நீங்கள் தேடியது "CSK"

சென்னை சூப்பர் கிங்ஸ் அணி 2025 ஐபிஎல் மெகா ஏலத்திற்கு முன்னதாக ஐந்து வீரர்களை தக்க வைத்துள்ளது. ருதுராஜ் கெய்க்வாட், ரவீந்திர ஜடேஜா, சிவம் துபே, மதிஷா பதிரானா மற்றும் டோனி ஆகிய ஐந்து வீரர்களை சென்னை சூப்பர் கிங்ஸ் அணி தக்க வைத்துள்ளது.

இந்நிலையில் கடந்த மெகா ஏலத்திலும் அவர்கள் என்னைத் தக்கவைக்கவில்லை என சிஎஸ்கே அணியின் முன்னாள் வீரர் தீபக் சாஹர் தெரிவித்துள்ளார்.

இது குறித்து அவர் கூறியதாவது:-

2025 ஐபிஎல் மெகா ஏலத்தில் சிஎஸ்கே என்னை ஏலம் எடுக்கும் என்று நான் நம்புகிறேன். கடந்த மெகா ஏலத்திலும் அவர்கள் என்னைத் தக்கவைக்கவில்லை. ஆனால் பல முயற்சிகளை செய்து என்னைத் திரும்ப வாங்கினர். இந்த ஆண்டு என்ன நடக்கும் என்று எனக்குத் தெரியவில்லை. ஆனால் என் திறமைக்கு இப்போது அதிக மதிப்பு இருக்கும் என்று தெரியும்.

புதுடெல்லி:

இங்கிலாந்து அணியின் முன்னாள் வேகப்பந்து வீச்சாளர் ஜேம்ஸ் ஆண்டர்சன். தனது கிரிக்கெட் பயணத்தை அவர் இந்த ஆண்டின் தொடக்கத்தில் முடிவுக்கு கொண்டு வந்தார். 188 டெஸ்டில் 704 விக்கெட் கைப்பற்றியுள்ளார். டெஸ்டில் அதிக விக்கெட்டுகள் வீழ்த்திய வீரர்களில் முரளிதரன், 'வார்னேவுக்கு அடுத்தபடியாக ஆண்டர்சன் 3-வது இடத்தில் உள்ளார். அவர் முதல் முறையாக ஐபிஎல் ஏலத்தில் பதிவு செய்துள்ளார்.

இந்த நிலையில் ஜேம்ஸ் ஆண்டர்சனை சி.எஸ்.கே. ஐபிஎல் ஏலத்தில் எடுத்தாலும் ஆச்சரியப்படுவதற்கு ஒன்றுமில்லை என்று இங்கிலாந்து முன்னாள் கேப்டன் மைக்கேல் வாகன் தெரிவித்துள்ளார்.இது தொடர்பாக அவர் கூறியதாவது:- 

சென்னை சூப்பர் கிங்ஸ் அணியில் சுவிங் பந்து வீச்சாளர்களுக்கு முக்கியத்துவம் கொடுக்கப்படும். அவர்களது அணியில் எப்போதும் சுவிங் பந்து வீச்சாளர்கள் இருப்பார்கள். அதனால், ஜேம்ஸ் ஆண்டர்சனை சி.எஸ்.கே அணியால் ஏலத்தில் எடுக்கப்பட்டால் அது எனக்கு பெரிய ஆச்சரியத்தை கொடுக்காது.

இவ்வாறு அவர் கூறியுள்ளார்.

ஐபிஎல் மெகா ஏலம் வருகிற 24, 25 ஆகிய தேதிகளில் சவதி அரேபியாவின் ஜெட்டா நகரில் நடக்கிறது. 42 வயதான ஜேம்ஸ் ஆண்டர்சன் உள்பட 1,500-க்கும் மேற்பட்ட வீரகள் ஐ.பி.எல். ஏலத்தில் பதிவு செய்துள்ளனர்.

ஐ.பி.எல். மெகா ஏலத்திற்கு அணிகள் நிர்வாகம் தயாராகி வருகின்றன. டெல்லி அணி கேப்டன் ரிஷப் பண்ட் மெகா ஏலத்தில் உள்ளார். இவரை எந்த அணி எடுக்கும் என்ற எதிர்பார்ப்பு உள்ளது.

எம்.எஸ். டோனி இந்த வருடம் விளையாடுவார் என அறிவிக்கப்பட்டுள்ளது. அடுத்த வருடம் விளையாடுவாரா? என்பது சந்தேகம். அணியின் நீண்ட கால திட்டம் அடிப்படையில் ரிஷப் பண்ட்-ஐ ஏலத்தில் எடுக்கலாம் என யூகங்கள் கிளம்பி வருகின்றன.

ஆனால் ரஷிப் பண்ட்-க்கு மிகப்பெரிய தொகை கொடுக்க வேண்டியிருக்கும். தற்போது ருதுராஜ் கெய்க்வாட், ஜடேஜா, பதிரனா, ஷிவம் டுபே, எம்.எஸ். டோனி ஆகியோரை 65 கோடி ரூபாய்க்கு தக்கவைத்துள்ளது.

இன்னும் கைவசம் 55 கோடி ரூபாய்தான் உள்ளது. இந்த நிலையில் இந்தியாவின் சிறந்த வீரர்களை மற்ற அணிகளுடன் போட்டியிட்டு வாங்கும் அளவிற்கு தங்களிடம் பணம் இல்லை என சென்னை சூப்பர் கிங்ஸ் அணி சிஇஓ காசி விஸ்வநாதன் தெரிவித்துள்ளார்.

இது தொடர்பாக அவர் கூறுகையில் "வீரர்களை தக்க வைப்பதற்கு முன்னதாக, நாங்கள் ருதுராஜ் கெய்க்வாட், எம்.எஸ். டோனி, பயிற்சியாளர் ஆகியோருடன் விவாதித்தோம்.

முந்தைய ஆண்டுகளில் அணியின் வளர்ச்சிக்கும், ஸ்திரத்தன்மைக்கும் உதவிய வீரர்கள் சிஎஸ்கே அணி மேலும் தொடர மிகவும் முக்கியமானவர்கள் என்பதில் நாங்கள் தெளிவாக இருந்தோம்.

இவர்களை தக்கவைத்துக் கொள்ள வேண்டும் என்ற முடிவை எடுப்பது எளிதாக இருந்தது. இவர்களுடன் குறைந்த கையிருப்பு பணத்துடன்தான் ஏலத்தில் செல்ல வேண்டும் என்பது எங்களுக்கு தெரியும். இந்தியாவின் சிறந்த வீரர்களுக்காக மற்ற அணிகளுடம் போட்டியிடன் திறன் எங்களுக்கு இல்லை என்பது தெளிவாக தெரியும்.

நாங்கள் முயற்சி செய்வோம். இருந்தபோதிலும் அதற்கான வாய்ப்பு இருக்காது என்ற அர்த்தத்தில் சொல்கிறேன்" என்றார்.

ஐபிஎல் தொடரின் 18-வது சீசனுக்கான வீரர்கள் மெகா ஏலம் இந்த மாதம் இறுதியில் நடைபெறவுள்ளது. இந்நிலையில் அனைத்து அணிகளும் தக்க வைத்துக்கொள்ளும் வீரர்களின் பட்டியலை வெளியிட்டனர்.

அந்தவகையில் சென்னை அணியும் தக்க வைக்கப்பட்ட வீரர்களின் பட்டியலை வெளியிட்டது. அதன்படி ஏலத்திற்கு முன்னதாக 5 வீரர்களை தக்கவைத்து கொள்வதாக அறிவித்துள்ளது. அதிலும் குறிப்பாக அணியின் முன்னாள் கேப்டன் மகேந்திர சிங் டோனியை அந்த அணி அன்கேப்ட் வீரராக தேர்வு செய்துள்ளது.

மேற்கொண்டு அணியின் கேப்டனாக செயல்பட்டு வரும் ருதுராஜ் கெய்க்வாட் மற்றும் நட்சத்திர ஆல் ரவுண்டர் ரவீந்திர ஜடேஜா ஆகியோரை தலா ரூ.18 கோடிக்கு தக்கவைத்துள்ள சிஎஸ்கே நிர்வாகம், மதீஷா பதிரானாவை ரூ,13 கோடிக்கும், ஷிவம் துபே ரூ.12 கோடிக்குக்கு தக்கவைத்துள்ளது. இதில் ஆன்கேப்ட் வீரராக தேர்ந்தெடுக்கப்பட்டுள்ள எம் எஸ் தோனியை ரூ.4 கோடிக்கு தக்கவைப்பதாக அறிவித்துள்ளது.

இந்நிலையில் ஆஸ்திரேலிய அணியின் முன்னாள் ஜாம்பவான் ரிக்கி பாண்டிங், எம்எஸ் டோனி சென்னை சூப்பர் கிங்ஸ் அணிக்காக ஐபிஎல் தொடரில் தொடர்ந்து உருவாக்கி வரும் பிடிப்பு பற்றி தனது அபிமானத்தைப் பகிர்ந்துள்ளார்.

இதுகுறித்து அவர் கூறியதாவது:-

இரண்டு சீசன்களுக்கு முன்பு அவர் தனது மோசமான சீசனைக் கொண்டிருந்தார், ஆனால் கடந்த ஆண்டு மீண்டும், பழைய எம்எஸ் டோனி போல் சில ஆட்டங்களில் உண்மையில் தாக்கத்தை ஏற்படுத்தினார்.

இப்போதும் அவர் அதே ஃபார்மில் தன் இருப்பார் என்று நினைக்கிறேன். மேலும் சிஎஸ்கே அணி அவரை சீசன் முழுவதும் பெறாமல் போகலாம். அவரை விளையாட்டிற்கு வெளியே விட்டுவிட்டு, தேவைப்படும் போட்டிகளில் மட்டுமே அவரை பயன்படுத்தலாம் என்றும் நினைக்கலாம்.

அவர் களத்தில் இறங்கி விளையாடுகிறாரோ அல்லது வெளியே ஓரமாக அமர்ந்திருக்கிறார் என்பது பற்றி எந்தவொரு கவலையும் கிடையாது. ஆனாலும் அவர் சென்னைக்கு அணிக்கு முக்கியமானவர். களத்திற்கு வெளியே இருந்தாலும் அவரால் அந்த தலைமையை வழிநடத்த முடியும். 10, 12, 14 வருடம் தொடர்ச்சியாக இவ்வளவு உயர் மட்டத்தை நீண்ட காலத்திற்கு தக்க வைத்துக் கொள்ளக்கூடியவர்களே சிறந்த வீரர்கள். அப்படி ஒரு வீரர் தான் எம்எஸ் டோனி.

இவ்வாறு பாண்டிங் கூறினார்.

ஐபிஎல் 2025 மெகா ஏலத்திற்கு முன்னதாக ஐந்து வீரர்களைத் தக்கவைத்துக் கொள்ள சென்னை சூப்பர் கிங்ஸ் அணி முடிவு செய்துள்ளது. இந்தப் பட்டியலில் இந்திய அணியின் முன்னாள் கேப்டன் மகேந்திர சிங் டோனி, தற்போதைய சிஎஸ்கே கேப்டன் ருதுராஜ் கெய்க்வாட், ஆல்ரவுண்டர் ரவீந்திர ஜடேஜா, சிவம் துபே, மதீஷா பத்திரனா ஆகியோர் இடம்பெற்றுள்ளனர்.

இந்நிலையில் சிஎஸ்கே அணியில் இருந்து நியூசிலாந்து வீரர் கான்வே விடுவிக்கப்பட்டார். 2 வருடம் ஆதரவளித்த சிஎஸ்கே ரசிகர்களுக்கு நன்றி தெரிவித்துள்ளார். அதில் கடந்த 2 ஆண்டுகளாக எனக்கு தொடர்ந்து ஆதரவளித்த விசுவாசமான சிஎஸ்கே ரசிகர்களுக்கு நன்றி என பதிவிட்டிருந்தார்.

இந்தியாவுக்கு எதிரான டெஸ்ட் போட்டியில் சிறப்பான ஆட்டத்தை வெளிப்படுத்தி வரும் கான்வே ஏலத்தில் வரும் பட்சத்தில் இவரை ஏலம் எடுக்க அனைத்து அணிகளும் மல்லுகட்டுவார்கள் என்பதில் சந்தேகமில்லை.

கடந்த ஆண்டு ஐபிஎல் தொடரில் டேவான் கான்வே காயம் காரணமாக விளையாடவில்லை என்பது குறிப்பிடத்தக்கது.

ஐ.பி.எல். 2025 சீசனுக்கான மெகா ஏலம் விரைவில் நடைபெற இருக்கிறது. அதற்கு முன்னதாக தக்கவைக்கும் வீரர்கள் பெயரை அறிவித்து மற்ற வீரர்களை விடுவிக்க வேண்டும் என ஐபிஎல் நிர்வாகம் கேட்டுக்கொண்டது.

அதன்படி இன்று மாலை 5.30 மணிக்குள் தக்கவைக்கும் வீரர்கள் பட்டியலை வெளியிட வேண்டும் என தெரிவித்தது.

அதன்படி ஒவ்வொரு அணிகளும் தக்கவைத்துக் கொண்ட வீரர்கள் பட்டியலை வெளியிட்டது. சென்னை சூப்பர் கிங்ஸ் ருதுராஜ் கெய்க்வாட், ஷிவம் டுபே, பதிரனா, ஜடேஜா, எம்.எஸ். டோனி ஆகியோரை தக்கவைத்துள்ளது.

யாரெல்லாம் தக்கவைத்துள்ளோம் என்ற விவரத்தை அனிருத்தின் மாஸ் ஆன இசையில் வெளியிட்டு சூப்பர் பேன்ஸ், இங்கே உங்களுடைய தீபாவளி பரிசு என சி.எஸ்.கே. வீடியோ வெளியிட்டுள்ளது.

ஐ.பி.எல். 2025 தொடருக்கான மெகா ஏலம் அடுத்த மாதம் நடைபெற இருக்கிறது. அதனால் அனைத்து அணிகளும் வீரர்களை விடுவிக்க வேண்டும். ஆறு வீரர்களை மட்டும் தக்கவைத்துக் கொள்ள முடியும். இதில் ஐந்து பேர் சர்வதேச போட்டிகளில் விளையாடிவர்களாக இருக்கலாம். ஒரு சர்வதேச போட்டிகளில் விளையாடாத Uncapped வீரராக இருக்க வேண்டும்.

நாளைக்குள் ஒவ்வொரு அணிகளும் தக்கவைத்துக் கொண்ட வீரர்கள் பட்டியலை சமர்பிக்க வேண்டும். சென்னை சூப்பர் கிங்ஸ் அணியில் டோனி விளையாடுவாரா? என்ற கேள்வி எழுந்து கொண்டே வந்தது. தான் இன்னும் சில காலம் விளையாட விரும்புகிறேன் என டோனி சில தினங்களுக்கு முன் நிகழ்ச்சில் ஒன்றில் பேசும்போது தெரிவித்திருந்தார். அவர் சர்வதேச கிரிக்கெட்டில் இருந்து ஓய்வு பெற்றதால் Uncapped வீரராக தக்க வைக்க சி.எஸ்.கே. ஏற்பாடு செய்துள்ளது.

அதேவேளையில் மற்ற ஐந்து பேர் யார் யாரெல்லாம் என்ற கேள்வி எழுந்து வருகிறது. கேப்டன் ருதுராஜ் கெய்க்வாட்டை தக்கவைத்து கொள்ளும். அவரை நீண்ட நாள் அடிப்படையில்தான் கடந்த வருடம் கேப்டனாக நியமித்தது.

யார்க்கரில் அசத்தும் இலங்கை வேகப்பந்து வீச்சாளர் பதிரனாவை தக்கவைத்துக் கொள்ள அதிக வாய்ப்பு உள்ளது. அதேபோல் ஜடேஜாவையும் தக்கவைத்துக் கொள்ளும். இதனால் டோனியுடன் நான்கு பேர் உறுதியாகிவிட்டது.

இன்னும் இரண்டு இடங்களுக்கு ஷிவம் துபே, கான்வே, ரச்சின் ரவீந்திரா, டேரில் மிட்செல் ஆகியோரில் இருவரை தக்க வைத்துக் கொள்ள வாய்ப்புள்ளது.

இதற்கிடையே தக்கவைத்துக் கொள்ளும் வீரர்கள் யார் தெரியுமா? என ரசிகர்களுக்கு சவால் விடும் வகையில் புதிர் ஒன்றை சென்னை சூப்பர் கிங்ஸ் அணி எமோஜி மூலம் வெளியிட்டுள்ளது.

இதற்கு இவர்களாக இருக்கலாம்... அவர்களாக இருக்கலாம்... என ரசிகர்கள் பதில் அளித்து வருகிறார். பெரும்பாலானோர் ருதுராஜ், ஜடேஜா, ஷிவம் துபே, ரச்சின் ரவீந்திரா, டோனி, பதிரனா என கருத்தில் பதிவிட்டு வருகின்றனர்.

சென்னை:

ஐ.பி.எல். மெகா ஏலம் நவம்பர் 24 மற்றும் 25 ஆகிய தேதிகளில் சவுதி அரேபியாவில் உள்ள ரியாத் நகரில் நடைபெற இருக்கிறது.

மெகா ஏலத்துக்காக முன்பாக ஒவ்வொரு அணியும் தங்களுக்கு தேவையான வீரர்களை தக்க வைத்துக் கொள்வதற்கான விதிமுறைகள் சமீபத்தில் அறிவிக்கப்பட்டது. அதன்படி ஒரு அணி அதிகபட்சமாக தங்களது அணியில் 6 வீரர்களை தக்க வைத்துக் கொள்ளலாம். தக்க வைக்கும் வீரர்களின் பட்டியலை சமர்ப்பிக்க வருகிற 31-ந் தேதி கடைசி நாளாகும்.

இதன் காரணமாக 31 -ந் தேதி மாலை 5 மணிக்குள் அனைத்து அணிகளும் தங்களது அணியில் தக்க வைக்கும் வீரர்களின் பட்டியலை வெளியிடும். அனைத்து அணிகளும் தங்களது அணியில் தக்க வைக்கும் வீரர்களின் பட்டியலை தயார்படுத்தி வருகின்றன.

சென்னை சூப்பர் கிங்ஸ் அணியை பொறுத்தவரையில் யார்-யார்? தக்க வைக்கப்படுவார்கள் என்ற எதிர்பார்ப்பு ரசிகர்கள் இடையே எழுந்துள்ளது. ஓய்வு முடிவை அறிவிக்க தயாராகியுள்ள டோனி 2025 ஐ.பி.எல். தொடரில் விளையாட வேண்டும் என்று ரசிகர்கள் பெரிதும் எதிர்பார்த்துள்ளனர். அவர் ஆடுவது குறித்து எந்த தகவல் அளிக்காத நிலையில் வருகிற 29 மற்றும் 30-ந் தேதிகளில் டோனியை சந்தித்து பேச சி.எஸ்.கே. நிர்வாகம் முடிவு செய்து உள்ளது.

இதற்கிடையே சி.எஸ்.கே. அணியில் தக்க வைக்கப்படும் வீரர்களின் பட்டியல் சமூக வலைதளங்களில் கசிந்துள்ளது. ஜடேஜா, ருதுராஜ் கெய்க்வாட், பதிரானா ஆகிய வரிசைகளில் 3 வீரர்களை தக்க வைக்க முடிவு செய்து உள்ளதாக தகவல் வெளியாகியுள்ளது.

மேலும், டோனியை உள்ளூர் வீரராக தக்க வைத்துக் கொள்ள இருப்பதாக கூறப்படுகிறது. இதன்மூலம், டோனி 2025 ஐ.பி.எல். தொடரில் விளையாடுவது உறுதியாகியுள்ளது.

சி.எஸ்.கே. தலைமை நிர்வாகி அதிகாரி கே.எஸ். விஸ்வநாதனும் இதை உறுதி செய்தார். அவர் கூறும் போது 'டோனி விளையாட தயாராக இருப்பது மகிழ்ச்சி அளிக்கிறது' என்றார்.

இது குறித்த அதிகாரப் பூர்வ அறிவிப்பு விரைவில் வெளியாகும். 

இந்திய கிரிக்கெட் அணியின் தலைசிறந்த கேப்டனாக திகழந்த எம்.எஸ். டோனி ஐ.பி.எல். கிரிக்கெட் தொடரில் சென்னை சூப்பர் கிங்ஸ் (சி.எஸ்.கே.) அணிக்காக விளையாடி வருகிறார். சி.எஸ்.கே. அணியின் பிராண்ட் ஆக எம்.எஸ்.டோனி மாறிவிட்டார் எனச் சொல்லலாம். அவரை காண்பதற்காகவே ரசிகர்கள் மைதானத்தில் குவிகிறார்கள்.

கடந்த ஐ.பி.எல். தொடர்தான் எம்.எஸ். டோனியின் கடைசி தொடராக இருக்கலாம் என கருதப்பட்டது. ஆனால் எம்.எஸ். டோனி மீண்டும் விளையாடுவார் என சி.எஸ்.கே. நிர்வாகம் நம்பிக்கை தெரிவித்துள்ளது. ஆனால் எம்.எஸ். டோனி அதிகாரப்பூர்வமாக அறிவிப்பு ஏதும் வெளியிடவில்லை.

2025 ஐ.பி.எல். தொடருக்கு முன் மெகா ஏலம் நடைபெற இருக்கிறது. இதனால் அனைத்து அணிகளும் குறிப்பிட்ட வீரர்களை தக்கவைத்துவிட்டு மற்ற வீரர்களை ரிலீஸ் செய்ய வேண்டும்.

இதனால் சி.எஸ்.கே. டோனியை ரிலீஸ் செய்துவிட்டு, uncapped வீரர் என்ற வகையில் 4 கோடி ரூபாய்க்கு தக்கவைத்து கொள்ள முடிவு செய்கிறது.

இது தொடர்பாக டோனியிடம் பேச சி.எஸ்.கே. நிர்வாகம் விரும்பியது தக்க வைத்துக் கொள்ளும் வீரர்களை பட்டியலை வருகிற 31-ந்தேதிக்குள் ஒவ்வொரு அணியும், ஐபிஎல் நிர்வாகத்திடம் ஒப்படைக்க வேண்டும்.

இதனால் டோனி என்ன மனநிலையில் இருக்கிறார் என்பதை தெரிந்து கொள்ள ஆலோசனை கூட்டம் நடத்த சி.எஸ்.கே. நிர்வாகம் விரும்பியது.

ஆனால் தன்னால் 28-ந்தேதி வரை ஆலோசனை கூட்டத்தில் கலந்த கொள்ள முடியாது என எம்.எஸ். டோனி தெரிவித்ததாக தகவல் வெளியாகியுள்ளது.

இதனால் டோனியின் முடிவை தெரிந்து கொள்ள சி.எஸ்.கே. நிர்வாகம் காலக்கெடுவான 31-ந்தேதிக்கு முன் 29 அல்லது 30-ந்தேதி வரை காத்திருக்க வேண்டியுள்ளது.

இது தொடர்பாக சி.எஸ்.கே. அணியின் சிஇஓ விஸ்வநாதன் கூறுகையில் "எம்.எஸ். டோனியிடம் இருந்து நாங்கள் எந்த தகவலையும் பெறவில்லை. இருந்தாலும் கூட சி.எஸ்.கே. அணிக்காக அவர் விளையாட வேண்டும் என நாங்கள் விரும்புகிறோம். 31-ந்தேதிக்கு முன்பாக அவர் உறுதிப்படுத்துவார் என்று நம்புகிறோம்" எனத் தெரிவித்துள்ளார்.

ஒவ்வொரு அணியும் ஆறு வீரர்களை ஏலத்திற்கு முன்னதாக தக்கவைத்துக் கொள்ள முடியும். எம்.எஸ். டோனி உறுதிப்படுத்தினால் 120 கோடி ரூபாயில் சி.எஸ்.கே. 4 கோடி ரூபாய் செலவழித்து டோனியை தக்கவைத்துக் கொள்ள முடியும்.

இந்திய அணியில் இருந்து கடந்த 2020-ம் ஆண்டு ஓய்வு பெற்றபின், ஐ.பி.எல். தொடரை தவிர மற்ற எந்த தொடர்களிலும் எம்.எஸ். டோனி விளையாடவில்லை. கடந்த முறை பினிஷராக களம் இறங்கி 161 ரன்கள் அடித்தார். ஆனால் ஸ்டிரைக் 220 ஆகும். கடைசி நேரத்தில் சிக்சர்கள் அடித்து ரசிகர்களுக்கு விருந்தளித்தார்.

ஐபிஎல் 2025-ம் ஆண்டு சீசனுக்கான மெகா ஏலம் வரும் டிசம்பர் மாதம் நடைபெறவுள்ளது.

இந்நிலையில், வரும் மெகா ஏலத்திற்கு முன்பு எத்தனை வீரர்களை தக்க வைத்து கொள்ளலாம், எத்தனை ஆர்டிஎம் கார்டுகளை வழங்கலாம் என்பது குறித்து பிசிசிஐ ஆலோசனைக் கூட்டம் அண்மையில் நடந்தது.

அக்கூட்டத்தில் எடுக்கப்பட்ட முடிவுகளை பிசிசிஐ தற்போது வெளியிட்டுள்ளது.

வரும் ஐபிஎல் தொடரில் ஒவ்வொரு அணியும் 6 வீரர்கள் வரை தக்க வைத்து கொள்ளலாம். சர்வதேச போட்டிகளில் விளையாடியவர்களில் அதிகபட்சம் 5 பேரையும், உள்நாட்டு போட்டிகளில் மட்டுமே விளையாடியுள்ள UNCAPPED வீரர்களில் அதிகபட்சம் 2 பேரையும் தக்க வைக்கலாம். இதனை குறிப்பிட்ட தொகைக்கு தக்க வைக்கும் RETENTION எனும் முறையிலும், வீரர்களை விடுவித்துவிட்டு அவர்கள் ஏலம் போகும் தொகையை கொடுத்து திரும்பி பெற்றுக்கொள்ளும் RTM எனும் முறையிலும் தக்க வைக்கலாம்.

ஐபிஎல் தொடர் துவங்குவதற்கு முந்தைய 5 ஆண்டுகளில் சர்வதேச போட்டிகளில் விளையாடாத இந்திய வீரர் uncapped வீரராக அறிவிக்கப்படுவார்.

வரும் ஐபிஎல் மெகா ஏலத்தில் வீரர்களை ஏலம் எடுப்பதற்கான மொத்த தொகையாக ஒவ்வொரு அணிக்கும் 120 கோடி ரூபாய் நிர்ணயிக்கப்பட்டுள்ளது.

அணியில் தக்க வைக்கப்படும் முதல் 3 வீரர்களுக்கு முறையே ரூ.18 கோடி, ரூ.14 கோடி மற்றும் ரூ.11 கோடிசம்பளமாக வழங்கப்படும்.

அணியில் தக்கவைக்கப்படும் அடுத்த 2 வீரர்களுக்கு முறையே ரூ.18 கோடி, ரூ.14 கோடி சம்பளமாக வழங்கப்படும். அணியில் தக்கவைக்கப்படும் uncapped வீரருக்கு 4 கோடி சம்பளமாக வழங்கப்படும்.

ஒரு அணி 5 சர்வதேச வீரர்கள் மற்றும் 1 uncapped வீரரை தக்க வைக்கிறது எனில் இதற்கே 79 கோடியை செலவு செய்யவேண்டும். அதன்படி 120 கோடியில் 79 கோடி போக மீதமுள்ள 41 கோடியை தான் ஏலத்தில் அந்த அணியால் செலவு செய்யமுடியும்.

வரும் ஐபிஎல் தொடரில் uncapped வீரராக எம்.எஸ்.டோனியை சென்னை சூப்பர் கிங்ஸ் அணி தக்க வைக்கும் என்று சொல்லப்படுகிறது. அவ்வாறு தக்கவைக்கப்பட்டால் டோனிக்கு 4 கோடி ரூபாய் சம்பளம் வழங்கப்படும். தற்போது 12 கோடி ரூபாய் சம்பளம் பெறும் டோனி இதனால் தனது சம்பளத்தில் 8 கோடியை இழப்பார் என்பது குறிப்பிடத்தக்கது. 

ஐபிஎல் 2025-ம் ஆண்டு சீசனுக்கான மெகா ஏலம் வரும் டிசம்பர் மாதம் நடைபெறவுள்ளது.

இந்நிலையில், வரும் மெகா ஏலத்திற்கு முன்பு எத்தனை வீரர்களை தக்க வைத்து கொள்ளலாம், எத்தனை ஆர்டிஎம் கார்டுகளை வழங்கலாம் என்பது குறித்து பிசிசிஐ ஆலோசனைக் கூட்டம் அண்மையில் நடந்தது.

அக்கூட்டத்தில் எடுக்கப்பட்ட முடிவுகளை பிசிசிஐ தற்போது வெளியிட்டுள்ளது.

வரும் ஐபிஎல் தொடரில் ஒவ்வொரு அணியும் 6 வீரர்கள் வரை தக்க வைத்து கொள்ளலாம். சர்வதேச போட்டிகளில் விளையாடியவர்களில் அதிகபட்சம் 5 பேரையும், உள்நாட்டு போட்டிகளில் மட்டுமே விளையாடியுள்ள UNCAPPED வீரர்களில் அதிகபட்சம் 2 பேரையும் தக்க வைக்கலாம். இதனை குறிப்பிட்ட தொகைக்கு தக்க வைக்கும் RETENTION எனும் முறையிலும், வீரர்களை விடுவித்துவிட்டு அவர்கள் ஏலம் போகும் தொகையை கொடுத்து திரும்பி பெற்றுக்கொள்ளும் RTM எனும் முறையிலும் தக்க வைக்கலாம்.

ஐபிஎல் தொடர் துவங்குவதற்கு முந்தைய 5 ஆண்டுகளில் சர்வதேச போட்டிகளில் விளையாடாத இந்திய வீரர் uncapped வீரராக அறிவிக்கப்படுவார் என்று பிசிசிஐ அறிவித்துள்ளது.

இதன்மூலம் uncapped வீரராக எம்.எஸ்.டோனியை சென்னை சூப்பர் கிங்ஸ் அணி தக்க வைக்கலாம். எம்.எஸ்.டோனிக்காகவே இந்த விதிமுறை மீண்டும் கொண்டுவரப்பட்டுள்ளது என்று சொல்லப்படுகிறது.

சர்வதேச கிரிக்கெட்டில் இருந்து ஓய்வு பெற்று 5 ஆண்டுகள் ஆன வீரரை அன் கேப்ட் பிளேயர் ஆக அணியில் தக்க வைக்கலாம் என்ற விதிமுறை 2021 வரை IPLல் இருந்து வந்தது குறிப்பிடத்தக்கது.

இந்தியாவில் இன்று தேசிய மகள்கள் தினம் கொண்டாடப்படுகிறது.

இந்திய குடும்பங்களில் மகன்களுக்கே முன்னுரிமை கொடுக்கப்படும் நிலையில், மகள்களை கொண்டாடும் விதமாக செப்டம்பர் மாதம் 22 ஆம் தேதி மகள்கள் தினம் கொண்டாடப்படுகிறது.

இந்நிலையில் மகள்கள் தினத்தை முன்னிட்டு சென்னை சூப்பர் கிங்ஸ் அணியின் வீரர்கள் தங்கள் மகள்களுடன் இருக்கும் புகைப்படத்தை சிஎஸ்கே அணி தனது எக்ஸ் பக்கத்தில் வெளியிட்டு வாழ்த்து தெரிவித்துள்ளது.

அந்த பதிவில், நம் வாழ்க்கையை மகிழ்ச்சி மற்றும் அன்பினால் நிரப்பும் மகள்களை கொண்டாடும் மகள்கள் தினத்திற்கு வாழ்த்துக்கள்" என்று பதிவிடப்பட்டுள்ளது.