சென்னையின் பல்வேறு பகுதிகளில் மழை

சென்னை வானிலை ஆய்வு மையம் வெளியிட்டுள்ள அறிக்கையில், நாளை தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும் என்று தெரிவித்து இருந்தது.

மேலும் சென்னை, காஞ்சிபுரம், செங்கல்பட்டு, விழுப்புரம், கடலூர், தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, ராமநாதபுரம் மாவட்டங்களிலும் மற்றும் புதுச்சேரி, காரைக்கால் பகுதிகளிலும் ஓரிரு இடங்களில் கனமழை பெய்ய வாய்ப்புள்ளது என தெரிவிக்கப்பட்டு இருந்தது.

இந்த நிலையில், சென்னையின் பல்வேறு பகுதிகளில் மழை பெய்து வருகிறது. சென்னை அண்ணா சதுக்கம், பட்டினப்பாக்கம், திருவல்லிக்கேணி, எழும்பூர், ராயப்பேட்டை, அடையார், கொட்டிவாக்கம், பாலவாக்கம், அண்ணா சாலை, பெரம்பூர், கொளத்தூர் உள்ளிட்ட பகுதிகளில் மழை பெய்து வருகிறது.