தோள் சீலை போராட்ட நிகழ்ச்சியில் பங்கேற்கும் முதலமைச்சர் மு.க.ஸ்டாலினுக்கு ராகம் சவுந்தரபாண்டியன் நன்றி

சென்னை:

இந்திய நாடார்கள் பேரமைப்பு தலைவர் ராகம் சவுந்தரபாண்டியன் வெளியிட்டுள்ள அறிக்கையில் கூறி இருப்பதாவது:

நாகர்கோவிலில் இன்று நடைபெற உள்ள தோள் சீலை போராட்டத்தின் 200-ம் ஆண்டு நிறைவு விழா நிகழ்ச்சியில் கலந்து கொள்ள இருக்கிற தமிழக முதலமைச்சர் மு.க.ஸ்டாலின், கேரளா முதல்-மந்திரி பினராயி விஜயன் ஆகியோருக்கு நன்றி தெரிவித்துக் கொள்ள கடமைப்பட்டுள்ளோம்.

தோள் சீலை போராட்டம் என்பது நமது நாடார் இனத்தின் வீரத்தையும் விவேகத்தையும் தொடர் போராட்டத்தால் விளைந்த வெற்றியையும் விளக்கும் நிகழ்வாகும். தோள் சீலை போராட்டத்தின் 200-ஆம் ஆண்டு நிறைவு விழா நிகழ்ச்சியை ஏற்பாடு செய்திருக்கிற அத்தனை நல்ல உள்ளங்களுக்கும் இந்திய நாடார்கள் பேரமைப்பு நன்றியை தெரிவித்துக் கொள்கிறது. வரலாற்று உண்மைகளை என்றென்றைக்கும் வருங்காலம் தெரிந்து கொள்ள வேண்டும் என்பதே எமது நோக்கம்.

இவ்வாறு அவர் கூறியுள்ளார்.