ரிஷபம் - வார பலன்கள்

12.01.2025 முதல் 18.01.2025 வரை

பொற்காலம் துவங்கப் போகும் வாரம். அடுத்த இரண்டரை ஆண்டுகளுக்கு 9,10-ம் அதிபதியான சனி பகவான் லாப ஸ்தானத்தில் சஞ்சரிக்க போகிறார். மகாலஷ்மியின் கனிவுப் பார்வை உங்கள் மேல் பதியப் போகிறது. சனி பகவான் ஆதரவு கரம் நீட்டி லாபத்தில் திளைக்க செய்யப் போகிறார். விரும்பிய சொந்த தொழில் வாய்ப்பு தேடி வரும்.

புதிய தொழில் துவங்க, தொழில் கிளைகள் திறக்க, தொழிலை விரிவு செய்ய ஏற்ற நேரம். தொழிலில் இருந்த சிக்கல்கள் நீங்கும். அரசின் திட்டங்கள், மானியம், உதவி தொகை கிடைக்கும். வேலை இழந்தவர்களுக்கு வேலை கிடைக்கும். நெடுந்தூர வெளிநாட்டு பயணம் அல்லது தீர்த்த யாத்திரை செய்ய ஏற்ற காலம்.

தற்போது சுப விரயச் செலவுகளான திருமணம், வீடு கட்டுதல், வாகன வசதிகளைப் பெருக்கிக் கொள்ளுதல் புதிய முதலீடு செய்தல் போன்றவற்றில் ஈடுபடலாம். சிறு பிரச்சனைகளால் பிரிந்த நண்பர்கள், உறவினர்கள் பகை மறந்து நட்பு கரம் நீட்டுவார்கள். தலைமறைவாக வாழ்ந்தவர்கள், காணாமல் போனவர்கள், முதியோர் இல்லம் சென்றவர்கள் வீடு திரும்புவார்கள். பவுர்ணமியன்று அஷ்டலட்சுமிகளை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 5.1.2025 முதல் 11.1.2025 வரை

5.1.2025 முதல் 11.1.2025 வரை

சுப பலன்கள் அதிகரிக்கும் வாரம். குடும்ப பிரச்சனைகள் அகலும். ராசி அதிபதி சுக்ரன் தொழில் ஸ்தான அதிபதி சனியுடன், தொழில் ஸ்தானத்தில் இணைவது மிக சிறப்பான அமைப்பாகும். மனதில் நிரம்பி வழிந்த துக்கங்கள் விலகும். குடும்பத்தில் மகிழ்ச்சி, ஆனந்தம் அதிகரிக்கும். தொழில் முன்னேற்றம், வியாபார அபிவிருத்தி, எடுத்த காரியத்தில் வெற்றி போன்ற நன்மைகள் நடக்கும். கூலித் தொழிலாளிகளுக்கு ஒப்பந்த அடிப்படையில் புதிய வேலை வாய்ப்புகள் கிடைக்கும். பணப்புழக்கம் சரளமாக இருக்கும். சீட்டு, ரேஸ், பங்குச்சந்தை மூலம் வருமானம் பெருகும்.

பொருளாதாரத்தில் நல்ல மாற்றமும் ஏற்றமும் உண்டாகும். பொன், பொருள் சேர்க்கை அதிகரிக்கும். புதிய நட்பு வட்டாரம் உருவாகும். பிள்ளைகளால் பெருமை அடைவீர்கள். உடல் நலம் மற்றும் பொருளாதார நிலை மிகச் சிறப்பாக இருக்கும். பூர்வீகம் தொடர்பான விசயங்கள் விரைவில் முடிவிற்கு வரும். பழைய கடன்களை அடைத்து ஆறுதல் அடைவீர்கள். திருமணம், குழந்தை பேறு, கல்விச் செலவு, வீடு கட்டும் செலவு, கோவில் பிரார்த்தனை போன்ற சுப செலவு உண்டா கும். அஷ்ட லட்சுமிகளை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 29.12.2024 முதல் 4.1.2025 வரை

29.12.2024 முதல் 4.1.2025 வரை

அனைத்து முயற்சிகளும் பலிதமாகும் வாரம். ராசி அதிபதி சுக்ரன் 10-ம்மிடமான தொழில் ஸ்தானத்தில் தொழில் ஸ்தான அதிபதி சனியுடன் செவ்வாய் பார்வையில் சேர்க்கை பெறுகிறார்.புதிய வாய்ப்புகளால் லாபம் உண்டாகும்.நண்பர்கள் மூலம் மகிழ்ச்சியான செய்திகள் கிடைக்கும். தந்தையின் மூலம் எதிர்பார்த்த பண உதவிகள் கிடைக்கும். தந்தையின் ஆசியும் ஆஸ்தியும் கிடைக்கும். பூர்வீகச் சொத்து தொடர்பான பேச்சு வார்த்தை பலன் தரும். உணவுத் தொழில், ரியல் எஸ்டேட் தொழில், பங்கு வர்த்தகம், மார்க்கெட்டிங் போன்ற பணியில் இருப்பவர்களின் வருமானம் இரட்டிப்பாகும்.

வியாபாரத்தில் எதிர்பார்த்த லாபம், திருப்பம் உண்டாகும். நீண்ட நாட்களாக எதிர்பார்த்த பணம் இந்த வாரம் கிடைக்கக்கூடும். பிள்ளைகளின் திருமண முயற்சி சாதகமாகும். அரசு வேலைக்கான முயற்சி கைகூடும். 29.12.2024 அன்று பகல் 11.22 மணி முதல் 1.1.2025 அன்று காலை 6.01 மணி வரை சந்திராஷ்டமம் இருப்பதால் வேலையாட்களால் மன அமைதி குறையும். வெளி உணவுகளைத் தவிர்க்கவும். வெற்றிலை மாலை சாற்றி அமாவாசை யன்று ஆஞ்சநேயரை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 22.12.2024 முதல் 28.12.2024 வரை

22.12.2024 முதல் 28.12.2024 வரை

பொருளாதார பற்றாக்குறைகள் அகலும் வாரம். 2,5ம் அதிபதி புதன் ராசிக்கு 7ல் குரு மற்றும் சனியின் பார்வையில் சஞ்சரிக்கிறார். நண்பர்கள், சகோதரர்களால் கூட்டுத் தொழிலில் லாபம் அதிகரிக்கும். புதிய ஆடை, ஆபரணங்கள் வாங்கி மகிழ்வீர்கள்.பெண்கள் கணவரின் பரிசளிப்பால் குதூகலத்துடன் இருப்பார்கள்.தடைபட்ட வாடகை வருமானம், நிலுவையில் உள்ள சம்பள பாக்கி வராக்கடன்கள் வந்து சேரும். தொழில் துறையில், வேலையில் போட்டி, பொறாமை, இடையூறு, இன்னல்கள் இருந்தாலும் எந்த பாதிப்பும் இல்லாமல் எல்லாம் சிறப்பாக நிறைவேறும். தகப்பனாருடன் ஏற்பட்ட வருத்தம் மறையும்.

உறவுகளிடம் நிலவிய கவுரவப் போராட்டம் விலகி ஒற்றுமை பலப்படும். முக்கியமான தேவைகள் நிறைவேறும். வீடு, கட்டிடம் சம்பந்தமான பணிகளில் ஆதாயம் உண்டு. சிலருக்கு வேலை மாற்றும் சிந்தனை அதிகரிக்கும். திருமணத் தடை அகலும். விருப்ப விவாகத்திற்கு பெற்றோர்கள் சம்மதம் கிடைக்கும். ஆரோக்கியம் சிறக்கும். 29.12.2024 அன்று இரவு 11.22க்கு சந்திராஷ்டமம் ஆரம்பிப்பதால் பணியிடங்களில் பக்குவமாக நடந்து கொள்ளுங்கள். சரபேஸ்வரரை வழிபட்டு நலம் பெறவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 15.12.2024 முதல் 21.12.2024 வரை

15.12.2024 முதல் 21.12.2024 வரை

பொறுமையாக நிதானமாக இருக்க வேண்டிய வாரம். ராசி அதிபதி சுக்ரன் பாக்கிய ஸ்தானத்தில் குருப் பார்வையில் சஞ்சாரம். சுக ஸ்தான அதிபதி சூரியன் அஷ்டம ஸ்தானம் செல்கிறார். கிரக நிலவரத்தில் சாதகமும், பாதகமும் சேர்ந்து உள்ளது. பங்காளிகளால் ஏற்பட்ட பாகப் பிரிவினை வருத்தங்கள் நீங்கும். நீங்கள் எதிர்பார்த்த அளவு பங்கு கிடைக்காவிட்டாலும் சுமூகமாக நல்ல முறையில் சொத்து கிடைக்கும். இதுவரை குழந்தை பாக்கியத்திற்கு ஏங்கிய ரிஷப ராசி பெண்களுக்கு ஆண் வாரிசு கிடைக்கும். சிலருக்கு நீண்ட நாள் மருந்து சாப்பிடும் நோயின் அறிகுறி தென்படும்.

வயதானவர்கள் உரிய மருத்துவ பரிசோதனை செய்து உடல் நலனில் கவனம் செலுத்த வேண்டும். தொழில் விரிவாக்கம், வீடு கட்டும் பணி, குழந்தைகளின் கல்வி, திருமணம் போன்ற தேவைக்கும் கடன் வாங்க வேண்டிய சூழ்நிலை ஏற்படும்.சிலர் பிழைப்பிற்காக வெளியூர் , வெளி மாநிலம் அல்லது வெளிநாடு செல்ல நேரும். பலருக்கு இந்த வாய்ப்பு திருப்புமுனையாகவும் இருக்கும். எத்தகைய கிரக தோஷமானாலும் தினமும் திருக்கோளாற்று பதிகம் ஒலிக்கச் செய்து கேட்க வேண்டும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 8.12.2024 முதல் 14.12.2024 வரை

8.12.2024 முதல் 14.12.2024 வரை

மகிழ்ச்சியான வாரம். ராசியில் நிற்கும் அஷ்டமாதிபதி குரு வக்ர கதியில் சஞ்சரிப்பதால் வெளியில் சொல்ல முடியாது தவித்த பல பிரச்சனைகள் தானாக தீரும். இழந்த நிம்மதி, சந்தோஷம் உங்களுக்குள் மீண்டும் குடிபுகும். அவப்பெயர்கள், சங்கடங்கள் விலகும். புதிய வாழ்வியல் மாற்றம் ஏற்படப்போகிறது. குடும்பத்தில் நிம்மதி, மகிழ்ச்சி பெருகும்.வேலை செய்யுமிடத்தில் விரும்பிய மாற்றங்கள் உண்டு. பதவி உயர்வு, உத்தியோகத்தில் இடமாற்றம், மற்றவர்களால் மதிக்கப்படக்கூடிய நிலை ஏற்படும்.

கணவன், மனைவி கருத்து வேற்றுமை நீங்கும். குழந்தைகளால் பெருமை சேரும். உறவினர்கள், நண்பர்கள் மத்தியில் மதிப்பு கூடும்.லாபகரமான நிலைக்கு தொழிலை கொண்டு செல்வீர்கள். இழந்த சொத்துக்கள் மீண்டும் கைக்கு வந்து சேரும். தெய்வ சிந்தனை அதிகரிக்கும். பெண்கள் நேரத்தை சரியாக பயன்படுத்தும் பணியில் உங்களை ஈடுபடுத்திக் கொள்வது நன்மை தரும். புத்திரர்கள் வழியில் மனம் மகிழும் சம்பவங்கள் நடைபெறும். குடும்ப உறுப்பினர்கள் ஆதரவாக இருப்பார்கள். ரோஜா மாலை சாற்றி சிவ பெருமானை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 1.12.2024 முதல் 7.12.2024 வரை

1.12.2024 முதல் 7.12.2024 வரை

பாக்கிய பலன்கள் மிகுதியாகும் வாரம். ராசி அதிபதி சுக்ரன் குரு மற்றும் செவ்வாயின் பார்வையில் பாக்கிய ஸ்தானம் செல்கிறார். தடைபட்ட அனைத்துவிதமான பாக்கிய பலன்களையும் அடைவீர்கள். திருமணம், குழந்தை பேறு, பேரன், பேத்தி,வீடு, வாகன யோகம், பொன், பொருள் சேர்க்கை என பல்வேறு பாக்கிய பலன்கள் நடக்கும். தேவையற்ற கற்பனை, பயங்கள் அகலும். மன சஞ்சலமின்றி நிம்மதியாக தூங்குவீர்கள். இறை வழிபாட்டில் ஆர்வம் அதிகரிக்கும். ஆன்ம பலம் கூடும்.

தகப்பனார் வழியில் ஆதரவும், அனுகூலமும் உண்டாகும். சிலர் தொழில், உத்தியோகத்திற்காக வெளிநாடு வெளி மாநிலத்திற்கு இடம் பெயரலாம்.சொத்து வாங்கும், விற்கும் முயற்சி ஈடேறும். எதிர்பார்த்த பணம் கிடைக்கும். கடன் தொகை வெகுவாக குறையும். 2.12.2024 அன்று மாலை 3.45 மணி முதல் 4.12.2024 அன்று இரவு 11.19 மணி வரை சந்திராஷ்டமம் இருப்பதால் மேலதிகாரிகள் உங்களிடம் அதிகப் பணிச்சுமையை திணிக்கலாம்.சிலர் பணியில் இருந்து விலகிக் கொள்ள வேண்டிய நிர்பந்தம் உண்டாகும். வெள்ளை மொச்சை தானம் வழங்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 24.11.2024 முதல் 30.11.2024 வரை

24.11.2024 முதல் 30.11.2024 வரை

மாற்றமும் ஏற்றமும் தேடி வரும் வாரம். ராசியில் உள்ள குருவை சூரியன், பார்ப்பது சிவராஜயோகம்.தைரியம், தன்னம்பிக்கை அதிகரிக்கும். மிகப் பெரிய வெற்றி கிடைக்கப் போகிறது. உங்களுக்கு இருந்த சிக்கல்கள் நீங்கி நல்ல நேரம் துவங்கப் போகிறது. மூத்த சகோதரம், சித்தப்பாவுடன் ஏற்பட்ட பிரச்சனைகளை பேசித் தீர்க்கலாம். எதிர்பாராத திடீர் அதிர்ஷ்டப் பொருள் கிடைக்கலாம். அல்லது பண வரவு அதிகரிக்கும். நீண்ட நாட்களாக எதிர்பார்த்து காத்து இருந்த நல்ல காரியங்கள் அனைத்தும் நிறைவேறும். வாடகை வீட்டுப் பிரச்சனையில் இருந்து விடுபட்டு சொந்தமாக அபார்ட்மென்ட் வாங்கி குடியேறுவீர்கள்.

மாணவர்களுக்கு கல்வியில் ஆர்வம் கூடும். அரியர்ஸ் பாடங்களை எழுதி முடிக்கலாம்.காதல் திருமணத்தில் நிலவிய தடைகள் அகலும்.பெண்களுக்கு பிறந்த வீட்டு சொத்து உரிய முறையில் வந்து சேரும். வெளிநாட்டுப் பயணங்கள் வெற்றி பெறும். பெரிய தொழில் முதலீடுகள், பங்குச்சந்தை முதலீடுகளைத் தவிர்த்தல் நலம். முக்கிய வழக்குகளை ஒத்தி வைக்கவும். ஆரோக்கியம் மேன்மை பெறும். மாணவ, மாணவிகளின் நினைவாற்றல் கூடும். பிரதோஷ வழிபாட்டால் நன்மைகள் கூடும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 17.11.2024 முதல் 23.11.2024 வரை

17.11.2024 முதல் 23.11.2024 வரை

நன்மைகள் உண்டாகும் வாரம். ராசி அதிபதி சுக்ரன் அஷ்டமாதிபதி குருவுடன் பரிவர்த்தனை செய்வதால் சிந்தனையின் போக்கில் நிலவிய குழப்பம் விலகும்.மகிழ்ச்சியான செய்திகள் கிடைக்கும்.வெளிநாட்டு முயற்சிகள் தடையின்றி வெற்றி தரும். குடும்ப உறவுகளின் எண்ணங்களை புரிந்து கொள்வீர்கள். வெளிஉலகில் திறமைகளை வெளிப்படுத்தக் கூடிய வாய்ப்புகள் அமையும். சமூகப் பணிகளில் இருப்பவர்களுக்கு செல்வாக்கு மேம்படும். தொலைந்த சில ஆவணங்கள் கிடைக்கும்.

வியாபாரம் சார்ந்த செயல்களில் பொறுமை வேண்டும். எதிர்காலம் மற்றும் சேமிப்பு பற்றிய சிந்தனைகள் மேம்படும். சேமிப்பு தொடர்பான ஆலோசனைகள் கிடைக்கும். உறவினர்களின் வருகையால் குடும்பத்தில் குதூகலம் கூடும். வழக்குகளில் நல்ல தீர்ப்புகள் கிடைக்கும். வீட்டு பராமரிப்பு செலவுகள் அதிகமாகும். சொத்து பிரச்சினைகளுக்கு முடிவுகள் கிடைக்கும். சூழ்நிலைக்கு ஏற்ப செயல்பட்டு காரியத்தை சாதிப்பீர்கள். பணி மாற்ற சிந்தனைகள் ஏற்படும். உடல் நலம் சீராகி நிம்மதியாக தூங்குவீர்கள். தேய்பிறை அஷ்டமியன்று அஷ்ட லட்சுமிகளை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிப்பலன் 10.11.2024 முதல் 16.11.2024 வரை

வாழ்க்கைத் தரம் உயரும் நேரம். ராசி அதிபதி சுக்ரன் குருவுடன் பரிவர்த்தனை செய்வதாலும் ராசிக்கு புதன் பார்வை இருப்பதாலும் எதிர்பார்த்த உதவிகள் கிடைக்கும். அதிர்ஷ்ட பொருள், பண வரவால் வாழ்வாதாரம் உயரும். வழக்குகளில் விரும்பிய நல்ல தீர்ப்பு கிடைக்கும். வீடு, வாகனத்திற்காக கடன் வாங்குவீர்கள். விருப்ப விவாகம் நடைபெறும். அரசின் நலத்திட்டங்களால் ஆதாயம் உண்டாகும். பிள்ளைகள் பெயரில் நிரந்தர வைப்புத் தொகையை ஏற்படுத்துவீர்கள். தங்கத்தில் முதலீடு செய்வீர்கள்.

ரிஷப ராசிக்கு 9, 10ம் அதிபதியான சனிபகவான் வக்ர நிவர்த்தி அடைகிறார். தடைபட்ட அனைத்து பாக்கிய பலன்களும் நடைபெறும். விலகிய குடும்ப உறவுகள் நட்பு பாராட்டுவார்கள். குடும்பத்தில் மகிழ்ச்சி அதிகரிக்கும். தந்தையின் உடல் நிலையில் நல்ல மாற்றம் உண்டாகும். வேலை இழந்தவர்களுக்கு புதிய வேலை கிடைக்கும். சக ஊழியர்களுடன் நிலவிய பிணக்குகள் மறையும். தொழில், வியாபாரத்தில் நிலவிய போட்டி, பொறாமைகளை சமாளிப்பீர்கள். ராசியில் குரு நிற்பதால் கவுரவம் பங்கப்படாமல் எளிதாக சமாளித்து விடுவீர்கள். பவுர்ணமியன்று மகாலட்சுமியை வழிபடவும்.

`பிரசன்ன ஜோதிடர்' ஐ.ஆனந்தி, செல்: 98652 20406

வார ராசிபலன் 3.11.2024 முதல் 9.11.2024 வரை

3.11.2024 முதல் 9.11.2024 வரை

மட்டற்ற மகிழ்ச்சியோடு நல்ல மாற்றங்களும் ஏற்றங்களும் உண்டாகும் வாரம். வார இறுதியில் ராசி அதிபதி சுக்ரன் அஷ்டம ஸ்தானம் சென்று தனம், வாக்கு, குடும்ப ஸ்தானத்தை பார்க்கிறார். பற்றாக்குறை வருமானத்தில் வாழ்ந்த குடும்பம் நிறைவான வருமானத்துடன் நடக்கும். தடைபட்ட வாடகை வருமானங்கள் வந்து சேரும். கடன் பிரச்சினைகள் குறையும். அரசு வேலை முயற்சி பலிதமாகும். வாழ்க்கைத் துணைக்கு பூர்வீகச் சொத்து கிடைக்கும். தொழிலுக்கு அரசின் மானியம் கிடைக்கும்.புதிய சொத்துக்கள் சேரும். சுப நிகழ்விற்கான பேச்சு வார்த்தைகள் நடக்கும்.

உடன் பிறந்தவர்களின் சந்திப்பு, அனுசரனை மகிழ்ச்சியை அதிகரிக்கும். திருமணம், சுப காரிய முயற்சிகள் சாதகமாகும். தம்பதிகள் ஒற்றுமை சிறக்கும் ஆரோக்கியத்தில் நிலவிய குறைபாடுகள் வைத்தியத்தில் சீராகும். வழக்கில் சாதகமான தீர்ப்பு வரும். 5.11.2024 அன்று காலை 9.45 மணி முதல் 7.11.2024 அன்று மாலை 5.53 மணி வரை சந்திராஷ்ட மம் இருப்பதால் மன அமைதி குறைவு உண்டா கலாம். உங்கள் பேச்சே உங்களுக்கு எதிரிகளை உருவாக்கலாம். எனவே எதையும் யோசித்து பேசுவது நல்லது அர்த்தநாரீஸ்வரரை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 27.10.2024 முதல் 3.11.2024 வரை

27.10.2024 முதல் 3.11.2024 வரை

நினைப்பதெல்லாம் நடைபெறும். அற்புதமான வாரம். ராசி அதிபதி சுக்ரன் தன் வீட்டை தானே பார்க்கிறார். இதுநாள் வரை பின் தொடர்ந்து வந்த பிரச்சனைகள் படிப்படியாக குறையும்.குடும்பத்தில் சந்தோஷம் இரட்டிப்பாகும்.பல்வேறு சுப பலன்கள் உண்டாகும்.வழக்கில் சாதகமான தீர்ப்பு வரும். எதிர்பார்த்த பணம் கைக்கு வரும். பூர்வீகச் சொத்தை விற்று புதிய வீடு, மனை, தோட்டம் வாங்கலாம்.பழுதான வாகனத்தை மாற்றுவீர்கள். தங்கம் வாங்குவீர்கள்.வேலை செய்யும் இடத்தில் இருந்து வந்த சிக்கல்கள் நீங்கும். தொழிலில் உன்னத நிலையை அடைய முடியும்.

செல்வாக்கு, திறமை மற்றும் கவுரவத்தோடு செயல்பட்டு சிறப்பும் பெருமையும் அடைய முடியும்.புகழ் மிக்கவர்களைக் கொண்டு முக்கிய காரியங்களை சாதிப்பீர்கள். உடல் ஆரோக்கியத்தில் கொஞ்சம் கூடுதல் கவனம் செலுத்த வேண்டும். புதிய தொழிலில் முதலீடு செய்யும் போது கவனமாக இருக்க வேண்டும். தீபாவளி விடுமுறை பயனுள்ளதாக இருக்கும்.அஷ்டமாதிபதி குரு வக்ரமடைவதால் வெளிநாடு சென்ற சிலர் வேலை பிடிக்காமல் மீண்டும் சொந்த ஊர் திரும்புவார்கள்.திருமண முயற்சிகள் கைகூடும்.லலிதா சகஸ்ஹர நாமம் படிக்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406