சென்னை:
சென்னையில் 2-ம் கட்ட மெட்ரோ ரெயில்கள் பணி நடந்து வருகிறது. இந்த நிலையில் பழைய மகாபலிபுரம் சாலை நாவலூர் சுங்கச்சாவடி பகுதியில் மெட்ரோ ரெயில் பணிகள் தொடங்கப்பட உள்ளது.
இதையடுத்து இங்கு சுங்கச்சாவடி கட்டணத்தை ரத்து செய்ய வேண்டும் என்று தென்சென்னை மக்கள் கோரிக்கை வைத்தனர். இதுதொடர்பாக நெடுஞ்சாலைத்துறை ஆணையம் தமிழக அரசுக்கு பரிந்துரை செய்திருந்தது.
இந்த நிலையில் நாவலூர் சுங்கச்சாவடியில் நாளை முதல் சுங்கச்சாவடி கட்டணம் வசூலிக்கப்படுவது நிறுத்தி வைக்கப்படுவதாக முதலமைச்சர் மு.க.ஸ்டாலின் இன்று அறிவித்துள்ளார்.
