தொழில் நிமித்தமாக பிரிந்த வாழ்க்கைத் துணை இல்லம் திரும்புவார். வீட்டுக்கடன் குறைந்த வட்டியில் கிடைக்கும். ஆரோக்கிய குறைபாடுகள் சீராகும். சிலருக்கு வீண் அலைச்சல், டென்ஷன் ஏற்படும் குடும்ப உறவுகளிடம் மன சஞ்சலத்தை அதிகப்படுத்தும் பேச்சுக்களைத் தவிர்க்க வேண்டும். ஸ்ரீ வாராகியம்மனை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 17.11.2024 முதல் 23.11.2024 வரை

17.11.2024 முதல் 23.11.2024 வரை

எண்ணிய எண்ணங்கள் நிறைவேறும் வாரம்.ராசியில் சூரியன் புதன் சேர்க்கை குரு, சனியின் பார்வையில் ஏற்பட்டுள்ளது. திட்டமிட்ட காரியங்கள் சிறப்பாக நடைபெறும். தொழில் சார்ந்த முக்கிய முடிவுகளை எடுப்பீர்கள். தொழிலில் ஏற்ற இறக்கங்கள் இருந்தாலும் பாதிப்பு இருக்காது. வயோதிகர்களுக்கு அரசின் உதவித் தொகை கிடைக்கும். வாடகைக்கு போகாமல் இருந்த அசையாச் சொத்துக்களுக்கு புதிய வாடகைதாரர் கிடைப்பார்கள். உத்தியோகத்தில் நினைத்த இடமாற்றம் கிடைப்பது உறுதி. அடிக்கடி பிராயணம் செய்ய வேண்டிய சூழல் நிலவும்.

வருமானம் நிறைவாக இருக்கும். 18.11.2024 அன்று அதிகாலை 4.31 முதல் 20.11.2024 அன்று காலை 8.46 மணி வரை சந்திராஷ்டமம் இருப்பதால் பழைய கஷ்டங்களை திரும்பி திரும்பி நினைவு கூறும் போது மன வருத்தம் மட்டும்தான் மிஞ்சும் புதிதாக என்ன செய்யலாம், புதிதாக என்ன தொழில் செய்யலாம், புது வேலையை பார்ப்பது போன்ற விஷயங்களில் மனதை ஈடுபடுத்துங்கள். நிச்சயம் உங்களுக்கான நல்லது நடக்கும். கிரகங்கள் சாதகமாக இருப்பதால் தேய்பிறை அஷ்டமியில் காவல் தெய்வங்களை வழிபட வேண்டும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிப்பலன் 10.11.2024 முதல் 16.11.2024 வரை

வளமான பலன்களைப் பெறும் வாரம். ராசியில் அஷ்டமாதிபதி புதன் குரு பார்வையில் சஞ்சாரம் செய்வதால் 3,4-ம் அதிபதி சனி வக்ர நிவர்த்தி பெற்று பூர்வ புண்ணிய ஸ்தானத்தை நெருங்குகிறார். நல்ல வாழ்வியல் மாற்றம் உண்டாகும். கடந்த சில வருடங்களாக அர்த்தாஷ்டம சனியால் பட்ட இன்னல்கள் முடிவுக்கு வரப்போகிறது. விபத்தில் மருத்துவனையில் நீண்ட நாட்களாக சிகிச்சை பெற்றவர்கள் பூரண குணமடைந்து வீடு திரும்புவார்கள். விரைவில் பணிக்கு செல்ல முடியும்.

விபத்துக் காப்பீட்டு தொகை கிடைக்கும். தொழிலில் நல்ல மாற்றங்கள் ஏற்படும். தடைபட்ட பணிகள் துரிதமாகும். பூர்வீகச் சொத்து தொடர்பான சர்ச்சைகள் ஒரிரு வாரங்களில் முடிவுக்கு வந்து விடும். எதிர்பாராத தனச் சேர்க்கையால் கடந்த கால இழப்புகள் இருந்த இடம் தெரியாது. தடைபட்ட பணி மாற்றம், ஊதிய உயர்வு, இடமாற்றம் உங்களை மகிழ்விக்கும். குடும்பத்துடன் பூர்வீகம் சென்று வரும் வாய்ப்பு உண்டாகும். திருமண முயற்சி நிறைவேறும். குழந்தை பாக்கியம் உண்டாகும். பிள்ளைகளுக்கு கல்வியில் நாட்டம் உண்டாகும். உடல்நிலை தேறும்.பவுர்ணமியன்று அன்னதானம் வழங்கவும்.

`பிரசன்ன ஜோதிடர்' ஐ.ஆனந்தி, செல்: 98652 20406

வார ராசிபலன் 3.11.2024 முதல் 9.11.2024 வரை

3.11.2024 முதல் 9.11.2024 வரை

தொட்டது துலங்கும் வாரம் .ராசி அதிபதி செவ்வாய் பாக்கிய ஸ்தானத்தில் சஞ்சாரம் .மனதில் தெம்பு, தைரியம் ஏற்படும். திடீர் அதிர்ஷ்டம் உங்களை வழிநடத்தும். பேச்சை மூலதனமாக கொண்டவர்கள், மார்க்கெட்டிங் துறையில் இருப்பவர்களுக்கு வருமானம் அதிகரிக்கும். வேலையின்மை மற்றும் தொழில் தோல்வியையும் சந்தித்து வந்த உங்கள் நிலை மாறும். குழந்தைகள் நலனில் அதிக கவனம் செலுத்த வேண்டும்.திருமணத்தடை அகலும். இரண்டாவது குழந்தை பிறக்கும்.

பெண்களுக்கு ஆடை ஆபரணச் சேர்க்கை, பிறந்த வீட்டு சீர் என மகிழ்ச்சியான விசயங்கள் நடந்து மகிழ்விக்கும். அயல்நாடு செல்ல விசா கிடைக்கும். வெளிநாட்டு குடியுரிமை கிடைக்கும். வாழ்வில் மறக்க முடியாத இனிய சம்பவங்கள் நடக்கும். அசையும், அசையாச் சொத்து தொடர்பான முயற்சிகள் கைகூடும். அதற்கு தேவையான கடன் தொகை கிடைக்கும். ஆரோக்கிய குறைபாடு அகலும். பெற்றோர்கள் மற்றும் பெரியவர்களின் கருத்துக்களை மதித்து நடப்பீர்கள். பிள்ளைகளால் மகிழ்ச்சியும் பெருமையும் உண்டாகும்.வீர பத்திரரை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 27.10.2024 முதல் 3.11.2024 வரை

27.10.2024 முதல் 3.11.2024 வரை

விபரீத ராஜ யோகமான வாரம். ராசியில் 8. 11-ம் அதிபதி புதன் மற்றும் 7, 12-ம் அதிபதி சுக்ரன் குரு பார்வையில் சஞ்சாரம் செய்கிறார். திடீர் அதிர்ஷ்டம் உங்களை வழிநடத்தப் போகிறது.பங்குச் சந்தை மற்றும் யூக வணிகம் உங்களுக்கு அதிர்ஷ்ட லட்சுமியை கண்ணில் காட்டும். ஒரு சிலர் தங்கம் ,வெள்ளியில் அதிக முதலீடு செய்து சம்பாதிப்பார்கள் .பொருளாதார பற்றாக்குறை அகலும். வரவு செலவு சீராக இருக்கும்.சிறிய உழைப்பில், குறைந்த முயற்சியில் விட்டதை பிடிக்கப் போகிறீர்கள். கைவிட்டுப் போன ஒப்பந்தங்கள் மீண்டும் வரும். தகுதிக்கேற்ப பதவி உயர்வும், புதிய வாய்ப்புகள், பொறுப்புகள் வழங்கப்படலாம்.

வழக்குகள் சாதகமாகும்.தம்பதிகளிடையே இணக்கமான சூழல் நிலவும். குழந்தைப்பேறு, திருமணம், வீடு, வாகனம் போன்ற பாக்கிய பலன்கள் கைகூடும்.தீபாவளிக்கு பிறகு சிலருக்கு இழந்த வேலை மீண்டும் கிடைக்கும். தெய்வ பிரார்த்தனைகள் நிறைவேறும்.உங்கள் குல அல்லது இஷ்ட தெய்வத்தை மனம் தளராது வழிபட அனைத்தும் சுபமாகவே இருக்கும்.நீண்ட தூர பயணத்தின் போது கவனமாக இருக்க வேண்டும். நோய் வைத்தியத்திற்கு கட்டுப்படும். கந்தர் அநுபூதி கேட்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406