நீங்கள் தேடியது "India army"

வங்காளதேசத்தில் ஏற்பட்ட வன்முறையால் அங்கு உள்ள இந்தியர்கள் பாதுகாப்பாக இருக்கும்படி மத்திய அரசு அறிவுறுத்தி உள்ளது.

மேலும் வங்காளதேசத்தில் இருந்து இந்தியர்களை மீட்டு கொண்டு வர நடவடிக்கைகள் எடுக்கப்பட்டன.

இந்த நிலையில் ஏர் இந்தியா சிறப்பு விமானம் நேற்று இரவு வங்காளதேச தலைநகர் டாக்காவுக்கு சென்றடைந்தது. அங்கிருந்து 6 குழந்தைகள் உள்பட 205 இந்தியர்களுடன் புறப்பட்ட சிறப்பு விமானம் இன்று காலை டெல்லி வந்தடைந்தது.

இந்த நிலையில் டெல்லியில் இருந்து டாக்காவிற்கு இயக்கப்படும் 2 விமானங்களைத் தவிர, இந்திய குடிமக்களை அழைத்து வர ஏர் இந்தியா சிறப்பு விமானங்களையும் இயக்கலாம் என்று தெரிகிறது.

இதேபோல் விஸ்தாரா, இண்டிகோ ஆகிய விமான நிறுவனங்களும் தங்களது விமான சேவையை மீண்டும் வங்காளதேசத்துக்கு இயக்க தொடங்கி உள்ளன.

விஸ்தாரா நிறுவனம் மும்பையில் இருந்து தினசரி விமானங்களையும், டெல்லியில் இருந்து டாக்காவிற்கு மூன்று வாராந்திர சேவைகளையும் இயக்குகிறது. இண்டிகோ நிறுவனம் டெல்லி, மும்பை மற்றும் சென்னையில் இருந்து டாக்காவிற்கு தினமும் ஒரு விமானத்தையும், கொல்கத்தாவில் இருந்து வங்காளதேச தலைநகருக்கு தினமும் இரண்டு சேவைகளையும் இயக்குகிறது.

மாலத்தீவில் உள்ள விமானப்படை தளங்களை இந்திய ராணுவம் பயன்படுத்தி வந்தது. மனிதாபிமான அடிப்படையிலான உதவி, மருத்துவ பொருட்கள் தொடர்பான உதவி ஆகியவற்றிற்காக பயன்படுத்தி வந்தது.

புதிதாக பதவி ஏற்ற மாலத்தீவு அதிபர் முகமது முய்சு, மாலத்தீவில் இருந்து இந்திய ராணுவம் வெளியேற்றப்படும் எனத் தெரிவித்தார். இது தொடர்பான இரு நாடுகளுக்கு இடையிலான ஒப்பந்தம் நீட்டிக்கப்படாது எனவும் தெரிவிக்கப்பட்டது.

இது தொடர்பாக இருதரப்பு அதிகாரிகளும் பேச்சுவார்த்தை நடத்தினர். அப்போது மார்ச் 10-ந்தேதி மூன்று தளங்களில் ஒன்றில் இருந்து இந்திய ராணுவம் வெளியேறும். மே 10-ந்தேதி மேலும் இரண்டு தளங்கள் என முற்றிலுமாக இந்திய ராணுவம் வெளியேறும் எனத் தெரிவிக்கப்பட்டது.

இந்த நிலையில் இன்று மாலத்தீவு பாராளுமன்றம் கூடியது. அப்போது பாராளுமன்றத்தில் பேசிய மகமது முய்சு "எந்தவொரு நாடும் எங்களது நாட்டின் இறையாண்மையில் தலையிடுவது அல்லது குறைந்து மதிப்பிடுவதற்கு அனுமதிக்கமாட்டோம். இந்திய ராணுவம் வெளியேறும்" என்றார்.

87 இடங்களை கொண்டிருக்கும் இரண்டு முக்கிய எதிர்க்கட்சிகளான எதிர்க்கட்சிகளான எம்.டி.பி. (43), ஜனநாயக கட்சி (13) எம்.பி.க்கள் முகமது முய்சுவின் பேச்சை புறக்கணித்தனர். நிர்வாகப் பதவியை பெறுவதற்கான ஏழு எம்.பி.க்கள் தங்களது பதவியை ராஜினாமா செய்துள்ளனர். 80 எம்.பி.க்களை கொண்ட பாராளுமன்றத்தில் 24 எம்.பி.க்கள் முன்னிலையில்தான் முகமது முய்சு உரையாற்றினார் என்பது குறிப்பிடத்தக்கது.

புதுடெல்லி:

பயங்கரவாதிகளுக்கு ஆயுதப் பயிற்சி கொடுத்து, இந்தியாவுக்குள் ஊடுருவ செய்து நாசவேலை செய்யும் கோழைத்தனமான செயலை அடிக்கடி பாகிஸ்தான் ராணுவம் செய்து வருகிறது.

அதோடு எல்லையில் ஊடுருவி வந்து நமது வீரர்கள் மீது திடீர் தாக்குதல்களையும் பாகிஸ்தான் ராணுவம் நடத்துகிறது.

கடந்த 2016-ம் ஆண்டு பாகிஸ்தான் ராணுவத்தின் அட்டூழியம் எல்லை மீறி சென்றது. இதையடுத்து 2016-ம் ஆண்டு செப்டம்பர் மாதம் இந்திய விமானப்படை ஆக்கிரமிப்பு காஷ்மீரில் உள்ள பகுதிகளுக்கு சென்று அதிரடியாக துல்லிய தாக்குதலை நடத்தியது.

அந்த துல்லிய தாக்குதலில் ஏராளமான பாகிஸ்தான் பயங்கரவாதிகள் கொன்று குவிக்கப்பட்டனர். அதோடு பயங்கரவாதிகள் ஆயுதப் பயிற்சி பெற்ற முகாம்களும் குண்டு வீசி தகர்க்கப்பட்டன. பாகிஸ்தான் பயங்கரவாதிகளுக்கு இந்த துல்லிய தாக்குதல் மிகப்பெரும் இழப்புகளை ஏற்படுத்தி இருந்தது.

இந்திய விமானப்படை தக்க பாடம் கொடுத்ததால் பாகிஸ்தான் ராணுவமும், பயங்கரவாதிகளும் கடும் அதிர்ச்சி அடைந்தனர். இதையடுத்து பாகிஸ்தான் ராணுவம் எல்லையில் அத்து மீறலை நிறுத்தியது. பயங்கரவாதிகளும் வாலை சுருட்டி வைத்திருந்தனர்.

ஆனால் கடந்த சில மாதங்களாக எல்லையில் பாகிஸ்தான் ராணுவ வீரர்களும் பயங்கரவாதிகளும் எல்லை மீறி நடந்து வருகிறார்கள். கடந்த 23-ந்தேதி காஷ்மீரின் எல்லையோர பகுதிகளான பூஞ்ச் மற்றும் ஜலாலாவில் பாகிஸ்தான் ராணுவ வீரர்கள் அத்துமீறி நமது எல்லைக்குள் வந்து தாக்குதல் நடத்தினார்கள்.

பாகிஸ்தான் ராணுவம் எல்லை மீறுவதை நிறுத்தாவிட்டால் கடும் விளைவுகளை சந்திக்க நேரிடும் என்று இந்திய விமானப்படை எச்சரித்து வந்தது. இந்த நிலையில் பாகிஸ்தானுக்கு மீண்டும் பாடம் புகட்டும் இந்திய விமானப்படை “மினி சர்ஜிக்கல்” எனப்படும் சிறிய துல்லிய தாக்குதலை நடத்தியுள்ளது.

பாகிஸ்தான் ஆக்கிரமிப்பு காஷ்மீர் பகுதியில் பாகிஸ்தான் ராணுவத்தின் நிர்வாக தலைமையகம் உள்ளது. அந்த ராணுவ தலைமையகம் மீது இந்திய விமானப் படை விமானங்கள் குண்டு மழை பொழிந்து துல்லிய தாக்குதலை மேற்கொண்டன.

பூஞ்ச் மற்றும் ஜலாலாவில் பாகிஸ்தான் ராணுவம் நடத்திய தாக்குதலுக்கு பதிலடி கொடுக்கும் வகையில் இந்த சர்ஜிக்கல் தாக்குதல் நடத்தப்பட்டதாக அறிவிக்கப்பட்டுள்ளது.

கடந்த 2016-ம் ஆண்டு இந்திய விமானப்படை துல்லிய தாக்குதல் நடத்திய போது, உடனடியாக அது தொடர்பான படங்கள், வீடியோ காட்சிகள் எதுவும் வெளியிடப்படவில்லை.

ஆனால் இந்த தடவை மினி சர்ஜிக்கல் தாக்குதல் வீடியோ பதிவு வெளியிடப்பட்டுள்ளது. ஏ.என்.ஐ. செய்தி நிறுவனம் அந்த தாக்குதல் வீடியோ பதிவை வெளியிட்டுள்ளது.

அதில் இந்திய விமானப் படை தாக்குதல் நடத்துவதும் மற்றும் பாகிஸ்தான் ராணுவ தலைமையகம் குண்டு வீச்சுக்குள்ளாவதும் தெரிகிறது. மேலும் குண்டு மழை பொழியப்பட்ட இடத்தில் இருந்து வெண்புகை பல மீட்டர் உயரத்துக்கு கிளம்பி இருக்கும் காட்சிகளும் இடம் பெற்றுள்ளன.

இந்த சர்ஜிக்கல் தாக்குதலின் போது பொதுமக்கள் பாதிக்கப்பட கூடாது என்பதில் இந்திய விமானப்படை மிகவும் கவனமாக இருந்தது. மக்கள் வசிக்கும் பகுதிகளில் குண்டுகள் வீசப்படவில்லை. குராட்டா மற்றும் சமணி ஆகிய 2 இடங்களில் மட்டுமே சர்ஜிக்கல் தாக்குதல் நடத்தப்பட்டுள்ளது.

இந்த பகுதிகளில் இருந்து புகை எழுந்ததை இந்திய எல்லையோர கிராம மக்கள் பார்க்க முடிந்தது. இதைத் தொடர்ந்து எல்லையோர கிராமங்களில் பீதி ஏற்பட்டுள்ளது. இதன் காரணமாக எல்லையில் ராணுவ பாதுகாப்பும் கண்காணிப்பும் அதிகரிக்கப்பட்டுள்ளது.

இந்திய விமானப்படை நடத்தியுள்ள மினி சர்ஜிக்கல் தாக்குதலில் பாகிஸ்தான் ராணுவ நிர்வாக தலைமையகத்துக்கு கடும் சேதம் ஏற்பட்டுள்ளதாக கூறப்படுகிறது. அந்த சேத முழு விவரங்கள் இன்னும் வெளியிடப்படவில்லை. #JammuKashmir