நீங்கள் தேடியது "gas agency worker"

மத்திய பிரதேசம் மாநிலத்தில் தான் வாங்கிய சிலிண்டரின் விலையை விட ரூ.1.50 அதிகமாக பெற்ற கேஸ் ஏஜென்சி மீது வழக்கு தொடர்ந்த சக்ரேஷ் ஜெய்ன் என்பவர் இழப்பீடாக ரூ.4,000 பெற்றுள்ளார்.

2017 ஆம் ஆண்டு நவம்பர் 17 அன்று பாரத் கேஸ் ஏஜென்சியிடம் இருந்து சக்ரேஷ் ஜெய்ன் கேஸ் சிலிண்டர் வாங்கியுள்ளார். அப்போது அவருக்கு 753.50 ரூபாய்க்கு பில் தரப்பட்டுள்ளது. ஆனால் சிலிண்டரை டெலிவரி செய்தவர் அவரிடமிருந்து 755 ரூபாய் வசூலித்துள்ளார். மீதம் 1.50 ரூபாயை சக்ரேஷ் கேட்டபோது அந்த பணத்தை கேஸ் ஏஜென்சியிடம் வாங்கி கொள்ளுமாறு கூறியுள்ளார்.

இதனையடுத்து உடனடியாக தேசிய நுகர்வோர் தீர்ப்பாயத்திடம் இது தொடர்பாக அவர் வழக்கு தொடர்ந்தார்.

7 ஆண்டுகள் நடைபெற்ற இந்த வழக்கில் தற்போது தீர்ப்பு வழங்கப்பட்டுள்ளது. அதில், மனுதாரருக்கு 4000 ரூபாய் இழப்பீடு வழங்கவேண்டும் என்றும் இது மட்டுமன்றி சக்ரேஷிடம் பெற்ற ரூ1.50யை ஆண்டுக்கு 6% வட்டியுடன் சேர்த்து வழங்குமாறும் உத்தரவு பிறப்பிக்கப்பட்டுள்ளது.

'இது வெறும் 1.50 ரூபாய்க்காக தொடரப்பட்ட வழக்கு அல்ல. எங்களது உரிமை மற்றும் சுயமரியாதைக்கான போராட்டம் இது' என்று வழக்கில் வெற்றி பெற்ற சக்ரேஷ் தெரிவித்தார்.

விருதுநகர்:

விருதுநகர் கணேஷ் நகரைச் சேர்ந்தவர் ராமச்சந்திரன் (வயது 50). இவர் சிவகாசி சாலையில் உள்ள கியாஸ் ஏஜென்சி நிறுவனத்தில் வேலை பார்த்து வருகிறார்.

நேற்று இரவு வசூல் பணம் ரூ.6 லட்சத்தை எடுத்துக் கொண்டு ராமச்சந்திரன் மோட்டார் சைக்கிளில் வீட்டுக்கு புறப்பட்டார்.

வீட்டுக்கு சென்றதும் மோட்டார் சைக்கிளின் பெட்டியை திறந்தபோது, அதில் வைத்திருந்த பணப்பை மாயமாகி இருந்தது. இதனால் அதிர்ச்சியடைந்த அவர், விருதுநகர் பஜார் போலீசில் புகார் செய்தார். நிறுவனத்தில் இருந்து கிளம்பிய நான், சேதப்பட்டு திடல் பகுதியில் வாகனத்தை நிறுத்தி சில பொருட்கள் வாங்கிவிட்டு திரும்பியதாகவும் புகாரில் குறிப்பிட்டு இருந்தார். அதன் அடிப்படையில் போலீசார் விசாரணை நடத்தி வருகின்றனர்.

இதேபோல் விருதுநகர் மருதநத்தம் பகுதியைச் சேர்ந்தவர் நாகஜோதி (37). இவர், தனது மாமியார் வீடு சென்று ரூ.50 ஆயிரம் வாங்கிக் கொண்டு வீடு திரும்பிக் கொண்டிருந்தார்.

அப்போது மோட்டார் சைக்கிளில் வந்த ஒரு வாலிபர் தான் வைத்திருந்த பணப்பையை பறித்துச் சென்று விட்டதாக ஆமத்தூர் போலீசில் நாகஜோதி புகார் செய்தார். போலீசார் வழக்குப் பதிவு செய்து விசாரணை நடத்தி வருகின்றனர்.