ரிஷபம் - தமிழ் மாத ஜோதிடம்

2024 மார்கழி மாத ராசிபலன்

முடியாத காரியத்தைக் கூட முடித்துக் காட்டும் ரிஷப ராசி நேயர்களே!

மார்கழி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சுக்ரன் பாக்கிய ஸ்தானத்தில் சஞ்சரிக்கிறார். உங்கள் ராசியில் சஞ்சரிக்கும் குரு பகவான் வக்ரம் பெற்றிருக்கிறார். உங்கள் ராசிநாதனுக்கு பகைக்கிரகமான குரு பகவான் வக்ரம் பெற்று இருப்பதால், நல்ல பலன்களை அள்ளி வழங்குவார். வருமானம் உயரும். வளர்ச்சிக்கு நண்பர்கள் உதவிசெய்வர். பணிபுரியும் இடத்தில் பாராட்டும், புகழும் அதிகரிக்கும். சென்ற மாதத்தில் செயல்பட்டு பாதியில் நின்ற பணிகள், இப்பொழுது முடிவடைந்து ஆதாயம் கிடைக்கும்.

செவ்வாய் - சுக்ரன் பார்வை

மாதத் தொடக்கத்தில் கடகத்தில் உள்ள செவ்வாய், இந்த மாதம் முழுவதும் மகரத்தில் சஞ்சரிக்கும் சுக்ரனைப் பார்க்கிறார். கும்ப ராசிக்கு சுக்ரன் சென்ற பிறகும் கூட, சப்தம- விரயாதிபதியான செவ்வாய் தொடர்ந்து பார்க்கிறார். எனவே இந்த மாதம் முழுவதும் செவ்வாய் - சுக்ரன் பார்வை இருக்கிறது. இதன் விளைவாக என்றைக்கோ குறைந்த விலைக்கு வாங்கிப் போட்ட இடம், இப்பொழுது அதிக விலைக்கு விற்று ஆதாயம் கிடைக்கும்.

இடம் வாங்கும் யோகம், வீடு கட்டும் யோகம் உண்டு. அரசியல் களத்தில் உள்ளவர்களுக்கு புதிய பொறுப்புகள் வரலாம். பெற்றோரின் உடல்நிலை சீராக வழிபிறக்கும். எதிரிகளின் தொல்லை குறையும். தைரியமாக செயல்பட்டு நினைத்ததை சாதிக்கும் வலிமை ஏற்படும் நேரம் இது.

குரு வக்ரம்

உங்கள் ராசிக்கு அஷ்டம லாபாதிபதியானவர் குரு. அவர் வக்ரம் பெறுவதால் சில நல்ல காரியங்கள் நடைபெறலாம். குறிப்பாக வரவேண்டிய பாக்கிகள் வசூலாகும். இடமாற்றம், உத்தியோக மாற்றம் எதிர்பார்த்தபடி அமையும். வாழ்க்கைத் தரம் உயர வழிவகை செய்துகொள்வீர்கள். வெளிநாட்டில் இருந்து தாய்நாடு திரும்ப முடியாமல் இருப்பவர்களுக்கு, இப்பொழுது நல்ல தகவல் கிடைக்கும். பிள்ளைகளின் கல்வி சம்பந்தமாகவோ, உத்தியோகம் சம்பந்தமாகவோ முயற்சி செய்திருந்தால் அதில் வெற்றி வந்துசேரும்.

கும்ப-சுக்ரன்

மார்கழி 15-ந் தேதி, கும்ப ராசிக்கு சுக்ரன் செல்கிறார். உங்கள் ராசிக்கும், 6-ம் இடத்திற்கும் அதிபதியானவர் சுக்ரன். உங்கள் ராசிநாதன் தொழில் ஸ்தானத்தில் பலம் பெற்று சஞ்சரிப்பதால், வியாபாரத்தில் கணிசமான லாபம் கைக்கு கிடைக்கும். பொருளாதாரத்தில் இருந்த ஏற்ற இறக்க நிலை மாறும். உத்தியோகத்தில் உங்கள் அறிவாற்றலை வெளிப்படுத்த நல்ல சந்தர்ப்பங்கள் கைகூடி வரும். புதிய ஒப்பந்தங்களில் கையெழுத்திடும் வாய்ப்பு உண்டு.

தனுசு-புதன்

மார்கழி 17-ந் தேதி, தனுசு ராசிக்கு புதன் செல்கிறார். உங்கள் ராசிக்கு 2, 5 ஆகிய இடங்களுக்கு அதிபதியானவர் புதன். அவர் சூரியனோடு இணைந்து புத - ஆதித்ய யோகத்தை உருவாக்குகிறார். இது ஒரு நல்லநேரம்தான். தொட்டது துலங்கும். தொழில் வெற்றிநடை போடும். சேமிப்பு உயரும். உத்தியோகத்தில் உங்கள் கை ஓங்கும். வியாபார நுணுக்கங்களை கற்றுக் கொண்டு, புதிய தொழில் தொடங்கும் திட்டம் நிறைவேறும். மொத்தத்தில் மறைந்த புதனால் நிறைந்த தனலாபம் கிடைக்கும் நேரமிது.

பொதுவாழ்வில் உள்ளவர்களுக்கு புதிய முயற்சிகளில் வெற்றி கிடைக்கும். வியாபாரம் மற்றும் தொழில் செய்பவர் களுக்கு எதிர்பார்த்த லாபம் உண்டு. கலைஞர்களுக்கு நல்ல சந்தர்ப்பங்கள் வந்துசேரும். மாணவ- மாணவிகளுக்கு படிப்பில் அக்கறை அதிகரிக்கும். பெண்களுக்கு கல்யாணக் கனவு நனவாகும்.

பணத்தேவையைப் பூர்த்தி செய்யும் நாட்கள்:-

டிசம்பர்: 20, 21, 22, ஜனவரி: 1, 2, 3, 6, 7, 13.

மகிழ்ச்சி தரும் வண்ணம்:- மஞ்சள்.

2024 கார்த்திகை மாத ராசிபலன்

உழைப்பே உயர்வுக்கு வழி என்று சொல்லும் ரிஷப ராசி நேயர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் ராசிநாதன் சுக்ரன் அஷ்டமத்தில் மறைந்திருக்கிறார். 6-க்கு அதிபதி மறைவதால் 'விபரீத ராஜயோக' அடிப்படையில் திடீர் திடீரென நல்ல மாற்றங்கள் உருவாகும்.

திட்டமிட்ட காரியங்களை செயல்படுத்த, யாருடைய உதவியேனும் உங்களுக்கு கிடைத்துக் கொண்டேயிருக்கும். லட்சியப் பாதையை நோக்கி அடியெடுத்து வைப்பீர்கள். நீண்ட நாட்களாக எதிர்பார்த்த உத்தியோக முன்னேற்றம், தொழில் வளர்ச்சி போன்றவை இப்பொழுது படிப்படியாக நடை பெறத் தொடங்கும்.

குரு வக்ரம்

ரிஷப ராசியில் சஞ்சரிக்கும் குரு பகவான், இந்த மாதம் முழுவதும் வக்ரம் அடைகிறார். உங்கள் ராசிக்கு அஷ்டம - லாபாதிபதியாக விளங்குபவர், குரு. அஷ்டமாதிபதி வக்ரம் பெறுவது நன்மைதான். தாமதித்த காரியங்கள் தடையின்றி நடைபெறும். கரைந்த சேமிப்புகளை ஈடு கட்டுவீர்கள். பெண்வழிப் பிரச்சினைகள் நல்ல முடிவிற்கு வரும். நீங்கள் எடுத்த முயற்சியின் காரணமாக, பிறர் போற்றும் அளவிற்கு உங்கள் வாழ்க்கைத் தரம் உயரும்.

தொழிலில் இருந்த குறுக்கீடுகள் அகல, அதிகார வர்க்கத்தினரின் ஆதரவை நாடுவீர்கள். வெளிநாட்டு முயற்சியில் தடை உருவாகலாம். உத்தியோகத்தில் உள்ளவர்கள், உங்கள் சகப் பணியாளர்களிடம் உங்கள் முன்னேற்றத்தைப் பகிர்ந்து கொள்ள வேண்டாம்.

சனி - செவ்வாய் பார்வை

கடகத்தில் சஞ்சரிக்கும் செவ்வாய், இந்த மாதம் முழுவதும் கும்பத்தில் இருக்கும் சனியைப் பார்க்கிறார். உங்கள் ராசிக்கு 7, 12 ஆகிய இடங்களுக்கு அதிபதியானவர் செவ்வாய். எனவே இவரது பார்வை பலனால் வாழ்க்கைத் துணை வழியே சில பிரச்சினைகள் ஏற்பட்டு அகலும். 'உறவினர்கள் சிலர் வளர்ச்சிக்கு இடையூறாக இருக்கிறார்களே' என்று கவலைப்படுவீர்கள்.

உடன்பிறப்புகளின் அனுசரிப்பு குறையலாம். ஊர் மாற்றம், வீடு மாற்றம் பற்றி சிந்திப்பீர்கள். உயர் அதிகாரிகளுடன் சுமுகமாக நடந்துகொள்ளுங்கள். வாகன வழியில் சில பிரச்சினைகள் வரலாம். பணப் பற்றாக்குறையால் கவலைப்படுவீர்கள்.

மகர - சுக்ரன்

கார்த்திகை 18-ந் தேதி, மகர ராசிக்கு சுக்ரன் செல்கிறார். உங்கள் ராசிக்கு 6-ம் இடத்திற்கு அதிபதியானவர் சுக்ரன். அவர் 9-ம் இடத்திற்கு செல்லும்போது நல்ல வாய்ப்புகள் இல்லம் தேடி வரும். அரசு வழியில் செய்த முயற்சி கைகூடும். அதிகார வர்க்கத்தினரின் ஆதரவு உண்டு. உடல் நலம் சீராகி உற்சாகத்தோடு இயங்குவீர்கள். பழைய ஆபரணங்களைக் கொடுத்துவிட்டு, புதிய ஆபரணங்கள் வாங்கும் ஆர்வம் அதிகரிக்கும்.

செவ்வாய் வக்ரம்

கடக ராசியில் சஞ்சரிக்கும் செவ்வாய், கார்த்திகை 18-ந் தேதி வக்ரம் பெறுகிறார். உங்கள் ராசிக்கு 7, 12 ஆகிய இடத்திற்கு அதிபதியான செவ்வாய் வக்ரம் பெறுவதால், இடமாற்றம், வீடு மாற்றம் ஏற்படும். ஒரு சிலருக்கு வெளிநாடு செல்லும் முயற்சி கைகூடும். திருமணத்தடை அகலும். திடீர் விரயங்கள், நல்ல விரயங் களாக மாறும். பெற்றோரின் ஆதரவோடு சில காரியங்களை செய்து முடிப்பீர்கள். வாழ்க்கைத் துணையின் உடல்நலத்தில் கவனம் தேவை.

பொதுவாழ்வில் உள்ளவர்களுக்கு செல்வாக்கு அதிகரிக்கும். வியாபாரம் மற்றும் தொழில் செய்பவர்களுக்கு எதிர்பார்த்த லாபம் கிடைக்கப்பெறும். உத்தியோகத்தில் உள்ளவர்களுக்கு வேலைப்பளு கூடும். கலைஞர்களுக்கு சந்தர்ப்பங்கள் சாதகமாக அமையும். மாணவ - மாணவி களுக்கு நினைவாற்றல் அதிகரிக்க, பயிற்சி மிகவும் அவசியம். பெண்கள், தங்களின் பிரச்சினைகளில் இருந்து விடுபட வாய்ப்பு உண்டு. மருத்துவச் செலவுகளை தவிர்க்க இயலாது.

பணத்தேவையைப் பூர்த்தி செய்யும் நாட்கள்:-

நவம்பர்: 19, 20, 23, 24, டிசம்பர்: 6, 7, 10, 11.

மகிழ்ச்சி தரும் வண்ணம்:- பச்சை.

2024 ஐப்பசி மாத ராசிபலன்

சமூக சேவையில் விருப்பம் கொண்டு செயல்படும் ரிஷப ராசி நேயர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசி நாதன் சுக்ரன் சப்தம ஸ்தானத்தில் சஞ்சரிக்கிறார். உங்கள் ராசியில் சஞ்சரிக்கும் குரு பகவான் வக்ரம் பெறுகிறார். வலிமை இழந்த குருவின் பார்வை, பகைக் கிரகமான சுக்ரன் மீது பதிவது யோகம் தான்.

எதிர்பாராத தன லாபம் இல்லம் தேடி வரும். தொழில் மற்றும் உத்தியோகத்தில் எதிர்பார்த்த நற்பலன்கள் கிடைக்கும். மனக்குழப்பம் அகன்று மகிழ்ச்சி கூடும். பஞ்சம ஸ்தானத்தில் கேது இருப்பதால் பிள்ளைகளால் சில பிரச்சினைகள் ஏற்பட்டு அகலும்.

செவ்வாய் நீச்சம்

ஐப்பசி 6-ந் தேதி, கடக ராசிக்கு செவ்வாய் செல்கிறார். கடக ராசி செவ்வாய்க்கு நீச்ச வீடாகும். உங்கள் ராசிக்கு 7, 12 ஆகிய இடங்களுக்கு அதிபதியான செவ்வாய் நீச்சம் பெறுவதால், சொத்து விற்பனையால் லாபம் உண்டு. அதே நேரம் சொந்தங்களால் பிரச்சினைகள் அதிகரிக்கும். உடன் பிறப்புகள் உங்களை விட்டு விலக நேரிடலாம்.

உத்தியோகத்தில் நீங்கள் கேட்ட சலுகைகள் மறுக்கப்படலாம். வாகனங்களால் சில இடையூறு வந்துசேரும். வாசல் தேடி வந்த வரன்கள் முடிவடையாமல் போகலாம். உத்தியோகத்தில் இடமாற்றங்களை எதிர்பார்த்துக் காத்திருப்பவர்களுக்கு, திருப்தி இல்லாத இடத்திற்கு மாறுதல்கள் கிடைக்கும்.

விருச்சிகம் - புதன்

ஐப்பசி 8-ந் தேதி, விருச்சிக ராசிக்கு புதன் செல்கிறார். உங்கள் ராசிக்கு 2, 5 ஆகிய இடங்களுக்கு அதிபதியானவர் புதன். பூர்வ புண்ணிய ஸ்தானாதிபதியான புதன், உங்கள் ராசிநாதன் சுக்ரனோடு இணைவது ஒரு பொன்னான நேரமாகும். பொருளாதாரத்தில் நிறைவு கிடைக்கும்.

'வேலை இல்லையே' என்று கவலைப்பட்டவர்களுக்கு வேலைவாய்ப்பு கிடைக்கும். 'திருமண யோகம் கைகூடவில்லையே' என்று கவலைப்பட்டவர்களுக்கு, அது கை கூடும். பொருளாதாரப் பற்றாக்குறை அகலும். மாமன், மைத்துனர் வழியில் இருந்த மனக்குழப்பங்கள் நீங்கும்.

சனி வக்ர நிவர்த்தி

கும்ப ராசியில் சஞ்சரிக்கும் சனி பகவான், ஐப்பசி 18-ந் தேதி வக்ர நிவர்த்தியாகிறார். தொழில் ஸ்தானத்தில் பலம்பெறும் சனியால், தொழில் வளம் சிறப்பாக இருக்கும். புதிய பங்குதாரர்கள் வந்திணைந்து பொருளாதார நிலை உயர வழிவகுத்துக் கொடுப்பர்.

உத்தியோகத்தில் பணி நீக்கம் செய்யப்பட்டவர்கள், மீண்டும் பணியில் சேரும் வாய்ப்பு உண்டு. அரசியல் மற்றும் பொதுநலத்தில் இருப்பவர்களுக்கு அதிகாரப் பதவி கிடைக்கும்.

தனுசு - சுக்ரன்

ஐப்பசி 22-ந் தேதி, தனுசு ராசிக்கு சுக்ரன் செல்கிறார். உங்கள் ராசிநாதன் சுக்ரன் அஷ்டம ஸ்தானத்திற்கு வருவதால், எதிர்பாராத நல்ல திருப்பங்கள் வரும். பெண்வழிப் பிரச்சினைகள் அகலும். ஆடை, ஆபரணச் சேர்க்கை உண்டு. வெளிநாடு செல்லும் முயற்சி கை கூடும். வருமானம் உயர நண்பர்கள் வழிகாட்டுவர். புதிய வாகனம் வாங்கும் யோகம் உண்டு.

பொதுவாழ்வில் உள்ளவர்களுக்கு புதிய பொறுப்புகள் கிடைக்கும். வியாபாரம் மற்றும் தொழில் செய்பவர்களுக்கு கணிசமான லாபம் கிடைக்கும். உத்தியோகத்தில் உள்ளவர்களுக்கு உயர் அதிகாரிகளின் ஆதரவோடு வேலை நீட்டிப்பு உண்டு.

கலைஞர்களுக்கு கவுரவம், அந்தஸ்து உயரும். மாணவ - மாணவிகளுக்கு மதிப்பெண் அதிகம்பெற எடுத்த முயற்சி கைகூடும். பெண்களுக்கு வளர்ச்சி அதிகரிக்கும். வருமானம் திருப்தி தரும். முயற்சிகளில் வெற்றி கிடைக்கும்.

பணத்தேவையைப் பூர்த்தி செய்யும் நாட்கள்:-

அக்டோபர்: 22, 23, 27, 28, நவம்பர்: 9, 10, 12, 13.

மகிழ்ச்சி தரும் வண்ணம்:- ஆனந்தா நீலம்.

2024 புரட்டாசி மாத ராசிபலன்

கடமையில் கண்ணும் கருத்துமாக இருக்கும் ரிஷப ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சுக்ரன் நீச்சம் பெற்று சஞ்சரிக்கிறார். ஆனால் அவர் பரிவர்த்தனை யோகம் பெற்ற கிரகமான சூரியனோடு இணைந்து, நீச்சபங்கம் அடைவதால் நல்ல பலன்கொடுப்பார். என்றாலும் இந்த காலகட்டத்தில் மனக் குழப்பம் அதிகரிக்கும்.

எதையும் திட்டமிட்டுச் செய்ய இயலாது. இனம்புரியாத கவலை மேலோங்கும். உத்தியோகத்தில் உள்ளவர்களுக்கு, சகப் பணியாளர்களால் தொல்லை வரலாம். ஆரோக்கியத்தில் கவனம் செலுத்துங்கள். காரியங்கள் கடைசி நேரத்தில் கைகூடும் என்பதால், பொறுமை அவசியம் தேவை.

சனி வக்ரம்

கும்ப ராசியில் சஞ்சரிக்கும் சனி, இந்த மாதம் முழுவதும் வக்ர இயக்கத்தில் இருக்கிறார். உங்கள் ராசிக்கு 9, 10 ஆகிய இடங்களுக்கு அதிபதியானவர் சனி. அவர் வக்ரம்பெறும் இந்த நேரத்தில் வீண் பிரச்சினைகள் வீடு தேடி வரும். உடன்பிறப்புகளும், உடன் இருப்பவர்களும் உங்கள் குணமறிந்து நடந்துகொள்ள மாட்டார்கள். கடன் சுமை குறைவதை எண்ணி மகிழ்வதற்குள், புதிய கடன் வந்து மன வருத்தம் தரலாம்.

உங்கள் முன்னேற்றத்தை, மற்றவர்களிடம் பகிர்ந்து கொள்ள வேண்டாம். பாகப்பிரிவினையில் இழுபறி நிலை தொடரும். தொழில் கூட்டாளிகளால் ஏமாற்றத்தை சந்திக்க நேரிடும். இந்த காலகட்டத்தில் சனி பகவான் வழிபாடு சஞ்சலங்களைத் தீர்க்கும்.

புதன் உச்சம்

புரட்டாசி 3-ந் தேதி, கன்னி ராசியில் புதன் உச்சம் பெறுகிறார். உங்கள் ராசிக்கு 2, 5 ஆகிய இடங்களுக்கு அதிபதியானவர் புதன். தனம் மற்றும் பூர்வ புண்ணிய ஸ்தானத்திற்கு அதிபதியான புதன், உச்சம் பெறுவது யோகமான நேரம்தான். வருமானம் குவியும். வளர்ச்சி கூடும்.

எதிர்பார்ப்புகள் நிறைவேறும். லாபத்தைத் தேடித் தரும், புதிய தொழில் ஒன்றைத் தொடங்க முன்வருவீர்கள். படித்து முடித்த பிள்ளைகளுக்கு வேலை கிடைத்து உதிரி வருமானங்களும் கிடைக்கக்கூடும்.

துலாம் - சுக்ரன்

புரட்டாசி 3-ந் தேதி, துலாம் ராசிக்கு சுக்ரன் செல்கிறார். அது சுக்ரனுக்கு சொந்த வீடாகும். உங்கள் ராசிக்கு அதிபதியாகவும், 6-ம் இடத்திற்கு அதிபதியாகவும் விளங்கும் சுக்ரன், இப்பொழுது தன் சொந்த வீட்டில் சஞ்சரிப்பதால் உத்தியோகத்தில் எதிர்பார்த்த ஊதிய உயர்வு கிடைக்கும்.

தொழில் செய்பவர்களுக்கு புதிய பங்குதாரர்கள் வந்திணைந்து, பொருளாதார வளர்ச்சிக்கு வழிவகுத்துக் கொடுப்பர். வீடு வாங்குவது பற்றி சிந்திப்பீர்கள். பயணங்கள் பலன்தரும்.

துலாம் - புதன்

புரட்டாசி 20-ந் தேதி, துலாம் ராசிக்கு புதன் செல்கிறார். அவர் அங்குள்ள சுக்ரனோடு இணைந்து 'புத சுக்ர யோக'த்தை உருவாக்குகிறார். உங்கள் ராசிநாதன், தனாதி பதியோடு இணையும் இந்த நேரம் உங்களுக்கு யோகமான நேரம் ஆகும். பொருளாதாரம் உச்சநிலையை அடையும்.

புதிய முயற்சிகளில் வெற்றி கிடைக்கும். உத்தியோகத்தில் உயர் அதிகாரிகள் இணக்கமாக நடந்துகொள்வர். கேட்ட சலுகைகளும் கிடைக்கும். வீடு வாங்கும் முயற்சியில் வெற்றி பெறுவீர்கள். அதுமட்டுமின்றி விலை உயர்ந்த பொருட்களை வாங்கி சேமிக்க முற்படுவீர்கள். எதிர்பார்ப்புகள் அனைத்தும் நிறைவேறும் நேரம் இது. பொதுவாழ்வில் உள்ளவர்களுக்கு நட்பால் நல்ல காரியம் நடைபெறும்.

வியாபாரம் மற்றும் தொழில் செய்பவர் களுக்கு லாபம் கிடைக்கும். உத்தியோகத்தில் உள்ளவர்களுக்கு, தலைமைப் பதவியில் உள்ளவர்களின் ஆதரவு கிடைக்கும். கலைஞர்கள் எடுக்கும் முயற்சிகளில் வெற்றி வந்து சேரும். மாணவ - மாணவிகளுக்கு எதிர்பார்த்த இலக்கை அடையும் வாய்ப்பு உண்டு. பெண் களுக்கு உறவினர்களால் நன்மை ஏற்படும். வருமானம் திருப்தி தரும்.

பணத்தேவையைப் பூர்த்தி செய்யும் நாட்கள்:-

செப்டம்பர்: 18, 19, 24, 30, அக்டோபர்: 1, 11, 12, 15, 17.

மகிழ்ச்சி தரும் வண்ணம்:- மஞ்சள்.

2024 ஆவணி மாத ராசிபலன்

எடுத்த காரியத்தை திறம்பட முடிக்கும் ரிஷப ராசி நேயர்களே!

ஆவணி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சுக்ரன், சுகாதிபதி சூரியனுடன் இணைந்து சுக ஸ்தானத்தில் சஞ்சரிக்கிறார். எனவே சுகங்களும், சந்தோஷங்களும் வந்துசேரும் மாதம் இது.

தொடர்கதையாய் வந்த கடன்சுமை குறையும். இடம், பூமி வாங்குவது பற்றி சிந்திப்பீர்கள். எதிர்கால முன்னேற்றம் கருதி எடுத்த முயற்சிகளில் வெற்றி கிடைக்கும். பொதுவாழ்வில் ஈடுபட்டிருப்பவர்களுக்குப் புதிய பொறுப்புகளும், பதவிகளும் உண்டு. 'குரு மங்கள யோகம்' இருப்பதால் மங்கல நிகழ்ச்சிகள் மனையில் நடைபெற வாய்ப்பு உருவாகும்.

சனி - சூரியன் பார்வை

கும்ப ராசியில் சஞ்சரிக்கும் சனி, இம் மாதம் முழுவதும் வக்ர இயக்கத்தில் இருக்கிறார். சிம்மத்தில் சஞ்சரிக்கும் சூரியன் அவரைப் பார்க்கிறார். தொழில் ஸ்தானத்தில் சஞ்சரிக்கும் சனி வக்ர இயக்கத்தில் இருப்பதால், தொழில் வளர்ச்சியில் தளர்ச்சி ஏற்படும். பணியாளர்கள் பக்கபலமாக இருப்பது அரிது. கொடுக்கல்- வாங்கலில் தடுமாற்றங்களை சந்திப்பீர்கள்.

பகைக் கிரகங்களின் பார்வையால் சுக ஸ்தானம் பலமிழக்கிறது. எனவே உத்தியோகத்தில் உள்ளவர்களுக்கு திறமைக் குரிய அங்கீகாரம் கிடைக்காது. பணிச்சுமை அதிகரிக்கும். மன அழுத்தம் கூடும். உயர் அதிகாரிகள் கெடுபிடியாக நடந்துகொள்வர். எதிர்பார்த்த சலுகைகள் மறுக்கப்படு வதன் காரணமாக, 'இந்த வேலையில் இருந்து விலகி, வேறு வேலைக்குச் செல்லலாமா?' என்று சிந்திப்பீர்கள்.

சுக்ரன் நீச்சம்

ஆவணி 10-ந் தேதி கன்னி ராசிக்குச் செல்லும் சுக்ரன், அங்கு நீச்சம் பெறுகிறார். உங்கள் ராசிநாதன் நீச்சம் பெறுவதால் இக்காலத்தில் ஆரோக்கியத் தொல்லை அதிகரிக்கும். எதையும் திட்டமிட்டு செய்ய இயலாது. திடீர், திடீரென வரும் மாற்றங்கள், மன வருத்தத்தை உருவாக்கும். பொருளாதாரத்தில் பற்றாக்குறை ஏற்படும். ஒரு சிலருக்கு கைமாற்று வாங்கும் சூழல் உருவாகும்.

6-க்கு அதிபதியாகவும் சுக்ரன் விளங்குவதால், ஒரு கடனை அடைக்க மற்றொரு கடன் வாங்கும் சூழல் உருவாகலாம். அடிக்கடி ஏற்படும் ஆரோக்கிய குறைபாடு, இனம்புரியாத கவலையை அளிக்கும். உத்தியோகத்தில் நல்ல வாய்ப்புகள் வந்தாலும், அதை உபயோகப் படுத்திக்கொள்ள இயலாது. உடன் பணிபுரிபவர்களிடம் உங்கள் முன்னேற்றத்தைப் பற்றி விவரிக்க வேண்டாம்.

மிதுன - செவ்வாய்

ஆவணி 10-ந் தேதி, மிதுன ராசிக்கு செவ்வாய் செல்கிறார். விரயாதிபதியான செவ்வாய், தன ஸ்தானத்திற்கு வரும்போது விரயத்திற்கேற்ற வரவு வந்துசேரும். எந்த ஒரு காரியத்தையும் 'பணம் கைக்கு வந்ததும் செய்யலாம்' என்று நினைத்தால் அது நடக்காது.

காரியத்தை தொடங்கிவிட்டால் தேவையான தொகை கைக்கு வந்துசேரும். 7-க்கு அதிபதியாகவும் செவ்வாய் விளங்குவதால் வாழ்க்கைத் துணைக்கு வேலை கிடைத்து, உதிரி வருமானம் வரலாம். வெளிநாடு செல்லும் முயற்சி அனுகூலமாகும். உத்தியோகத்தில் இனிமை தரும் விதத்தில் இடமாற்றம் கிடைத்தாலும், அதை ஏற்றுக்கொள்ள இயலுமா? என்பது சந்தேகம்தான்.

சிம்ம - புதன்

ஆவணி 15-ந் தேதி, சிம்ம ராசிக்கு புதன் செல்கிறார். உங்கள் ராசிக்கு 2, 5 ஆகிய இடங்களுக்கு அதிபதியான புதன், சுக ஸ்தானத்திற்கு வரும்போது எதிர்பார்ப்புகள் எளிதில் நிறைவேறும். இல்லத்தில் நல்ல சம்பவங்கள் ஏராளமாக நடைபெறும். திருமணம், கல்வி சம்பந்தமாக எடுத்த முயற்சி கைகூடும். தாய்வழி ஆதரவு திருப்தி தரும். இதுவரை வாடகை கட்டிடத்தில் நடைபெற்ற தொழிலை, சொந்தக் கட்டிடத்திற்கு மாற்றும் முயற்சி வெற்றிபெறும். 'புத ஆதித்ய யோக'த்தால் பொருளாதார நிலை உயரும்.

பொதுவாழ்வில் உள்ளவர்களுக்கு எதிர்காலம் பற்றிய பயம் அகலும். வியாபாரம், தொழில் செய்பவர்களுக்கு உதவிகள் கிடைப்பதில் தாமதம் ஏற்படும். உத்தியோகத்தில் உள்ளவர்களுக்கு மேலதிகாரிகளின் ஆதரவு திருப்தி தரும். கலைஞர்களுக்கு வருமானம் உயரும். மாணவ - மாணவிகளுக்கு கல்வி முன்னேற்றம் உண்டு. பெண்களுக்கு சுபச்செலவுகள் அதிகரிக்கும். பிள்ளை களால் பெருமை சேரும்.

பணத்தேவையைப் பூர்த்தி செய்யும் நாட்கள்:-

ஆகஸ்டு: 19, 20, 22, 23, 29, 30, செப்டம்பர்: 2, 3, 15, 16.

மகிழ்ச்சி தரும் வண்ணம்:- நீலம்.

ஆடி மாத ராசிபலன்

சமூகத்தில் நல்ல பெயர் எடுக்க விரும்பும் ரிஷப ராசி நேயர்களே!

ஆடி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சுக்ரன் சகாய ஸ்தானத்தில் தனாதிபதி புதனோடு இணைந்து சஞ்சரிக்கிறார். எனவே தனவரவு தாராளமாக வந்துசேரும். தடைப்பட்ட காரியங்கள் ஒவ்வொன்றாக நடைபெறும். சொத்து வாங்கும் முயற்சி கைகூடும். ஜென்ம ராசியில் குரு இருப்பதால் நிம்மதி குறைவாக இருந்தாலும், நிகழ்காலத் தேவைகள் பூர்த்தியாகும். குருவின் பார்வை பூர்வ புண்ணிய ஸ்தானத்தில் பதிவதால் பூர்வ புண்ணியத்தின் பலனாக கிடைக்க வேண்டிய யோகங்கள் கிடைக்கப்பெறும்.

குரு - செவ்வாய் சேர்க்கை

மாதத் தொடக்கத்தில் இருந்தே உங்கள் ராசியில் குருவும், செவ்வாயும் இணைந்து சஞ்சரிக்கிறார்கள். உங்கள் ராசிக்கு குரு லாபாதிபதி, செவ்வாய் விரயாதிபதி. இவை இரண்டும் சேரும் பொழுது, கிடைக்கும் லாபம் முழுவதும் விரயமாகும் நிலை உருவாகும். எனவே சேமிக்க இயலாது. ஒரு தொகை செலவழிந்த பின்னரே, அடுத்த தொகை கைக்கு கிடைக்கும். இட விற்பனை மூலமாக லாபம் கிடைக்கலாம். ஆனால் கிடைத்த லாபத்தை தொழிலுக்கான மூலதனமாக உபயோகப்படுத்திக் கொள்ள இயலாது. உத்தியோகம், வீடு மாற்றம், இடமாற்றம் போன்றவற்றை சந்திக்க நேரிடும்.

புதன் - வக்ரம்

கடக ராசியில் சஞ்சரிக்கும் புதன், ஆடி 5-ந் தேதி வக்ரம் பெறுகிறார். ஆடி 28-ந் தேதி வரை வக்ர நிலையிலேயே இருக்கிறார். உங்கள் ராசிக்கு தன - பஞ்சமாதிபதியானவர் புதன். அவர் வக்ரம் பெறும்பொழுது பணத்தட்டுப்பாடு அதிகரிக்கும். கொடுக்கல் - வாங்கலில் குழப்பம் ஏற்படும். ஒரு கடனை அடைக்க மற்றொரு கடன் வாங்கும் சூழல் உருவாகலாம். எதையும் திட்டமிட்டுச் செய்ய இயலாது. நினைத்தது ஒன்றும், நடந்தது ஒன்றுமாக இருக்கலாம். தொழிலில் குறுக்கீடுகள் ஏற்படும். உத்தியோகத்தில் உங்கள் திறமைக்குரிய அங்கீ காரம் கிடைக்காது.

சிம்ம - சுக்ரன்

ஆடி 16-ந் தேதி, சிம்ம ராசிக்கு சுக்ரன் செல்கிறார். உங்கள் ராசிநாதனாகவும், 6-ம் இடத்திற்கு அதிபதியாகவும் விளங்குபவர் சுக்ரன். அவர் சுக ஸ்தானத்தில் சஞ்சரிக்கும் வேளையில், மகிழ்ச்சி அதிகரிக்கும். பொருளாதார நிலை சீராகவும், சிறப்பாகவும் இருக்கும். ஆடை, ஆபரணச் சேர்க்கை உண்டு. வெளிநாட்டில் உள்ள நல்ல நிறுவனங்களில் இருந்து பணிபுரிய அழைப்புகள் வரலாம். எதிரிகள் விலகுவர். இல்லத்தில் நல்ல சம்பவங்கள் நடைபெறுவதற்கான அறிகுறிகள் தென்படும். ஆகாரத்தில் கட்டுப்பாடு செலுத்தி, ஆரோக்கியத்தை சீராக வைத்துக் கொள்ள முயற்சிப்பீர்கள்.

பொதுவாழ்வில் உள்ளவர்களுக்குப் புகழ் கூடும். வியாபாரம், தொழில் செய்வர்களுக்கு மாற்று இனத்தவர்களின் ஒத்துழைப்போடு எதிர்பார்த்த லாபம் கிடைக்கும். உத்தியோகத்தில் உள்ளவர்களுக்கு மேலதிகாரிகளின் ஆதரவு திருப்தி தரும். கலைஞர்களுக்கு ஒப்பந்தங்கள் வந்து சேரும். மாணவ - மாணவிகளுக்கு ஆசிரியர்களின் ஆதரவு உண்டு. குடும்பத்தில் சுபகாரியங்கள் நடை பெறும். வருமானம் திருப்தி தரும்.

பணத்தேவையைப் பூர்த்தி செய்யும் நாட்கள்:-

ஜூலை: 22, 23, 26, 27, ஆகஸ்டு: 1, 2, 6, 7.

மகிழ்ச்சி தரும் வண்ணம்:- மஞ்சள்.

ஆனி மாத ராசிபலன்

நட்பிற்கு இலக்கணமாகத் திகழும் ரிஷப ராசி நேயர்களே!

ஆனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சுக்ரன், தனாதிபதி புதனோடும், சுகாதிபதி சூரியனோடும் இணைந்து தன ஸ்தானத்தில் சஞ்சரிக்கிறார். எனவே 'புத ஆதித்ய யோக'மும், 'புத சுக்ர யோக'மும் செயல்படும் நேரம் இது. இந்த நேரத்தில் கல்விக்காக எடுத்த முயற்சி கைகூடும். செல்வம் சேர்க்கத் தேர்ந்தெடுத்த வழியில் வெற்றி கிடைக்கும். ஜென்ம ராசியில் குரு இருப்பதும் யோகம்தான். அந்த குருவின் பார்வை பலத்தால், வழக்குகள் சாதகமாக முடியும். திருமணத் தடை அகன்று, விரைவில் திருமணம் நடந்தேறும்.

சனி வக்ரம்

உங்கள் ராசிக்கு 9, 10 ஆகிய இடங்களுக்கு அதிபதியானவர் சனி. அவர் ஆனி 5-ந் தேதி கும்ப ராசியில் வக்ரம் பெறுகிறார். தர்ம - கர்மாதிபதியான சனி வக்ரம்பெறும் இந்த நேரத்தில், சில தடைகளும், தாமதங்களும் உங்களை சிரமப்படுத்தும். அதே நேரம் உங்களுடைய முன்னேற்றப் பாதையில் ஏற்படும் சறுக்கல்களை சமாளிக்கும் ஆற்றலையும் நீங்கள் பெறுவீர்கள்.

பெற்றோரின் உடல் நலத்தில் கவனம் தேவை. கொடுக்கல்- வாங்கலில் பிரச்சினை இருக்காது என்றாலும், வரவை விட செலவு அதிகரிக்கும். எந்தக் காரியத்தையும் உடனடியாகச் செய்து முடிக்க இயலாது. உத்தியோகத்தில் உள்ளவர் களுக்கு, உயர் அதிகாரிகளின் கெடுபிடி அதிகரிக்கும். சகப் பணியாளர்களிடம் உங்களின் முன்னேற்றம் பற்றி பகிர்ந்துகொள்ள வேண்டாம். இடமாற்றங்கள் வருவதற்கான அறிகுறிகள் தென்படும்.

கடக - புதன்

இதுவரை உங்கள் ராசிக்கு 2-ம் இடத்தில் சஞ்சரித்து வந்த புதன், ஆனி 12-ந் தேதி சகாய ஸ்தானத்திற்கு செல்லவிருக்கிறார். இக்காலம் ஒரு பொற்காலமாகவே அமையும். வருமானம் வந்த வண்ணம் இருக்கும். உடன்பிறப்புகள் உங்கள் முன்னேற்றத்திற்கு உறுதுணையாக இருப்பர். கடன்சுமை பாதிக்கு மேல் குறையும். அலுவலகப் பணிகள் துரிதமாக முடியும். 'நேர்முகத் தேர்விற்கு பலமுறை சென்றும் இதுவரை வெற்றி கிடைக்கவில்லையே' என்று கவலைப்பட்டவர்களுக்கு, இப்போது வெற்றிச் செய்தி வீடு தேடி வரும். பிள்ளைகளின் மேற்படிப்பு சம்பந்தமாக எடுத்த முயற்சிகள் கைகூடும்.

கடக - சுக்ரன்

ஆனி 23-ந் தேதி, கடக ராசிக்கு சுக்ரன் செல்கிறார். உங்கள் ராசிக்கும், 6-ம் இடத்திற்கும் அதிபதியாக விளங்குபவர் சுக்ரன். அவர் 3-ம் இடத்தில் சஞ்சரிக்கும் பொழுது உடல்நலம் சீராகும். உத்தியோகத்தில் உயர் பதவிகள் கிடைப்பதற்கான அறிகுறிகள் தென்படும். வாழ்க்கைத் தேவைகள் உடனுக்குடன் பூர்த்தியாகும். ஒரு சிலருக்கு நீண்ட காலமாக எதிர்பார்த்துக் காத்திருந்த வெளிநாட்டு வாய்ப்புகள் இப்போது கிடைக்கலாம். அண்ணன் - தம்பிகள் அல்லது சகோதரிகள் குடும்பப் பிரச்சினை காரணமாக பிரிந்து சென்றவர்கள், இப்போது மனம் மாறி மீண்டும் வந்து சேருவார்கள். இல்லத்திற்குத் தேவையான அத்தியாவசியப் பொருட்களை வாங்கும் முயற்சி கைகூடும். 'தங்கம், வெள்ளி போன்றவற்றில் முதலீடு செய்யலாமா?' என்று சிந்திப்பீர்கள்.

ரிஷப - செவ்வாய்

ஆனி 27-ந் தேதி, உங்கள் ராசிக்கு செவ்வாய் வருகிறார். விரயாதிபதியான செவ்வாய் உங்கள் ராசிக்கு வருவதால், விரயங்கள் அதிகரிக்கும். வீடு, இடம் வாங்கும் முயற்சியில் வெற்றி கிடைக்கும். பாகப்பிரிவினை சம்பந்தப்பட்ட வகையில், நீங்கள் நடத்திய வழக்குகள் சாதகமாக முடியும். பணி உயர்வின் காரணமாக உங்கள் வாழ்க்கைத் துணைக்கு இடமாற்றம் வரலாம். குடும்ப பிரச்சினைக்குத் தீர்வு காண்பதற்காக, துணிந்து சில முடிவுகளை எடுப்பீர்கள்.

பொதுவாழ்வில் உள்ளவர்களுக்கு புதிய பொறுப்புகள் கிடைக்கும். வியாபாரம், தொழில் செய்பவர்களுக்கு அதிக லாபம் உண்டு. உத்தியோகத்தில் உள்ளவர் களுக்கு உயர் பதவிகள் கிடைப்பதற்கான அறிகுறி தென்படும். கலைஞர்களுக்கு எதிர்பார்ப்புகள் நிறைவேறும். பெண்களுக்கு கரைந்த சேமிப்புகளை ஈடுகட்டும் வாய்ப்பு உண்டு.

பணத்தேவையைப் பூர்த்தி செய்யும் நாட்கள்:-

ஜூன்: 25, 26, 29 ,30, ஜூலை: 4, 5, 10, 11.

மகிழ்ச்சி தரும் வண்ணம்:- ஆரஞ்சு.

வைகாசி மாத ராசிபலன்

வைகாசி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் சுக்ரன் விரய ஸ்தானத்தில் சஞ்சரிக்கிறார். அவரோடு தனாதிபதி புதன் இணைந்திருப்பதால் வரவும், செலவும் சமமாகவே இருக்கும். வளர்ச்சியை நோக்கி அடியெடுத்து வைக்க குரு பகவான் சஞ்சாரம் கை கொடுக்கும். ஜென்ம குருவாக இருந்தாலும் அதன் பார்வை 5, 7, 9 ஆகிய இடங்களில் பதிவதால் பூர்வீகச் சொத்து தக ராறுகள் அகலும். பாகப்பிரிவினைகள் சுமுகமாக முடியும். ஜென்ம குருவிற்குரிய வழிபாடுகளை மேற்கொண்டால் நன்மைகள் கிடைக்கும்.

ரிஷப - சுக்ரன்

வைகாசி 7-ந் தேதி, ரிஷப ராசிக்கு சுக்ரன் வருகிறார். உங்கள் ராசிநாதனாகவும், 6-ம் இடத்திற்கு அதிபதியாகவும் விளங்குபவர் சுக்ரன். உங்கள் ராசிநாதன் உங்கள் ராசியிலேயே சஞ்சரிப்பது, யோகம் தான். என்றாலும் உங்கள் ராசிக்கு பகைக் கிரகமாக விளங்கும் குரு பகவான், அவரோடு இணைந்திருப்பதால் திடீர் திடீரென சில பிரச்சினைகளை சந்திக்க நேரிடும். மனக் குழப்பம் அதிகரிக்கும். எந்தக் காரியத்தையும் உடனடியாகச் செய்ய இயலாது. ஒரு காரியத்தை 'செய்யலாமா?, வேண்டாமா?' என்ற இரட்டை சிந்தனை மேலோங்கும். உத்தியோகத்தில் மேலதிகாரிகளின் கெடுபிடி அதிகரிக்கும். சகப் பணியாளர்களாலும் தொல்லை உண்டாகலாம்.

ரிஷப - புதன்

வைகாசி 11-ந் தேதி, ரிஷப ராசிக்கு புதன் வருகிறார். உங்கள் ராசிக்கு 2, 5 ஆகிய இடங்களுக்கு அதிபதியானவர் புதன். தன - பஞ்சமாதிபதி உங்கள் ராசியில் சஞ்சரிக் கும் பொழுது, தேவைக்கேற்ப பணம் வந்து கொண்டே இருக்கும். தெய்வ தரிசனங்கள் திருப்தி தரும் விதம் அமையும். பிள்ளைகளின் எதிர்கால நலன்கருதி எடுத்த முயற்சிகளில் வெற்றி கிடைக்கும். பிரபலமானவர்கள், உங்களுக்கு பின்னணியாக இருந்து பல நல்ல காரியங்களை முடித்துக் கொடுப்பர். குடும்பத்தில் மங்கல ஓசை கேட்பதற்கான அறிகுறிகள் தென்படும்.

மேஷ - செவ்வாய்

வைகாசி 18-ந் தேதி, மேஷ ராசிக்கு செவ்வாய் செல்கிறார். உங்கள் ராசிக்கு விரயாதிபதியான செவ்வாய் விரய ஸ்தானத்திலேயே சஞ்சரிப்பதால், இந்த காலகட்டத்தில் விரயங்கள் அதிகரிக்கத்தான் செய்யும். யாரை நம்பியும், எதுவும் செய்ய இயலாது. கடன் சுமையின் காரணமாக ஒருசிலர் வாங்கிய இடத்தை விற்க நேரிடும். அண்ணன் - தம்பிகளுக்குள் கருத்துவேறுபாடுகள் தோன்றி மறையும். உடன்பிறப்புகள் உங்களை விட்டு விலகாமல் பார்த்துக் கொள்ளுங்கள். பூமி விற்பனையில் ஏமாற்றத்தை சந்திக்க நேரிடும்.

மிதுன - புதன்

வைகாசி 27-ந் தேதி, மிதுன ராசிக்கு புதன் செல்கிறார். தனாதிபதி தன ஸ்தானத்தில் பலம்பெறுவது உங்களுக்கு யோகமான நேரமாகும். நினைத்ததை நினைத்த நேரத்தில் செய்து முடிப்பீர்கள். தொழில் வளர்ச்சி திருப்தி தரும். வாழ்க்கைத் துணைக்கு வேலை கிடைத்து வருமானப் பெருக்கம் ஏற்படும். குடும்ப ஒற்றுமை பலப்படும். கொடுக்கல் - வாங்கல்களை ஒழுங்கு செய்துகொள்வீர்கள். கடுமையாக முயற்சித்தும் இதுவரை முடிவடையாத காரியங்கள், இப்பொழுது துரிதமாக நடைபெறும். கல்யாணம், காதுகுத்து, கடை திறப்பு விழா போன்ற சுபகாரியங்கள் நடைபெறும் நேரம் இது.

மிதுன - சுக்ரன்

வைகாசி 31-ந் தேதி, மிதுன ராசிக்கு சுக்ரன் செல்கிறார். உங்கள் ராசிக்கு 2-ம் இடமான தன ஸ்தானத்தில் தனாதிபதி புதனோடு, உங்கள் ராசிநாதன் சுக்ரன் இணைவது ஒரு அற்புதமான நேரமாகும். குடும்ப ஒற்றுமைக்கு குந்தகம் விளைவித்தவர்கள், உங்களை விட்டு விலகுவர். பொருளாதாரம் உச்ச நிலையை அடையும். புகழ்மிக்கவர்கள் உங்களுக்குப் பின்னணியாக இருந்து புதிய பாதை அமைத்துக் கொடுப்பர். வீடு வாங்குவது, இடம் வாங்குவது, கட்டிய வீட்டைப் பழுது பார்ப்பது போன்றவற்றில் கவனம் செலுத்துவீர்கள்.

பொதுவாழ்வில் உள்ளவர்களுக்கு ஆதாயம் தரும் தகவல்கள் கிடைக்கும். வியாபாரம், தொழில் செய்பவர் களுக்கு வாடிக்கையாளர்களின் ஆதரவு அதிகரிக்கும். உத்தியோகத்தில் உள்ளவர்களுக்கு இடமாற்றம், இலாகா மாற்றம் வரலாம். கலைஞர்களுக்கு வாய்ப்புகள் வாசல் தேடி வரும். மாணவ - மாணவிகளுக்கு நினைவாற்றல் கூடும். பெண்களுக்கு சேமிப்பு உயரும். திடீர் பயணங்கள் தித்திக்க வைக்கும்.

பணத்தேவையைப் பூர்த்தி செய்யும் நாட்கள்:- மே: 16, 17, 19, 30, ஜூன்: 1, 2, 11, 12, 13, 14.

மகிழ்ச்சி தரும் வண்ணம்:- மஞ்சள்.

பங்குனி மாத ராசிபலன்

கொள்கைப் பிடிப்போடு செயல்படும் ரிஷப ராசி நேயர்களே!

பங்குனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சுக்ரன் தொழில் ஸ்தானத்தில் சஞ்சரிக்கிறார். அவரோடு தொழில் ஸ்தானாதிபதி சனியும் சஞ்சரிப்பதால், தொழில் வளம் சிறப்பாக இருக்கும். எதிர்பார்த்த லாபம் எளிதில் கிடைக்கும். நல்ல காரியங்கள் இல்லத்தில் நடைபெற வழிபிறக்கும். புதிய சொத்துக்களை வாங்கி மகிழ்வீர்கள். அதேநேரம் பூர்வ புண்ணிய ஸ்தானத்தில் கேது இருப்பதால், மறைமுக எதிர்ப்புகள், உறவினர் பகையை சந்திக்க வேண்டியதிருக்கும். எதிலும் கொஞ்சம் கவனத்தோடு செயல்படுங்கள்.

செவ்வாய் - சனி சேர்க்கை

மாதத்தின் முதல் நாளிலேயே, கும்ப ராசிக்குச் செல்லும் செவ்வாய், அங்குள்ள சனியோடு சேர்ந்து இந்த மாதம் முழுவதும் சஞ்சரிக்கிறார். முரண்பாடான இந்த கிரகச் சேர்க்கையின் காரணமாக, எதிர்பாராத சில மாற்றங்கள் ஏற்படப் போகிறது. உங்கள் ராசிக்கு 7, 12 ஆகிய இடங் களுக்கு அதிபதியானவர் செவ்வாய் என்பதால், விரயங்கள் அதிகரிக்கத் தான் செய்யும். வீண் விரயங்களும் உண்டாகும். யாருக்கேனும் பொறுப்பேற்று பணம் வாங்கிக் கொடுத்திருந்தால், அதனால் பிரச்சினைகள் ஏற்படலாம். தன்னம்பிக்கையும், தைரியமும் குறையும் மாதம் இது.

மருத்துவச் செலவுகள் அதிகரிக்கும். உத்தியோகத்தில் உள்ளவர்கள், உங்களிடம் ஒப்படைக்கப்பட்ட பொறுப்புகளை மற்றவர்களிடம் ஒப்படைக்க வேண்டாம். அது பிரச்சினைகள் உருவாக வழிவகுக்கும். கும்பத்தில் உங்கள் ராசிநாதன் சுக்ரனும் சஞ்சரிப்பதால், உத்தியோகத்தில் ஒரு சிலருக்கு இலாகா மாற்றம் ஏற்படக்கூடும். மேலதிகாரிகளுடன் இருந்த பிரச்சினை அகல, அவர்களை அனுசரித்துச் செல்ல வேண்டிய நேரம் இது. அங்காரக வழிபாடு அவசியம் தேவை.

புதன் வக்ரம்

பங்குனி 13-ந் தேதி மீனத்தில் இருக்கும் புதன் வக்ரம் பெறுகிறார். ஏற்கனவே அவர் அங்கு நீச்சம் பெற்று சஞ்சரித்து வரும் நிலையில், இப்பொழுது வக்ரமாகி வலிமை இழப்பது அவ்வளவு நல்லதல்ல. உங்கள் ராசிக்கு தன- பஞ்சமாதிபதியானவர் புதன். எனவே பொருளாதாரத்தில் சிக்கல்கள் வரலாம். கொடுக்கல்- வாங்கல்களில் ஏமாற்றங்களை சந்திக்க நேரிடும். பூர்வ புண்ணிய ஸ்தானத்திற்கும் அதிபதியாக புதன் விளங்குவதால், பிள்ளைகள் வழியிலும் பிரச்சினைகள் வந்துசேரலாம். பிள்ளைகளால் விரயங்களும், மன அமைதிக் குறைவும் ஏற்படும் காலகட்டம் இது. நல்ல வரன்கள் வீடு தேடி வந்தும், அதை உபயோகப்படுத்திக் கொள்ள இயலாத நிலை உருவாகும். அதனால் மன வருத்தம் அடைவீர்கள்.

மீனம் - சுக்ரன்

பங்குனி 19-ந் தேதி, தனது உச்ச வீடான மீன ராசிக்கு சுக்ரன் செல்கிறார். அவர் அங்குள்ள புதனோடு இணைந்து 'புத சுக்ர யோக'த்தை உருவாக்குகிறார். உங்கள் ராசிநாதன் சுக்ரன் பலம்பெறும் இந்த நேரம், ஒரு பொன்னான நேரமாகும். புதிய திருப்பங்கள் பலவும் உருவாகும். கடமையை செவ்வனே செய்து அனைவரது பாராட்டுக்களையும் பெறுவீர்கள். வீட்டிற்குத் தேவையான அத்தியாவசியப் பொருட்களையும், ஆடம்பரப் பொருட் களையும் வாங்கி மகிழும் யோகம் உண்டு. உத்தியோகத்தில் இதுவரை எதிர்பார்த்த பதவி உயர்வு, இப்பொழுது தடைகளை மீறித் தானாக வரும்.

பணி ஓய்வு பெற்றவர் களுக்கு மீண்டும் பணியில் நீடிப்பு கிடைக்கும். தொழில் செய்பவர்களுக்கு ஒப்பந்தங்கள் வந்துசேரும். பொதுவாழ்வில் உள்ளவர்களுக்கு பொறுப்புகள் கூடும். புதிய முயற்சிகளில் வெற்றி கிடைக்கும். தொழில், வியாபாரம் செய்பவர்களுக்கு மாதக் கடைசியில் நல்ல செய்தி கிடைக்கும். எதிர்பார்த்த லாபம் உண்டு. உத்தியோகத்தில் உள்ளவர்களுக்கு, சுக்ரப் பெயர்ச்சிக்குப் பிறகு ஊதிய உயர்வும், பணி நீடிப்பும் கிடைக்கும். கலைஞர் களுக்கு, சகக் கலைஞர்களின் ஆதரவு கிடைக்கும். மாணவ - மாணவிகளுக்கு படிப்பில் கவனம் தேவை. பெண்களுக்கு பணத் தட்டுப்பாடு அகலும். குடும்பத்தில் உள்ளவர்களை அனுசரித்துச் செல்வது நல்லது.

பணத்தேவையைப் பூர்த்தி செய்யும் நாட்கள்:-

மார்ச்: 17, 18, 22, 23, ஏப்ரல்: 4, 5, 8, 9, 13.

மகிழ்ச்சி தரும் வண்ணம்:- பச்சை.

மாசி மாத ராசிபலன்

எதையும் யோசித்துச் செய்யும் ரிஷப ராசி நேயர்களே!

மாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சுக்ரன் சப்தம - விரயாதிபதியான செவ்வாயோடு இணைந்து 9-ம் இடத்தில் சஞ்சரிக்கிறார். எனவே குடும்பச் சுமை கூடும். குடும்ப உறுப்பினர்களில் யாரேனும் ஒருவருக்கு அதிகமாக செலவிடும் சூழல் ஏற்படும். ஒரு சிலர் வாங்கிய இடத்தை விற்பனை செய்வார்கள். அதே நேரம் உடன்பிறப்புகளின் திருமணம் சிறப்பாக நடைபெறும். சொத்துக்கள் வாங்கும் யோகமும், சொந்தங்கள் வழியே வந்த பிரச்சினைக்கு தீர்வு காணும் முயற்சியும் கைகூடும்.

கும்பம் - புதன்

மாதத் தொடக்க நாளிலேயே, கும்ப ராசிக்கு புதன் செல்கிறார். உங்கள் ராசிக்கு 2, 5 ஆகிய இடங்களுக்கு அதிபதியானவர் புதன். பூர்வ புண்ணிய ஸ்தானம் மற்றும் தன ஸ்தானத்திற்கு அதிபதியான அவர், தொழில் ஸ்தானத்தில் சஞ்சரிப்பது யோகமான நேரம்தான். தொழில் வளர்ச்சி, கூடுதல் லாபம், தொல்லை தந்த எதிரிகள் விலகுதல் போன்றவை நடைபெற்று மகிழ்ச்சியளிக்கும். பிள்ளைகள் வழியில் எதிர்பார்த்துக் காத்திருந்த ஒருசில நல்ல காரியங்கள் இப்பொழுது நடைபெறும். 'புத ஆதித்ய யோக'மும் ஏற்படுவதால் சமூகத்தில் பெரிய மனிதர்களின் தொடர்பு கிடைக்கும்.

மகரம் - சுக்ரன்

உங்கள் ராசிநாதனாகவும், 6-ம் இடத்திற்கு அதிபதியாகவும் விளங்குபவர் சுக்ரன். இந்த மாதத்தின் முதல் நாள் அவர் மகர ராசிக்குச் செல்கிறார். பாக்கிய ஸ்தானத்திற்கு செல்லும் சுக்ரனால், இல்லத்தில் நல்ல காரியங்கள் நடைபெறும். மங்கல ஓசை மனையில் கேட்கும். தடைகள் விலகும். சுக்ர - செவ்வாய் சேர்க்கையால் 'சுக்ர மங்கள யோகம்' ஏற்படுகிறது. எனவே உடன்பிறப்புகளின் வழியே ஒரு நல்ல சம்பவம் நடைபெறும். ஊர் மாற்றம், இட மாற்றம் பற்றிய சிந்தனை அதிகரிக்கும். 'தொழிலுக்காக கூடுதல் முதலீடு செய்யப் பணம் இல்லையே' என்ற கவலை மாறும்.

மீனம் - புதன்

மார்ச் 2-ந் தேதி, மீன ராசிக்குச் செல்லும் புதன், அங்கு நீச்சம் பெறுகிறார். தன - பஞ்சமாதிபதி நீச்சம் பெறுவது அவ்வளவு நல்லதல்ல. பொருளாதாரப் பற்றாக்குறை அதிகரிக்கும். கொடுக்கல் - வாங்கல்களில் ஏமாற்றத்தை சந்திப்பீர்கள். குடும்பத்தில் கடன் பிரச்சினை மீண்டும் தலைதூக்கலாம். வெளிநாட்டிலோ, வெளி மாநிலங்களிலோ வசிக்கும் உங்கள் பிள்ளைகளை, எப்போதும் கண்காணிப்பிலேயே வைத்திருங்கள். இதுபோன்ற காலங்களில் சுய ஜாதக அடிப்படையில் வழிபாடுகள் செய்தால் நன்மை கிடைக்கும்.

கும்பம் - சுக்ரன்

மார்ச் 8-ந் தேதி, கும்ப ராசிக்கு சுக்ரன் செல்கிறார். உங்கள் ராசிநாதனாகவும், 6-ம் இடத்திற்கு அதிபதியாகவும் விளங்குபவர் சுக்ரன். அவர் தொழில் ஸ்தானத்தில் சஞ்சரிக்கும்போது தொழில் வளம் சிறப்பாக இருக்கும். நன்மை, தீமைகளைப் பற்றி கவலைப்படாமல் காரியத்திலேயே கண்ணும் கருத்துமாக இருப்பீர்கள். அரசியல் மற்றும் பொதுநலத்தில் இருப்பவர்களுக்கு நல்ல பொறுப்புகள் கிடைக்கும்.

பொதுவாழ்வில் இருப்பவர்களுக்கு மேலிடத்து அனுகூலம் உண்டு. வியாபாரம், தொழில் செய்பவர்களுக்கு போதுமான பொருளாதாரம் வந்துசேரும். உத்தியோகத்தில் உள்ளவர்களுக்கு திறமைக்குரிய அங்கீகாரம் கிடைக்கும். கலைஞர்களுக்குப் புகழ் கூடும். மாணவ -மாணவிகளுக்கு கல்வியில் முன்னேற்றம் ஏற்படும். பெண்களுக்கு மனதில் உற்சாகமும், தன்னம்பிக்கையும் கூடும்.

பணத்தேவையைப் பூர்த்தி செய்யும் நாட்கள்:-

பிப்ரவரி: 13, 14, 24, 25,

மார்ச்: 8, 9, 12.

மகிழ்ச்சி தரும் வண்ணம்:- வைலட்.

தை மாத ராசிபலன்

எதிர்காலத்தைப் பற்றியே எப்பொழுதும் சிந்திக்கும் ரிஷப ராசி நேயர்களே!

தை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் சுக்ரன் சப்தம ஸ்தானத்தில் சஞ்சரித்து உங்கள் ராசியைப் பார்க்கின்றார். எனவே பணம் பல வழிகளிலும் வந்து பையை நிரப்பும். பக்கபலமாக இருக்கும் நண்பர்கள் நீங்கள் கேட்ட உதவிகளை செய்து கொடுப்பர். தொழில், உத்தியோகத்தில் கூடுதல் பொறுப்புகளும், வருமான அதிகரிப்பும் உண்டு. பத்தில் சஞ்சரிக்கும் சனியின் ஆதிக்கத்தால் முத்தான தொழில்கள் வாய்க்கும். முன்னேற்றம் அதிகரிக்கும்.

மேஷ-குருவின் சஞ்சாரம்!

உங்கள் ராசிக்கு 8, 11 ஆகிய இடங்களுக்கு அதிபதியானவர் குரு. அவர் மாதத் தொடக்கத்தில் விரய ஸ்தானத்தில் சஞ்சரிக்கின்றார். லாபாதிபதி குரு விரய ஸ்தானத்தில் சஞ்சரிக்கும் இந்த நேரத்தில் லாபம் ஒருபுறம் வந்து கொண்டே இருக்கும். மற்றொரு புறம் விரயமும் அதிகரிக்கும். இருந்தாலும் பணப் பற்றாக்குறை ஏற்படாது. தேவைக்கேற்ப பணம் தேடிவந்து சேரும். விரயங்கள் வீண் விரயங்களாக மாறாமல் இருக்க நீங்களாகவே சுபவிரயங்களை தேர்ந்தெடுத்துக் கொள்ளுங்கள். குறிப்பாக வீட்டிற்குத் தேவையான விலை உயர்ந்தப் பொருட்களை வாங்குவது, திருமண வயதடைந்த பிள்ளைகள் இருந்தால், அவர்களுக்கு சீர்வரிசைப் பொருட்களை வாங்கலாம்.

தனுசு-சுக்ரன்!

ஜனவரி 19-ந் தேதி தனுசு ராசிக்கு சுக்ரன் செல்கின்றார். உங்கள் ராசிநாதனாகவும், 6-க்கு அதிபதியாகவும் இருப்பவர் சுக்ரன். அவர் அஷ்டம ஸ்தானத்திற்கு வரும் இந்த நேரம் அற்புதமான நேரமாகும். எண்ணற்ற நற்பலன்கள் இல்லம் தேடி வரப்போகின்றது. தொழிலில் அடுக்கடுக்காக ஒப்பந்தங்கள் வந்து ஆச்சரியப்பட வைக்கும். என்றைக்கோ குறைந்த விலைக்கு வாங்கிப் போட்ட இடம், இப்பொழுது அதிக விலைக்கு விற்றுப் பெரும் தொகை கைகளில் புரளும். உத்தியோகத்தில் மேலதிகாரிகள் உங்கள் கருத்துக்களை ஏற்றுக்கொள்வர்.

மகர-புதன்!

ஜனவரி 27-ந் தேதி மகர ராசிக்குப் புதன் வருகின்றார். உங்கள் ராசிக்கு 2, 5 ஆகிய இடங் களுக்கு அதிபதியானவர் புதன். தனாதிபதியான புதன் ஒன்பதாம் இடத்தில் சஞ்சரிக்கும் இந்த நேரத்தில் பொருளாதார நிலை திருப்தி தரும். பாக்கிகள் வசூலாகும். பஞ்சமாதிபதியாகவும் புதன் விளங்குவதால் பிள்ளைகள் நலனில் அக்கறை காட்டுவீர்கள். வேலை கிடைக்காதவர்களுக்கு வேலை, மாலை சூடும் வாய்ப்பு அமையாதவர்களுக்கு மாலையும் கிடைக்கும் நேரமிது. படித்து முடித்த பிள்ளை களுக்கு ெவளிநாடு சென்று படிக்க முயற்சி செய்திருந்தால் அது கைகூடும்.

மகர செவ்வாய் சஞ்சாரம்!

பிப்ரவரி 4-ந் தேதி மகர ராசிக்குச் செவ்வாய் செல்கின்றார். மகரம் அவருக்கு உச்ச வீடாகும். உங்கள் ராசிக்கு 7, 12 ஆகிய இடங்களுக்கு அதிபதியான செவ்வாய் உச்சம் பெறும் இந்த நேரம் கூடுதல் விரயங்கள் ஏற்படலாம். பயணங்கள் அதிகரிக்கும். உறவினர்களுக்கு உதவி செய்வீர்கள். இடமாற்றங்கள் இனிமை தரும். `கட்டிய வீட்டை வாடகைக்கு விட முடியவில்லையே' என்று கவலைப்பட்டவர்களுக்கு இப்பொழுது அதற்கான முயற்சி கை கூடும்.

அரசியல் களத்தில் இருப்பவர்களுக்குப் பொறுப்புகளில் மாற்றம் ஏற்படும். பொதுவாழ்வில் இருப்பவர் களுக்கு செல்வாக்கு உயரும். உத்தியோகத்தில் உள்ளவர்களுக்கு மேலதிகாரிகள் உங்கள் கருத்துக்களை ஏற்று செயல்படுவர். கலைஞர்களுக்கு எதிர்பார்த்த வாய்ப்புகள் வந்து சேரும். பெண்கள், கணவரின் அன்பிற்குப் பாத்திரமாவீர்கள்.

பணத்தேவையைப் பூர்த்தி செய்யும் நாட்கள்:-

ஜனவரி: 17, 18, 23, 24, 28, 29, பிப்ரவரி: 9, 10.

மகிழ்ச்சி தரும் வண்ணம்:-

பிரவுன்.

மார்கழி மாத ராசிபலன்

உதவி செய்வதன் மூலம் நற்பெயர் பெறும் ரிஷப ராசி நேயர்களே!

மார்கழி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் சுக்ரன் 6-ம் இடத்தில் சஞ்சரிக்கின்றார். எனவே திட்டமிடாமல் செய்யும் காரியங்களில் கூட வெற்றி கிடைக்கும். திடீர் தன வரவு வந்து மகிழ்ச்சி தரும். தொழில் ஸ்தானத்திற்கு வரும் சனி பகவானால் தொழில் வளம் சிறப்பாக அமையப் போகின்றது. உத்தியோகத்தில் இருப்பவர்களுக்கு ஓய்வு பெற்ற பின்னும் கூட பணி நீடிப்பு உண்டு.

கும்ப ராசியில் சனி

தொடர்ந்து மகர ராசியில் சஞ்சரித்து வந்த சனி பகவான் மார்கழி 4-ந் தேதி கும்ப ராசிக்குச் செல்கின்றார். வாக்கிய கணித ரீதியாக நடைபெறும் இந்த சனிப்பெயர்ச்சியால் தொழில் அபிவிருத்தி உண்டாகும். இதுவரை உழைப்பிற்கேற்ற பலன் கிடைக்கவில்லையே என்று மனம் வாடியவர்களுக்கு இப்பொது மிதமிஞ்சிய பொருளாதாரம் ஏற்படும். உத்தியோக உயர்வும், சம்பள உயர்வும் தானாக வந்து சேரும். பெற்றோர் உடல் நலனில் மட்டும் கவனம் தேவை. சனி வழிபாட்டின் மூலம் மேலும் நற்பலன்களை இக்காலத்தில் வரவழைத்துக் கொள்ள இயலும்.

விருச்சிக-சுக்ரன்

மார்கழி 9-ந் தேதி விருச்சிக ராசிக்கு சுக்ரன் வருகின்றார். உங்கள் ராசிக்கும், 6-ம் இடத்திற்கும் அதிபதியாக விளங்குபவர் சுக்ரன். அவர் சப்தம ஸ்தானத்தில் சஞ்சரிக்கும் பொழுது சகல துறைகளிலும் வெற்றி கிடைக்கும். சங்கிலித் தொடர்போல வந்த கடன் சுமை குறையும். உத்தியோக மாற்றம் உருவாகலாம். பங்குச் சந்தையில் ஈடுபட்டிருந்தவர்களுக்கு எதிர்பார்த்த இலக்கை அடைய முடியும். ஊர் மாற்றம், இட மாற்றம் பற்றி எடுத்த முடிவு பலன் தரும்.

தனுசு-செவ்வாய்

மார்கழி 11-ந் தேதி தனுசு ராசிக்கு செவ்வாய் பெயர்ச்சி யாகிச் செல்கின்றார். உங்கள் ராசிக்கு 7, 12 ஆகிய இடங்களுக்கு அதிபதியானவர் செவ்வாய். 12-க்கு அதிபதி அஷ்டமத்தில் வரும் இந்த நேரம் திடீர் திருப்பங்கள் பலவும் சந்திப்பீர்கள். விபரீத ராஜயோக அடிப்படையில் இடம், பூமி வாங்கும் முயற்சி கைகூடும். என்றைக்கோ குறைந்த விலைக்கு வாங்கிய இடம் இப்பொழுது அதிக விலைக்கு விற்று லாபத்தைக் கொடுக்கும். பிள்ளைகளின் கல்யாண வைபவத்தை முன்னிட்டு சீர்வரிசைப் பொருட்கள் வாங்குவதில் ஆர்வம் காட்டுவீர்கள்.

தனுசு-புதன்

மார்கழி 23-ந் தேதி தனுசு ராசிக்கு புதன் செல்கின்றார். உங்கள் ராசிக்கு 2, 5 ஆகிய இடங்களுக்கு அதிபதியானவர் புதன். அவர் அஷ்டமத்தில் சஞ்சரிக்கும் பொழுது தன லாபம் கிடைக்கும். அலைகடலுக்கு அப்பால் உள்ள நாடுகளில் பணிபுரியும் நண்பர்கள் ஆதரவுக்கரம் நீட்டுவர். உங்கள் முன்னேற்றத்தைப் பற்றி மற்றவர்களிடம் விமர்சிக்க வேண்டாம்.

பொதுவாழ்வில் உள்ளவர்களுக்கு வெற்றி வாய்ப்புகள் வீடு தேடி வரும். வியாபாரம், தொழில் செய்பவர்கள் வெகு விரைவில் முன்னேற்றம் காண்பர். உத்தியோகத்தில் உள்ளவர்கள் எதிர்பார்த்த ஊதிய உயர்வும், பதவி உயர்வும் பெற்று மகிழ்ச்சி காண்பர்.

கலைஞர்களுக்கு நண்பர்கள் மூலம் நல்ல தகவல் கிடைக்கும். மாணவ-மாணவியர்களுக்கு எதிர்காலத்தில் அமையும் கல்வியைப் பற்றிய எண்ணம் மேலோங்கும். பெண்களுக்கு சுபச்செலவுகள் அதிகரிக்கும். தம்பதியர்களுக்குள் இருந்த கருத்து வேறுபாடுகள் அகலும். பிள்ளைகளின் முன்னேற்றம் கருதி எடுத்த முயற்சிகளில் வெற்றி உண்டு.

பணத்தேவையைப் பூர்த்தி செய்யும் நாட்கள்:-

டிசம்பர்: 17, 18, 20, 21, 27, 28, 31,

ஜனவரி: 1, 12, 13.

மகிழ்ச்சி தரும் வண்ணம்:- மஞ்சள்.