நீங்கள் தேடியது "Gujarat Elections 2022"

புதுடெல்லி:

குஜராத் மாநிலத்தில் டிசம்பர் மாதம் 1 மற்றும் 5-ம் தேதி என இரு கட்டங்களாக சட்டசபைத் தேர்தல் நடத்தப்படுகிறது. 8-ம் தேதி வாக்குகள் எண்ணப்படுகின்றன. தேர்தல் தேதியை அறிவித்ததும் அரசியல் கட்சியினர் உற்சாகமடைந்து உள்ளனர்.

ஆம் ஆத்மி கட்சியின் முதல் மந்திரி வேட்பாளராக இசுதன் காத்வி அறிவிக்கப்பட்டுள்ளார். கட்சி சார்பில் நடத்தப்பட்ட சர்வேயின் அடிப்படையில் இவர் தேர்ந்தெடுக்கப்பட்டுள்ளார் என அக்கட்சி தெரிவித்துள்ளது.

இந்நிலையில், குஜராத் மாநில தேர்தலில் போட்டியிடும் 43 பேர் கொண்ட முதல்கட்ட வேட்பாளர் பட்டியலை காங்கிரஸ் கட்சி இன்று வெளியிட்டுள்ளது.

பிரதமர் நரேந்திர மோடியின் சொந்த மாநிலம் குஜராத் என்பது குறிப்பிடத்தக்கது.

புதுடெல்லி:

பா.ஜ.க. ஆட்சி நடைபெற்று வரும் குஜராத்தில் டிசம்பர் 1 மற்றும் 5-ம் தேதிகளில் சட்டசபைத் தேர்தல் நடைபெறுகிறது.

27 ஆண்டு காலம் ஆட்சியில் இருக்கும் பா.ஜ.க.வை வீழ்த்த காங்கிரஸ், ஆம் ஆத்மி உள்ளிட்ட கட்சிகள் அனல் பறக்கும் பிரசாரத்தில் ஈடுபட்டு வருகின்றன.

இதற்கிடையே, தேர்தலில் போட்டியிடும் வேட்பாளர்களின் பட்டியலை அரசியல் கட்சிகள் வெளியிட்டு வருகின்றன.

இந்நிலையில், காங்கிரஸ் சார்பில் குஜராத் சட்டசபைத் தேர்தலில் போட்டியிடும் நட்சத்திர பேச்சாளர்கள் பட்டியல் வெளியிடப்பட்டுள்ளது. இதில், காங்கிரஸ் தலைவர் மல்லிகார்ஜுன கார்கே, முன்னாள் தலைவர்கள் சோனியா காந்தி, ராகுல் காந்தி, பிரியங்கா காந்தி வதோரா, ராஜஸ்தான் முதல் மந்திரி அசோக் கெலாட், சத்தீஸ்கர் முதல்வர் பூபேஷ் பாகெல், சச்சின் பைலட் உள்பட பலரது பெயர்கள் இடம்பெற்றுள்ளன