ஜெய்ப்பூர்:
ஜெய்ப்பூரை சேர்ந்த வியாபாரியான ராகுல் தனேஜா தான் விரும்பிய ஃபேன்ஸி நம்பரை பெற ரூ.16 லட்சம் கொடுத்திருக்கிறார்.
வியாபாரியான இவர் தனது புத்தம் புதிய ஜாகுவார் XJ L காருக்கான ஃபேன்ஸி நம்பரை வாங்க ரூ.16 லட்சம் செலவிட்டிருக்கிறார். இந்தியாவில் ரூ.1.5 கோடி மதிப்புள்ள ஜாகுவார் காருக்கான ஃபேன்ஸி நம்பரை வாங்க இவர் 1.5 மாதங்கள் காத்திருந்ததாக தெரிவித்தார்.
மார்ச் 25-ம் தேதி புதிய ஜாகுவார் காரை வாங்கிய ராகுல் ராஜஸ்தானில் ஃபேன்ஸி நம்பருக்காக அதிகம் செலவிட்டவர்களில் முதலிடத்தில் இருக்கிறார். 37 வயதான ராகுல் தனேஜா நிகழ்ச்சி ஏற்பாடு செய்யும் வியாபாரம் செய்து வருகிறார். புதிய ஜாகுவார் காருக்கு 1 என்ற எண் பெற முடிவு செய்த ராகுல் தான் எல்லாவற்றிலும் முதலிடத்தில் இருக்க வேண்டும் என விரும்புவதாக தெரிவித்தார்.
1996-ம் ஆண்டு ராகுல் வாங்கிய முதல் ஸ்கூட்டர் ‘RJ 14 23M 2323' என்ற பதிவு எண் கொண்டிருந்தது. அன்று முதல் இன்று வரை இவர் பயன்படுத்தும் அனைத்து வாகனங்களின் எண் 1 ஆக இருக்க வேண்டும் என முடிவு செய்தார். "நான் செய்யும் அனைத்திலும் முதலிடத்தில் இருக்க விரும்புகிறேன். எனது நிறுவனமும் இந்தியாவில் முதலிடத்திற்கு கொண்டு வருவேன்." என அவர் தெரிவித்தார்.
புத்தம் புதிய ஜாகுவார் தவிர தனேஜாவிடம் பிஎம்டபுள்யூ 5-சீரிஸ் கார் ஒன்றும் இருந்தது. இந்த காரின் எண் RJ 14 CP 0001 பதிவு எண் கொண்டுள்ளது. இதற்கும் தனேஜா ரூ.10.31 லட்சம் செலவிட்டிருக்கிறார். இதன்பின் தனேஜா பிஎம்டபுள்யூ 7-சீரிஸ் மாடலுக்கு அப்டேட் செய்து கொண்டு பழைய நம்பரை பெற்று கொண்டார்.
இத்துடன் RJ 20 CB 0001 என்ற பதிவு கொண்ட ஒற்றை காரணத்திற்காக ஸ்கோடா லாரா மாடலை இவர் வாங்கியதாக தெரிவித்துள்ளார். தனது 18 வயது வரை பல்வேறு பொருட்களை விற்பனை செய்து வந்த நிலையில், பின் மாடலிங் செய்ய துவங்கி அத்துறையில் வெற்றி பெற்று வாழ்க்கையில் முன்னேற்றம் கண்டிருக்கிறார்.
இது குறித்து அவர் கூறும் போது "என் வாழ்க்கையில் நான் பல கஷ்டங்களை சந்தித்துள்ளேன் - இன்று என்னிடம் பணம் இருக்கிறது, இதை கொண்டாட விரும்புகிறேன்." என தெரிவித்துள்ளார்.
