சென்னை:
கோயம்பேடு விஜய் பார்க் நிறுவனம் சர்வதேச தரத்தில் விஜய் பார்க் மல்டி பிளக்ஸ் மாலை உருவாக்கி உள்ளது.
சென்னை கிழக்கு கடற்கரை சாலை, ஈஞ்சம்பாக்கத்தில் வி.ஜி.பி. கோல் டன் பீச் எதிரில் அமைந்துள்ள இந்த விஜய் பார்க் மால் சர்வதேச தரத்தில் அதிநவீன வசதிகளுடன் உருவாக்கப்பட்டுள்ளது. டால்பி அட்மாஸ் நவீன வசதிகளுடன் கூடிய 5 தியேட்டர்கள் இங்கு உள்ளது. உலக தரம் வாய்ந்த பார்கோ 4 கே லேசர் ப்ரொஜக்டர் வசதியுடன் கூடிய திரை இந்த தியேட்டர்களில் உருவாக்கப்பட்டுள்ளது.
சென்னையில் இந்த அதிநவீன வசதிகளுடன் கூடிய தியேட்டர்கள் இங்கு தான் முதல் முறையாக அமைக்கப் பட்டுள்ளது என்பது குறிப்பிடத்தக்கது. இந்த மாலில் உள்ள 5 தியேட்டர்களிலும் தலா 225 பேர் படம் பார்க்கும் வகையில் நவீன வசதிகளுடன் கூடிய இருக்கைகள் அமைக்கப்பட்டுள்ளது.
சர்வதேச தரத்தில் உருவாக்கப்பட்டுள்ள விஜய் பார்க் மல்டிபிளக்ஸ் மாலை அதன் சேர்மன் விஜயராக வன், அவரது மனைவி ராதா விஜயராகவன் ஆகியோர் ஏப்ரல் 7-ந்தேதி குத்து விளக்கேற்றி திறந்து வைத்தனர். விழாவில் எம். கே. மோகன் எம். எல். ஏ., வழக்கறிஞர் சந்தான ராமன், படூர் ரமேஷ், வேல்ஸ் பல்கலைக்கழக வேந்தர் ஐசரி கணேஷ் மற்றும் ஏராள மான தொழில் அதிபர்கள், உறவினர்கள் மற்றும் நண்பர்கள் கலந்து கொண்டனர்.
